Baran Nouri Hamadami, udhëtoi disa shtete, Gjermani e Francë, për të takuar pas shumë kohësh të fejuarin që jetonte në Angli, një surprizë e saj e cila përfundoi në tragjedi.

Sot ka reaguar për mediat e huaja, babai I 24 vjeçares i cili i shkatërruar nga tragjedia e rëndë në kanalin mes Francës dhe Anglisë sulmoi ashpër trafikantët dhe dy shtetet, Anglinë dhe Francën.

“Kjo është një tragjedi jo vetëm për mua, por për të gjithë Kurdistanin dhe botën. I kërkoj qeverisë franceze të shtrëngojë kufijtë e saj dhe të ndalojë ata kasapë. Ata nuk janë kontrabandistë, janë mafiozë. Kjo është kërkesa ime e vetme.

Ato varka që po përdorin nuk janë bërë për këtë qëllim. Ata i trajtojnë ata të varfër si kafshë.

Ku ishin të drejtat e saj njerëzore? Është roli i qeverisë franceze që të ketë një procedurë të rreptë për të ndaluar ata kasapë për të shmangur tragjedi të mëtejshme.

Dhe shpresoj që njerëzit tanë të ndalojnë së menduari për migrimin duke përdorur mënyra të ngjashme.”- tha për mediat Nuri Mohammed Amin, babai I 24 vjeçares.

Çfarë ndodhi në kanalin mes Francës dhe Anglisë?

27 viktima është bilanci i tragjedisë të ndodhur në këtë kanal ku shtetas nga Lindja e Mesme po tentonin të kalonin drejt Anglisë.

Mes viktimave mësohet se ishin 5 gra dhe një vajzë e mitur ndërkohë policia franceze vuri në pranga menjëherë pas ngjarjes 5 persona të lidhur me trafikun e njerëzve drejt Britanisë së Madhe.

Një ndër viktimat është 24 vjeçarja Hamadamin, një studente e sapo fejuar e cila kishte udhëtuar nëpër Gjermani dhe Francë për t’u bashkuar me të fejuarin në Britaninë e Madhe.

Ajo kishte paguar një shumë të majme për trafikantët në mënyrë që të kalonte shëndoshë e mirë drejt Anglisë.

Sipas dëshmive, ajo ka folur me të fejuarin e saj, Karzan Asaad dhe ai gjurmonte GPS-in në telefonin e saj.

Sinjali u shua pas 4 orësh në det, dhe mesazhi I saj I fundit ishte se varka ishte përmbysur por shpëtimtarët ishin rrugës.

Trupi i saj u identifikua tragjikisht nga një i afërm në një morg francez dje. /albeu.com/

The post U përmbys varka e humbi jetën, dalin mesazhet e fundit të 24 vjeçares për të fejuarin: Mos u mërzit, do të shpëtoj! appeared first on Albeu.com.

Lajmi u bë me dije fillimisht nga instancat franceze të cilët u nisën menjëherë drejt vendit të mbytjes në bashkëpunim me forcat angleze.

Kryeministri anglez Boriz Johnson ka reaguar për herë të parë në lidhje me këtë tragjedi ku ende nuk ka një shifër përfundimtare mbi viktimat.

“Jam i shokuar, tmerruar dhe thellësisht I mërzitur mbi këtë tragjedi”- deklaroi Johnson nga Doëning Street.

“Mendimet e mia janë me viktimat dhe familjet e tyre, por dua të shtoj se është një fatkeqësi e nënvlerësuar për të kaluar kanalin në atë mënyrë”- shtoi Boris Johnson. /albeu.com/

The post Drejt Anglisë për një jetë më të mirë! Reagon për herë të parë Boris Johnson për tragjedinë me 31 të mbytur appeared first on Albeu.com.