Klubi i Ligue 1 ka njoftuar se 36-vjeçari ka nënshkruar një kontratë dyvjeçare me skuadrën, duke zëvendësuar trajnerin e mëparshëm Bruno Genesio, i cili u largua në fund të sezonit 2025–2026.

Në deklaratën zyrtare, Lille theksoi eksperiencën e Ancelottit në nivelet më të larta të futbollit botëror, ndërsa ekipi do të konkurrojë në sezonin e ri dhe në UEFA Champions League.

“LOSC njofton sot emërimin e Davide Ancelottit si trajner kryesor i ekipit të parë. Trajneri italian, i cili ka punuar me disa nga klubet dhe ekipet kombëtare më të forta në futbollin botëror, ka nënshkruar një kontratë dyvjeçare”, thuhet në njoftim.

Ky është angazhimi i tij i parë i madh si trajner kryesor në Europë, pas një eksperience të mëparshme në drejtimin e Botafogo dhe periudhave si ndihmës trajner në klube të mëdha si Real Madrid, Bayern Munich dhe Napoli, si dhe në përfaqësuesen e Brazilit.

Ndërkohë, në Francë dhe Europë, vëmendja është përqendruar edhe te zhvillimet pas finales së UEFA Champions League, ku triumfi i Paris Saint-Germain ka sjellë festa të mëdha në Paris, por edhe tensione dhe incidente në disa zona të kryeqytetit.

Mes festimeve, disa grupe ultras të PSG-së kanë shfrytëzuar momentin për t’iu drejtuar edhe ish-lojtarit të tyre Kylian Mbappe, duke e bërë situatën edhe më të komentuar në mediat sportive franceze.

The post Djali i Carlo Ancelottit nis karrierën si trajner kryesor, merr drejtimin e ekipit francez appeared first on Albeu.com.