tragjedia ne bullari Archives - Albeu.com

Drejtori i policisë bullgare: 50 pasagjerët në autobusin që u dogj ishin me origjinë shqiptare

E B — Tue, 23 Nov 2021 09:00:28 +0000

Drejtori i përgjithshëm i policisë bullgare Stanimir Stanev në një prononcim për Deutsche Welle ka deklaruar se në autobusin e përfshirë nga flakët mëngjesin e sotëm po udhëtonin 52 pasagjerë.

Ai ka deklaruar se 50 pasagjerët kanë qenë me origjinë shqiptare ndërsa dy shoferët ishin me origjinë maqedonase.

“Sipas informacioneve të para 52 pasagjerë ishin duke udhëtuar me autobusë, përfshirë dy shoferë me kombësi maqedonase dhe 50 pasagjerë me kombësi shqiptare”, ka thënë ai.

Edhe nga Ambasada e Maqedonisë së Veriut në Bullgari kanë konfirmuar për bTV se shumica e pasagjerëve në autobusë ishin nga Maqedonia e Veriut./ Abcnews.al

The post Drejtori i policisë bullgare: 50 pasagjerët në autobusin që u dogj ishin me origjinë shqiptare appeared first on Albeu.com.

Tragjedia në Bullgari, autobusi i përkiste një agjencie me emër shqiptar

E B — Tue, 23 Nov 2021 08:49:52 +0000

Autobusi që u dogj në orët e hershme të mëngjesit në Bullgari, ku humbën jetën të paktën 46 persona, është i agjencisë “Besa Trans”, e cila organizon turne turistike dhe tregtare drejt Stambollit.

Sipas informacioneve të para me autobusin në fjalë udhëtonin kryesisht persona të moshës së re të cilët ktheheshin nga një ekskursion.

Më herët kryeministri Zoran Zaev tha për MIA-n se kjo është një tragjedi e tmerrshme ku 12 fëmijë janë nën moshën 18 vjeçare, ndërsa të tjerët janë të rinj rreth moshës 20-30 vjeçare.

The post Tragjedia në Bullgari, autobusi i përkiste një agjencie me emër shqiptar appeared first on Albeu.com.

Zaev: Kam biseduar me një të mbijetuar, ka ndodhur një shpërthim i fortë

E B — Tue, 23 Nov 2021 08:19:04 +0000

Një aksident i rëndë ka ndodhur në orët e para të mëngjesit të sotëm, në Sofje të Bullgarisë, ku si pasojë kanë vdekur 45 persona dhe 7 kanë mbetur të lënduar.

Kryeministri i Maqedonisë së Veriut, Zoran Zaev, ka shkuar në Sofje, ndërkaq ka treguar që në mesine viktimave të aksidentit janë edhe 12 fëmijë nën moshën 18-vjeçare.

Zaev ka treguar se ka folur me një nga të mbijetuarit e aksidentit.

“Kam mundur të flas me njërin prej të mbijetuarve. Ai i ka thënë se është dëgjuar një shpërthim i fortë, pas së cilës ai dhe 7 pasagjerë të tjerë kanë arritur të ikin nga dritaret”, tha Zaev, i cili së bashku me ministrin e Shëndetësisë Venko Filipçe. dhe Ministri i Punëve të Jashtme Bujar Osmani tashmë janë në Sofje.

Zaev shton se kanë besim te autoritetet bullgare dhe se nuk do të kërkojë hetim paralel.

“Ne u besojmë kolegëve tanë bullgarë. Nëse ata kanë nevojë për ndihmë, ne jemi të gatshëm t’i ndihmojmë në hetim. Tani gjëja më e rëndësishme është të shohim se si t’i ndihmojmë viktimat,” shtoi Zaev.

Pas njohjes me gjendjen e të lënduarve, kryeministri do të takohet me homologun e tij bullgar Stefan Janev./alsat

The post Zaev: Kam biseduar me një të mbijetuar, ka ndodhur një shpërthim i fortë appeared first on Albeu.com.

Tragjedia në Bullgari, ministri Osmani: Shumica e viktimave janë të rinj nga Shkupi

E B — Tue, 23 Nov 2021 07:37:35 +0000

Ministri i Punëve të Jashtme të Maqedonisë së Veriut, Bujar Osmani, ka mbërritur në “Pirogov”, aty ku janë shtruar të plagosurit në aksidentin e rëndë, ku par marrjes flakë të autobusit humbën jetën 45 shtetas të Maqedonisë së Veriut, në autostradën e Strumës, Bullgari.

Osmani ka folur për mediat bullgare dhe ka thënë se, udhëtarët janë shumica e viktimave janë të rinj, dhe nga Shkupi, duke qenë se autobusi me të cilin udhëtonin ishte e një agjencie turistike të kryeqytetit.

Gjithashtu, sipas tij, ata kanë shfrytëzuar ditën pushim, që u dha për Ditën e Alfabetit të Gjuhës Shqipe./albeu.com

The post Tragjedia në Bullgari, ministri Osmani: Shumica e viktimave janë të rinj nga Shkupi appeared first on Albeu.com.