Zarka, i cili u shpall fajtor më parë për korrupsion dhe ushtrim ndikimi të paligjshëm, kishte marrë një dënim prej 2 vitesh e 8 muaj burg, në gjykimin e shkurtuar të shkallës së parë.

Ai kishte ankimuar vendimin, duke kërkuar rishqyrtim të provave dhe procedurave gjyqësore.

Vendimi i Gjykatës së Lartë prish vendimin e mëparshëm dhe e kthen çështjen në Apelin e GJKKO për rigjykim me trupë tjetër gjykuese, duke hapur rrugën për shqyrtim të plotë të provave dhe argumenteve të paraqitura.

The post “Toyota Yaris” – Gjykata e Lartë prish vendimin për Aurel Zarkën, kthehet në Apelin e GJKKO për rigjykim appeared first on Albeu.com.

Ai paralajmëroi se do t’i bëjë publike dokumentet, në të cilat sipas tij ka të dhëna përvëluese për zyrtarë të lartë.

Gjithashtu, kreu i PD akuzoi se ai u mbajt qëllimisht i izoluar dhe në arrest shtëpie, siç shtoi, për të mos dalë të vërtetat për disa nga çështjet e bujshme që janë në hetim.

“Gjithçka disponon Sali Berisha, do të ua paraqesë ju. Po kam dokumente për politikanë të lartë, direkt të implikuar dhe unë do t’i paraqes para jush. Unë ju thashë, sepse shumë e drejtë pyetja e shtruar. Pse e quan Skapin organizatë kriminale, është gjë shumë e rëndë, apo s’është. Nuk mund ta quaja kurrë nëse nuk do të kisha ato dokumente. Nuk shkon.

Kurse ai është kreu i një organizate kriminale se fle mbi to. Fle mbi to se e kanë kapur mat me Ymer Lalën, për arsye se Luftar Reçi e ka denoncuar Ymer Lalën për vrasje dhe zotëria e tij në 19 pyetje si ka bërë asnjë pyetje për vrasjen dhe e ka ekzauruar nga vrasja. Pra ata që menduan se duke më ndryrë mua në arrest në shtëpi, do të mund të shpëtonin nga të vërtetat, tani do të përvëlohen prej tyre”, u shpreh Berisha.

The post Paralajmërimi i fortë i Berishës: Kam dokumentet dhe do i bëj publike, politikanë të lartë të implikuar direkt te dosja “Toyota Yaris” appeared first on Albeu.com.

Sipas burimeve, SPAK kërkon identifikimin e tyre pas hetimeve ku dyshohen se janë të implikuar edhe funksionarë dhe ish funksionarë të drejtësisë.

Kjo vjen një javë pas katër masave ndaj kryeprokurorit të pezulluar të Vlorës dhe tre të tjerëve.

Javën e kaluar Gjykata e Posaçme urdhëroi të mos publikohet vendimi duke paralajmëruar hetime për nxjerrje të sekretit hetimor.

Gazetarja e Top Channel, Anila Hoxha raporton se ka mjaft gjyqtarë dhe prokurorë që përmenden se janë korruptuar nga të dyshuarit dhe tarifat që kërkonte secili prej tyre.

Pas këtyre dyshimeve, SPAK po mbledh prova për të implikuar të dyshuar.

Më 31 korrik, GJKKO la në fuqi masën arrest në burg për kryeprokurorin e Vlorës, Aurel Zarka.

Ai mohoi përfshirjen dhe hodhi poshtë transkriptimet dhe dyshimet se ka ndërhyrë për mbylljen e disa hetimeve në Tiranë dhe në Vlorë.

Sipas SPAK, bëhet fjalë për ndikime tek funksionarë të drejtësisë për të lehtësuar dosjen “Toyota Yaris”, që nga një hetim për grup kriminal dhe pastrim parash prej 3.4 milionë euro u mbyll me një të dënuar.

Për këtë çështje gjatë ditës janë sekuestruar disa dosje e fashikuj njëlloj si edhe për të tjera, si ajo e vendimmarrjeve për hetimin pasuror ndaj të shumë kërkuarit Suel Çela, proceduar nga ish krimet e rënda , apo dy dosje të kultivimit të drogës dhe të një vjedhjeje rrobash në një qendër tregtare.

Jo zyrtarisht TCH mëson se lista e gjyqtarëve ish prokurorëve dhe ish gjyqtarëve të lakuar është mbi 14, për të cilët tregohet se si është ndërhyrë, por që për SPAK nevojitet të mblidhen prova për të vërtetuar se ata u korruptuan apo u ndikuan. E sigurt është që çështja mbetet e hapur, sepse siç pranon zyrtarisht SPAK hetimet vazhdojnë ndaj personave të tjerë, dhe ky rreth është ndaj funksionarëve të drejtësisë.

The post Të dyshuar funksionarë dhe ish funksionarë të drejtësisë? SPAK i kërkon informacion shtesë Belgjikës dhe Francës për dosjen “Toyota Yaris”, letërporosi kodet e tjera të SKY ECC appeared first on Albeu.com.

Hetimet janë të shtrira mes dy vendeve, Shqipërisë dhe Belgjikës, për çështjen e 3.4 milion eurove.

“Hetuesit belgë udhëtuan në fillim të këtij viti drejt Shqipërisë, për të mbledhur prova, por edhe për të pyetur dëshmitarë. Një prej tyre ishte, informatori i parë. Bëhet fjalë për Lulzim Bashën, ish-ministër i Jashtëm i Shqipërisë dhe ish-lider i opozitës demokratike.

Rasti filloi rreth katër vite më parë, kur një belg vendosi “Toyota-n” e tij në një faqe interneti. Ai kontaktoi me një blerës përmes internetit. Janë paraqitur dy shqiptarë, të cilëve belgu u ka shitur makinën “Toyota”, shkruan sot media belge, e cila publikon edhe foton e biznesmenit shqiptar, Alban Mollaymeri, që rezulton të jetë personi që ka blerë “Toyota Yaris” në Belgjikë.

Teksa përshkruan më tej rrjedhjen e ngjarjeve në Shqipëri, media belge ngre pikëpyetjen se “Nga erdhën paratë?”, ndërsa sqaron me hartë edhe të gjithë itinerarin që ndoqi makina nga Belgjika deri në Shqipëri.

“Makina përfundoi në një rimorkio në Bruksel, së bashku me “Toyota” të tjera. Në Liege, transporti mori një tjetër Alfa Romeo. Pasi kaloi përmes Gjermanisë, transporti vijoi në Itali e prej andej, me anije, mbërriti në qytetin port të Durrësit, në Shqipëri.

“Janë arrestuar katër persona: shoferi, pronari i kompanisë së transportit, djali i tij dhe pronari i mjeteve në transport. Ata të gjithë thanë se nuk dinin asgjë për shumën e madhe të parave, dhe që atëherë janë liruar për një kohë të gjatë. “Ne thjesht i transportuam ato makina,” tingëllonte. Një marrëveshje shitjeje do të ekzistonte për Toyota-n në fjalë. Por nga erdhën paratë?’, shkruan media belge, ndërsa shton edhe politikanët e përfshirë

“Në vendin tonë është identifikuar dhe marrë në pyetje shitësi i Toyota Yaris. E kështu është marrë në pyetje politikani shqiptar Lulzim Basha. Pak ditë para se të gjendeshin paratë, ai bëri të ditur publikisht se një shumë e madhe parash po shkonte drejt Shqipërisë.

Ai akuzoi socialistin Taulant Balla se ka garantuar një “transferim të sigurt” të parave të drogës tek një bandë. Taulant Balla i ka hedhur poshtë gjithmonë këto akuza si shpifje”, thuhet në artikull.

The post Dosja “Toyota Yaris” dhe misteri i 3.4 milion eurove, media belge zbulon lëvizjet: Si e shiti belgu makinën te biznesmeni shqiptar appeared first on Albeu.com.

Artan Hoxha: Ne nuk hetuam çfarë duhet të hetonim në atë histori, pro e katandisëm çështjen vetëm në mos deklarim të ardhurash. Ne e finalizuam çështjen me dënime minimale dhe nuk u interesuam se çfarë ndodhi më tej. Nuk u interesuam fare se si doli informacioni në Kuvendin e Shqipërisë, nga e dinin politikanët që po vinte një ngarkesë e tillë dhe pse e bënë publike. Ata duhet të kishin lajmëruar policinë e shtetit dhe më pas të flisnin. Ne nuk e hetuam fare çështjen. Gjatë 2 vitet të fundit në Shqipëri kjo çështje ka bërë shumë bujë se u përfshi edhe në lojën politike të brendshme. Fillimisht mes maxhorancës dhe opozitës dhe më pas brenda vetë opozitës, Berishës dhe Bashës. Autoritete belge nuk dinin asgjë, nuk e kanë ditur që po lëviznin euro në Shqipëri me vetura që ishin blerë në tokën belge, ata nuk e kanë ditur këtë gjë, e kanë nisur hetimin pasi është bërë zhurmë në Shqipëri.

Gazetari zbuloi në studion e Abc se lidhur me çështjen “Toyota Yaris” janë arrestuar 2 persona, me shtetësi shqiptare. Por ata nuk janë arrestuar në Begjikë. Njëri është arrestuar në Maqedoninë e Veriut dhe tjetri në Malin e Zi. më pas janë ekstraduar në Belgjikë.

Artan Hoxha: Në Belgjikë ndodhen të arrestuar 2 shtetas shqiptarë që nuk janë arrestuar në Shqipëri. Njëri është arrestuar në Maqedoninë e Veriut dhe njëri në Malin e zi dhe janë ekstraduar.

Roli që ata kishin

Artan Hoxha: Ata kanë qenë pjesë e kësaj transfertë të madhe parash e cila dyshohet se vjen nga aktivitetet kriminale. Autoritetet belge nuk po hetojnë thjesht kush po i transportonte, ku janë marrë këto para, a është përdorur territori i Belgjikës, këto para që u kapën në Shqipëri a janë përfituar në Belgjikë?

Hoxha paralajmëroi se prokurorët belgë do ta vizitojnë më shpesh Shqipërinë lidhur me hetimet mbi këtë çështje. Një prokuror nga Belgjika erdhi në Tiranë më 10 shkurt 2022 në lidhje me çështjen e “Tyota Yaris”, ku u tentua futja e një shumë të mëdha parash në Shqipëri të siguruara nga trafiku i drogës. Prokurori zhvilloi një takim në SPAK dhe prokurorinë e Tiranës ku edhe mori  dokumentacion në lidhje me hetimet e kryera deri më tani në Shqipëri mbi skandalin e “Toyota Yaris”./abcnews.al

The post “Toyota Yaris” me 3.4 mln euro, Artan Hoxha: 2 shqiptarë të arrestuar në Belgjikë, roli që kishin appeared first on Albeu.com.

Basha ka zbuluar se Prokuroria e Durrësit nuk ka marrë asnjë gjurmë gishtash të 3.4 milion eurove dhe valutave të tjera që u gjendën në makinat “Toyota Auris” në Durrës në vitin 2018.

Komentet Hoxha i bëri në ABC, ku tha se paratë janë dërguar në një bankë të nivelit të dytë dhe është e bllokuar vetëm shifra.

“Në Durrës u gjetën paratë. Prokuroria në Durrës nuk ka marrë as gjurmë gishtash, as mbetje, nuk ka parë as paratë brenda. Kjo duhet gjetur. I kanë marrë ato lekë dhe i kanë çuar në një bankë të nivelit të dytë. Prokuroria ka shifrën të bllokuar. Prokurori nuk i ka më monedhat. Kjo shumë është depozituar në një bankë të nivelit të dytë. Për fat të keq ligji shqiptar e ka që nëse nuk je i dënuar nuk veprim ligji anti-mafia. Çështja u quajt mos deklarim të ardhurash. Aktualisht çështja në Belgjikë ka dy të arrestuar”, tha ai.

Gazetari sqaroi se nuk ka një operacion ndërkombëtar të dekonspiruar nga Lulzim Basha për këtë rast. “Në Shqipëri thuhet se ka qenë operacion ndërkombëtar dhe Basha dekonspiroi. Jo nuk ka qenë operacion ndërkombëtar”, tha ai./albeu.com/

The post “Toyota Auris”, Hoxha: Po ju tregoj pse Basha s’ka dekonspiruar operacion appeared first on Albeu.com.

Mësohet se në orët e para të mëngjesit të sotëm hetuesit kanë shkuar sërish në SPAK.

Gjithashtu sipas informacioneve ata do të vijojnë të marrin në pyetje persona të tjerë që mund të kenë dijeni për paratë e sekuestruara dhe pasi të mbarojnë me të gjithë do të largohen. /albeu.com

The post Dje morën në pyetje Bashën, hetuesit belg sërish sot në SPAK, çfarë pritet të ndodhë? appeared first on Albeu.com.

Gazetari Artan Hoxha deklaroi në “Log.” në ABC se Basha ka deklaruar para hetuesve se informacionin për 3.4 mln euro që e tha në Kuvend dy ditë para se të kjo shumë parash të ndalohej në Durrës e ka marrë vesh nga një emigrant. “Basha ka thënë që e ka marrë vesh nga një emigrant. Nga sa unë kam dijeni është një mesazh që i është dërguar drejtorit të policisë së shtetit në atë kohë. Është shumë interesante”, tha Artan Hoxha.

Ai u shpreh se nga ana tjetër ekziston një mesazh në datë 20 qershor të vitit 2018 që ka mbërritur në telefonin e drejtorit të përgjithshëm të policisë së shtetit ku flitet pikërisht për këtë rast.

“Në datën 20 qershor të vitit 2018, në orën 09;31 të mëngjesit i është dërguar ky mesazh drejtorit të policisë” Zoti drejtor desha të informoj për diçka me rëndësi. Sot në Durrës me 90%, Han i Hotit apo edhe Murriqan pritet të futet një karrotrec me disa mjete. Njëri ka para. Karrotreci është me targa AA120… shoferi quhet Shaban. Ky mesazh i është dërguar drejtorit të policisë së shtetit 24 orë para se ta deklarojë Basha”, u shpreh ai.

Hoxha tha se është pi i njëjti burim nga i cili e ka marrë vesh edhe Basha. “Dyshimet janë se nga i njëjti burim mund ta ketë marrë vesh edhe Basha. Personat që u kapën janë disa klane që kanë mënyrë tjetër funksionimi. Në këto raste të tjerë janë ata që kanë paratë dhe të tjerë ata që bëjnë transportin. Ky informacion është mesazh që është dokumentuar zyrtarisht.

Mëngjesin e datës 20 qershor 2018. Basha ka folur në datën 22 qershor. Toyotat Auris janë kapur në datën 24. Kemi një distancë kohore nga momenti kur publikohet informacioni. Kjo transfertë parash nuk kanë qenë në monitorim nga autoritete belge. Nuk ka pasur një hetim në lidhje me këtë çështje. Trajleri që ka bërë lëvizjen është nisur nga Belgjika. Basha e ka formimin që ta mendojë mirë se çfarë do të thotë të kesh një informacion të tillë. Por ndoshta duke parë Berishën që ia ka dalë herë tjetër ka thënë ta provoj edhe unë njëherë. Basha nuk duhet ta publikonte”, tha ai.

The post Çfarë tha Basha para prokurorëve belgë për 3.4 mln euro? Artan Hoxha: SMS-ja për drejtorin e policisë appeared first on Albeu.com.

Pjesë nga diskutimi në studio:

Fevziu: Si e mendoni ju që Basha është bërë peng?

Berisha: Basha është bërë peng me dosjen Muzin dhe minimumi “Totyto Yaris”.

Fevziu: Muzin është e vitit 2018 dhe Toyota Yaris në 2019? Çfarë ka ndodhur mes Ramës dhe Bashës ?

Berisha: A ka edhe në 2017? Unë nuk mund të shprehem pa fakte. Faktet për 2 dosjet janë tani të pakundërshtueshme. Për dosjen Totyota Yaris i kam kërkuar që në atë kohë! Je Ministër i Brendshëm si e justifikon ti këtë? Më tha: Jo, jo, është më GPS. Ai erdhi, por ata që ai priste nuk shkuan. Dojsa është prioritet i fortë i prokurorisë së Belgjikës, sepse Edi Rama këtu e mbylli dosjen. Ka drejtësi në botë që nuk do të kapte këtë ? Ore zotëri ti prishe hetimin, ku e more vesh ti? Janë këto dosje dhe ç’është e vërteta flitet për të tjera, por kohë do të provojë.

The post Berisha: Dosja Muzin dhe “Toyota Yaris” kanë marr peng Bashën appeared first on Albeu.com.

Basha tha se nuk ka marrë asnjë ftesë nga prokuroria blege, duke i konsideruar këto akuza të Berishës të pavërteta.

“Nëse ta ka çuar ty  ftesën ose Sali Berishës ma sillni dhe mua ta shoh, se unë skam marrë gjë ftesë nga prokuroria belge për 17 dhjetor. Këtu iu lus nga çdokush edhe nga e shenjta nënë terezë po ta dëgjoni, ajo s’është më mes nesh, kontrollojeni, jo më kur dëgjon gjëra nga goja e Sali Berishës. Kam edhe unë peshën time të përgjegjësisë për aq sa i kam besuar. Hak te zoti kam por te Sali Berisha jo”, tha Basha.

The post Çështja “Toyota Yaris”, Basha: Nuk kam ftesë nga Prokuroria belge appeared first on Albeu.com.