Një zëdhënës i tha BBC-së se bulonat në rrotat e bZ4X “mund të lirohen deri në pikën ku rrota mund të shkëputet nga automjeti” pas “përdorimit me kilometrazh të ulët”.

Tërheqja vjen më pak se dy muaj pasi makina u lançua në Japoni. Prodhuesi i makinave Subaru thotë gjithashtu se për të njëjtën arsye do të tërheqë 2600 makina elektrike që ka zhvilluar me Toyota.

Të premten, Toyota tha në një deklaratë se kishte lëshuar një tërheqje sigurie për 2700 SUV bZ4X në SHBA, Europë, Kanada dhe Japoni.

“Nëse një rrotë shkëputet nga automjeti gjatë vozitjes, mund të rezultojë në humbjen e kontrollit të automjetit, duke rritur rrezikun e një përplasjeje,” tha një zëdhënës. “Askush nuk duhet t’i drejtojë këto automjete derisa të kryhet korrigjimi,” shtuan ata.

Disa modele bZ4X nuk janë tërhequr ende dhe aktualisht Toyota nuk ka pranuar të komentojë për mediat se sa nga automjetet kishte prodhuar kompania.

Toyota tha se kishte njoftuar rregullatorët japonezë të sigurisë për defektin të enjten dhe shkaku i çështjes ishte “ende nën hetim”.

Një tjetër prodhues japonez i makinave, Subaru tha gjithashtu se po tërhiqte 2,600 njësi të Solterra, makinën e saj të parë tërësisht elektrike të zhvilluar së bashku me Toyota, për shkak të shqetësimeve për bulonat e lira.

Toyota shihet si një kompani relativisht e vonuar në tregun e automjeteve elektrike, në krahasim me prodhuesit rivalë si Tesla, e cila lançoi makinën e saj të parë elektrike 14 vjet më parë.

Ajo lançoi bZ4X në Japoni muajin e kaluar. Makina ishte e disponueshme vetëm me qira “për të eliminuar shqetësimet e klientëve në lidhje me performancën e mbetur të baterisë, mirëmbajtjen dhe vlerën e mbetur”, tha Toyota në fillim të këtij viti.

Këtë javë, kompania tha se do të shkurtojë numrin e automjeteve që planifikon të prodhojë muajin e ardhshëm me 50,000 në 800,000 për shkak të mungesës së çipave kompjuterikë dhe ndërprerjeve të furnizimit të shkaktuara nga pandemia.

Megjithëse Toyota aktualisht synon të prodhojë gjithsej 9.7 milionë automjete në mbarë botën këtë vit, ajo ka sinjalizuar se mund të detyrohet ta ulë këtë numër.

The post SHKAKU/ Toyota tërheq mbrapsht 2700 automjete appeared first on Albeu.com.

Furnizuesit e Toyota-s janë detyruar të merren me një sërë ndryshimesh në planet e prodhimit për shkak të mungesës së çipave dhe prodhimi i reduktuar duhet ta lehtësojë këtë barrë, tha një zëdhënës, duke refuzuar të specifikojë rënien e pritshme të prodhimit të makinave dhe ndikimin në rezultatet e biznesit.

Presidenti i Toyota-s, Akio Toyoda, u tha anëtarëve të sindikatës këtë javë se furnizuesit pa një plan të duhur prodhimi mund të “shteren” dhe se menaxhmenti po planifikonte “ftohje të qëllimshme” midis prillit dhe qershorit, shkruan albeu.com.

Lëvizja e prodhuesit më të madh të makinave në Japoni është konfirmimi më i fundit i vështirësive në zinxhirët e furnizimit, të cilat po frenojnë industrinë globale të makinave në pandeminë e gjatë të Covida 19, dhe perspektiva është përkeqësuar më tej nga kriza për sulmin e Rusisë ndaj Ukrainës.

Prodhuesi amerikan i automjeteve elektrike Rivian Automotive njoftoi të enjten se për shkak të problemeve të zinxhirit të furnizimit, prodhimi i tij mund të përgjysmohet këtë vit, në 25,000 automjete.

Honda Motor tha se do të ulë prodhimin në dy fabrika vendase me rreth 10 për qind deri në fund të muajit. /albeu.com/

The post Toyota po redukton prodhimin, preket nga Covid-19 dhe lufta Rusi-Ukrainë appeared first on Albeu.com.

Sipas informacioneve mësohet se mjeti i kishte targat italiane të mbivendosura pasi vetë rezulton si një mjet i vjedhur në Mbrostar të Fierit.

Në makinën e llojit “Toyota” që u përdor nga autorët e vrasjes së ish-efektivit Xhelal Reçi nuk është gjetur asnjë send apo gjurmë që mund të ndihmojnë grupin hetimor në identifikimin e atentatorëve.

Ndërkohë mjeti u gjet i djegur pranë lumit Mat, vetëm pak minuta pas krimit të rëndë./albeu.com/

The post DETAJET/ Kryen vrasjen në Laç, atentatorët e ish-efektivit Reçi e vodhën “Toyota”-n në Fier appeared first on Albeu.com.