Tragjedi në Greqi Archives - Albeu.com

Tragjedi! Çifti humb fëmijën 10-muajshe në aksident, një ditë para dasmës

E B — Fri, 20 May 2022 05:46:53 +0000

Një tragjedi e paimagjinueshme ka ndodhur të enjten jashtë Elassonës , ku një djalë 10 muajsh ka humbur jetën pas një aksidenti automobilistik.

Sipas mediave greke, ngjarja ka ndodhur vonë pasditen e së enjtes, në rrugën provinciale Elassona – Kefalovrysos, kur makina që drejtohej nga 38-vjeçarja nëna e foshnjës, në rrethana të paqarta ka dalë nga rruga dhe për pasojë djali u plagos rëndë.

Fëmija u dërgua në spital me urgjencë, ku për disa orë iu nënshtrua reanimacionit kardiopulmonar, por nuk arriti t’u mbijetonte plagëve.

Nga ana tjetër, nëna nuk u lëndua.

Ironia tragjike është se nesër të shtunën çifti do të bënte dasmën, por edhe pagëzimin e vogëlushit që u nda nga jetë para kohe./albeu.com

The post Tragjedi! Çifti humb fëmijën 10-muajshe në aksident, një ditë para dasmës appeared first on Albeu.com.

Do shënonte tragjedi, përfshihet nga flakët autobusi me 30 nxënës

E S — Thu, 28 Apr 2022 13:06:22 +0000

Një autobus turistik me 30 pasagjerë është përfshirë nga flakët mesditën e sotme në Bralo në afërsi të Lamias më Greqi. Sipas lamiareport.gr në autobus ndodheshin 30 nxënës që po ktheheshin nga një ekskursion. Për fat të mirë shoferi i autobusit ka kuptuar se diçka nuk po shkonte mirë me autobusin, e për pasojë fëmijët [...]

Tragjedi në Greqi, kampioni i garave me motorr humb jetën në një aksident tragjik

E S — Wed, 27 Apr 2022 13:11:41 +0000

Bota e motorëve është tronditur nga vdekja tragjike e kampionit grek 19-vjeçar në kategorinë Crosscar, Konstantinos Takidellis, i cili mbrëmjen e së martës, kur në rrethana të paqarta, mjeti që drejtonte u rrëzua nga ura në rrugët Kymi dhe Kapodistriou dhe përfundoi në rrugë.

Sipas protothema.gr, aksidenti me fatalitet ka ndodhur në orët e vona të së martës, rreth orës 10:20, sipas një dëshmitari okular në Nea Joni, ku 19-vjeçari u gjend i vdekur nga forcat zjarrfikëse dhe një tjetër i plagosur rëndë, i cili ishte shoku i 19-vjeçarit Konstantinos. Modeli i motqë drejtonte ishte gjenerata e mëparshme Ford Focus ST me motorin 2.5 litra me pesë cilindra. Mësohet se aksidenti ka ndodhur për shkak të shpejtësisë së tepërt dhe humbjes së kontrollit të makinës.

Familja e tij, e cila prej dekadash është përfshirë në industrinë e makinave është e shkatërruar nga humbja e papritur e djalit të tyre, ndërsa Klubi i Garave të Sporteve Motorike shprehu ngushëllimet për humbjen në një status në rrjetet sociale

Alexandros Rustemis, mik i familjes, por edhe babai i pilotit Panagiotis Rustemis, i cili së bashku me Kostas Takidellis kishin ndarë disa herë vendet e para në gara, 19-vjeçari përveçse një pilot motorri me të ardhme, ishte gjithashtu një fëmijë i rrallë.

“Po flasim për kampionin e Greqisë. Një fëmijë nga një familje jashtëzakonisht e mirë, me parime dhe dashuri për sportin. Unë jam vetëm i pikëlluar për vdekjen e tij. Djalë i madh, vetëm ai e di si ndodhi dhe pse ndodhi e gjitha. Të gjithë kemi dhimbje dhe do të kemi dhimbje për humbjen e tij”, tha ai.

Sipas Alexandros Rustemis, 19-vjeçari kishte shumë më tepër për të ofruar në pistat e sporteve motorike./albeu.com

The post Tragjedi në Greqi, kampioni i garave me motorr humb jetën në një aksident tragjik appeared first on Albeu.com.