Sipas informatave të televizionit Alsat brenda prokurorisë, të dyshuar për zjarrin në modularin e Tetovës janë 4 persona.

Lënda në gjyqin e Tetovës dorëzohet pas hetimeve të kryera nga pesë prokurorët e vendit, si dhe hetimin e ekspertëve gjermanë. Sipas informatave të televizionit Alsat, lënda për momentin ndodhet në prokurorinë e Tetovës.

Procedura zvarritet me muaj të tërë edhe pse kryeprokurori Lubomir Jovevski, në një deklaratë për Alsat pati paralajmëruar se ndjekja penale ndaj shkaktarëve të tragjedisë është çështje ditësh.

Për djegien e modularit në Tetovë, gjatë procedurës hetimore janë thirrur mbi 30 mjekë dhe infermiere, që kanë qenë të angazhuara në qendrën COVID të Tetovës natën e kobshme kur modulari u përfshi nga flakët, ndërsa jetën e humbën 14 persona.

Janë thirrur edhe dëshmitarë okularë, por edhe familjarë që janë ofruar vetë për të dhënë dëshmitë e tyre. Në 8 shtator të vitit të kaluar spitali modular i Tetovës, ku po trajtoheshin 26 pacientë, u bë shkrumb.

Pas ngjarjes ministri i atëhershëm i Shëndetësisë Filipçe dhe zëvendësi i tij Ilir Hasani dhanë dorëheqje, por të njëjtat nuk u pranuan nga ish kryeministri Zoran Zaev. Dorëheqje dhanë edhe drejtori i përgjithshëm i Spitalit të Tetovës Florin Besimi dhe drejtori ekonomik Artan Etemi./Alsat

The post Tragjedia në Tetovë/ Të enjten afati i fundit për dorëzimin e hetimeve në gjykatë appeared first on Albeu.com.

Kështu thonë nga Prokuroria e Tetovës për rastin e modularit, ku humbën jetën 14 persona.

“Përkthimi i raportit pritet të zgjasë nga tre deri në dhjetë ditë, thonë prokurorët, ndërsa më pas do të merret për analizë nga ekipi i prokurorëve të kyçur në hetimin e djegies së modularit në qytetin e Tetovës”, raporton gazetari i Alsat, Bashkim Sulejmani.

Deri më tani, për këtë lëndë janë marrë në pyetje më se 30 persona, ndërsa ka pasur raste kur edhe vullnetarisht janë paraqitur për të dhënë dëshmitë e tyre, familjarë dhe persona të tjerë të cilët kanë ndodhur aty natën e kobshme të 8 shtatorit.

Gjithashtu janë marrë në pyetje punonjës të spitalit dhe të Ministrisë për Punë dhe Politikë Sociale si dhe nga Ministria e Shëndetësisë, bashkë me persona të kyçur në ndërtimin e modularit. Nga prokuroria thonë se raporti i ekspertëve gjermanë është tejet i rëndësishëm sepse, nga ky raport do të mund të hapen edhe pista të reja hetimi.

“Varësisht nga raporti i hetuesve gjermanë, nuk përjashtohet mundësia e hapjes së pistave të reja të hetimit, në mënyrë plotësuese, pavarësisht hetimeve që janë bërë deri më tani nga pesë prokurorët e kyçur në lëndë”, thonë nga Prokuroria e Tetovës.

Nga Prokuroria publike në Tetovë kanë sqaruar se hetimi po vonon pasi lënda është tejet voluminoze, andaj edhe merr kohë trajtimi i së njëjtës. Dyshimet fillestare janë se, zjarri ka shpërthyer nga një kabllo zgjatuese e cila është nxehur dhe ka shkaktuar zjarr. Në zjarrin që shpërtheu natën e tetë shtatorit të vitit të kaluar, humbën jetët 14 persona, 12 nga të cilët ishin pacientë dhe dy persona familjarë që kujdeseshin për pacientët e prekur me kovid. /Alsat.mk/

The post Tragjedia në Tetovë: Deri ku ka shkuar raporti i ekspertëve gjermanë? appeared first on Albeu.com.

Zaev në fjalën e tij është shprehur se dorëheqja e ministrit të Shëndetësisë, Venko Filipçe, zëvendësit të tij, Ilir Hasani dhe dy drejtorëve të Spitalit të Tetovës, Florin Besimi dhe Artan Etemi ishte një akt moral në lidhje me atë që kishte ndodhur.

“E kuptoj si akt moral dorëheqjen e Filipçes, Hasanit dhe drejtorëve. Tragjedi ndodhin gjithkund në botë, nuk mendoj se tërë qeveria duhet të japë dorëheqje”, ka thënë Zaev./albeu.com

The post Tragjedia në spitalin Covid në Tetovë, Zaev: S’kam pse jap dorëheqje, ngjarje të tilla ndodhin kudo appeared first on Albeu.com.

Dorëheqja e tij vjen pas tre dorëheqjeve paraprake pasditen e sotme, atë të dy drejtorëve të spitalit të Tetovës dhe zëvendësit të tij, Ilir Hasani.

Edhe ai, kolegët e tij paraprakë që dhanë dorëheqjen, e justifikon atë me përgjegjësitë morale që ai mban si ministër për atë që ndodhi në spitalin e Tetovës.

Kujtojmë se para 2 ditësh në spitalin e Tetovës humbën jetën 14 pacientë të shtuar me Covid në spitalin modular të Tetovës, si shkak i rënies së zjarrit në objekt.

Deri më tani, për këtë, nuk është vënë akoma asnjë person para përgjegjësisë./albeu.com

The post Tragjedia në Tetovë, jep dorëheqjen ministri i Shëndetësisë appeared first on Albeu.com.