Makineria grirëse e mishit i kapi flokët kur ajo po e pastronte, duke e bërë copash.

Policia greke vendosi në pranga pronarin e dyqanit, i cili akuzohet për një aksident në punë me pasojë vrasje nga pakujdesia.

Trupi i shqiptares, e cila u identifikua si Ana, u dërgua në Patra për autopsi, ndërsa varrimi pritet të bëhet në Evinochori.

Ngjarja tragjike ndodhi në sy të 50-vjeçares, e cila punonte së bashku me të ëmën duke pastruar dyqanin për të siguruar jetesën.

“Vajza e saj po pastronte përpara dhe nëna ishte në kuzhinë. Në një moment vajza dëgjoi zëra. Ajo vrapoi dhe pa nënën e saj në atë gjendje”, tha një i afërm i viktimës për protothema.gr.

Gruaja prej dy vitesh jetonte në Mesolongji me nënën dhe dy fëmijët, vajzën 18-vjeçare dhe djalin 10-vjeçar, pasi u zhvendos nga Shqipëria, pas ndarjes me bashkëshortin.

The post U copëtua nga makineria e mishit teksa po e pastronte, kjo është 50-vjeçarja shqiptare që vdiq në Greqi (FOTO LAJM) appeared first on Albeu.com.

Nëpërmjet një postimi në Facebook, Peleshi shkruan se vendi ynë solidarizohet me Greqinë, ndërsa thotë se “jemi të gatshëm të ndihmojmë në çdo mënyrë që mund të nevojitet”.

Ndër të tjera Peleshi shprehet se humbja e dy pilotëve tregon shërbimin e paçmueshëm të çdo ushtaraku që është i gatshëm rrezikojë jetën e tij për të mbrojtur sigurinë e qytetarëve të vendit.

Kujtojmë se dy pilotët grekë humbën jetën kur avioni i tyre zjarrfikës u rrëzua gjatë shuarjes së zjarreve.

Kryeministri grek Kyriakos Mitsotakis shprehu shqetësimet për ditët sfiduese në vazhdim, pasi zjarret vazhduan të shkatërronin shtëpi dhe e bënë të nevojshëm evakuimin e turistëve nga ishulli i Rodosit.

Avioni, i tipit Canadair CL-215, u rrëzua në ishullin Evia, në lindje të Athinës, ku humbën jetën kapiteni 34-vjeçar dhe bashkë-piloti 27-vjeçar. Këto janë viktimat e para të raportuara nga zjarret në Greqi.

Transmetuesi shtetëror ERT tregoi pamjet e avionit duke hedhur ujë për të shuar zjarrin përpara se të përplasej në një kodër dhe të shpërthejë në flakë.
Zjarrfikësit, së bashku me ndihmë nga Turqia dhe Sllovakia, po luftonin me zjarret që kanë shpërthyer në ishullin Rodos që nga e mërkura.

Flakët u ringjallën për shkak të nxehtësisë dhe erës. Kryeministri Mitsotakis tha të martën se ditët e ardhshme do të jenë të vështira, me kushtet që mund të përmirësohen tek pas të enjtes.

“Të gjithë ne jemi në gatishmëri të lartë” tha ai. “Përballë asaj që po përballet i gjithë planeti, veçanërisht Mesdheu, i cili është një pikë e nxehtë e ndryshimeve klimatike, nuk ekziston asnjë mekanizëm mbrojtës magjik, nëse do të kishte ne do ta kishim zbatuar atë”, shtoi kryeministri grek.

Greqia ka shënuar temperatura shumë të larta javëve të fundit dhe ato pritet të mbeten të tilla së paku deri të mërkurën, duke i tejkaluar 44 gradë Celsius në disa zona. Rreth 20.000 njerëz u larguan nga shtëpitë dhe hotelet në Rodos, ditëve të fundit, pasi zjarret që nisën një javë më parë, u përhapën dhe arritën vendpushimet bregdetare në juglindje të ishullit.

Turizmi përbën 18% të prodhimit të Greqisë dhe një në pesë vende pune. Në Rodos dhe shumë ishuj të tjerë grekë, varësia nga turizmi është edhe më e madhe./albeu.com/

The post Tragjedia në Greqi, Peleshi mesazh ngushëllues për dy pilotët që humbën jetën në krye të detyrës appeared first on Albeu.com.

Tragjedia me mbytjen e anijes ndodhi të mërkurën e kaluar në Pylos në afërsi të Kallamatës. Anija kishte destinacion Italinë, ndërsa ishte nisur nga Tobroku, Libi.

Anija e peshkimit plotë me emigrantë nga Afganistani, Pakistani, Siria dhe Palestina. Deri më tani rezultojnë 79 të vdekur, por OKB thotë se rreth 500 rezultojnë të zhdukur. Roja bregdetare greke ka shpëtuar 104 emigrantë.

Në artikullin e BBC vihet në dyshim roja bregdetare greke. Analiza e lëvizjes së anijeve të tjera në zonë sugjeron se anija e mbipopulluar e peshkimit nuk lëvizi për të paktën shtatë orë përpara se të përmbysej.

OKB-ja ka bërë thirrje për një hetim mbi menaxhimin e tragjedisë nga Greqia, mes pretendimeve që duhet të ishin ndërmarrë më shumë veprime më herët për të nisur një përpjekje shpëtimi në shkallë të plotë.

Zyrtarët grekë thonë se kur roja bregdetare iu afrua anijes për t’i ofruar ndihmë, emigrantët refuzuan dhe thanë se donin të vazhdonin udhëtimin drejt Italisë.

Pakistani shpall zi kombëtare

Kryeministri pakistanez Shehbaz Sharif shpalli të hënën si “ditë zie” për tragjedinë. Rreth 300 pakistanezë dyshohet se kanë vdekur në mbytjen e anijes, megjithëse numri i saktë ende nuk është konfirmuar zyrtarisht.

Sharif formoi gjithashtu një komision për të hetuar incidentin dhe urdhëroi policinë të gjurmonte personat e përfshirë në trafikimin e qenieve njerëzore. Shumica e emigrantëve të zhdukur do të ishin nga shteti Azad Kashmir (të paktën 50) dhe ai i Gujarat (47 persona), sipas anëtarëve të familjeve të tyre pakistaneze./albeu.com/ 

The post Fatkeqësia me anijen e mbytur në Greqi, dyshime mbi Rojën Bregdetare greke appeared first on Albeu.com.

Padia nga zyrtarëve grekë u bë publike para se shteti të mbajë zgjedhjet kombëtare këtë të diel.

“Padia shënjestron kryeministrin, ministrat dhe ish-ministrat” si dhe zyrtarë të tjerë, tha përfaqësuesi i grupit, Christos Konstantinidis, gruaja e të cilit vdiq gjatë tragjedisë me trena.

Një tren me pasagjer u përplas me një tren me mallra më 28 shkurt, pasi gabimisht dy trenat ishin lejuar që të udhëtonin në të njëjtën shinë.

Tridhjetë nga 57 personat që vdiqën ishin nën moshën 30-vjeçare, shumica e të cilëve studentë.

Tragjedia nxiti protestat ku morën pjesë dhjetëra mijëra persona që shprehën pakënaqësinë e tyre me Qeverinë, e cila në tetë vjetët e fundit është udhëhequr nga konservatori Mitsotakis apo nga rivali i tij kryesor, majtisti Alexis Tsipras.

Ish-kreu i kompanisë të rrjetit hekurudhor OSE, që ishte detyruar të jepte dorëheqje pas aksidentit, veçse është duke u ndjekur penalisht.

Edhe tre zyrtarë të tjerë të hekurudhave po përballen me drejtësisë për shkak të përplasjes së trenave.

Qeveria u përball me kritika pasi fillimisht kishte tentuar që t’ia linte fajin zyrtarëve të hekurudhave.

Sindikatat e punëtorëve të hekurudhave për vite me radhë kanë paralajmëruar për rreziqet e sigurisë, duke argumentuar se rrjeti hekurudhor ka pak staf dhe për një dekadë nuk ka pasur investime.

Mitsotakis më pas kërkoi falje dhe u zotua se do të përmirësojë gjendjen e sigurisë në hekurudha në bashkëpunim me ekspertët e Bashkimit Evropian dhe me operatorin francez të trenave, SNCF.

Sipas ligjeve greve, vetëm Parlamenti mund të hetojë kryeministrin dhe ministrat./rel

The post Kryeministri grek paditet për aksidentin me trena appeared first on Albeu.com.

Siç thekson në njoftimin e saj, pavarësisht se kompania nuk është përgjegjëse për aksidentin, por për arsye të ndjeshmërisë së veçantë sociale dhe duke marrë parasysh Legjislacionin dhe Praktikën Evropiane në aksidente të ngjashme hekurudhore, ajo do të paguajë:

– familjarëve të pasagjerëve të ndjerë dëmshpërblim  prej 42.000 euro.

– për pasagjerët e lënduar, pavarësisht nga ashpërsia e dëmtimit, një dëmshpërblim prej 5000 euro nëse në datën e këtij njoftimi nuk janë shtruar në ndonjë spital apo klinikë dhe 10000 euro nëse në datën e këtij njoftimi ata ndodhen të shtruar në çdo spital apo klinikë me qëllim plotësimin e nevojave mjekësore.

Njëkohësisht familjeve të të vdekurve, të lënduarve dhe pasagjerëve të tjerë të trenit fatal do t’u jepet dëmshpërblim prej 300 euro për bagazhet e tyre.

Kujtojmë se nga përplasja e trenave humbën jetën 57 persona, mes tyre 6 shqiptarë./albeu.com/

The post Tragjedia në Larisa, kompania hekurudhore njofton dëmshpërblimet: 42 mijë euro për familjarët e viktimave appeared first on Albeu.com.

Kryeministri Rama përmes një postimi në Facebook, bëri me dije se e diela do të shpallet ditë zie dhe flamujt do të ulen në gjysmë shtizë.

Rama: Tragjedia e Greqisë është edhe tragjedia jonë, dhimbja për jetët e humbura në aksidentin e tmerrshëm është edhe jona dhe ky është një nga ato momente jetësore, kur një humbje e madhe tek fqinji të tregon më shumë se sa njëqind gëzime që jetët tona janë të ndërlidhura pazgjidhshmërisht, e se duhet të bëjmë çmos që t’i bëjmë ato sa më të mira, duke bashkëpunuar gjithnjë e më shumë me njëri-tjetrin

Ditën e dielë Shqipëria do të nderojë me një ditë zie viktimat e tragjedisë, duke u bashkuar simbolikisht me Greqinë mike me flamurin kombëtar të ulur në gjysëm shtiz.

Dy trena u përplasën në zonën e Tempit në Greqi dy ditë më parë.

Deri më tani numri i personave që humbën jetën si pasojë e aksidentit tragjik ka shkuar në 57. Një numër i madh trupash të pajetë nuk janë identifikuar ende, pasi përplasja e fortë e trenave shkaktoi zjarr në dy prej vagonave.

Në mesin e viktimave dyshohet se ka edhe shqiptarë. Klaudia Lata, studentja 21-vjeçare e Mjekësisë dyshohet të jetë mes viktimave të aksidentit tragjik në Larisa të Greqisë.

Një tjetër shqiptar që dyshohet i vdekur, është 24-vjeçari nga Tirana Denis Ruçi. Pjesa më e madhe e viktimave janë të rinj dhe të reja, studentë që po udhëtonin pas një ekskursioni nga Athina drejt Selanikut.

/Albeu.com/

The post Tragjedia në Greqi, Rama shpall të dielën ditë zie appeared first on Albeu.com.

Këtë e ka konfirmuar përmes një postim në Twitter, zëvendëspresidenti i Komisionit, Margaritis Schinas .

“Me vendim të Presidentes së Komisionit, Ursula von der Leyen, flamujt e Bashkimit do të jenë tashmë në gjysmështizë në të gjitha godinat e Komisionit Evropian në kujtim të viktimave të tragjedisë së Tempes. Evropa vajton me grekët”, shkruan Schinas në postim.

Με απόφαση της Προέδρου ⁦@vonderleyen⁩ από τώρα οι σημαίες της Ένωσης μεσίστιες σε όλα τα κτήρια της Ευρωπαϊκής Επιτροπής στη μνήμη των θυμάτων της τραγωδίας των Τεμπών.

Η Ευρώπη πενθεί με τους Έλληνες. pic.twitter.com/b2xn624g6x

— Margaritis Schinas (@MargSchinas) March 1, 2023

Kujtojmë se deri më tani janë konfirmuar 36 viktima, shumica të rinj dhe studentë, si dhe mbi 80 të plagosur./albeu.com

The post Përplasja e trenave në Greqi me dhjetëra viktima, selia e KE ul flamujt në gjysmështizë appeared first on Albeu.com.