Në kazermën “Skënderbeu” në Ferizaj, rekrutët e rinj janë rreshtuar sot për të nisur rrugëtimin drejt anëtarësimit në Forcën e Sigurisë së Kosovës.

FSK-ja bëri të ditur se procesi po zhvillohet në Qendrën e Stërvitjes Bazë, e cila vepron në kuadër të Komandës së Doktrinës dhe Stërvitjes.

Me fillimin e trajnimit ushtarak bazë, rekrutët kanë hedhur hapin e parë për t’u bërë pjesë e Forcës së Sigurisë së Kosovës.

Programi intensiv do të zgjasë nëntë javë dhe është hartuar për përgatitjen e tyre fizike, psikologjike dhe profesionale.

Në njoftimin e FSK-së thuhet se gjatë kësaj kohe rekrutët do të fitojnë njohuritë dhe do të zhvillojnë aftësitë e domosdoshme ushtarake, në mënyrë që, pasi ta përfundojnë trajnimin, të jenë të përgatitur për të shërbyer si ushtarë dhe për t’u rreshtuar në formacionet ushtarake të strukturës së FSK-së.

The post Rekrutët e rinj të FSK-së fillojnë stërvitjen bazë në kazermën “Skënderbeu appeared first on Albeu.com.

Njësia e përbashkët mjekësore e KFOR-it (JMED), së bashku me personelin e Komandës Rajonale-Lindje (RC-E), zhvilloi një trajnim për evakuimin mjekësor dhe njohjen me procedurat e përdorimit të helikopterëve. Aktiviteti u mbajt në Kampin Film City në Prishtinë dhe në Kampin Bondsteel në Ferizaj.

Në këtë stërvitje morën pjesë personel mjekësor shumëkombësh dhe ekuipazhe të aviacionit nga e gjithë zona e operimit të KFOR-it, me synim rritjen e aftësive për reagim ndaj emergjencave mjekësore.

Pjesëmarrësit praktikuan marrjen dhe zbritjen e pacientëve nga helikopterë aktivë dhe joaktivë, ndërsa ushtruan edhe procedurat për ngritjen e pacientëve me vinç ajror (hoisting).

KFOR bëri të ditur se kombinimi i praktikës me shkëmbimin e përvojës u mundësoi pjesëmarrësve të thellonin njohuritë për sigurinë në aviacion dhe të përmirësonin bashkëpunimin profesional ndërmjet njësive të misionit.

Sipas misionit, trajnimi pasqyron përkushtimin e vazhdueshëm për ruajtjen e gatishmërisë mjekësore dhe të ndërgjegjësimit situacional, duke ndihmuar në krijimin e një mjedisi të sigurt për të gjithë qytetarët në Kosovë.

KFOR vijon përmbushjen e mandatit të tij në përputhje me Rezolutën 1244 të Këshillit të Sigurimit të OKB-së, në bashkëpunim të ngushtë me Policinë e Kosovës dhe EULEX-in, sipas roleve që secili institucion ka në fushën e sigurisë.

The post KFOR trajnon ekipet për evakuime mjekësore ajrore në Prishtinë dhe Ferizaj appeared first on Albeu.com.

Sipas një komunikate të Forcës së Sigurisë së Kosovës, “Interflex” është një nismë shumëkombëshe nën udhëheqjen e Mbretërisë së Bashkuar, e krijuar për përgatitjen dhe trajnimin e forcave ushtarake ukrainase, me qëllim rritjen e kapaciteteve të tyre operacionale dhe gatishmërisë për mbrojtjen e vendit.

Në njoftimin e ushtrisë thuhet se kontributi i pjesëtarëve të FSK-së është çmuar lart nga partnerët ndërkombëtarë, duke e forcuar edhe më shumë reputacionin e Kosovës si kontribuuese e besueshme në operacionet ndërkombëtare të sigurisë dhe në përpjekjet e përbashkëta për paqe dhe stabilitet.

“Që nga fillimi i angazhimit në këtë operacion, Forca e Sigurisë së Kosovës ka marrë pjesë me pesë kontingjente të njëpasnjëshme, duke kontribuar me instruktorë dhe personel të specializuar në realizimin e programeve të trajnimit për ushtarakët ukrainas. Përmes këtij angazhimi, FSK ka dëshmuar ndërveprueshmëri të lartë me forcat partnere dhe aftësi profesionale në mjedise shumëkombëshe”, thuhet në njoftim.

Përtej rolit të saj në kuadër të Operacionit “Interflex”, Republika e Kosovës ka shprehur mbështetje të vazhdueshme për Ukrainën edhe nëpërmjet pjesëmarrjes në konferenca dhe forume ndërkombëtare të përkushtuara koordinimit të ndihmës për këtë shtet, si edhe përmes ofrimit të ndihmës konkrete në pajisje dhe donacione për Forcat e Armatosura të Ukrainës.

“Këto veprime pasqyrojnë përkushtimin e Kosovës ndaj vlerave demokratike, respektimit të së drejtës ndërkombëtare dhe solidaritetit me popullin ukrainas në përballje me agresionin ushtarak, duke e pozicionuar Kosovën si një partnere aktive dhe të përgjegjshme në përpjekjet e përbashkëta për siguri dhe stabilitet në Evropë”, theksohet në komunikatë.

Me përmbylljen e Operacionit “Interflex” në Mbretërinë e Bashkuar, është mbajtur një ceremoni përfundimtare, gjatë së cilës u ndanë çmime dhe mirënjohje për punën, përkushtimin dhe kontributin e pjesëtarëve të FSK-së në realizimin e misionit.

The post FSK e mbyll me sukses angazhimin në operacionin ushtarak në Mbretërinë e Bashkuar appeared first on Albeu.com.

Ky program profesional i avancuar synon përgatitjen e oficerëve në forcimin e shkathtësive për planifikim operacional, vendimmarrje dhe drejtim të operacioneve ushtarake në rrethana komplekse dhe shumëkombëshe. Kryerja me sukses e këtij kolegji vlerësohet si një arritje e rëndësishme profesionale dhe si një hap domethënës në zhvillimin e karrierës ushtarake, si dhe në marrjen e përgjegjësive të reja udhëheqëse.

Gjatë ndjekjes së programit, majorja Budeci u veçua jo vetëm për arritjet e saj të larta në mësime, por edhe për disiplinën, profesionalizmin dhe përkushtimin që tregoi. Në shenjë vlerësimi për performancën e saj, ajo u zgjodh të shërbejë si lidere grupi, duke dëshmuar aftësi të theksuara në lidership, koordinim dhe bashkëpunim në një mjedis akademik dhe ushtarak shumëkombësh.

Kjo arritje përbën një sukses të rëndësishëm për oficerët e FSK-së dhe dëshmon angazhimin e vazhdueshëm për ngritje profesionale, zhvillim të kapaciteteve drejtuese dhe përfaqësim dinjitoz të Kosovës në programet ndërkombëtare të edukimit ushtarak.

Përmbyllja e këtij programi nga majorja Budeci ndikon në fuqizimin e kapaciteteve profesionale të FSK-së dhe në avancimin e standardeve të saj në përputhje me praktikat dhe përvojat e partnerëve ndërkombëtarë.

The post Majorja Mimoza Budeci e FSK-së diplomon me rezultate të larta në një kolegj ushtarak në Gjermani appeared first on Albeu.com.

Ministri i Mbrojtjes Niko Peleshi bëri të ditur se oficerët, nënoficerët dhe ushtarët përfunduan trajnimin 4 mujor në Keshan të Turqisë.

Pas pajisjes me dronët Bayraktar, Shqipëria do të ketë edhe ushtarak për Mjetet Fluturuese pa pilotë duke rritur ndjeshëm aftësitë dhe kapacitetet operacional të Forcës Ajrore dhe Forcave të Armatosura.

Pas dronëve Bayraktar, Forcat e Armatosura kanë tashmë edhe detashmentin e tyre të certifikuar të Mjeteve Fluturuese pa pilotë.

Oficerë, nënoficerë dhe ushtarë shqiptarë u trajnuan për plot 4 muaj në Keshan të Turqisë për pilot, elektronik, mekanik dhe operator ngarkesash, duke rritur ndjeshëm aftësitë dhe kapacitetet operacionale të Forcës Ajrore dhe Forcave të Armatosura.’, shkruan ministri Peleshi në Facebook.

The post Pas dronëve Bayraktar, ushtarakët shqiptarë përfundojnë trajnimin në Turqi për Mjetet Fluturuese pa pilot appeared first on Albeu.com.

Kontrolli u bë sipas të gjitha standardeve të Bashkimit Evropian, manuali i trajnimit, i cili sapo është zhvilluar dhe do t’i jepet Institutit të Përgatitjes së Qenve të Policisë së Shtetit dhe të gjitha njësive policore të qenve në pikat e kalimit kufitar në vend. Për herë të dytë, Prezenca e OSBE në Shqipëri zhvilloi takimin me përfaqësues të këtyre njësive nga Ballkani Perëndimor, Franca dhe Austria. Duke njohur rëndësinë e qenve në zbulimin e kalimit të sendeve të paligjshme me kufi, kreu i Kufirit dhe Migracionit, Saimir Boshnjaku, foli për rezultate të prekshme vetëm për vitin 2023, sidomos në gjetjen e parave të padeklaruara dhe armëve të zjarrit.

“Ne kemi pasur rezultate të prekshme. Për vitin 2023 parandalimi dhe goditja e transportit të vlerave monetare CASH nëpër pikat e kalimit kufitar, ka dhënë një kontribut shumë të rëndësishëm kontrolli me qen dhe mund të themi se vlera e sekuestruar e parave ka qenë rreth 3 milionë euro, që nuk janë pak”- tha Boshnjaku.

Synimi i OSBE-së është që manuali i trajnimit dhe shkëmbimi i eksperiencave me rajonin dhe vende të BE-së të vijojë më tej.

“Qëllimi i këtij projekti dhe eventi, nuk është vetëm dhënia e eksperiencave më të mira nga ana teorike por edhe nga ana praktike. Doja të theksoja që projekti nuk po suporton vetëm dhënien e disa dokumenteve strategjikë, por në të njëjtën kohë ne po përpiqemi që ti ofrojmë shtetit shqiptar platformat e nevojshme për rritjen e kapaciteteve, duke përfshirë këtu rikonstruktimin e Institutit e qenve, dhënien e disa pajisjeve te specializuara dhe makinave që do të bëjnë transportimin e qenve”- u shpreh Ballço, përfaqësues i prezencës së OSBE në Shqipëri.

Takimi rajonal këtë vit u fokusua në Manualin e Trajnimit të sapo hartuar sipas standardeve ndërkombëtare dhe nevojave të Policisë së Shtetit si pjesë e përpjekjeve të vazhdueshme të projektit “Asistencë për autoritetet e Republikës së Shqipërisë për uljen e rrezikut të përhapjes së armëve dhe keqpërdorimit të armëve të vogla dhe të lehta”. Manuali do të shërbejë si mjet i rritjes profesionale për të gjithë instruktorët e qenve të policisë, për të dalluar armët e zjarrit, municionet dhe eksplozivët e jashtëligjshme.

The post Trajnimi i qenve të policisë me manual nga OSBE! Boshnjaku: Japin ndihmë të madhe në pikat e kalimit kufitar appeared first on Albeu.com.