“Shembulli i parë që duhet të jepje do të ishte dorëheqja jote. Ministri Çuçi, drejtori i përgjithshëm i Policisë bëtë propagandë, por ne dështuam. Nëse ju nuk menaxhoni vartësit tuaj, si do të menaxhoni popullin. Ju duhet të jepni dorëheqjen”, u shpreh një nga qytetaret në protestë”, ka thënë një qytetare në protestë.

“Arrogancë. Natë për natë këtu do jemi. Nuk ka siguri fare. Për mua Yuri Kim është non grata, zero. Edhe qeveria është non grata. Përditë. Me ik Cuci, me ik ajo tjetra” u shprehen qytetarët./albeu.com

The post “Drejtësi për Jonadën”, protestuesit: Natë për natë këtu do jemi, qeveria të shpallet “non grata” appeared first on Albeu.com.

Ndërkohë mjetet lundruese vijojnë të mos respektojnë zonën e kufizuar.

Policia e Vlorës, ditën e djeshme ka bllokuar 3 mjete lundruese, 1 gomone dhe 2 “Jet Ski.”

Pronari i njërit prej mjeteve lundruese, i cili nuk ka respektuar zonën e kufizuar për mjetet lundruese, po në Potam të Himarës ku ndodhi tragjedia është ndëshkuar me masë administrative 100.000 lekë.

“Shërbimet e DVKM Vlorë, në bashkëpunim me shërbimet e DVP Vlorë, në vijim të kontrolleve të mjeteve lundruese, duke marrë shkas dhe nga pamjet filmike të publikuara ditën e djeshme, në rrjetet sociale, në të cilat shfaqej një mjet lundrues tip gomone, me të cilin po transportoheshin pasagjerë, në një zonë të kufizuar për mjetet lundruese, në plazhin e Potamit, Himarë, kanë bërë të mundur lokalizimin e tij. Pas lokalizimit të mjetit lundrues tip gomone, në bazë të ligjit nr.43/2020 datë 23.04.2020, neni 6, u ndëshkua me masë administrative 100.000 lekë të rinj, pronari i mjetit lundrues, shtetasi V. P., 50 vjeç dhe u bë bllokimi i këtij mjeti, në portin e Himarës”, informuan blutë e Vlorës.

Gjithashtu, në vijim të kontrollove, në Himarë, u bë bllokimi dhe i 2 mjeteve të tjera lundruese “Jet ski”, në pronësi të shtetasit F. B., me qëllim kontrollin për dokumentacion, si dhe për verifikim nga Seksioni i Trafiqeve në DVP Vlorë.

Pas ngjarjes tragjike të ndodhur më 2 gusht, policia ka filluar një aksion në gjtihë bregdetin shqiptar duke bllokuar gjithë mjetet lundruese me shkelje, pa dokumentacion por edhe ato që janë shqetësim për pushuesit.

Por edhe pse u kujtua vetëm pas tragjedisë së Himarës, me sa duket masat dhe paralajmërimet nuk kanë qenë efektive.

The post Tragjedia e Himarës nuk mjaftoi, mjetet lundruese nuk respektojnë zonën e kufizuar në Potam të Himarës appeared first on Albeu.com.

Ata shprehen se nuk kanë asnjë shkresë zyrtare për bllokim.

“Ne ushtrojmë biznesin në Velipojë. Kam 14 vite që punoj te pista, jam zonë emergjente. Vetëm hajrin ma ka parë policia dhe jo sherrin. Shumë jetë njerëzish kemi shpëtuar. S’po na japin zgjidhje, jo sot, jo nesër. Tatimet dhe dokumentet i kemi në rregull, policia nuk po na jep asnjë zgjidhje. Kërkojmë të na japin një përgjigje. Policia na ka thënë vetëm kemi urdhër nga lart. Asnjë vendim, asnjë shkresë. I ka thënë i madhi, i ka thënë i vogli. Na ka dëmtuar se ne kemi kabina, punëtorë, dokumente, paguajmë taksa, tatime. Nuk na lejojnë, nëse do kundërshtojmë forcat e policisë, të çojnë brenda ata. Ec e gjeje të drejtën. Nuk ka kanë dhënë afat, vetëm prit. Kërkesa jonë është të dalim në punë.”

Ndërsa policia kufitare nuk i lejon të dalin në det dhe të ushtrojnë aktivitetin e tyre.

Pronarët e Jetski-ve kanë kërkuar zgjidhjen e problemit pasi me këtë biznes sigurojnë të ardhurat e tyre.

“Pas ngjarjes që ndodhi jemi të mërzitur se jemi familjarë vetë. U bllokua çdo gjë, erdhi një urdhër dhe policia kufitar tha se nuk duhen nxjerrë Jet skit-të në ujë. Kaq ishte dhe nuk kemi gjetur më asnjë mundësi që të dalim t’i hedhim. E pamë të arsyeshme që t’i drejtohemi medies. I bëjmë thirrje të na japin një zgjidhje. Dikush i ka për të ngrënë bukë, dikush i ka për biznes. Unë jam nga ata që e shfrytëzoj në ndonjë rast të veçantë, por më tepër i kam për qef.”

Në vend stacionimin e Jetski-ve në Velipojë sot në mëngjes kanë qenë edhe policia e kufirit ku janë bllokuar 15 Jetski për të mos dal në det. Ata janë të stacionuar në rërë dhe nuk kanë lëvizur.

Ndërkohë ditën e djeshme, pronarë dhe administratorë të mjeteve lundruese dhe detare kanë dalë protestë përpara policisë kufitare në Vlorë.

Ata protestuan për bllokimin e lundrimit të mjeteve lundruese pikërisht në kulmin e sezonit turistik.

Masa erdhi pas tragjedisë në 2 gushtit në Potam të Himarës ku skafi i drejtuar nga polici Arjan Tase i mori jetën vogëlushes 7-vjeçare Jonada Avdia në breg të detit.

The post Policia u bllokoi skafet pas tragjedisë në Himarë, pronarët në Vlorë e Velipojë në protestë: Me atë punë hamë bukë appeared first on Albeu.com.

Albeu.com ju sjell më poshtë më me detaje nga ngjarjet më të rëndësishme të javës

Tragjedia në Himarë, siguria në plazhe, reagimi publik dhe përplasja politike

Të martën e 2 gusht, rreth orës 14:00, vendi u trondit nga një ngjarje e rëndë. Një vajzë 7-vjeçare, ndërsa po notonte në det me të atin, një skaf i përmasave të mëdha e godet me helikat e motorit dhe i merr jetën. Drejtuesi i mjetit lundurues ishte Arjan Tase, ishte efektiv policie me detyrë Shef i Seksionit të Policimit në Komunitet në Komisariatin e Policisë Elbasan. Pas ngjarjes, ai u arrestuar dhe ditën e djeshme, Gjykata e Vlorës e ka njohur me masën e sigurisë “arrest me burg”, ndërsa se Prokuroria ka ngritur ndaj tij akuzën “vrasje e kryer në formën e dashjes indirekte” dhe jo “vrasje nga pakujdesia”, që ishte akuzuar më herët. Në dëshminë e tij ai tha: “Dua t’i kërkoj falje familjes të së miturës për tragjedinë që i kam shkaktuar. Nuk do të doja kurrësesi të kishte ndodhur ajo që ndodhi. Nuk dua të mbrohen dhe nuk do pretendoj asnjë rrethanë lehtësuese. Dua tju kërkoj ndjesë edhe të gjithë kolegëve të policisë së shtetit të prekur nga kjo situatë. Nuk duhet të ndodhte kurrsesi, por fati im i keq. Në det ishte gruaja me djalin e madh dhe motra më dy fëmijët. Nëse skafi do ishte rrotulluar në anën e kundërt do të kisha vrarë familjen time”. E gjithë kjo ngjarje tragjike ka sjellë një reagim të fortë të opinionit publik. Më 4 gusht, para Ministrisë së Brendshme u zhvillua një protestë ku Ramës iu dha ultimatum deri të hënën për të shkarkuar Ministrin e Brendshëm Bledi Çuçi, ministren e Turizmit Mirela Kumbaro si dhe Drejtorin e Policisë së Shtetit, Gledis Nano. Kujtojmë se ky i fundit, pas ngjarjes shkarkoi të gjithë oficerët e lartë në Drejtorinë Vendore për Kufirin dhe Migracionin në Vlorë. Qëndrimi i kryeministrit Rama, në lidhje me këtë ngjarje nuk është pritur mirë. Shefi i qeverisë tha se ky është sezoni më i rregullt turistik dhe politikanët e opozitës i cilësoi si vampirë politikë. Policia ka nisur një aksion për mjete lundruese dhe gjatë 4 ditëve, janë shoqëruar për verifikim të dokumentacionit rreth 200 mjete lundruese dhe argëtuese, nga të cilat 125 Jet ski dhe 75 gomone e skafe të vegjël.

Zjarret në vend

Sipas të dhënave nga Qendra Kombëtare Operacionale e Emergjencave Civile ne AKMC, gjatë 24 orëve të fundit janë raportuar 25 vatra zjarri. Nga të cilat janë shuar 16 vatra dhe konkretisht: në fshatin Bushat, bashkia Vau-Dejës, në fshatin Kucok, bashkia Durrës, në fshatin Karpen, bashkia Shijak, në fshatin Skuraj, bashkia Kurbin, në fshatin Rehovë, bashkia Polican, në fshatin Donofrosë, bashkia Dimal, në fshatrat Moravë dhe Lapardha të bashkisë Berat, në fshatin Seman, bashkia Fier, në fshatrat Dragot dhe Deshiran të bashkisë Belsh, në fshatin Laknas, bashkia Kamëz, në fshatin Llaman, bashkia Himarë, në fshatin Salari, bashkia Tepelenë, në fshatin Bajkaj, bashkia Delvinë, në fshatin Gosë e Vogël, bashkia Rrogozhinë. Në operacionet e shuarjes së vatrave gjatë 24 orëve të fundit janë angazhuar 408 forca operacionale, të Shërbimit te Mbrojtjes nga Zjarri dhe Shpëtimi , Forca të Armatosura, forca bashkiake, forca policore, punonjës të Administratës së Zonave të Mbrojtura, shërbimi pyjor, forca vullnetare dhe janë angazhuar 37 mjete zjarrfikëse. Aktualisht janë aktive vatrat e zjarrit në: Në Bashkinë Shkodër, në vendin e quajtur “Maja e Zorgjit” në fshatin Ndërlysaj, i cili vijon prej disa ditësh, me gjithë ndërhyrjen forcat të Administratës së Zonave të Mbrojtura nuk është bërë e mundur fikja e zjarrit. Ditën e sotme operacioni mbështetet dhe me 40 efektive nga Forcat e Armatosura. Në Bashkinë Mat, në fshatin German. Operacioni në ketë vatër zjarri ka disa ditë që zhvillohet nga forcat bashkiake, zonat e mbrojtura, forcat zjarrfikëse, forcat pyjore, të mbështëtur nga Forcat e Armatosura. Janë shuar disa vatra zjarri të cilat kanë qënë me përmasa të mëdha. Operacioni është në vijim. Në Bashkinë Durrës, në fshatin Shetaj ku janë disa vatra zjarri. Nga bashkia Durrës po vijon puna për ndërtimin e rrugëve të kalimit me qëllim afrimin e mjeteve zjarrfikëse sa më afër vatrave të zjarrit. Ditën e djeshme janë fikur disa vatra zjarri me mbështetjen dhe të Forcave të Armatosura. Operacioni për fikjen e zjarrit vazhdon. Në Bashkinë Krujë, fshatin Zezë ka rënë zjarr në sipërfaqe me shkurre dhe ferra. Forcat zjarrfikëse dhe të bashkisë po punojnë për shuarjen e tij. Në Bashkinë Kurbin vijojnë aktive vatrat në fshatin Mali i Bardhë, intensiteti i të cilit është i rritur si rezultat i erës së fortë. Strukturat e bashkisë dhe forcat zjarrfikëse po vijojnë operacionin. Në Bashkinë Mirditë, vazhdon të jenë aktive vatrat e zjarrit në fshatin Bulshar. Shërbimi zjarrfikës dhe forcat e bashkisë ka punuar dhe kanë shuar disa vatra zjarri. Operacioni ka filluar që në orët e para të mëngjesit. Në Bashkinë Mirditë, në fshatin Valçe ditën e djeshme u përfshi nga zjarri një sipërfaqe me pyll lisi. Menjëherë u angazhuan forcat e shërbimit zjarrfikës, punonjës të bashkisë dhe vullnetarë. Bashkia Himarë, Porto Palermo, ka rënë zjarr në sipërfaqe me shkurre, për shuarjen e së cilës janë angazhuar menjëherë forcat e shërbimit zjarrfikës të cilat kanë bërë të mundur vënin në kontroll. Në fshatin Cërricë, bashkia Skrapar, po vijon operacioni për shuarjen përfundimtare.

Nafta bie në bursa, Bordi e ul me 1 lekë

Bordi i Transparencës ka vendosur të ulë sërish çmimet e karburanteve. Benzina do të tregtohet 8 lekë më pak, me 199 lekë/litri nga 207 lekë nga vendimi i datës 2 gusht. Nafta do të tregtohet me 220 lekë për litër, nga 221 lekë që ishte më parë. Gazi ka mbetur i pandryshuar në 81 lekë për litër. Çmimi i naftës së papërpunuar në bursa, treguesi Brent, ka rënë së fundmi në rreth 94 dollarë për fuçi, duke arritur në nivelet e para sulmit të Rusisë ndaj Ukrainës, pas të cilit, Brent arriti deri në 130 dollarë për fuçi. Mos rënia e naftës në tregun vendas me të njëjtat ritme si treguesi Brent në bursat ndërkombëtare ka krijuar shqetësim te konsumatorët dhe shoqatat e biznesit, që kërkojnë transparencë dhe reflektim të çmimeve në tregun vendas. “Theksojmë se Bordi nuk cakton çmimet e naftës Bruto, por të gazoilit, benzinës dhe gazit të lëngshëm sipas standardeve të përcaktuara në Aktin Normativ. Bordi i përmbahet me përpikëmëri lëvizjes së bursës Plats të Mesdheut për gazoilin,benzinën, si dhe faturave zyrtare të operatoreve. Jo çdo lëvizje e bursës së naftës bruto reflektohet në të njëjtën kohë dhe në të njejtën masë në bursen e gazoilit dhe benzinës. Bordi ka caktuar vetëm marzhet bruto maksimale për shitjen me shumicë dhe pakicë, me të cilat operatorët duhet të mbulojnë të gjitha shpenzimet operative. Pra, vendimet që merr bordi dhe ndryshimi i çmimeve të shitjes lidhet vetëm me ndryshimet në bursën Platz të mesdheut për gazoilin dhe benzinës, pra jo të bursës së naftës bruto, si dhe në lëvizjen e kursit të dollarit. Gjithë elementët e tjerë që formojnë çmimin janë fikse dhe për këto bordi nuk merr vendim”, thuhet në njoftimin e Bordit./albeu.com

The post Tragjedia në Himarë, zjarret e çmimi i naftës, zhvillimet më të rëndësishme të kësaj jave appeared first on Albeu.com.

Nano zhvilloi një takim me efektivët e Stacionit të Policisë Shëngjin dhe më pas me efektivët e Stacionit të Policisë Kufitare Shëngjin, të cilët mbulojnë zonën bregdetare në qarkun Lezhë.

Drejtori i Përgjithshëm ka kërkuar nga drejtuesit e strukturave, si dhe nga efektivët, angazhim dhe përkushtim, për zbatimin me rigorozitet të detyrave dhe masave shtesë të caktuara nga Drejtoria e Përgjithshme e Policisë së Shtetit, me qëllim parandalimin e ngjarjeve që cënojnë jetën dhe shëndetin e pushuesve në plazhe e zona turistike.

Nano: “Punoni me përkushtim dhe përgjegjësi, pasi detyra që kryeni është sa e vështirë, aq edhe fisnike.

Me punën, angazhimin dhe ndershmërinë tuaj keni në dorë jetën e sigurinë e qytetarëve, imazhin e Policisë së Shtetit, si dhe të vendit në tëresi. Ky është privilegj, po aq edhe përgjegjësi, ndaj mos neglizhoni askënd, cilido qoftë, zbatoni ligjin e vetëm ligjin dhe shërbejuni qytetarëve me përkushtim e humanizëm.”

Më pas, Drejtor Nano, bashkë me drejtuesit e policisë vendore dhe kufitare, ka inspektuar nga afër masat shtesë. Gjatë vrojtimit me dylbi dhe kamera nuk është konstatuar asnjë mjet lundrues në zonat ku ka pushues.

Policia e Shtetit është e vendosur për ta çuar deri në fund këtë operacion masiv të ndërmarrë ndaj mjeteve lundruese, i cili do të kalojë në disa procese verifikimi dhe më pas mjetet lundruese që do të rezultojnë të rregullta, do t’i nënshtrohen rregullave të reja për të zbatuar me rigorozitet largësinë nga perimetri i sigurisë së pushuesve.

The post Pas ngjarjes në Himarë, Gledis Nano zbret në terren me dylbi: Mos neglizhoni askënd appeared first on Albeu.com.

News24 bën të ditur se disa ditë para ngjarjes së rëndë, ka pasur sinjalizime për policinë kufitare të Vlorës, jo vetëm për skafin që drejtonte Arjan Tase, por edhe për skafe të tjera që lundronin afër bregdetit në vijën bregdetare Porto Palermo deri në plazhin e Potamit.

Policia Kufitare nuk ka marrë asnjë masë edhe pse ka pasur informacione për skafin e Arjan Tases.

Kjo është një prej arsyejeve pse AMP po heton për veprën penale të shpërdorimit të detyrës zinxhirin komandues të policisë Kufitare të Vlorës./albeu.com

The post Tragjedia në Himarë mund të ishte shmangur, policia ishte në dijeni për Arjan Tasen dhe lëvizjet e tij me skaf: Denoncimet u “injoruan“ appeared first on Albeu.com.

Pas ngjarjes  së rëndë në Himarë, ku humvi jetën 7-vjeçarja Jonada Avdia, e cila u përplas nga skafi në drejtimin e të cilit ishte një efektiv policie, Drejtori i Përgjithshëm i Policisë së Shtetit, Gledis Nano ka marrë së fundmi një vendim për efektivët e strukturave bregdetare.

Mësohet se Gledis Nano ka pezulluar të gjitha lejet për punonjësit e strukturave të policisë për vijat bregdetare dhe zonat turistike, deri në përfundimin e sezonit turistik me qëllim rritjen e parametrave të sigurisë në plazhe dhe vendosjen e policisë në dispozicion të plotë.

Për pasojë Nano ka kërkuar që strukturat përgjegjëse të policisë të jenë në gatishmëri dhe në dispozicion të plotë për mbarëvajtjen e sezonit turistik.

Vetë drejtori i Policisë së Shtetit, ka zbritur në terren duke kryer kontrolle të imtësishme dhe vëzhguar punën e strukturave të policisë./albeu.com

The post Pas tragjedisë në Himarë, Gledis Nano lë pa pushime efektivët në zonat turistike appeared first on Albeu.com.

Në dosjen e prokurorisë së Vlorës të siguruar për “Balkanweb”, është dhe dëshmia e një pushueseje, e cila gjithashtu shprehet e shqetësuar për praninë e skafit para se të ndodhte vrasja e vajzës së mitur.

Shtetasja me iniciale S.M. tregon se bashkëshorti i kishte thënë të lajmëronte policinë për ta larguar skafin, por sapo kishte dalë nga uji ka ndodhur dhe ngjarja tragjike.

“Rreth orës 14:00 isha në det bashkë me bashkëshortin dhe po dilnin nga uji. Pamë se pas nesh ndodhej një skaf që po rrotullohej dhe gjendej në afërsi të bregut. Bashkëshorti më kërkoi që të lajmëroja policinë për të larguar skafin dhe ndërkohë që do dilja nga uji, dëgjova njerëzit që po bërtisnin. Kur ktheva kokën pash skafin e ngritur në mënyrë vertikale dhe pastaj situata doli nga kontrolli. Më pas pash goditjen që i ndodhi vajzës së vogël nga skafi dhe babai i vajzës bërtiste që të ndalonte”, ka thënë dëshmitarja e ngjarjes së rëndë në Himarë.

The post Tragjedia në Himarë, pushuesja: Skafi u ngrit vertikalisht dhe pastaj goditi 7-vjeçaren appeared first on Albeu.com.

Ka qenë kushëriri i 7-vjeçares që humbi jetën, E.Z, i cili ishte edhe dëshmitar okular, që ka thënë se ishin duke u larë në det kur skafi u afrua dhe megjithëse të gjithë po bërtisnin ndalo, drejtuesi ka vijuar të ecë.

“Ishin duke u larë në det dhe në këto momente një skaf i madh u afrua. Kur erdhi pranë skafi mori njerëz në breg dhe në ato çaste goditi fëmijën me helika. Të gjithë ne të tjerët që ishim në breg filluam t’i bërtisnim drejtuesit të skafit: ‘Ndalo se e vrave vajzën’. Drejtuesi i skafit vazhdoi të ecë pa dhënë asnjë ndihmë. Hyra në det dhe e nxora Jonadën e pajetë”, ka thënë ai.

Bazuar nga dëshmitë dhe nga pamjet e kamerave të sigurisë dhe nga veprimet e Arjan Tases, prokuroria e akuzoi për “vrasje me dashje indirekte”. Në dosje thuhet:

“Nuk ka vrasje nga pakujdesia, por vrasje me dashje pasi drejtuesi i mjetit lundrues që rezulton se kishte patentë ishte në dijeni të rrezikut që i sillte qytetarëve kur hyri në atë perimetër”, thuhet në dosje./albeu.com/

The post Ishte dëshmitar, rrëfimi i kushëririt të 7-vjeçares në Himarë: Drejtuesi i skafit vazhdoi të ecë pas vrasjes appeared first on Albeu.com.

Prokuroria e Vlorës pritet të ashpërsojë akuzën që do të rëndojë ndaj Arjan Tases. Fillimisht AMP ngriti akuzën e “vrasjes nga pakujdesia” gjë që mund të dënohet edhe me gjobë, ndërsa prokuroria pritet që mbi Tasen të ngrejë akuzën e “vrasjes me dashje”.

Si ndodhi ngjarja?

Më 2 gusht, rreth orës 14:00, në plazhin e Potamit, Arjan Tase, duke drejtuar një mjet lundrues tip skaf, ka goditur vajzën e mitur e cila po lahej në bregdet. Vogëlushja, për shkak të plagëve të rënda ka ndërruar jetë menjëherë. Ngjarja e rëndë ka ndodhur para syve të qindra pushuesve, të cilët janë tronditur nga ajo që kanë parë.

Familja e viktimës, me mbiemër Avdia, kishte nga ardhur nga Anglia për të kaluar pushimet në Shqipëri, ndërsa me origjinë ishte nga Tropoja. Pushuesit, të cilët kanë qenë dëshmitarë okularë të ngjarjes, u shprehën se mjeti është afruar në breg dhe ka bërë një manovër kthimi indietro dhe në këtë moment helika ka goditur fëmijën, ndërsa drejtuesi nuk ka qenë aspak i vëmendshëm për të shmangur atë.

The post Vrau me skaf 7-vjeçaren, mbërrin në gjykatë polici Arjan Tase appeared first on Albeu.com.