“Ka shumë nevojë të rriten kapacitet tek punonjësit e mbrojtjes së fëmijëve për këtë çështje që është shumë delikate. Në disa bashki është ende sfidë të bëhen bashkë institucionet. Duhet t’i garantojmë një sistem të integruar të shërbimeve. Nëse ne nuk bashkëpunojmë të gjitha hallkat bashkë, do ta kemi shumë të vështirë këtë proces”,- tha Tandilli.

Drejtoresha ekzekutive e KSHH, Erida Skëndaj tha se tashmë janë ngritur mekanizmat për të siguruar mbrojtjen e fëmijëve në konflikt me ligjin, por nevojitet rritja e bashkëpunimit mes institucioneve, si dhe shoqërisë civile.

“Tashmë do të duhet të përqendrojmë aksionin tonë në zbatimin më të mirë të këtyre mekanizmave ligjorë, duke parë mundësi të reja për rritjen e bashkëpunimit, për rritje të kapaciteteve të njësive për mbrojtjen e fëmijëve, si dhe qoftë për të dhënë ndihmë për qendrën për parandalimin e kriminalitetit tek të miturit”- tha Skëndaj.

Në vendin tonë gjatë vitit 2021 kanë kryer vepra penale 1600 të mitur. Në takimin e organizuar nga KSHH u nënvizua nevoja për ndjekjen e rasteve deri në rehabilitimin e tyre.

The post 1600 të mitur në konflikt me ligjin, Skëndaj: Të forcojmë bashkëpunimin për të rritur kapacitetet në trajtimin e rasteve! appeared first on Albeu.com.