Lajmin e kanë bërë të ditur mediat spanjolle, të cilat kanë raportuar se një grup prej 7 shqiptarësh është vënë në pranga dy ditë më parë, pas një operacioni policor të nisur prej 2019, ndërsa janë kapur në flagrancë duke tentuar të kalonin ilegalisht disa shqiptarë, përfshirë edhe të mitur, drejt Anglisë.

Referuar medias spanjolle, mafia shqiptare me bazë në Bizkaia u kishte kërkuar të miturve plot 15,000 euro për futjen e tyre në Mbretërinë e Bashkuar, ku fillimisht i fusnin si turistë në tragete nga Porti i Bilbaos dhe gjithashtu nga Santander, që më pas të arrinin të  shkonin në destinacionin final.

Ky ishte çmimi i “biletës” që mafia shqiptare në Santurtzi, Muskiz dhe Portugalete, u faturoi “klientëve” të saj për kalim të parregullt në bregdetin anglez. Policia ka mundur që të vërë në pranga 7 shqiptar,  5 prej tyre në Bizkaia dhe 2 të tjerë, të dyshuar si drejtues të organizatës klandestine, në aeroportin Barajas të Madridit, kur po përgatiteshin të ktheheshin në Shqipëri, ku kishin një standard të lartë jetese.

Pavarësisht kontrolleve dhe operacioneve të herëpashershme të policisë, një pjesë e mirë e shqiptarëve që kanë zgjedhur këtë “profesion”, kanë mundur që të fitojnë mjaft para. Në rastin konkret, të arrestuarit në operacionin e fundit, kanë fituar nga 3,000 deri në 15,000 euro për çdo kalim.

Mediat e huaja shkruajnë se jo në pak raste, trafikantët i fshihnin “klientët” në vende që mund t’u rrezikohej edhe jeta, ndërsa ruanin të dhënat e tyre kredenciale në mënyrë që t’i kishin në dorë deri sa ata të shlyenin borxhin për kalimin ilegal.

Por si realizohej ky kalim? Ata që ishin përgjegjës për grupin, qëndronin në Spanjë (jo më shumë se tre muajt e përcaktuar me ligj), ndërsa ata që ishin përgjegjës për nxitjen e tranzitit të shqiptarëve, përdornin shpesh bashkatdhetarë që jetonin në Bizkaia.

Po ashtu, të arrestuarit kishin një sistem mjaft kompleks për të mbledhur dhe dërguar paratë në Shqipëri pa u zbuluar, duke përdorur karta të ndryshme krediti dhe pasaporta të shumta të kombësive të ndryshme për të mos lënë gjurmë.

Prej vitit 2017, vija bregdetare e Zierbena dhe Santurtzi është bërë një vendbanim i rregullt për shqiptarët që presin në Biscayan për të hyrë fshehurazi si turistët në tragetet që shkojnë në Mbretërinë e Bashkuar. Shumica mbërritën legalisht në Spanjë, pasi në vitin 2010 u modifikua një rregull që qytetarët e vendit mesdhetar të mund të hynin në Bashkimin Evropian pa vizë për sa kohë që qëndrimi i tyre nuk kalonte 90 ditë.

Megjithatë, ky ndryshim nuk e preku Britaninë, e cila ka vazhduar t’i ketë kufijtë e saj të mbyllur për shqiptarët.

The post “Në Shqipëri bëjnë jetë pasanikësh”, shkatërrohet grupi shqiptar në Spanjë që trafikonin bashkatdhetarët drejt Anglisë: 3-15 mijë euro një kalim appeared first on Albeu.com.

Në kuader të operacionit “Perimetri”, u ndaluan shtetasit Adi Bregu, Besnik Beqiri, Lirim Spaho, Adriatik Zenelak dhe u shpall në kërkim shtetasi me inicialet E. Z.

 Njoftimi i Policisë:

Qarku Korçë

Vijon operacioni policor i koduar “Perimetri”.

Në kuadër të tij goditet një grup i strukturuar kriminal, që ushtronte aktivitetin e kundërligjshëm në fushën e dhënies së ndihmës shtetasve të huaj, për kalim të paligjshëm të kufirit, kundrejt fitimit.

Hetimet pas një periudhe 6-mujore zhvilluar nga Seksioni për Hetimin e Narkotikëve dhe Trafiqeve të Paligjshme pranë DVP Korçë, Policia Kufitare, në bashkëpunim me Komisariatin e Policisë Devoll, nën drejtimin e Prokurorisë.

Vihen në pranga 4 shtetas dhe shpallet në kërkim 1 tjetër.

Specialistët e Seksionit për Hetimin e Narkotikëve dhe Trafiqeve të Paligjshme pranë Drejtorisë Vendore të Policisë Korçë, në bashkëpunim me Policinë Kufitare dhe Komisariatin e Policisë Devoll, nën drejtimin e Prokurorisë të Rrethit Gjyqësor Korçë, pas një hetimi 6-mujor, në vijim të operacionit policor të koduar “Perimetri” kanë goditur një grup të strukturuar kriminal që ushtronte veprimtarinë e paligjshme të dhënies ndihmë shtetasve të huaj, për kalim të paligjshëm të kufirit, kundrejt fitimit si rezultat i të cilit u bë ndalimi i shtetasve në kërkim:

– A. B., 36 vjeç, banues në fshatin Zëmblak, Maliq,

– B. B., 47 vjeç, banues në fshatin Zëmblak, Maliq,

– L. S., 47 vjeç, banues në fshatin Ponçarë, Devoll,

– A. Z., 51 vjeç, banues në fshatin Ponçarë, Devoll dhe u shpall në kërkim shtetasi:

– E. Z., 24 vjeç, banues në fshatin Ponçarë, Devoll.

Gjykata e Rrethit Gjyqësor Korçë me vendimin e datës 02.12.2021, ka caktuar për këta shtetas masën e sigurisë “Arrest në burg”, për veprën penale “Ndihma për kalim të paligjshëm të kufijve”, kryer në bashkëpunim.

Gjithashtu sqarojmë se në kuadër të këtij grupi të strukturuar kriminal, janë arrestuar më parë nga Policia, në kohë të ndryshme, edhe 3 bashkëpunëtorë të tjerë të shtetasve të lartpërmendur, konkretisht shtetasit A. Gj. dhe L. S., banues në Elbasan, si edhe shtetasi I. D., banues në Korçë.

Materialet në ngarkim të tyre i kaluan Prokurorisë pranë Gjykatës së Rrethit Gjyqësor Korçë për veprime të mëtejshme./albeu.com/

The post “Perimetri” prangos 4 persona në Devoll, si e kishin gjetur “transportuesit” mënyrën e të bërit para appeared first on Albeu.com.