Gilman Lika ka nisur një etapë të re në karrierën e tij profesionale. Ish-sulmuesi, i cili tashmë është angazhuar në fushën e trajningut, është prezantuar si trajner te Al-Jazira Club në Emiratet e Bashkuara Arabe.

“Sezon i ri, skuadër e ri, sfidë e re. Le të shkojmë Al-Jazira”, shkroi Lika në rrjetet sociale, duke iu referuar rrugëtimit të tij të ri.

Sipas të dhënave të “Transfermarkt”, Al-Jazera ka një vlerë prej 43 milionë eurosh, ndërsa klubi nuk i kursen shpenzimet gjatë merkatos.

Gjatë karrierës si futbollist, Gilman Lika la gjurmë të rëndësishme te Vllaznia dhe Tirana. Me kuqeblutë e Shkodrës ai triumfoi në Kupën e Shqipërisë në sezonin 2007-2008, ndërsa me bardheblutë fitoi 4 trofe, konkretisht 2 Kupa dhe 2 kampionate, në periudhën më të artë të tij.

The post Gilman Lika nis aventurën si trajner, prezantohet te Al-Jazira në Emiratet e Bashkuara Arabe appeared first on Albeu.com.

Nurudeen Orelesi ka marrë zyrtarisht drejtimin e skuadrës U19 të Laçit. Trajneri 37-vjeçar ka lënë detyrën e ndihmësit te Apolonia për t’iu bashkuar projektit të ri të kurbinasve.

Vetë klubi bardhezi ka bërë të ditur arritjen e akordit me teknikun nigerian, një figurë e njohur për publikun shqiptar falë karrierës së tij si futbollist.

Mesfushori ka qenë protagonist me Skënderbeun në periudhën historike të korçarëve, kur ata siguruan pjesëmarrjen në fazën e grupeve të Europa League. Me fanellën bardhekuqe, Orelesi ka fituar katër herë kampionatin dhe një Superkupë të Shqipërisë.

Përvoja e tij në futbollin vendas është e gjerë, pasi ka veshur edhe fanellat e Dinamos, Vllaznisë, Kamzës dhe Apolonisë. Tani, ai synon të lërë gjurmë në rolin e tij të ri si trajner i parë në kampionatin “Abissnet Superiore” U-19.

The post Ish-kampioni i Skënderbeut, Orelesi merr drejtimin e ekipit U19 te Laçi appeared first on Albeu.com.

Tekniku spanjoll Pep Guardiola ka refuzuar ofertën për të marrë drejtimin e kombëtares së Italisë. Sipas asaj që bën të ditur “SkySport”, vendimi i tij buron nga motive personale, të cilat e kanë shtyrë të mos e pranojë këtë sfidë të re.

Prej disa javësh, qarkullonin zëra të shumtë se ish-strategu i suksesshëm i Barcelonës, Bayern Munich dhe Manchester City do të zinte vendin e lënë bosh nga Gattuso në pankinën e “Axurrëve”. Megjithatë, për momentin, ky kalim duket se nuk do të materializohet.

Me ardhjen e Paolo Maldinit si figurë kyçe në Federatën Italiane të Futbollit, optimizmi ishte rritur se Guardiola mund të bindej për këtë projekt. Por, bashkëpunimi nuk do të konkretizohet, duke e lënë trajnerin spanjoll ende pa një destinacion të ri profesional.

The post Pep Guardiola i thotë “jo” kombëtares italiane: Trajneri spanjoll sqaron vendimin për arsye personale appeared first on Albeu.com.

Erbim Fagu ka marrë zyrtarisht drejtimin e skuadrës U21 të ADO Den Haag. Tekniku 39-vjeçar ka lënë pas postin e trajnerit të ekipit U19 për t’u ngjitur në një kategori më të lartë, duke marrë përsipër drejtimin e formacionit më të madh.

Marrëveshja e re e lidh atë me U21 për një sezon, kontratë e cila skadon në përfundim të kampionatit të ardhshëm, në verën e vitit 2027. Vlen të theksohet se Fagu gëzon njohje edhe në Shqipëri, teksa ka drejtuar më parë Tiranën, klub që më pas e largoi nga detyra.

Vetë trajneri e ka cilësuar këtë si një nisje të re në rrugëtimin e tij profesional. “Sezoni i ardhshëm shënon një kapitull të freskët për mua në ADO Den Haag, tashmë si trajneri kryesor i U21. I jam mirënjohës vitit fantastik që lamë pas dhe jam gati për këtë provë tjetër. Fokusi im është totalisht te sfidat që na presin. Erdhi momenti për të themeluar diçka të qëndrueshme”, ka ndarë entuziazmin e tij Fagu.

The post Hap i ri në karrierë, ish-trajneri i Tiranës merr drejtimin e ekipit U21 në Holandë appeared first on Albeu.com.

Klubi Shumësportësh Tirana ka zyrtarizuar Ioannis Diamantakos si trajnerin e ri të skuadrës së basketbollit për meshkuj, menjëherë pas ndarjes së rrugëve me Erkand Karajn.

Tekniku grek, 51 vjeç, vjen me një eksperiencë të gjerë jashtë vendit. Angazhimi i tij i fundit ka qenë në krye të kombëtares së basketbollit për femra të Arabisë Saudite, ndërsa në të kaluarën ka punuar edhe në Greqi, Rumani, Palestinë dhe Liban.

Klubi bardheblu, përmes një njoftimi, bëri të ditur se ardhja e Diamantakos shënon nisjen e një etape të re për ekipin. Sipas Tiranës, trajneri i ri ka përvojë në drejtimin e klubeve profesioniste dhe përfaqësueseve kombëtare në Greqi, Rumani, Palestinë, Liban dhe Arabi Saudite.

Me filozofinë e tij të punës dhe profesionalizmin, Diamantakos pritet ta drejtojë skuadrën drejt synimeve të përcaktuara, me fokus zhvillimin e mëtejshëm të grupit, përmirësimin e paraqitjeve sportive dhe arritjen e rezultateve sa më të larta.

Tirana i ka uruar mirëseardhjen Ioannis Diamantakos, duke i dëshiruar suksese në aventurën e re me ngjyrat bardheblu.

The post Tirana zgjedh pasuesin e Erkand Karajt, Ioannis Diamantakos merr drejtimin e ekipit appeared first on Albeu.com.

Jorge Jesus është emëruar trajneri i ri i kombëtares së Portugalisë, pasi tekniku 71-vjeçar ka vendosur t’i japë fund eksperiencës së tij te Al-Nassr për të nisur një kapitull të ri në drejtimin e përfaqësueses portugeze.

Marrëveshja e firmosur mes Jesus dhe Portugalisë është 4-vjeçare dhe do të zgjasë deri në verën e vitit 2030. Ky është gjithashtu rasti i parë në karrierën e 71-vjeçarit kur ai merr drejtimin e një kombëtareje.

Gjatë karrierës së tij, Jesus ka qenë në stolin e skuadrave si Estrela, Leiria, Braga, Benfica, Sporting Lisbonë, Al Hilal, Flamengo dhe Fenerbahce. Ai zëvendëson Roberto Martinez, i cili u largua nga detyra pas eliminimit të Portugalisë nga Botërori 2026 në fazën e 1/16-ave.

The post Portugalia i beson stolin Jorge Jesus pas dështimit në Botërorin 2026 appeared first on Albeu.com.

Florin Bratu u prezantua sot si trajneri i ri i Partizanit. Pas takimit të parë me futbollistët, rumuni 46-vjeçar dha edhe deklaratën e tij të parë, teksa theksoi se do të bëjë maksimumin që skuadra të shpallet kampione në fund të sezonit të ardhshëm.

“Së pari përshëndetje të gjithëve. Falënderoj presidentin, të gjithë bordin dhe një përshëndetje të veçante për tifozët e Partizanit. Jam krenar që jam këtu dhe i lumtur sepse Partizani është nga klubet më të mëdha të futbollit shqiptar.

Kam ardhur këtu me shumë eksperiencë, dua të ndërtoj diçka speciale me këtë skuadër. E di shumë mirë që nuk do të jetë e lehtë se është klub ku të gjithë kërkojnë rezultate më të mira. Unë do të jap maksimumin që në fund të këtij sezoni të jemi kampionë”, ka deklaruar Bratu.

The post Bratu merr drejtimin e Partizanit dhe vendos objektivin: Do të jap gjithçka për titullin kampion appeared first on Albeu.com.

Skënderbeu ka vendosur që sezonin e ri t’ia besojë Julian Ahmatajt, i cili do të marrë drejtimin e skuadrës pas përfundimit të bashkëpunimit me Ernest Gjokën, trajnerin që riktheu korçarët në elitë. Klubi bardhekuq ka zgjedhur kështu teknikun elbasanas për pankinën e ekipit.

Për Ahmatajn bëhet fjalë për një kthim në Korçë, pasi ai e ka drejtuar edhe më parë Skënderbeun, konkretisht nga gushti i vitit 2020 deri në janar të 2021-shit. Tashmë ai do të jetë sërish në krye të ekipit, këtë herë për ta udhëhequr në elitë.

Tekniku 47-vjeçar paraqitet me një eksperiencë të pasur në stol. Gjatë karrierës së tij si trajner, ai ka qenë në drejtimin e skuadrave si Teuta, Bylis, Besa, Korabi, Burreli, Kamza, Luftëtari, Tirana dhe Shqipëria U19.

“Skënderbeu këtë sezon do të drejtohet nga trajneri Julian Ahmataj, i cili rikthehet edhe njëherë tjetër në Korçë, për të rikthyer Skënderbeu në krye të renditjes dhe për të bërë krenar një qytet të tërë”, thuhet mes të tjerash në reagimin e klubit korçar.

The post Skënderbeu i beson pankinën Julian Ahmatajt, tekniku elbasanas rikthehet në Korçë appeared first on Albeu.com.

Eni Imami i ka dhënë fund futbollit të luajtur. “Newsport.al” ka mësuar se pas përfundimit të kontratës me Kukësin, qendërmbrojtësi 33-vjeçar ka vendosur të tërhiqet, edhe pse nuk i kanë munguar ofertat nga klube të tjera.

Megjithatë, largimi i tij nuk do të thotë shkëputje nga futbolli. Sipas raportimit të “Newsport.al”, ish-mbrojtësi është pajisur me licencën UEFA B dhe shumë shpejt do të nisë punën për të përmbyllur edhe kursin UEFA A, çka më pas do t’i hapë rrugën ushtrimit të profesionit të trajnerit.

Në karrierën e tij, Imami ka regjistruar një bilanc të rëndësishëm në “Abissnet Superiore”, ku ka fituar 3 tituj kampionë. Ai është shpallur kampion me Dinamon në sezonin 2009/2010, me Kukësin në sezonin 2016/2017 dhe me Tiranën në sezonin 2019/2020.

Po ashtu, 33-vjeçari ka fituar edhe 3 Kupa të Shqipërisë, respektivisht me Laçin, Kukësin dhe Vllazninë. Në sezonin 2024/2025, ai ishte një nga figurat kryesore te Vora, duke kontribuar në fitimin e titullit të Kategorisë së Parë, që solli edhe ngjitjen historike në Superiore.

Sa i përket rrugëtimit të tij në fushë, Imami e nisi te Partizani U17. Më pas, ai veshi fanellat e Dinamos, Laçit, GC Biaschesi në Zvicër, Teutës, Kukësit, Tiranës, Skënderbeut, Vllaznisë, Flamurtarit, Vorës dhe sërish Kukësit.

The post Në 33 vjeç mbyll karrierën Eni Imami, ish-mbrojtësi i Tiranës dhe Partizanit gati për hapin e parë si trajner appeared first on Albeu.com.

56-vjeçari nga Tetova njihet për periudhën e tij te Vllaznia, ku më herët ka punuar me sukses. Sipas raportimeve më të fundit, Osmani pritet të nisë tashmë një eksperiencë të re në krye të Laçit.

Në karrierën e tij si trajner, Osmani e ka bërë startin te Shkëndija e Tetovës. Më pas ai ka qenë në drejtimin e Renovës, Shkupit, Vllaznisë, Strugës dhe Malishevës. Që prej tetorit të vitit 2025, ai është pa ekip.

Laçi vjen në këtë moment pas një sezoni të shkëlqyer në Kategorinë e Parë. Kurbinasit u shpallën kampionë në këtë kategori, duke siguruar rikthimin në elitë me meritë të plotë dhe pa pësuar asnjë humbje gjatë kampionatit.

The post Laçi gati t’i besojë pankinën Qatip Osmanit, ish-trajnerit të Vllaznisë appeared first on Albeu.com.