Sot janë mbledhur ministrat e Bujqësisë të 27 vendeve të Bashkimit Europian për diskutime dhe zgjidhjen e kërkesave të fermerëve. Rreth 300 traktorë janë rreshtuar në qendër të qytetit dhe Rue de la Loi është bllokuar.

Nën tingujt e muzikës dhe parullave, fermerët ngritën barrikada të bëra me pleh organik dhe goma. Policia tentoi të bllokonte kalimin e protestuesve me të paktën tre topa uji, por ata thyen kangjellat dhe iu afruan ndërtesës ku do të mblidhen ministrat e Bujqësisë.

https://www.youtube.com/watch?v=X2smQVVmw1U

Nuk kanë kaluar as një muaj pas mobilizimit “historik” bujqësor në kryeqytetin belg më 1 shkurt, kur më shumë se 1300 traktorë mbushën rrugën dhe sot fermerët janë duke shprehur tensionin e tyre për shkak të shpërfilljes së kërkesve prej kaq kohësh.

Federata e Fermerëve të Rinj në një deklaratë për shtyp, shprehu keqardhjen që “asnjë përgjigje strukturore e mbështetur nga federata nuk u vendos në axhendën e Këshillit të Bujqësisë të kësaj të hëne”.

“Europa duhet të mbrojë më mirë bujqësinë e saj, veçanërisht në kontekstin e marrëveshjeve të tregtisë së lirë. Europa duhet të ketë gjithashtu mjetet për të përmbushur ambiciet e saj duke i siguruar Politikës së Përbashkët Bujqësore (CAP) një buxhet të mjaftueshëm për t’i lejuar fermerët të fitojnë të ardhura për përpjekjet e shumta që bëjnë për të mbrojtur mjedisin” shton federata.

The post VIDEO/ Traktorët bllokojnë Brukselin, situata bën bashkë 27 ministrat e Bujqësisë të vendeve të BE- së appeared first on Albeu.com.

Traktoristët e parë kanë mbërritur në sheshin e Parlamentit në Athinë. Pritet të mbërrijnë rreth 180 traktorë dhe 40 autobusë me fermerë. Shumë rrugë kryesore do të bllokohen gjithashtu.

Policia ka njoftuar qytetarët të marrin masa dhe të mos shkojnë në sheshin kryesor, pasi priten protesta masive gjatë orëve të ardhshëm. Protesta do të zgjasë deri nesër gjatë orëve të paradites.

Fermerët janë nisur nga gjithë zonat e Greqisë pasi siç kanë deklaruar qeveria dhe kryeministri Mitsotakis nuk kanë dhënë zgjidhje për kërkesat e tyre. Me ta do të bashkohen edhe sindikata, studentë, organizata rinore të partive opozitare dhe pensionistët, të cilët kanë deklaruar solidaritetin e tyre ndaj kërkesave të fermerëve.

Autokolonat e traktorëve që vlerësohet se do të jenë më shumë se 200. Në protestë pritet të marrin pjesë mbi 3000 fermerë. Nga ana e saj qeveria greke megjithëse deklaron se ndodhet pranë problemeve të tyre deklaron se kushtet ekonomike nuk e lejojnë që të plotësojë kërkesat e tyre.

The post Mbërrijnë traktorët e parë në rrugët e Athinës, priten protesta masive kundër qeverisë appeared first on Albeu.com.

Tomasz Obszanski, kreu i sindikatës së fermerëve tha se gjendja ka ardhur ku nuk tolerohet më pasi fermerët nuk kanë më para për të punuar e mbijetuar.

“Nëse BE nuk bën asgjë atëherë duhet të flasim hapur për dalje nga Bashkimi Evropian sepse ne jemi një vend i vetëmjaftueshëm, të aftë për të prodhuar ushqim të cilësisë më të mirë”.

Teksa traktorët ishin ndaluar në një gjatësi prej rreth 2 kam nga pika kufitare, fermerët thonin se prodhimi i tyre nuk arrin të shitet prej politikave të importeve të lira nga Ukraina.

Fermeri Damian Rakowiecki gjithashtu tha për rrjetin AFP se cilësia e produkteve të importit nuk justifikon politikat e imponuara nga qeveria.

“Shikoni çfarë ndodhi me misrin ukrainas vitin e kaluar. Tonelata misër prisnin në vagona dhe u prishën, ne e njohim cilësinë e atij produkti. A duam të ushqejmë fëmijët me të, a duam të shesim produkte të prodhuara nga ai misër?”, tha Rakoviecki.

Fermerët polakë bënin gjithashtu thirrje për largim të komisionierit të BE për bujqësinë, polakut Janusz Wojciechowski.

Zhvillimi vjen teksa fermerët në Francë, Belgjikë, Portugali, Greqi, Spanjë e Gjermani kanë protestuar kundër udhëzimeve të BE të kufizimit të subvencioneve dhe të prodhimit bujqësor, duke rritur kostot vendase dhe favorizuar importet e lira të produkteve.

The post Fermerët polakë bllokojnë me traktorë kalimin kufitar me Ukrainën appeared first on Albeu.com.

Sipas ANWB, trafiku në autostradën A2 është ndërprerë në drejtim të Mastrihtit drejt Lièges.

#BREAKING Dutch farmers block the border between the Netherlands and Belgium in both directions of traffic on the highway in Maastricht. pic.twitter.com/w0ETgcP6PT

— The National Independent (@NationalIndNews) February 5, 2024

Mediat holandeze transmetojnë pamjet e dhjetëra traktorëve që bllokojnë pikën kufitare.

Të premten, fermerët holandezë dhe belgë bllokuan pikat kufitare në anën perëndimore të kufirit, më afër Antwerpen.

Javët e fundit, fermerët në vende të ndryshme evropiane kanë protestuar për çmimet e ulëta për prodhimet e tyre, kostot në rritje, importet e lira dhe kufizimet e vendosura nga BE për të luftuar ndryshimet klimatike./albeu.com

The post Vazhdojnë protestat në Evropë, fermerët bllokojnë kufirin holandez-belg (VIDEO) appeared first on Albeu.com.