Zyrtarët francezë thonë se nga 27 personat që dihet se janë mbytur, 17 ishin burra, shtatë ishin gra,  njëra prej të cilave ishte shtatzënë  dhe tre ishin fëmijë.

Ministri i Brendshëm i Francës Gerald Darmanin kishte thënë më herët se anija kishte 34 persona në bord.

Dy persona u shpëtuan dhe ndodhen në gjendje kritike me hipotermi të rëndë në një spital francez. Njëri prej tyre është nga Iraku, tjetri është somalez, tha Darmanin për radion RTL.

Mediat franceze raportojnë se viktimat besohet të jenë kurdë irakianë ose iranianë./albeu.com

The post Detaje nga tragjedia në brigjet franceze, mes viktimave gra shtatzëna dhe fëmijë appeared first on Albeu.com.

Ngjarja e rëndë ka bërë që autoritetet të reagojnë. Kryeministri francez Jean Castex ka thirrur sot një takim për krizën. Ai do të takohet me ministrat për të diskutuar një përgjigje, pas asaj që ai e quajti “një tragjedi në brigjet franceze”.

Kujtojmë gjithashtu se kryeministri britanik Boris Johnson ka folur në telefon me presidentin francez Emmanuel Macron dhe kanë rënë dakord që të bëjnë gjithçka që është e mundur për të ndaluar bandat përgjegjëse që rrezikojnë jetët e njerëzve.

Deri më tani raportet janë se varka u përmbyt, por La Voix Du Nord, një faqe rajonale lajmesh në Francën veriore, po raporton se ajo u godit nga një anije e madhe.

Në lidhje me këtë ngjarje, Organizata Ndërkombëtare për Migracionin ka thënë se kjo është humbja më e madhe e jetëve në kanal që nga viti 2014.

Për ngjarjen janë arrestuar nga policia franceze 4 persona të dyshuar./albeu.com

The post Mbytja e 27 emigrantëve në brigjet franceze, kryeministri Castex mbledh qeverinë për marrjen e masave appeared first on Albeu.com.