Pak më vonë, mbetjet e avionit u gjetën në një shpat mali, rreth 16 kilometra larg aeroportit.

Megjithatë, deri në këto momente, helikopteri me ekipet e shpëtimit nuk ka arritur të ulet në zonën e vështirë dhe të pyllëzuar ku ndodhi përplasja, ndërkohë që një zjarr ka shpërthyer në vendin e rrëzimit.

“Në kuadër të operacionit të kërkim-shpëtimit, një helikopter Mi-8 i Shërbimit Federal të Aviacionit zbuloi trupin e avionit që kishte marrë flakë. Ekipet e shpëtimit po përpiqen të arrijnë në vendin e aksidentit”, thuhet në deklaratën zyrtare të autoriteteve.

Обломки разбившегося Ан-24 разбросаны на расстроянии полукилометра, сообщает Baza без ссылки на источник. Сесть на месте падения нельзя

На борту находились 49 человек, в том числе пять детей. Предварительно, выживших нет pic.twitter.com/0itd1XSc5t

— Сибирь Пост (@SibirPost) July 24, 2025

Sipas agjencisë shtetërore ruse TASS, avioni An-24 i kompanisë ajrore “Angara” ndërpreu komunikimin me kullën e kontrollit gjatë përpjekjes së dytë për të bërë ulje në aeroportin e qytetit Tinda, në kushte të dukshme të dobëta për shkak të mjegullës.

Sipas burimeve të agjencisë TASS, të cilat i referohen shërbimeve ruse të emergjencës, një nga pistat që po hetohet si shkak i mundshëm i tragjedisë është gabimi njerëzor, piloti mund të ketë goditur një kodër për shkak të pamjes së kufizuar gjatë përpjekjes së dytë për ulje.

Megjithatë, autoritetet kanë bërë të ditur se po shqyrtohen edhe pista të tjera.

The post Tragjedia ajrore me 49 viktima në Rusi/ Publikohen pamje nga rrënojat dhe flakët, çfarë dyshohet se u bë shkak i aksidentit (VIDEO) appeared first on Albeu.com.

Në skenat kaotike të filmuara nga banorët, duken qartë të rinj që varen nga ballkonet dhe zbresin me çarçafë të lidhur, ndërsa një re tymi e dendur ngrihet mbi ta.

Disa persona të tjerë, tashmë në tokë, ngjiten nëpër pemë për t’i drejtuar dhe ndihmuar të shpëtojnë.

Tragjedia ndodhi javën e kaluar, kur një avion Boeing 787 Dreamliner i linjës Air India u rrëzua vetëm disa sekonda pas ngritjes me destinacion Londrën.

Në bord ndodheshin 241 persona, përfshirë pilotët dhe ekuipazhin, të cilët humbën jetën në vend.

Sipas mjekëve, numri i viktimave ka arritur në rreth 280, pasi avioni goditi një zonë të populluar pranë aeroportit.

Ndërtesa ku u përplas avioni ishte një konvikt për studentët e një kolegji mjekësor. Flakët e shkaktuara nga përplasja u përhapën me shpejtësi, duke krijuar një skenë paniku dhe të dëshpëruar për jetë.

I vetmi që ka mbijetuar nga pasagjerët është Vishwash Kumar Ramesh, një shtetas britanik. Ai u nxor nga rrënojat me lëndime të rënda por gjendja e tij shëndetësore po përmirësohet.

Autoritetet kanë nisur hetimet mbi shkaqet e aksidentit.

The post Publikohen pamje të reja, njerëzit hidhen nga dritaret pas përplasjes së avionit në Indi (VIDEO) appeared first on Albeu.com.

Të gjithë, përveç njërit prej 242 personave që ndodheshin në bord, humbën jetën kur aeroplani me destinacion Londrën u rrëzua në një zonë banimi menjëherë pas ngritjes të enjten.

Ende nuk dihet se sa njerëz në tokë u vranë nga përplasja e aeroplanit që goditi një konvikt mjekësh.

I mbijetuari i vetëm, shtetasi britanik Vishwashkumar Ramesh, i cili ishte ulur në vendin 11A, ndodhet në spital, ndërsa vëllai i tij thotë se “nuk ka idenë se si mbijetoi”.

Në fluturim kishte 169 shtetas indianë, 53 britanikë, shtatë shtetas portugezë dhe një kanadez, deklaroi Air India.

Familjet kanë dhënë mostra ADN-je, për të ndihmuar në identifikimin e viktimave.

Mbetjet mortore të personave që humbën jetën ende po nxirren nga vendi i rrëzimit, ndërsa Reuters raportoi se deri më tani ishin gjetur 81 trupa.

Shkaku i rrëzimit ende nuk dihet dhe hetuesit janë ende duke kërkuar për dy kutitë e zeza që do të japin më shumë detaje.

The post Tragjedia ajrore me 242 viktima/ Kryeministri indian viziton vendin e rrëzimit të aeroplanit, vazhdojnë kërkimet për kutitë e zeza appeared first on Albeu.com.

Kina ka vendosur drone për të kërkuar më shumë prova në një zonë prej gati 680,000 metrash katrorë rreth vendit të rrëzimit të avionit.

Boeing 737-800, i cili u rrëzua të hënën me 132 persona në bord, thuhet se po udhëtonte me shpejtësinë e afërt me shpejtësinë e zërit në male. Avioni po kalonte në ajër me mbi 640 milje në orë dhe mund të kishte kaluar 700 mph.

Çfarë janë kutitë e zeza?

“Kutia e zezë” është ngjyrë portokalli, pasi kështu mund të gjendet më lehtë në vendngjarje. Ka dy lloje kutish: regjistruesi i të dhënave të fluturimit (FDR) dhe regjistruesi i zërit të pilotëve (CVR). Nëse avioni shpërthen në flakë, kutitë mund t’i rezistojnë një temperature më shumë se 1100 gradë Celsius për 1 orë, ose 260 gradë për 10 orë. Ato vendosen zakonisht në bishtin e avionit, pjesa që zakonisht ka më shumë gjasa të mbetet më pak e dëmtuar në rastin e një përplasje. Kutitë mund të regjistrojnë në kohë reale 25 orë të dhëna dhe komunikime. Më pas, pajisja i arkivon po vetë në sistem. Secila nga kutitë ka të integruar një gjurmues nënujor. Në rast se avioni zhytet në ujë, pajisja lëshon një sinjal zanor.

Ajo mund të transmetojë edhe në thellësinë 4.200 nën sipërfaqen e detit. Dhe mund të pulsojë 1 herë në sekondë për 30 ditë me radhë. Pas 1 muaji, bateria shkarkohet, dhe gjetja e kutisë së zezë, dhe bashkë më të edhe avionit, bëhet shumë e vështirë. Kutitë e zeza regjistrojnë 88 parametra. Mes tyre shpejtësinë e ajri, presionin atmosferik, lartësinë etj. Ato japin detaje mbi rripat e sigurimit, temperaturën në pjesën e pasagjerëve dhe bagazheve. Ato kushtojnë zakonisht 10-15 mijë dollarë secila. Është menduar që kutitë e zeza të bëjnë edhe regjistrimin video brenda avionit. Por kjo ide ka ngjallur shqetësime për shkeljen e privatësisë.

The post Gjendet kutia e zezë appeared first on Albeu.com.