Evidentohet dhe goditet një rast i trafikimit të armëve nga RMV-ja në Shqipëri.

Sakaq, janë sekuestruar 1 armë zjarri kallashnikov dhe 1 armë gjahu.

Sipas informacioneve policore, në pranga ka rënë 33-vjeçari Shaqir Çela që dyshohet se ka trafikuar armët, nëpërmjet kufirit të gjelbër, me qëllim shitjen.

 “Si rezultat i administrimit të shpejtë të informacioneve të siguruara nga inteligjenca policore, për një shtetas që dyshohet se trafikonte armë nga RMV-ja, specialistët e Seksionit për Hetimin e Trafiqeve të Paligjshme dhe Narkotikëve të DVP Elbasan, në bashkëpunim me specialistët për Hetimin e Krimeve të Komisariatit të Policisë Elbasan, finalizuan operacionin policor të koduar “Border Crossing”.

Gjatë operacionit, në fshatin Skroskë, u lokalizua shtetasi Sh. Ç., i cili kishte me vete, 1 armë zjarri kallashnikov dhe 1 armë gjahu. Nga hetimet e deritanishme dyshohet se ai i kishte trafikuar armët, nga RMV-ja në vendin tonë, nëpërmjet kufirit të gjelbër, me qëllim shitjen në Shqipëri.

Në vijim të veprimeve procedurale për rastin, u arrestua në flagrancë shtetasi Sh. Ç., 33 vjeç, banues në Prrenjas, për veprat penale “Trafikimi i armëve dhe i municionit” dhe “Mbajtja pa leje dhe prodhimi i armëve, armëve shpërthyese dhe i municionit”.

Në drejtimin e Prokurorisë, vijon puna për dokumentimin e plotë ligjor të veprimtarisë kriminale të shtetasit Sh. Ç., si dhe për nxjerrjen përpara përgjegjësisë ligjore të shtetasve të tjerë që mund të jenë implikuar në këtë rast”, njofton policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

The post Emri/ Trafikonte armë nga Maqedonia e Veriut, arrestohet 33-vjeçari appeared first on Albeu.com.

Një grua është akuzuar për trafik të kafshëve të botës së egër pasi policia zbuloi 130 bretkosa helmuese të fshehura në kuti filmi, në bagazget e saj në aeroportin e El Dorado në kryeqytetin e Kolumbisë.

Amfibët e vegjël ishin mbyllur në kutitë e vogla teksa trafikantja udhëtonte drejt Sao Paulo nga Panamaja. Zyrtarët e doganave zbuluan ngarkesën e jashtëligjshme në aeroportin e Bogota, ku ajo pretendonte se i ishin dhuruar në Panama.

Shumë nga kafshët u gjetën në gjendje të dehidratuar e të keqtrajtuar.

Bretkosat helmuese gjenden zakonisht në pyjet e Amerikës qendrore dhe helmi i tyre përdoret në formë droge luksi. Trafiku i kafshëve të gjalla ekzotike është përhapur në shumë zona të rajonit.

Kreu i policisë së Bogota, Juan Carlos Arevalo tha: “Kjo specie e rrezikuar kërkohet në tregun e zi dhe shitet deri në $1,000 secila”.

Edhe në vitin 2022 dy gra u arrestuan në Tailandë teksa tentonin të trafikonin më shumë se 100 kafshë të gjalla në bagazhet e tyre, përfshi gjarpërinj, armadilo dhe iriqë.

Ato u kapën në qershor në aeroportin e Bangkok teksa tentonin të merrnin avionin drejt Lindjes së Mesme.

The post Gruaja e kapur me 130 bretkosa helmuese arrestohet për trafik të botës së egër në aeroport (fotot) appeared first on Albeu.com.