Aktualisht ata kanë mbi 300 ha, nga të cilat 170 ha i kanë në pronësi, ndërsa pjesën tjetër e marrin me qira. Flamuri, më i madhi prej tyre, thotë se ka më shumë se 40 vite në traktor.
“Kemi probleme nga më të ndryshmet, merremi kryesisht me grurë, misër, jonxhë e fasule”, u shpreh fermeri, Flamur Balla.

Asnjëri prej 3 vëllezërve nuk e ka parë si mundësi emigrimin, por kanë zgjedhur të ndërtojnë të ardhmen mbi tokën e të parëve. Në disa periudha bujqësia për ta ka gjeneruar të ardhura të konsiderueshme, të cilat i kanë riinvestuar në blerjen e makinerive të ndryshme. Problemi është se ata po përballen me mungesë të fuqisë punëtore.
“Është e vështirë me gjetur punëtorë, ja ku janë makineritë, por nuk vjen njeri të punojë”, u shpreh fermeri, Flamur Balla.
Përmbytjet e janarit 2026 u shkaktuan një dëm të konsiderueshëm. Ata kishin mbjellë rreth 100 ha me grurë, por 60 prej tyre i mori Erzeni… Kjo është ajo që ka mbetur pas.
“Erdhën, i panë, i bënë dokumentet, matjet, por ende nuk kemi marrë asgjë… Të shpresojmë”, u shpreh fermeri Flor Balla.
Vëllezërit Balla thonë se rrallë kanë aplikuar për të përfituar nga skemat mbështetëse, për shkak të kufizimeve që ato kanë. Mungesa e dokumentacioneve bën që shpeshherë të aplikojnë të zotët e tokës për skemë, dhe jo fermerët që e kanë me qira dhe e mbjellin.
“Nuk e besoj se do të aplikojmë, kanë shumë dokumentacione. Më shumë humbim kohë, ndërkohë bujqësia nuk ka kohë për të humbur”, u shpreh fermeri Flor Balla.
Këta fermerë që kultivojnë grurë, një produkt që paradoksalisht ne e marrim me shumicë nga importi, e shohin zhgënjyese edhe skemën e mbështetjes me 10 mijë lekë për hektar. Kjo skemë, për ta, mbetet edhe më e pakuptimtë në kulmin që prodhoi kriza në Lindjen e Mesme, një krizë që ndikoi në rritjen drastike të çmimeve të naftës dhe plehrave kimike.
Përballë fatkeqësive natyrore dhe krizave të njëpasnjëshme, sektori mbetet pothuajse pa mbrojtje. Dëmet nga përmbytjet apo sëmundjet në blegtori shpesh nuk kompensohen, duke e shtyrë fermerin drejt braktisjes së aktivitetit.
“Fatkeqësitë natyrore, luftërat apo krizat nuk kanë qenë vetëm për fermerët dhe blegtorët e Shqipërisë. Ato kanë qenë po ashtu edhe për fermerët dhe blegtorët e Kosovës, Maqedonisë, Malit të Zi, Serbisë apo dhe gjithë Europës.
Por prandaj është shteti aty, shteti është garanti që kompenson fatkeqësitë natyrore dhe pastaj u jep mundësinë fermerëve të mos e braktisin tokën, dhe ata të jenë aty për të prodhuar”, u shpreh presidenti, Urdhri i Veterinerit, Ervin Resuli.

The post Katër dekada mbi traktor, fermeri i ‘bukës’: 60 hektarë me grurë i përmbyti Erzeni, asnjë kompensim… appeared first on Albeu.com.

Ditëlindja e tij e 70-të e gjeti Putinin duke punuar në zyrën tij. Përveç angazhimeve të tij për luftën në Ukrainë dhe jo vetëm, surprizat nuk munguan për Putinin.

Pyetjes së gazetarëve se çfarë dhurate i kishte sjellë Putinit për ditëlindje, presidenti i Bjellorusisë, Aleksandër Lukashenko, iu përgjigj ‘një traktor’.

Presidenti i Taxhikistanit, Emomali Rahmon, tha se i dhuroi Putinit një grumbull të madh me bostan dhe shalqinj. Ndërsa liderët e tjerë nuk treguan nëse në Rusi kishin ardhur me duart bosh apo plot.

Një urim për shefin e Kremlinit erdhi edhe nga miku i tij i ngushtë, njëkohësisht një aktor mjaft I famshëm në perëndim.

“Sapo kuptova që sot është një ditë shumë e rëndësishme. Sot është ditëlindja e presidentit Putin. Thjesht mendoj se tani po jetojmë në kohë shumë të vështira, por ai është një nga liderët më të mëdhenj botërorë dhe një nga presidentët më të mëdhenj në botë”, deklaroi aktori Steven Seagal. Madhështia i erdhi nga Çeçenia. Lideri i këtij territori brenda Federatës Ruse, Ramazan Kadyrov, organizoi një paradë masive ushtarake, duke rreshtuar mijëra forca dhe mjete luftarake në Grozny, për të festuar ditëlindjen e mentorit të tij, Vladimir Vladimiroviç Putin.

The post Bostan, shalqinj e traktor, Putin merr dhuratat e çuditshme për 70-vjetorin e lindjes appeared first on Albeu.com.

Prodhuesi i pajisjeve bujqësore John Deere ka zbuluar traktorin e tij të parë të automatizuar që mund të punojë tokën pa shofer.

Mjeti mund të aktivizohet nga një smartphone, duke përdorur kamera dhe sensorë për të lëvizuar në tokat bujqëqsore.

Në fakt është një paketë e cila mund të vendoset edhe në traktorët e vjetër.

Kjo kompani nuk është e para që prezanton këtë teknologji, por është ndër prodhuesit më të mëdhenjt të pajisjeve bujqëosre në botë.

Paketa e automatizimit ka gjashtë kamera, të cilat e monitorojnë atë përreth, si edhe vendosin në punë makineritë dhe shmangin përplasjet.

Bujqësia mbetet shumë më e rrezikshme se sektorët e tjerë të punësimit. Traktorët e automatizuar dhe pajisjet e tjera të fermës e largojnë fermerin nga afërsia e makinerive të rënda, por gjithashtu mbështeten në aftësinë e teknologjisë për të zbuluar rreziqet e mundshme.

Kompania thotë se e ka testuar teknologjia për tre vjet, para se të bëntë prezantimin zyrtar. Komapania ka planifikuar të nxjerrë në treg fillimisht një numër të reduktuar, duket shitur 12 deri 20 traktorë.

Kompania gjithashtu ka qenë më parë nën kritika për zhvillimet e saj teknologjike, për të cilat disa fermerë kanë argumentuar se e bëjnë shumë më të vështirë riparimin e pajisjeve të tyre. r.t/albeu.com

The post Punon arat pa shofer, kompania John Deere prezanton traktorin e automatizuar appeared first on Albeu.com.

Costa është kritikuar ngase brenda traktorit ka edhe disa fëmijë duke shkelur rregullat e trafikut.

Tifozët janë mësuar të shohin futbollistë të profilit të lartë duke ngarë makina sportive, por të mërkurën Costa u pa me një mjet të punës duke shëtitur në fshat.

Hobin me traktor e zhvilloi pak javë pasi festoi titullin në Brazil em Atletico Mineiro duke qenë një nga futbollistët kyq të skuadrës.

The post Diego Costa i hip traktorit me disa fëmijë (VIDEO) appeared first on Albeu.com.

Mësohet se Zoga, ka qenë duke drejtuar pa patentë një tractor, me të cilin po kthehej në shtëpi pas punës.

Por, teksa udhëtonte përgjatë rrugës së fshatit Qerreshnik, ku ai jetonte, ka humbur kontrollin e traktorit dhe ka rënë në kanalin anash rrugës. Traktori është përmbysur dhe e ka zënë poshtë 50-vjeçarin, duke bërë që ky i fundit të pësojë thyerje gjymtyrësh dhe shembje në shumë pjesë të trupit.

Për të nxjerrë Zogën nga poshtë traktorit kanë ndërhyrë edhe forcat e Zjarrfikëses, pasi vetë 50-vjeçari e kishte të pamundur. I plagosuri është dërguar në spitalin e Beratit fillimisht, por duke parë gjendjen e tij të rëndë, është nisur më pas drejt Spitalit të Traumës në Tiranë.

The post Aksident horror! E zuri traktori poshtë, 50-vjeçari në gjendje kritike appeared first on Albeu.com.