Qarkullimi ajror në Kosovë pësoi rënie gjatë qershorit 2026, si për nga fluturimet e kryera, ashtu edhe për nga udhëtarët që shfrytëzuan këtë formë transporti.

Agjencia e Statistikave të Kosovës bëri të ditur se gjatë këtij muaji u realizuan gjithsej 2 mijë e 314 fluturime. Krahasuar me qershorin 2025, kur numri i tyre ishte 2 mijë e 454, kjo përbën një ulje prej 5.7 për qind.

Në terma numerikë, brenda një viti janë kryer 140 fluturime më pak.

Një prirje rënëse u regjistrua edhe te udhëtarët. Në qershor 2026, transportin ajror e përdorën gjithsej 372 mijë e 433 persona, 5 për qind më pak se në të njëjtin muaj të vitit të kaluar.

Në qershor 2025 ishin evidentuar 392 mijë e 165 udhëtarë, çka do të thotë se sivjet numri i tyre ishte rreth 19 mijë e 700 më i ulët.

Statistikat e ASK-së dëshmojnë se tkurrja përfshiu si hyrjet në Kosovë, ashtu edhe daljet nga vendi.

Përmes transportit ajror, në Kosovë hynë 196 mijë e 92 udhëtarë gjatë qershorit 2026. Ky numër ishte 4.8 për qind më i vogël se në qershor 2025, kur u regjistruan 205 mijë e 929 ardhje.

Në të njëjtën kohë, nga Kosova dolën 176 mijë e 341 udhëtarë, duke shënuar rënie prej 5.3 për qind në raport me një vit më parë. Në qershor 2025, vendin e kishin lënë 186 mijë e 236 udhëtarë.

Rënia vjetore prej 5 për qind e numrit të përgjithshëm të udhëtarëve sinjalizon një zvogëlim të dukshëm të trafikut ajror pikërisht në një muaj që zakonisht shoqërohet me lëvizje më të mëdha për shkak të sezonit veror.

Qershori konsiderohet si nisja e sezonit të verës dhe zakonisht sjell më shumë udhëtime për pushime, vizita te familjarët dhe dalje jashtë vendit. Megjithatë, të dhënat e ASK-së për qershorin e këtij viti paraqesin një drejtim të kundërt nga ai i të njëjtit muaj të vitit paraprak.

Krahasimi vjetor tregon se fluturimet zbritën nga 2 mijë e 454 në qershor 2025 në 2 mijë e 314 në qershor 2026. Në të njëjtën periudhë, numri i udhëtarëve ra nga 392 mijë e 165 në 372 mijë e 433.

Ndryshe nga sektori ajror, transporti hekurudhor regjistroi shtim të udhëtarëve. Gjatë qershorit 2026, me tren udhëtuan 7 mijë e 238 persona, ose 7.4 për qind më shumë se në qershor 2025.

Sipas ASK-së, gjatë të njëjtit muaj nuk u bë asnjë transport mallrash nëpërmjet hekurudhave.

Kështu, udhëtimet me tren u rritën në qershor, megjithëse numri i pasagjerëve në hekurudha vazhdon të jetë shumë më i vogël krahasuar me trafikun ajror. Ndërkohë, transporti hekurudhor dhe telefonia shënuan lëvizje të ndryshme.

The post Trafiku ajror në Kosovë tkurret me 5.7 për qind, bien fluturimet dhe numri i udhëtarëve appeared first on Albeu.com.

Shkak kryesor mbeten punimet në rrugë, sidomos në zonën e Murrashit, ku po ndërtohen edhe dy tunele, puna e të cilëve nuk ka një afat të qartë përfundimi.

Shoferët raportojnë vonesa që shkojnë nga 30 minuta deri në disa orë, sidomos gjatë kësaj fundjave ku për shkak edhe të fluksit të festave qytetarët kanë pritur me orë të tëra në trafik në temperatura minus.

Për banorët e zonës dhe transportuesit, kjo rrugë është kthyer së fundmi në një provë durimi. Mungesa e sinjalistikës, mungesa e një By Pass-i dhe menaxhimi efikas i trafikut nga ana e policisë e përkeqëson edhe më tej situatën.

Përpos deklaratave periodike për përmirësimin e infrastrukturës, qytetarët kërkojnë një plan konkret për lehtësimin e trafikut dhe një përgjigje të qartë se kur do të përfundojnë këto punime që janë kthyer tashmë në një makth të përditshëm.

Deri atëherë, aksi Elbasan–Librazhd mbetet simbol i një problemi të përsëritur në infrastrukturë, ndërsa nuk dihet ende se sa do të zgjasë ky hall që i ka zënë shoferët dhe qytetarët që u duhet të lëvizin në këtë zonë.

The post Trafiku që nuk mbaron kurrë-Sa do të zgjasë kalvari i pritjeve në aksin Elbasan-Librazhd?! appeared first on Albeu.com.

Kaosi rrugor, i shkaktuar nga ngricat tejet të mëdha dhe reshjet e dëborës, la të bllokuara mijëra automjete dhe dhjetëra mijëra pasagjerë, të cilët u detyruan të kalojnë orë të tëra në rrugë, në kushte të vështira atmosferike.

Situata u përkeqësua ndjeshëm në segmentet më problematike të këtij aksi, të njohura për prezencën e shpeshtë të ngricave, si “Kthesat e Murrashit”, “Kthesat e Dragostunjës” dhe “Kthesat e Pishkashit”, ku mungesa e ndërhyrjes në kohë bëri që qarkullimi të paralizohej pothuajse totalisht.

Automjetet u rreshtuan në kolona të gjata, të cilat në disa raste arritën deri në dhjetëra kilometra nga Fushë Labinot i Elbasanit deri te Ura e Bushtricës në bashkinë e Prrenjasit, duke krijuar një situatë e paprecedentë për këtë aks kombëtar.

Sipas burimeve nga terreni, nëse firmat e kontraktuara për mirëmbajtjen e këtyre segmenteve rrugore do të kishin qenë në gadishmëri dhe do të kishin ndërhyrë në kohë me hedhjen e kripës në zonat problematike, situata nuk do të kishte dalë jashtë kontrollit.

Mungesa e masave parandaluese dhe vonesa në reagim u kthyen në faktorë kyç që çuan në bllokimin masiv të qarkullimit.

Vetëm pas ndërhyrjes shumë të vonuar dhe përmirësimit gradual të kushteve atmosferike, qarkullimi nisi të normalizohej, duke i dhënë fund një dite të gjatë dhe tejet të vështirë për drejtuesit e mjeteve dhe pasagjerët.

Ndërkohë, kjo situatë ka ngritur shqetësime serioze dhe kërkesa për përgjegjësi dhe planifikim më të mirë nga institucionet dhe subjektet përgjegjëse për mirëmbajtjen e rrugëve, në mënyrë që episode të tilla të mos përsëriten në të ardhmen.

The post Pas 15 orësh radhë të gjata, rikthehet normaliteti në aksin Elbasan-Librazhd-Prrenjas appeared first on Albeu.com.

Binaj i është referuar problemit të trafikut të rënduar në Tiranë.

Ai thotë se një qytetar humb mesatarisht 1 orë në ditë në trafik, kohë që ata mund ta kalonin me prindërit apo fëmijët e tyre.

“Çdo qytetar i Tiranës humb mesatarisht 1 orë në ditë në trafik. Në 1 muaj humb 1 ditë e 6 orë. Në një vit humb 15 ditë. Nëse rregullojmë trafikun në Tiranë ato 15 ditë mund ti kalojmë pranë prindërve tanë, fëmijëve tanë ose me miqtë tanë”, shkruan Florjan Binaj në Facebook.

The post Florian Binaj: Çdo qytetar i Tiranës humb 1 orë në ditë në trafik, nëse rregullojmë këtë problem, do të kalojmë më shumë kohë pranë fëmijëvë tanë appeared first on Albeu.com.

Në strategjinë Kombëtare për Krimin e Organizuar 2026-2030, nënvizohet se avancimi teknologjik sëbashku me të mirat që sjell kur përdoret, për aspektet pozitive ofron edhe mënyra më të sofistikuara për ata që e përdorin për aktivitete të jashtëligjshme.

“Kohët e fundit është identifikuar një trend rritës në përdorimin e kriptomonedhave për pagesa në tregun e lëndëve narkotike duke mundësuar në këtë mënyrë fshehjen e gjurmëve financiare si dhe përdorimi i rrjetit DarkWeb për të shpërndarë lëndët narkotike duke ruajtur në këtë mënyrë anonimitetin e shpërndarësve të këtyre lëndëve”, thuhet në strategji.

Qeveria nënvizon gjithashtu se; Shqipëria është një vend transit për lëndët e heroinës dhe kokainës dhe sasitë e destinuara për tregun e brendshëm janë të vogla. Qëllimi është dërgimi i saj drejt vendeve të BE-së.

“Sa i përket trafikimit të lëndëve narkotike, me përjashtim të lëndës së cannabis-it, ku Shqipëria është vend origjine, në kategoritë e tjera të lëndëve narkotike duke përmendur këtu lëndët e heroinës dhe kokainës, Shqipëria rezulton si vend tranzit. Sasitë e lëndëve narkotike të destinuara për tregun e brendshëm janë të vogla dhe pjesa më e madhe kalon tranzit nëpër territorin e Shqipërisë, me destinacion vendet e BE-së.

Në vitet e fundit, është zgjeruar aktiviteti i trafikimit të kokainës, e prodhuar në vendet e Amerikës së Jugut (Kolumbi, Ekuador dhe Brazil), e transportuar në rrugë detare drejt Portit Detar të Durrësit për të vijuar më pas drejt vendeve të Bashkimit Evropian”, thuhet në strategji.

Strategjia sjell në vëmendje edhe format me të cilat këto fenomene mund të luftohen duke vënë theksin tek trajnimi i oficerëve, bashkëpunimi me agjencitë ndërkombëtare për të shkëmbyer informacion duke rritur kapacitetet për të goditur rrjetet kriminale./ Monitor

The post Nga “cash” në “crypto”, trafiku i lëndëve narkotike futet në epokën dixhitale për të fshehur gjurmët appeared first on Albeu.com.

Ai tha se Rama dhe ministrat të tij janë të lidhur me grupe kriminale të trafikut të drogës.

“Në Arubas, aty e kanë vendin bosët e drogës. Mjaft zëra janë se delegacionin e ka kryesuar Edi Rama. Në charter thuhet se kanë qenë ministra. Agjencitë i dinë se kush janë. Ne do t’i bëjmë publike. Rama duhet të japë dorëheqje, si person i rrezikshëm, bashkëpunëtor i organizatave të narkotrafikut. Charteri u nis nga Tirana. Do ju informoj juve, duke falënderuar gazetarin italian dhe antimafian italiane që ka bërë të mundur regjistrimet e këtij takimi. Ne po hetojmë dhe çdo informacion që të mbledhin, do e paraqesim para jush, para shqiptarëve dhe botës. S’ka akt me flagrant! Sot janë dy persona në drejtim që takohen me kartelet e drogës, Maduro i Venezuelës dhe Rama duro i Tiranës. I kërkoj mediave që të mos censurojnë këtë skandal të përmasave botërore.”, tha Berisha.

The post “Skandal! Mban lidhje me grupet e trafikut të drogës në Aruba”, Berisha: Rama të japë dorëheqjen! Charteri u nis nga Tirana dhe… appeared first on Albeu.com.

Sipas të dhënave zyrtare, afërsisht 38,000 pasagjerë dhe 11,428 automjete kaluan nëpër Itali midis të premtes dhe të hënës, 19 gusht, një rënie nga 42,585 pasagjerë dhe 13,333 automjete të regjistruara javën e kaluar.

Konkretisht, 25,033 persona dhe 7,664 automjete u larguan nga vendi, ndërsa 12,945 pasagjerë dhe 3,774 automjete hynë gjatë së njëjtës periudhë.

Ndryshimi më i rëndësishëm ishte linja Durres-Bari, e cila pa një rritje të shërbimeve për të përballuar fluksin dalës.

Autoriteti portual shpjegon se kjo prirje lidhet me fundin e pushimeve për shumë emigrantë shqiptarë dhe anëtarë të diasporës të cilët, pasi kaluan verën në atdheun e tyre, kanë filluar të kthehen në vendet e tyre të banimit dhe punës.

Ky aktivitet vjetor shënon një nga periudhat më të ngarkuara për lidhjet detare midis dy brigjeve të Adriatikut, duke konfirmuar rolin qendror të Durrësit në marrëdhëniet midis Shqipërisë dhe Italisë.

The post Fundi i gushtit, trafiku kthehet në kah të kundërt mes Durrësit dhe Barit appeared first on Albeu.com.

  Lidhur me këtë operacion, kryeprokurori i Finlandës, Hans, tha:

“Një nga rrugët nga Holanda për në Finlandë me kamionë me targa polake dhe shofer polak është shumë e zakonshme, pasi amfetamina ka konsum të lartë në Finlandë. Kanabisi trafikohej nga Spanja në drejtim të Finlandës”.

Në këtë operacion janë arrestuar 55 persona, nga të cilët 10 janë me shtetësi shqiptare, ndërsa ndër të arrestuarit janë edhe polakë dhe finlandezë.

Prokurori Shehu shtoi: “Janë përfshirë rumunë, aziatikë dhe afrikanë në këto rrjete, ndërsa karakteristikë e grupeve ka qenë bashkëpunimi i tyre për qëllime kriminale. Dy nga grupet organizonin trafikimin nga Shqipëria drejt Spanjës dhe më pas në Finlandë, ku kishin rrjetin e shpërndarësve. Një grup tjetër operonte vetëm në Finlandë për blerjen dhe shitjen e drogës, ndërsa një tjetër përdorte shërbimin postar për trafikim”.

Operacioni është një shembull i bashkëpunimit ndërkombëtar dhe ka rezultuar në goditje konkrete ndaj krimit të organizuar.

The post Trafiku i lëndëve narkotike drejt Finlandës/ Transporti bëhej me kamionë, anëtarë të grupit edhe rumunë, aziatikë e afrikanë appeared first on Albeu.com.

Sipas burimeve, numri i personave të arrestuar ka shkuar mbi 20. Një prej personave që rezulton në komunikime është një 29-vjeçar, i ekzekutuar në Shqipëri pas vendosjes së një sasie eksplozivi në automjet.

Kreu i grupit kriminal, sipas bisedave, rezulton një shtetas i përfshirë në tentativën e vrasjes së një shqiptari në shkurt 2021.

Pjesë të rëndësishme në grup ka edhe një 36-vjecar grek, aktualisht me banim në Bordo, me masën ndalim dalje nga Franca, i përfshirë në trafikun e 1.5 ton kokainë në korrik 2017 në Francë.

Një tjetër i përfshirë, shofer kamioni, rezulton i arrestuar në maj 2020 në një port të Italisë, duke transportuar 140 kg marijuanë. Ai ishte nisur nga një port grek.

Sipas të njëjtave burime, janë zbardhur rreth 70 episode të trafikut dhe shitjes së drogës, në periudhën mars 2020 – mars 2021.

Shumë nga këto episode përfshijnë Shqipërinë. Bëhet fjalë për veprimtarinë e të paktën 5 grupeve. Një ndër linjat e trafikut ka qenë ajo e marijuanës midis Spanjës, Shqipërisë dhe Greqisë, përfshirë edhe atë të llojit SKUNK e cila fshihej në furgona.

Gjithashtu janë zbardhur edhe episode të trafikut dhe shitjes së kokainës, mes Athinë dhe Mykonos.

Pastrimi i parave të grupeve bëhej nëpërmjet kompanive të makinave me qira në Athinë dhe Mykonos.

Një tjetër metodë ishte ajo përmes biletave fituese në kompanitë e basteve. Dy prej të dyshuarve rezultojnë të përfshirë edhe në pastrimin e parave nëpërmjet metodës Hawala.

The post “Sky ECC” zbardh episode të trafikut me Shqipërinë/ Mbi 20 të arrestuar në Greqi, njëri i vrarë në atentat pas… appeared first on Albeu.com.

Edhe këtë fundjavë bregdeti ka qenë zgjedhja e shumë qytetarëve nga Kosova për t’u freskuar, ndërsa temperaturat vijojnë të jenë të larta.

Siç shihet në këto pamje gjatë paradites te se dielës në rrugën e Kombit janë shënuar radhë të gjata automjetesh. Fluksi i lartë ka rënduar më së shumti trafikun pranë rreth rrotullimit në Fushë Milot, në krahun verior në drejtim të Lezhës.

Ndërsa në pjesën tjetër të autostradës, qarkullimi i automjeteve ka vijuar normalisht dhe tërësisht i lirshëm, fale dhe hapjes se rrugës së re Thumane- Kashar, në fillim të këtij sezoni turistik.

Gjatë fundjavës policia rrugore operon me kapacitete të shtuara për të monitoruar trafikun që shkaktohet.

Bregdeti i Shqipërisë është gjithnjë zgjedhja e parë e shqiptarëve të Kosovës për të kaluar pushimet, ndërsa gjatë fundjavës flukset shtohen nga pushuesit ditorë, të cilët preferojnë më së shumti Durrësin, Shëngjinin dhe Velipojën.

The post Shtatori nis me fluks të lartë automjetesh nga Kosova/ Trafik i rënduar në Rrugën e Kombit appeared first on Albeu.com.