Dihet që gjatë stinës së nxehtë trupi djersit më shpejt dhe më shumë, për shkak të përballjes me temperaturat e larta.
Në shumë raste kjo është diçka normale që ndihmon nxjerrjen e toksinave jashtë trupit.

Gjithsesi edhe ky proces nëse fillon e ndodh vazhdimisht, përveçse i dëmshëm mund të kthehet në një bezdisje të madhe.

Shenjat më të vogla të djersës fillojnë e duken mbi rroba, duke krijuar një ndjenjë parehatie të vazhdueshme.

Ka disa shkaqe mjekësore përveç vapës së tepërt se përse trupi reagon në këtë mënyrë.

Në këtë artikull AgroWeb.org, ju tregon disa prej tyre dhe se çfarë simbolizojnë ato në shëndetin e trupit.

Tiroidja hiperaktive

Kur tiroidja e mbi prodhon hormonin e saj, metabolizmi juaj fillon e përshpejton proceset e tij.

Në këtë mënyrë ju filloni dhe djersitni pa pushim, prandaj nëse ndjeni djersitje të mëdha pa shkak faji mund të jetë i tiroides.

Sëmundjet kronike

Sëmundjet kronike të zemrës apo mushkërive mund të bëhen shkak për djersitjen e tepërt.

Kjo sepse trupi ka vështirësi në funksionimin normal të tij, duke krijuar kështu faza djersitje të mëdha.

Hiperhidroza

Një nga diagnozat më të zakonshme kundër djersitjes së tepërt është hiperhidroza.

Një çrregullim që shkakton mbiprodhim të djersës dhe aktivizon gjëndrat e djersitjes.

Në botë rreth 15 milion njerëz vuajnë nga hiperhidroza.

Njerëzit e prekur nga kjo sëmundjet kanë sasi të mëdha djerse zakonisht në duar, këmbë dhe fytyrë.

Ushqimet e duhura

Një nga mënyrat më të mira për të shmangur këto probleme sipas mjekëve është stili i jetesës dhe konkretisht të ushqyerit.

Kjo këshillë vjen krahas trajtimeve mjekësore, ilaçeve apo kurave të ndryshme të cilat janë individuale në çdo rast.

Perimet

Mund të zgjidhni të gjitha perimet jeshile dhe të pasura me ujë pasi mbajnë trupin të hidratuar dhe bëjnë që metabolizmi të funksionojë më qetë.

Ndër të zgjidhni lakrat, spinaq, brokoli, patëllxhanët apo lulelakrat.

Kalciumi

Ushqimet me kalcium janë gjithashtu një metodë e mirë për të mbajtur djersën larg.

Të pasura me këtë proteinë janë kryesisht prodhimet e bulmetit, pra qumështi dhe djathi me nënproduktet e tyre.

Kalciumi ndihmon në rregullimin e temperaturës së brendshme të trupit dhe për rrjedhojë edhe me djersitjen e tepërt.

Vaji i ullirit

Edhe vaji i ullirit funksionon si një mënyrë e mirë për të rregulluar temperaturën e trupit dhe për të qetësuar metabolizmin.

Ndaj vendoseni të parin në listën e ushqimeve dhe vajrave tuaj të preferuar.

The post Djersiteni tepër? Ja disa prej sëmundjeve që e shkaktojnë dhe si ta “luftoni” përmes trajtimeve në shtëpi appeared first on Albeu.com.

“Për shumë persona, gurët në veshka janë si zogjtë shtegtarë, ato mund të ikin përkohë- sisht, por kthehen sërish vitin tjetër. Prandaj, një pjesë kryesore e trajtimit ka si qëllim parandalimin e rishfaqjes”, pohon Albana Daka, mjeke laboratori dhe dietologe.

Kalimi i një guri në veshka shpesh përshkruhet si një nga gjërat më të dhimbshme që një person mund të përjetojë. Formimi i tyre vjen si pasojë e grumbullimit të kristaleve të ndryshme në veshkë, të cilët me kalimin e kohës bashkohen me njëritjetrin, duke formuar madhësi të ndryshme të gurit, të cilat shpien në paralizimin e funksionit normal të veshkës, duke e ekspozuar atë ndaj komplikacioneve të ndryshme. Ndër shkaqet kryesore të formimit të gurëve mund të jenë uji i pijshëm, ndotja e ambientit, trashëgimia, stili i jetesës, kequshqyerja, obeziteti apo dhe sëmundje të tjera, që prishin balancat e funksionimit të veshkave.

“Është e rëndësishme të dihet se jo të gjithë gurët në veshka janë njëlloj. Tipi më i zakonshëm i gurëve është ai që formohet nga kalciumi dhe oksalatet. Trajtimi individual për gurët në veshka varet nga lloji i gurit të formuar. Mjeku duhet të përcaktojë përmbajtjen minerale të gurit dhe të identifikojë arsyet mjekësore që mund të kenë kontribuar në formimin e gurëve”, shton doktoresha, e cila na njeh edhe me regjimin ushqimor dhe peshën që kanë produkte të caktuar në minimizimin e rrezikut për riformimin e gurëve në veshka, një patologji kjo e përhapur në masë kohët e fundit.

DR. ALBANA DAKA

Pothuajse çdonjëri prej nesh ka ndonjë të afërm që vuajnë nga gurët në veshka apo ka vuajtur vetë prej tyre. Po çfarë është në fakt një gurë në veshka? Një gurë në veshka është një masë e fortë që formohet nga kristalet në urinë. Në shumicën e njerëzve kimikatet natyrale në urinë nuk lejojnë që të formohen gurët. Veshkat filtrojnë gjakun dhe pastrojnë kripërat minerale të tepërta, si dhe mbetjet e tjera të tretshme.

Veshkat gjithashtu prodhojnë urinë që i nxjerr jashtë këto mbetje nëpërmjet kanalit urinar. Gurët në veshka formohen kur urina tejngopet me minerale të caktuara dhe nuk mund t’i shpërbëjë më në urinë (si në rastin kur keni hedhur shumë sheqer në çajin tuaj dhe nuk mund ta tresni dot, sado që e përzieni).

Mineralet e patretura krijojnë kristale, të cilat bashkohen me njëra-tjetrën dhe formohen gurë të fortë. Kur gurët në veshka janë të vegjël, mund të kalojnë pa u vënë re nëpërmjet urinës. Megjithatë, shpesh ato rriten shumë dhe nuk mund të kalojnë nëpërmjet kanalit urinar dhe disa gurë kanë maja të mprehta e të forta.

Kur këto gurë kalojnë nëpërmjet kanalit urinar, shkaktojnë dhimbje tejet të forta. Në disa raste gurët nuk mund të kalojnë vetë dhe nevojitet trajtim i specializuar mjekësor apo ndë- rhyrje kirurgjikale. Për shumë persona, gurët në veshka janë si zogjtë shtegtarë; ato mund të ikin përkohësisht, por kthehen sërish vitin tjetër. Prandaj, një pjesë kryesore e trajtimit ka si qëllim parandalimin e rishfaqjes. Është e rëndësishme të dihet se jo të gjithë gurët në veshka janë njëlloj.

Tipi më i zakonshëm i gurëve është ai që formohet nga kalciumi dhe oksalatet. Trajtimi individual për gurët në veshka varet nga lloji i gurit të formuar. Mjeku duhet të përcaktojë përmbajtjen minerale të gurit dhe të identifikojë arsyet mjekësore që mund të kenë kontribuar në formimin e gurëve. Trajtimi parandalues mund të jetë me ilaçe dhe/ ose ndryshime në regjimin ushqimor.

REKOMANDIME USHQIMORE:

Rrisni sasinë e lëngjeve: kjo është masa parandaluese më e rëndësishme për të gjithë pacientët që kanë gurë në veshka. Për shembull, një sasi e madhe sheqeri mund të shpërbëhet më mirë në një gotë plot me çaj, sesa në një gotë gjysmë të mbushur. Si udhëzim, pini një gotë lëng (200 ml) çdo orë në kohën që jeni zgjuar, dhe një gotë 200 ml gjatë natës, nëse ju ndodh të zgjoheni për çfarëdolloj arsyeje.

Të paktën 50% e lëngjeve të marra duhet të jetë ujë. Në klima të nxehta dhe për njerëzit fizikisht aktivë, rekomandohet një sasi edhe më e madhe lëngjesh. Kalciumi: kalciumi i marrë nga ushqimet përthithet gjatë tretjes në zorrë. Trupi e përdor këtë mineral për shumë funksione të rëndë- sishme. Çdo tepri që është përthithur nxirret jashtë nëpërmjet veshkave. Pjesa më e madhe e kalciumit në dietë vjen nga qumështi dhe nënproduktet e tij, të tilla si: kosi apo djathi. Kalciumi në këto ushqime zakonisht përthithet lehtësisht. Ushqime të tjera, si perime me gjethe jeshile, gjithashtu përmbajnë sasi të konsiderueshme kalciumi.

Megjithatë, këto perime përmbajnë dhe substanca të tjera, të cilat e pengojnë absorbimin e kalciumit nga organizmi. Zakonisht trupi nuk përthith më shumë kalciumi seç i nevojitet. Megjithatë, në raste të caktuara, organizmi mund të përthithë më shumë kalcium ose mund të përçojë shumë kalcium në veshka. Sasia e madhe e kalciumit në urinë në gjuhën mjekësore njihet si hiperkalcuri. Në disa raste të hiperkalcurisë mund të parandalohet formimi i gurëve në veshka, duke kontrolluar sasinë e kalciumit në dietën ushqimore. Oksalatet gjenden kryesisht në ushqimet me bazë bimore.

Kalciumi kombinohet me oksalatet në zorrë. Kjo e redukton aftësinë e kalciumit për t’u përthithur. Ndonjëherë, gurët nga oksalate apo kalcium-oksalatet formohen sepse nuk ka mjaftueshëm kalcium në zorrë.

Termi mjekësor për oksalatet e shtuara në urinë është hiperoksaluri. Në të tilla raste mjeku mund t’ju rekomandojë të ulni sasinë e oksalateve të marra dhe të rrisni sasinë e kalciumit. Për të bërë këtë, ushqimet me përmbajtje të lartë oksalatesh duhet të reduktohen ose të eliminohen fare nga dieta. Disa nga ushqimet kryesore përgjegjëse për rritjen e nivelit të oksalateve në urinë janë: spinaqi, luleshtrydhet, çokollata, arrat, panxhari dhe çaji. Sheqeri, kripa dhe proteinat shtazore: studimet tregojnë se sasi të mëdha të këtyre lëndëve ushqimore mund të nxisin zhvillimin gurëve në veshka. Duhen shmangur ushqimet e paketuara me sasi të larta sheqeri. Reduktimi i kripës në regjimin ushqimor shoqërohet me reduktim të sasisë së kalciumit në urinë. Rekomandohet që sasia e kripës të jetë diku mes 2300 dhe 3500 mg në ditë. Gjithashtu, njerëzit që kanë tendencë për të zhvilluar gurë në veshka duhet të shmangin konsumimin e proteinave me tepri. Një mjek nutricionist mund t’ju rekomandojë sasinë e duhur për çdo rast. Vitamina C: kur vitamina C përdoret nga organizmi, prodhohen oksalate. Në këtë rast, nëse mjeku ju ka rekomanduar reduktimin e oksalateve në dietë, marrja e vitaminës C si suplement mund të mos jetë një ide e mirë. Duhet të konsultoheni me mjekun.

Si mund të parandalohet risku i rishfaqjes së gurëve

TRAJTIMET NË KUSHTE SHTËPIE

Uthulla e mollës njihet për përfitimet e saj të shumta, duke përfshirë edhe trajtimin e gurëve në veshka, duke ndihmuar në shpërndarjen e tyre dhe duke lehtësuar kësisoj dhimbjen. Ju mund të zgjidhni uthull organike të mollës, në mënyrë që ta bëni atë më efektive. Rekomandohet të përzihet me ujë dhe mjaltë e të konsumohet 2 deri në 3 herë në ditë.

FASULE

Për shumëkush mund të duket qesharake, por fasulet mund të jenë të dobishme po ashtu për trajtimin e gurëve në veshka. Fakti që kanë formën e veshkave mund të tregojë se mund t’ju shërojë ju dhe veshkat tuaja. Lëngu i përfituar prej tyre shërben për të lehtësuar dhimbjen që shkakton sëmundja.

SHEGË

Ka shumë njerëz që e duan shegën jo vetëm për shkak të shijes së tyre, por edhe për shkak të përfitimeve të ndryshme shëndetësore. Këtë herë shega mund të jetë gjithashtu efektive në heqjen e gurëve të veshkave, sepse fara dhe lëngu i përftuar prej saj janë shumë të rëndësishme. FASULE Për shumëkush mund të duket qesharake, por fasulet mund të jenë të dobishme po ashtu për trajtimin e gurëve në veshka. Fakti që kanë formën e veshkave mund të tregojë se mund t’ju shërojë ju dhe veshkat tuaja. Lëngu i përfituar prej tyre shërben për të lehtësuar dhimbjen që shkakton sëmundja. Burimi: Natural Remedy Ideas.com · Shtrydhni lëngun e shegës. · Sigurohuni që ju do të pini lëng shegë gjatë gjithë ditës. · Ju mund ta bëni këtë çdo ditë, derisa të arrini rezultatet e dëshiruara.

LËNG LIMONI ME VAJ ULLIRI

Ka shumë njerëz që kanë përdorur kombinimin e lëngut të limonit me vaj ulliri në të kaluarën, për të kuruar problemet e mundshme me fshikëzën e tëmthit. Aktualisht, kjo mund të përdoret si një ilaç për gurët në veshka. Në thelb, natyra acidike e lëngut të limonit ndihmon në thyerjen e gurëve të veshkave. Vaji i ullirit, në anën tjetër, parandalon rritjen e gurëve në veshka. · Shtoni në lëngun e limonit të njëjtën sasi të vajit të ullirit. · Pini këtë përzierje gjatë tri ditëve. · Sigurohuni që do të pini një gotë ujë pas marrjes së tij.

SELINO

Ju ndoshta nuk e dini, por selinoja mund të ndihmojë në parandalimin e rritjes së gurëve të tjerë që mund të fillojnë të formohen në veshka. Ndaj këshillohet që të konsumoni çaj selino çdo ditë.

BORZILOKU

Borziloku është një barishte që shumë njerëz e lidhin me gatimin, por ato gjithashtu mund të jenë efektive për veshkat, duke parandaluar formimin e gurëve. Preferohet që lëngu i tij të konsumohet me mjaltë.

The post Ka disa lloj gurësh në veshka, por cili është më i zakonshmi, mjekja Albana Daka tregon regjimet ushqimore që duhet të ndiqni appeared first on Albeu.com.

Mëlçia juaj është fabrika juaj e përpunimit kimik. Ajo merr 30% të gjakut që qarkullon në sistemin tuaj çdo minutë – duke kryer reagime kimike për të hequr toksinat e dëmshme dhe shpërndarë dhe ruajtur ushqyesve thelbësorë.

Ky proces jetik quhet ‘metabolizëm’ ??dhe qelizat në mëlçi, të njohura si hepatocite, janë vënë në punë për të mbajtur trupin tuaj duke punuar në mënyrën më të mirë. Në thelb, mëlçia juaj kujdeset për ju.

Çdo herë që ushqeheni, mëlçia juaj ju ushqen. Pasi ushqimi tretet, ushqyesit hyjnë në gjak, të cilët merren direkt në mëlçi për t’u përpunuar.

Ndonjëherë, funksioni i tij mund të ndërpritet për shkak të zakoneve të dobëta dietike, toksinave mjedisore dhe më shumë.

Unik sot ua prezanton pesë pije detoks të natës, që do të pastrojnë mëlçinë, do të rritin funksionin e saj dhe do t’ju ndihmojnë të humbni peshën e tepërt.

Mjekësia tradicionale kineze beson se mëlçia funksionon më mirë ndërmjet orës 1 dhe 3, prandaj sigurohuni që të pini një nga këto pije para se të flini:

Ujë me limon

Kjo pije është e mrekullueshme për të filluar dhe për t’i dhënë fund ditës suaj. Do të pastrojë mëlçinë, do të aktivizojë trupin tuaj dhe do të forcojë imunitetin tuaj. Shtrydhni lëngun e një limoni të mesëm dhe shtoni ujë të nxehtë. Ju mund të ëmbëlsoni me mjaltë.

Limon dhe çaj xhenxhefil

Xhenxhefili dhe limoni janë shumë të pasur me vitaminë C, dhe pronat e tyre antioksiduese parandalojnë sëmundje e ndryshme. Ata pastrojnë mëlçinë dhe zorrën së trashë, rrisin imunitetin, dhe mirëmbajnë stomakun.

Vlo një gotë ujë dhe shto lëng të gjysmës së një limoni dhe një fetë xhenxhefili. Përziej dhe pije pas 15 minutave.

Bollgur dhe kanellë

Bollguri është i pasur me fibra, minerale dhe vitamina, kështu që ai relakson trupin, pastron mëlçinë dhe zorrët dhe ndihmojnë tretjen. Vlo 6 gota me ujë të filtruar, dhe lë për shtatë orë një filxhan bollgur. Pastaj shtoni një lugë çaji kanellë.

Çaj Mint

Ky çaj detoksifikon mëlçinë, zorrën e trashë dhe nxitë tretjen.

Vloni një gotë ujë dhe shtoni dy lugë gjethe nenexhik. Vlo edhe 2 minuta të tjera, dhe hiqeni nga nxehtësia. Kullojeni dhe pijeni pas gjysmë ore.

Çaj kamomili

Çaj kamomili përmirëson gjumin, heq stresin dhe zbut sistemin nervor. Ajo ka veti të forta anti-inflamatore që qetësojnë indet dhe muskujt e ndezur.

Thjeshtë vloni ujin, largojeni nga zjarrit dhe shtoni një lugë lule kamomili. Lëreni të ftoheni për 10 minuta dhe pastaj pijeni.

The post Mos i ndani nga dieta e përditshme, 5 ushqimet që iu pastrojnë tërësisht mëlçinë teksa flini appeared first on Albeu.com.

Ju keni vërejtur disa njolla të kuqe në lëkurë dhe menjëherë kërkoni në internet për shkaqet. Shumica e faqeve mjekësore ju kanë bërë të besoni se të gjitha simptomat tuaja tregojnë sëmundjen më të keqe të mundshme. Prisni për një sekondë, merrni frymë. Ne kemi disa ilaçe shtëpiake efikase për njollat e kuqe në lëkurë.

Por së pari, ne duhet t’ju tregojmë se çfarë i shkakton njollat e kuqe në lëkurë, kështu që ju jeni të mirë-informuar për ta trajtuar atë në një mënyrë pak më të qetë.

Shkaqet e mundshme të njollave të kuqe në lëkurë mund të jenë:
– Një reagim alergjik ndaj diçkaje
– Njolla të kuqe të lëna nga aknet
– Nëse keni zhvilluar një shenjë të lindjes vaskulare
– Pikat në lëkurën tuaj për shkak të angiomave
– Miprodhimi i proteinave
– Një skuqje për shkak të nxehtësisë
– Një kapilar i çarë
– Pickimet e insekteve

Këto janë arsyet më të zakonshme, por nëse asnjë nga këto nuk duket si arsye për njollat tuaja të kuqe, ne ju nxisim të shkoni tek një mjek specialit. Nëse e keni gjetur shkakun e asaj që shkakton njolla të kuqe në fytyrë, atëherë le të vazhdojmë dhe të flasim për disa ilaçet shtëpiake që do t’ju ndihmojnë të hiqni qafe këto njolla të kuqe të frikshme.

Trajtimi me Aloe Vera:
Për këtë trajtim ju nevojiten disa gjethe të freskëta të aloe verës.
– Pritini gjethet ne mes dhe merrni xhelin
-Vendoseni këtë xhel në zonën e prekur dhe mbajeni për 15-20 minuta
Mbani pjesën tjetër të xhelit në një enë dhe përsëriteni këtë veprim dy herë në ditë

Trajtimi me vaj kokosi:
E gjitha çfarë ju nevojitet është një lugë gjelle me vaj kokosi.
– Lani fytyrën tuaj me një pastrues të butë fytyre
– Masazhoni për disa minuta, me vaj kokosi, zonën e prekur
– Bëjeni këtë para se të shkoni në shtrat dhe mbajeni në fytyrë gjatë gjithë natës
Përmes këtij trajtimi do të vini re që njollat e kuqe do të zbehen ngadalë. Përsëriteni këtë trajtim derisa njollat të zhduken duke ju lënë me një lëkurë të përsosur

Trajtimi me rrënjët e luleradhiqes:
Ju duhet 1 lugë çaji me pluhur të rrënjës së luleradhiqit dhe 1 gotë ujë.
– Vloni pluhurin në ujë për disa minuta
– Kullojeni ujin dhe pini lëngun
Ky lëng ju ndihmon të largoni toksinat nga trupi juaj kështu që vazhdoni ta pini këtë për një ose dy ditë.

The post Këto njolla të kuqe në fytyrë ju kanë trembur? Zbuloni arsyen pse iu shfaqen dhe si t’i trajtoni appeared first on Albeu.com.

Hormoni i prodhuar nga gjendra tiroide ka një efekt në të gjitha indet e trupit të cilat rrisin aktivitetin qelizor në trup. Kjo do të thotë se funksioni kryesor i gjendrës tiroide është të rregullojë metabolizmin e njeriut, shkruan abcnews.al. Më poshtë do të analizojmë çrregullimet e tiroides dhe më pas do t’ju tregojmë mënyrën më të mirë për t’i trajtuar ato!

Së pari ju duhet të dini se ekzistojnë dy lloje të çrregullimeve të tiroides:

Hipertiroidizmi: Ekspertët thonë se ky çrregullim ndodh kur gjendra tiroide mbipunon dhe për pasojë prodhon shumë hormone.

Simptomat:

• Paaftësia për t’u përqëndruar
•  Dëmtimi i kujtesës
•  Ndryshime në zakonet e të ngrënit
•  Takikardia
•  Probleme menstruale
• Lodhje Djersitje
• Vështirësi në gjumë
•  Ankth të menduarit
• Depresioni, ankth, nervozizëm
• Humbje peshe

Hipotiroidizmi: Nuk shkakton mjaftueshëm hormone.

Simptomat:

• Thonjtë e brishtë
• Kapsllëk
• Shtim në peshë
• Ngërçe
• Ulje e fluksit menstrual
• Ënjtje në pjesën e përparme të qafës
•  Lodhje
• Dëmtim i kujtesës
•  Lëkurë dhe flokë të thatë
•  Depresioni

Mos u shqetësoni, në këtë artikull do të shihni se si të bëni ilaçin në shtëpi i cili do t’ju ndihmojë të shëroni tiroiden tuaj dhe në fakt përbëhet nga 3 përbërës të thjeshtë:

Arra, mjaltë dhe një kavanoz i vogël për reçel! Po, vetëm këto dhe mos dyshoni në rezultatet, do t’ju mahnitin! Gjithçka që duhet të bëni është të ndiqni udhëzimet e mëposhtme.

Do t’ju duhet:

40 arra jeshile (të papjekura), 1 kg mjaltë organik, 1 kavanoz për reçel

Zbatimi:

Fillimisht pastroni arrat, thajini dhe më pas shponi me gjilpërë ose thikë të mprehtë. Më pas vendosini në kavanoz dhe mbulojini me mjaltë. Kavanozi duhet të vendoset diku ku mund të ketë dritë. Pas 40 ditësh mbylleni dhe ruani në një shishe qelqi.

Si ta përdorni:

Siç u përmend më lart, është shumë e thjeshtë! Ekspertët thonë se duhet të hani vetëm dy lugë gjelle në mëngjes dhe në mbrëmje në baza ditore. Mos humbisni kohë, provoni këtë ilaç të mrekullueshëm në shtëpi dhe gjeni shëndetin tuaj!

The post Shëroni tiroiden në shtëpi, ju duhen vetëm këto 3 përbërës appeared first on Albeu.com.

Sidoqoftë ka disa raste kur ushqimi mund të kthehet në armik për ju dhe shëndetin tuaj. Kjo quhet varësia ndaj ushqimit dhe është po aq e zakonshme sa ajo ndaj alkolit.

Por si ta kuptoni nëse hani shëndetshëm apo jeni të varur nga ushqimi?

Çfarë është varësia ndaj ushqimit?

Ashtu si veset e përmendura më parë, disa ushqime njejtë si alkoli apo duahni përmbajnë substanca që mund të krijojnë varësi. Kjo është për shkak se shumë prej produkteve të përpunuara ushqimore që ne i konsiderojmë si “ushqime të gatshme” përmbajnë përbërës që kanë fuqi të pabesueshme mbi trupin dhe trurin e njeriut.

Këta përbërës, të tillë si sheqeri, gruri dhe yndyra, kanë të njëjtin efekt në tru sikurse ilaçet apo qetësuesit. Kur hani një nga ushqimet tuaja të preferuara me sheqer, truri juaj prodhon dopaminën neurotransmetuese që është kimikati që na bën të ndihemi mirë. Në rastet kur përjetojmë shumë prej saj, pra kur e provojmë nga konsumimi i një ushqimi të caktuar nuk mund të ngopemi.

Ndërsa konsumoni rregullisht këto lloj ushqimesh, receptorët në trurin tuaj do të bëhen më tolerantë ndaj dopaminës që çlirohet, duke pasur nevojë edhe për më shumë ushqim për ta prodhuar sa më shumë këtë hormon. Varësia nga droga dhe varësia nga ushqimi janë shumë të frikshme në këtë aspekt.

Simptomat

Për të vuajtur nga varësia ndaj ushqimit, nuk duhet domosdoshmërisht të jeni mbipeshë, ndaj vini re sinptomat në trupin tuaj. Individët që e përjetojnë këtë varësi mund të kenë edhe çrregullime shtesë, të cilat mund ta ushqejnë varësinë e tyre ndaj ushqimit; si depresioni, ankthi dhe çrregullimi obsesiv-kompulsiv.

Disa nga simptomat më të zakonshme janë:

• Ndjenjat e ankthit kur hani para të tjerëve. Kjo mund të çojë në fshehjen e ushqimit tuaj ose ngrënien në fshehtësi.

• Të hani ose të dëshironi ushqime edhe pse jeni të ngopur.

• Mbingopja deri në atë pikë sa të ndiheni të sëmurë ose të hani më shumë ushqim nga sa keni planifikuar.

• Ndjenja e fajit kur hani disa ushqime ose sasi, por gjithsesi do të vazhdoni zakonet e të ngrënit.

• Mungesa e kontrollit mbi zgjedhjet e shëndetshme.

Kjo ndodh kur përpjekjet për heqjen e ushqimeve të pashëndetshme nga dieta juaj janë të pasuksesshme. Përveç këtyre simptomave, ju gjithashtu mund të zhvilloni sëmundje të tilla si sëmundjet e zemrës dhe diabeti i tipit 2.

Si ta trajtoni

Duke qenë se nuk mund të hiqni dorë tërësisht nga ushqimi, ndryshe nga varësitë e tjera, provoni metodën e seleksionimit. Largoni nga shtëpia ushqimet e pashëndetshme që ju pëlqejnë më shumë. Ato që janë të përpunuara që përmbajnë shumë sheqer e kimikate të tjera. Fokusohuni në një dietë të pastër me fruta e perime bio. Hiqni dorë nga ushqimet për të cilat keni më shumë neps dhe zevëndësojini ato me një alternativë më të shëndetshme./AW

The post Varësia ndaj ushqimit: Çfarë është dhe si ta tajtoni? appeared first on Albeu.com.

Strijat janë një gjendje e zakonshme e lëkurës. Ato ndodhin si përgjigje ndaj shtrirjes së shpejtë të lëkurës. Në fillim, strijat zakonisht duken të kuqe. Ato gjithashtu mund të ndryshojnë ngjyrë:
– rozë
– vjollcë
– të zeza

Ndërsa strijat shërohen, ato bëhen të bardha dhe vazhdojnë të veniten me kalimin e kohës.

Meqenëse strijat ndodhin nga shtrirja e lëkurës, shenjat e kuqe që rezultojnë janë më të zakonshmet në pjesë të caktuara të trupit në rrezik për shtrirje. Këto përfshijnë barkun, kofshët dhe ijet. Sidoqoftë, strijat mund të shfaqen kudo.

E kuqe vs e bardhë

Ju mund të mendoni për strijat e reja si dëmtime të vogla në lëkurë. Lëkura ka një përgjigje të butë inflamatore ndërsa indet përpiqen të përshtaten me efektet e shtrirjes. Kjo shpjegon pse strijat në fillim janë të kuqe.

Skuqja nuk zgjat përgjithmonë. Ndërsa strijat shërohen, ato përfundimisht do të zbardhen dhe do të fillojnë të bëhen më pak të dukshme dhe zbehen me kalimin e kohës.

Shkaqet

Ndryshimet në peshë: Shtimi i një peshe të madhe në një kohë të shkurtër ushtron presion mbi lëkurën, e cila duhet të shtrihet për të akomoduar masën e rritur të trupit. Në varësi të vendit ku shtoni kilogramët e tepërt, shfaqen strijat e kuqe. Ndonjëherë strijat mund të ndodhin edhe për shkak të humbjes së shpejtë të peshës.

Shtatzënia: Gjatë shtatzënisë, gratë mund të përjetojnë vrull të shpejtë të rritjes së trupit, veçanërisht rreth zonave të barkut, kofshës dhe ijeve gjatë tremujorit të dytë dhe të tretë. Presioni i rritur mund të shtrijë lëkurën, duke çuar kështu në strija të kuqe.

Rritja: Adoleshentët mund të kenë strija të kuqe gjatë pubertetit. Këto janë rezultat i rritjes së shpejtë të trupit dhe jo domosdoshmërisht shtim në peshë.

Rritja e shpejtë e muskujve: Si trajnimi me pesha ashtu edhe ndërtimi i trupit ndonjëherë mund të çojnë në strija të kuqe nga muskujt që rriten shumë më tepër në një periudhë të shkurtër kohe.

Zmadhim gjoksi: Shtimi i gjirit mund të rezultojë në lëkurë të shtrirë në zonën e gjoksit.

Historiku familjar: Strijat kanë të ngjarë të shfaqen si pasojë e gjenetikës.

Gjendje mjekësore: Përveç shtimit të shpejtë të peshës ose mbipeshes, çështje të tjera themelore të shëndetit mund të shkaktojnë strija. Këto përfshijnë sindromën Ehlers-Danlos dhe sindromën Cushing.

Trajtimet

Strijat zbehen vetvetiu me kalimin e kohës. Nuk ka asnjë mënyrë për t’i hequr plotësisht. Akoma, trajtime të caktuara dermatologjike mund t’i bëjnë strijat e kuqe të jenë më pak të dukshme.

Flisni me dermatologun për disa nga trajtimet e përdorura për strijat, duke përfshirë:

– Kremra retinoide
– Terapitë e dritës dhe lazeri
– Mikrodermabrazion
– Peels kimik

Trajtimet në shtëpi

Jo të gjitha trajtimet për strijat funksionojnë dhe disa prej tyre vijnë me një çmim të madh pa asnjë garanci. Në vend të këtyre, mund të provoni disa trajtime në shtëpi

– Kremra pa recetë (OCT): Disa kremëra OTC janë krijuar posaçërisht për strijat dhe mund të përmbajnë përbërës ultra-hidratues, siç janë gjalpi i kakaos, vaji i kokosit ose ullirit dhe vitaminë E. Lëkura mund të jetë me e butë dhe elastike, por ka pak studime për efektet te strijat. Sipas Akademisë Amerikane të Dermatologjisë, çelësi i sukesit është që ta masazhoni mirë produktin në lëkurë.

– Produktet nxirëse: Mund të ndihmojnë në mbulimin e skuqjes së strijave, duke i bërë ato më pak të dukshme. Nuk duhet të nxiheni në diell pa u larguar mirë strijat e kuqe.

– Acid glikolik: Disa produktë përmbajnë acid glikolik që ka për synim të zbusë strijat në lëkurë.

– Dieta: Nuk ka ndonjë ushqim që i heq si me magji, por disa lëndë ushqyese ndikojnë te shëndeti i lëkurës dhe zvogëlojnë pamjen e strijave. Këto përfshijnë proteina, vitamina A, C dhe D, si edhe zink.

The post Strijat e kuqe: Shkaqet dhe trajtimet e mundshme appeared first on Albeu.com.

Djegiet janë të dyllojshme, ato që shkaktohen nga nxehtësia e thatë dhe ato që shkaktohen nga diçka e lagur, siç është uji i nxehtë ose avulli. Në varësi të ashpërsisë, të tre shtresat e lëkurës tuaj mund të dëmtohen përgjithmonë. Këtu janë tetë këshilla të ndihmës së shpejtë për djegiet dhe çfarë duhet të bëni.

Për të trajtuar një djegie të vogël, ekspertët rekomandojnë të ndiqni këto tetë hapa të këshillave të ndihmës së shpejtë:

• Menjëherë largojeni personin nga burimi i nxehtësisë për të ndaluar djegien.
• Ftohni djegien me ujë të rrjedhshëm të ftohtë ose të vakët për 20 minuta. Mos përdorni akull, ujë të ftohtë ose ndonjë krem ​​ose substancë të yndyrshme si gjalpi.
• Hiqni çdo veshje apo stoli që është afër zonës së djegur të lëkurës, përfshirë pelenat e foshnjave, por mos lëvizni asgjë që është ngjitur në lëkurë.
• Sigurohuni që personi të mbajë ngrohtë duke përdorur një batanije, për shembull, por kujdesuni që të mos e fërkoni atë në zonën e djegur.
• Mbuloni djegien duke vendosur një shtresë të mbështjellësit, një qese plastike e pastër mund të përdoret gjithashtu për djegie në dorën tuaj
• Përdorni qetësues të dhimbjeve të tilla si paracetamol ose ibuprofen për të trajtuar çdo dhimbje
• Nëse fytyra ose sytë janë djegur, uluni sa më shumë që të jetë e mundur, në vend se të shtriheni, kjo ndihmon për të zvogëluar ënjtjen
• Nëse është një djegie acidike ose kimike, thirrni 999, provoni me kujdes të hiqni kimikatet dhe çdo veshje të kontaminuar dhe shpëlajeni zonën e prekur duke përdorur sa më shumë ujë të pastër

The post Si të mjekoni një djegie, 8 këshilla të ndihmës së shpejtë appeared first on Albeu.com.