‘Vijon operacioni policor i koduar “SAFE TRIP”. Shkon 20 numri i të arrestuarve.

Kapet dhe vihet në pranga 53-vjeçari i shpallur në kërkim, i dyshuar si organizator për trafikimin e personave të rritur dhe dhënien ndihmë për kalim të paligjshëm të kufirit, me qëllim përfitimin.

Në vijim të operacionit “SAFE TRIP”, nga Sektori për Hetimin e Grupeve Kriminale në Drejtorinë për Hetimin e Krimit të Organizuar në Departamentin e Policisë Kriminale në Drejtorinë e Përgjithshme të Policisë së Shtetit, në bashkëpunim me Drejtorinë e Forcës së Posaçme Operacionale, u bë kapja dhe arrestimi i shtetasit F. M., 53 vjeç, banues në Kukës.

Ky shtetas ishte shpallur në kërkim, pasi Gjykata e Posaçme e Shkallës së Parë për Korrupsionin dhe Krimin e Organizuar i ka caktuar masën e sigurisë “Arrest në burg”, për veprat penale “Ndihma për kalim të paligjshëm të kufijve”, kryer në formën e bashkëpunimit të veçantë, “Grupi i strukturuar kriminal” dhe “Kryerja e veprave penale nga organizata kriminale apo grupi kriminal”.

Operacioni vijon për kapjen e shtetasit A. M., 45 vjeç, me vendqendrim në Tiranë.

Në bashkëpunim me Prokurorinë e Posaçme kundër Korrupsionit dhe Krimit të Organizuar, vazhdon puna për zbardhjen dhe dokumentimin e ngjarjeve të tjera ku mund të jenë përfshirë këta shtetas.

Materialet procedurale i kaluan për ndjekje të mëtejshme, Prokurorisë së Posaçme kundër Korrupsionit dhe Krimit të Organizuar, Tiranë.

Operacioni “SAFE TRIP” u finalizua pas përfundimit me sukses të një hetimi proaktiv, i cili u zhvillua për një periudhë rreth 1-vjeçare, në kuadër të të cilit, me mbështetjen dhe në drejtimin e Prokurorisë së Posaçme kundër Korrupsionit dhe Krimit të Organizuar, u dokumentua dhe u zbardh aktiviteti kriminal i një grupi të strukturuar, i cili ishte i përfshirë në mënyrë aktive në trafikimin e personave të rritur dhe dhënien ndihmë për kalim të paligjshëm të kufirit.

Hetimi filloi bazuar në informacionin e grumbulluar nga Sektori për Hetimin e Grupeve Kriminale në Drejtorinë Hetimore në Drejtorinë e Përgjithshme të Policisë së Shtetit, për shtetas dhe subjekte, të cilët siguronin kushte për shtetas të vendeve të ndryshme, për të mbërritur në vendin tonë, me qëllim që të vijojnë rrugëtimin e tyre, drejt vendeve të BE-së.’, thuhet në njoftimin e policisë.

The post Trafikonin emigrantë duke i ndihmuar për të kaluar kufirin, vihet në pranga 53-vjeçari nga Kukësi appeared first on Albeu.com.

Sektori i Antitrafikëve, ka mundur te sekuestroje 11 kallashnikovë ne bagazhin e një automjeti.

Raportohet se ka dyshime që armët vinin nga Shkodra, për t’u shitur në Tiranë.

Të arrestuarit janë;  Sabian Hasaj, Redi Nika, Denis Hasaj, Denisa Halilaj dhe Mirjan Hasaj.

Njoftimi:

Finalizohet me sukses operacioni policor i koduar “Repishti”, në zbatim të masave të caktuara në planin operacional “Sundimi i ligjit”, për goditjet e rasteve të armëmbajtjet pa leje. Operacioni u zhvillua nga Seksioni për Trafiqet e Paligjshme. Trafikonin armë zjarri, nga Shkodra drejt Tiranës, vihen në pranga 5 shtetas. Sekuestrohen 9 armë zjarri (4 automatikë, 5 pushkë), krëhra e municion luftarak, 2 automjete, dhe 5 aparate celular.

Shërbimet e Seksionit për Hetimin e Trafiqeve të Paligjshme në DVP Tiranë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, pas informacioneve të siguruara nga inteligjenca policore, për disa shtetas që dyshohej se transportonin armë zjarri, nga Shkodra drejt Tiranës, me qëllim shitjen e tyre, kanë organizuar dhe finalizuar operacionin policor të koduar “Repishti”.

Si rezultat i tij në një parking në Rrugën e Rinasit, u kapën dhe u arrestuan shtetasit:

– S. H., 22 vjeç, R. N., 18 vjeç, D. H., 22 vjeçe, D. H., 18 vjeç, dhe M. H., 26 vjeç, të gjithë banues në Malësi të Madhe.

Shërbimet e Policisë kanë lokalizuar automjetin tip “BMË” me drejtues shtetasin M. H. Gjatë kontrollit të automjetit dhe në një valixhe në bagazh, u gjetën dhe sekuestruan në cilësinë e provës materiale 9 armë zjarri (4 automatikë dhe 5 pushkë) me krëhër e municion luftarak.

Nga verifikimet e kryera ka rezultuar se këta shtetas pasi i kishin siguruar armët në Shkodër, i kishin sjellë në Tiranë për ti shitur tek persona të tjerë. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

The post Emrat/ Trafikonin armë nga Shkodra në Tiranë, cilët janë 5 të arrestuarit, mes tyre një vajzë appeared first on Albeu.com.

Policia në muajt e fundit të vitit të kaluar kishte vënë re “një 48-vjeçar italian, i cili bënte kalime të përditshme përtej kufirit pa motive të dukshme pune apo personale”. Për këtë arsye, hetuesit kanë nisur të monitorojnë lëvizjet e tij, duke vënë në dukje se 48-vjeçari, pa mbërritur në Itali, ka shkuar në Meda, ku ka marrë një makinë nga një parking në bashkëpronësi, të cilën më pas e ka përdorur për të hyrë në Zvicër.

Pas një konstatimi fillestar “në lidhje me një shitje kokaine të kryer, me bashkëpunimin e policisë kantonale dhe në marrëveshje me autoritetet gjyqësore”, hetuesit vendosën përgjues në makinën e 48-vjeçarit, duke i konteolluar lëvizjet brenda mjetit.

Përgjimet bënë të mundur identifikimin e një 33-vjeçari shqiptar “të përfshirë në aktivitetin e paligjshëm”, përgjegjës për “prerjen dhe ruajtjen e lëndës narkotike në një shtëpi në Med, pikërisht aty ku i dyshuari i parë mori veturë për udhëtimet e tij në Zvicër. Gjatë hetimeve u konstatua gjithashtu se si dy të dyshuarit ishin përfshirë në një biznes të lulëzuar dhe fitimprurës të furnizimit të tregtarëve me pakicë të drogës të vendosur në Zvicër, të cilëve u furnizonin afërsisht 700-800 gram lëndë narkotike çdo javë, nëpërmjet transportit përtej kufirit në bordin e makinës së lartpërmendur të pajisur me një fund të dyfishtë të aksesueshëm mekanikisht”. Dy burrat ndodhen aktualisht në Bassone (burgu në Como), në dispozicion, në pritje të verifikimit gjatë gjyqit.

The post Trafikonin çdo javë drogë nga Italia në Zvicër, arrestohen shqiptari dhe italiani appeared first on Albeu.com.

Sipas mediave vendase, pas kontrollit në një zonë pranë shtëpisë së 38-vjeçarit, iu gjet kokainë, e cila ishte e ndarë në 10 pako, me qëllim shitjen e menjëhershme, si dhe 2 pako me kanabis të papërpunuar. Në të njëjtën kohë, 30-vjeçari kishte në shtëpinë e tij edhe 3 pako me kokainë.

Vërehet se një element karakteristik i veprimit të 38-vjeçarit, gjatë trafikut të lëndëve narkotike, ka qenë përdorimi i një motori mbi të cilin ka vendosur një kuti për transportin e produkteve të një kompanie shpërndarëse ushqimore, me qëllim ‘çorientimin’ e organeve të ndjekjes dhe shmangien e kontrollit dhe arrestimit. Madje, 38-vjeçari është arrestuar edhe në të kaluarën për krime të ngjashme.

Në total, nga hetimet e policisë u gjetën dhe sekuestruan: 1936,5 gram kokainë, 1880 gram kanabis të papërpunuar, shumën 44334,4 euro, 3 peshore elektronike, një makinë, një motor, 2 celularë dhe një kuti nga një kompani shpërndarëse ushqimore. Dy të arrestuarit u dërguan në Prokurorinë Penale të Athinës.

The post Trafikonin lëndë narkotike në kutitë e ushqimeve, arrestohen 2 shqiptarë në Greqi appeared first on Albeu.com.