Paraqitjet bindëse në Kupën e Botës 2026 me kombëtaren e Anglisë e kanë vënë Djed Spence në qendër të vëmendjes së klubeve të mëdha dhe mbrojtësi i krahut tashmë e ka qartë preferencën e tij. Ai kërkon të largohet nga Tottenham gjatë afatit veror dhe destinacioni i dëshiruar është Interi, shkruan “La Gazzetta dello Sport”.

Sipas të njëjtit burim, mbrojtësi 25-vjeçar i ka hapur rrugë transferimit duke pranuar kushtet dhe marrëveshja personale me zikaltrit nuk paraqet ndonjë problem. Interi po punon intensivisht për të siguruar shërbimet e tij, duke synuar të mbulojë pozitën e Denzel Dumfries me një lojtar të të njëjtit profil.

Megjithatë, negociatat me Tottenhamin mund të hasin në një pengesë financiare. Londinezët janë të disponuar ta shesin anglezin, por kërkojnë jo më pak se 35 milionë euro për të liruar kartonin e tij.

Spence pati një eksperiencë të shkurtër në Itali gjatë një huazimi te Genoa, çka e ndihmoi të njihet me futbollin e Serie A. Tani ai është nën kontratë me Tottenhamin deri në vitin 2029, pasi u afrua në Londër nga Middlesbrough në vitin 2022.

The post Pas shkëlqimit në Botëror, Spence synon transferimin te Interi appeared first on Albeu.com.

Barcelona po e mban në listën e saj Pedro Porron si një opsion për krahun e djathtë të mbrojtjes, por realizimi i këtij transferimi gjatë merkatos së verës 2026 vlerësohet i paarritshëm për klubin katalunas.

Çmimi i vendosur nga Tottenhami për mbrojtësin spanjoll është rreth 80 milionë euro. Kjo shifër, e kombinuar me kufizimet ekonomike të Barcelonës dhe rregullat e La Ligës, e bën operacionin të pamundur në rrethanat aktuale.

Situata komplikohet edhe më shumë nga rinovimi i fundit i Porros me klubin londinez, pasi kontrata e tij e re zgjat deri në qershor të vitit 2031. Daniel Levy nuk ndien presion për ta shitur futbollistin dhe do të pranonte largimin e tij vetëm nëse Tottenhamit i paguhet shuma e kërkuar prej afërsisht 80 milionë eurosh.

Edhe Roberto De Zerbi nuk ka ndërmend të heqë dorë nga 26-vjeçari. Trajneri e sheh Porron si një prej elementeve kryesore të projektit të tij te Tottenhami, ndërsa nga klubi anglez nuk kanë ardhur shenja që mund të hapin rrugë për bisedime.

Hansi Flick e konsideron futbollistin profilin e duhur për idenë e tij taktike. Paraqitjet e Porros me Kombëtaren e Spanjës në Kupën e Botës 2026, ku ka luajtur në krah të Lamine Yamal, kanë forcuar bindjen e trajnerit gjerman dhe të drejtuesve sportivë të Barcelonës se ai mund të ishte një përforcim me peshë.

Tekniku gjerman vlerëson veçanërisht pjesëmarrjen e tij në sulm dhe korrektësinë taktike kur skuadra duhet të rikthehet në mbrojtje. Forca e Porros në përballjet një kundër një, leximi i lojës dhe ndihma në fazën ofensive e rendisin atë mes mbrojtësve të djathtë më të kompletuar në futbollin evropian.

Profili i tij përputhet me kërkesat e Flick, i cili kërkon presion të lartë dhe rikthim të shpejtë në pozicione. Sidoqoftë, dëshira e trajnerit përplaset me mundësitë financiare të klubit.

Deco dhe komisioni sportiv duhet të shqyrtojnë zgjidhje më ekonomike, pasi Barcelona synon të përforcojë disa reparte me një buxhet të kufizuar. Për momentin, pritet që interesi për reprezentuesin spanjoll të shtyhet, ndërsa klubi të përqendrohet te huazimet ose transferimet me kosto më të ulët, në pritje të përmirësimit të situatës financiare në afatet e ardhshme kalimtare.

The post Flick synon Pedro Porron, por Barcelona përballet me kërkesën mbi 80 milionë euro të Tottenhamit appeared first on Albeu.com.

Tottenhami ka zyrtarizuar afrimin e Sandro Tonalit, i cili ka përfunduar kalimin e tij nga Newcastle United.

Mesfushori italian do t’i bashkohet ekipit të drejtuar nga Roberto de Zerbi, që ka si objektiv rikthimin në luftë për një vend në Ligën e Kampionëve.

Për kartonin e Tonalit, Newcastle ka arkëtuar 100 milionë euro plus bonuset, ndërsa lojtari ka firmosur një kontratë afatgjatë.

“Jam shumë i lumtur që jam këtu. Kur arrita në klub, u ndjeva në mënyrë fantastike. Njerëzit thonë se këtu janë katër ose pesë klube, por është vetëm një”.

“Ishte si magji sepse e dija menjëherë që do të nënshkruaja për Tottenhamin. Kam luajtur disa herë ndaj tyre dhe gjithmonë e kam ndjerë atmosferën fantastike të tifozëve. Mezi pres t’ia nisim sezonit”, deklaroi ai.

Po ashtu, Tottenhami ka siguruar edhe disa marrëveshje të tjera të rëndësishme, mes tyre Matheus Fernandes nga West Ham dhe Andrew Robertson nga Liverpooli./

The post Sandro Tonali transferohet zyrtarisht te Tottenhami appeared first on Albeu.com.

Randal Kolo Muani dhe Juventusi kanë mbyllur me sukses marrëveshjen për kushtet personale, si për pagën ashtu edhe për kohëzgjatjen e kontratës, ndërsa drejtori Giovanni Carnevali po hyn në një fazë vendimtare bisedimesh me drejtuesit e PSG-së.

Sipas mediave italiane, sulmuesi francez synon të rikthehet në Torino, i bindur nga eksperienca pozitive që pati në huazim gjatë gjysmës së dytë të sezonit 2024/25, periudhë në të cilën shënoi tetë gola në 16 ndeshje në Serie A me Juventusin.

Për të bërë të mundur kthimin në Itali, Kolo Muani thuhet se ka pranuar të ulë pagën që merr aktualisht te klubi parizien. Akordi i arritur me Juventusin parashikon një kontratë pesëvjeçare me një përfitim prej rreth pesë milionë eurosh në sezon.

Nëse operacioni mbyllet me sukses, francezi do të renditej si lojtari i tretë më i paguar i skuadrës, pas Kenan Yildiz dhe Jonathan David, nëse ky i fundit vijon të jetë pjesë e ekipit.

Në këtë moment, hapi vendimtar mbetet marrëveshja mes Juventusit dhe PSG-së. Carnevali pritet të takohet me drejtorin sportiv të kampionëve të Francës, Jorge Campos, me të cilin ka raporte shumë të mira personale.

Njëkohësisht, drejtori i klubit bardhezi po përpiqet të rregullojë edhe marrëdhëniet mes dy klubeve, të cilat u tensionuan pas dështimit të kalimit të Kolo Muanit në ditët e fundit të afatit kalimtar veror të kaluar.

Raportimet më të fundit bëjnë të ditur se Juventusi është i gatshëm të shpenzojë deri në 35 milionë euro, bashkë me bonuset, për kartonin e sulmuesit francez, ndërsa PSG vijon të kërkojë 40 milionë euro si shumë fikse.

The post Juventusi dakordohet me Kolo Muanin, pritet vetëm miratimi përfundimtar nga PSG appeared first on Albeu.com.

Gazetari Nicolo Schira raporton se klubi nga Londra është i përgatitur t’i bëjë Liverpoolit një ofertë të konsiderueshme. Ndërkohë, futbollistit i është propozuar një marrëveshje deri në vitin 2031, si edhe një rol i rëndësishëm në projektin e ri të teknikut italian.

Që nga janari i vitit 2023, Gakpo është pjesë e Liverpoolit, pasi u transferua nga PSV Eindhoven për afro 42 milionë euro. Marrëveshja e tij ekzistuese me klubin nga Anfield përfundon në qershor të vitit 2030, ndërsa vlera e tij në treg llogaritet rreth 60 milionë euro.

Në sezonin e fundit, 27-vjeçari realizoi nëntë gola dhe kontribuoi me gjashtë asistime në 52 ndeshje me fanellën e Liverpoolit.

Për momentin, Gakpo është i angazhuar me Përfaqësuesen e Holandës në Kupën e Botës 2026, ku e ka nisur turneun në mënyrë të shkëlqyer, me dy gola dhe një asistim në dy takime.

Tashmë mbetet për t’u parë nëse Liverpooli do të pranojë të shqyrtojë ofertat për sulmuesin holandez, i cili po zgjon interes të fortë nga Tottenhami i Roberto De Zerbit.

The post Tottenham i bën ofertë afatgjatë Cody Gakpos pas formës së tij me Holandën appeared first on Albeu.com.

Menaxhmenti i blaugranave ka synuar tashmë disa shtylla të “Spurs”, ku ndër pozicionet më të kërkuara janë mbrojtësit qendrorë Miki van de Ven dhe Kristian Romero. Holandezi në veçanti konsiderohet si shtesa ideale për mbrojtjen e Flik, falë aftësisë së tij për të ndërtuar lojën.

Çavi Simons dhe Lukas Bergvall janë lojtarë me potencial të lartë, të aftë për të siguruar një rritje të menjëhershme të cilësisë teknike. Pavarësisht problemeve të fundit fizike që e kanë penguar suedezin, klubi katalanas mbetet i bindur për vlerën e marrëveshjes, duke i parë ata si përshtatjen e përsosur për filozofinë e lojës së Barçës, e cila është gjithmonë në kërkim të lojtarëve të shkëlqyer me topin.

Pjesa e fundit e planit të përforcimit është emri i Pedro Porros. Anësori spanjoll konsiderohet zgjedhja e parë për krahun e djathtë, veçanërisht duke pasur parasysh shitjen e mundshme të Zhyl Kunde, i cili do të siguronte hapësirën financiare të nevojshme për këtë transferim.

The post Klubi i Premier Ligës rrezikon rënien nga kategoria, Barcelona i shënjestron 5 lojtarë appeared first on Albeu.com.

Vendasit kaluan të parët në avantazh me anë të Barns në minutë ne 86-të, që nuk fali pas asistit të Mërfit. Kur u mendua se dueli do të mbyllet me triumfin e bardhezinjve, ishte Dani Olmo, i cili arriti të fitonte një penallti, pas ndërhyrjes së gabuar të mbrojtësit Malik Çau, e cila u ekzekutua në mënyrë perfekte nga Lamin Jamal.

Një barazim ky që i shkon më shumë përshtat katalanasve, ndërkohë që gjithçka mbetet e hapur për në duelin e kthimit.

GOLI I LAMIN JAMAL: VIDEO 

The post VIDEO/ Mbrëmje dramatike, penalltia e Jamalit shpëton katalanasit nga humbja appeared first on Albeu.com.

“Gjelat” e Thomas Frank dhe “Djajtë e Kuq” të Ruben Amorim barazuan 2-2 në Londër, në një dneshje të çmendur.

De Ligt shënoi me kokë golin e dytë për Manchester United në minutën e 96-të, pasi Richarlison kishte shënuar atë që dukej si goli i fitores për londinezët në minutën e 91-të. Tel i ishte përgjigjur më parë Mbeumos.

The post Spektakël në Londër, Tottenham dhe Manchester United ndahen në paqe appeared first on Albeu.com.

Por ekipi i tij u shkatërrua (0-4) nga kampionët e fuqishëm gjermanë, të cilët shënuan katër gola në tetë gjuajtjet e tyre në portë.

Bavarezët u shënuan në mënyrë të dukshme me Harry Kane (12’) dhe Kingsley Coman (61’). Golat e mbrëmjes u realizuan edhe nga lojtarët e akademisë së të rinjve të Mynihut: Lennart Karl (74’) dhe Jonah Kusi-Asare (80’).
Lojtarët e Vincent Kompany mund të kishin fituar edhe me një epërsi më të madhe nëse nuk do të kishte qenë për një penallti të humbur nga Harry Kane (15’) dhe një pritje të shpejtë nga Guglielmo Vicario para qendërsulmuesit britanik (66’).

Luis Diaz, i cili mbërriti të mërkurën, më 30 korrik nga Liverpool për 75 milionë euro, luajti 76 minuta para se të zëvendësohej nga i riu Wisdom Mike (16 vjeç).

Në vështirësi serioze mbrojtëse, lojtarët e Tottenhamit treguan gjithashtu ngathtësi përpara portës kundërshtare, siç ilustrohet nga goditja me kokë e Richarlison jashtë portës kur sulmuesi brazilian ishte pozicionuar në mënyrë ideale në zemër të zonës (69’).

Përpara kësaj ndeshjeje, Spurs kishin fituar ndeshje miqësore kundër Arsenalit më 31 korrik (1-0) dhe kundër Reading më 19 korrik (2-0), dhe kishin pësuar tre barazime kundër Newcastle (1-1, 3 gusht), Luton (0-0) dhe Wycombe (2-2), dy ndeshjet e fundit ishin luajtur me katër orë diferencë më 26 korrik.

The post Tottenham “poshtërohet” nga Bayern para sfidës për Superkupën e Evropës (VIDEO) appeared first on Albeu.com.

Pasi u largua nga Spurs për t’u bashkuar me Real Madridin në shtator të vitit 2013, për një shumë rekord botëror prej 85.1 milionë eurosh, Bale la pas vetes një trashëgimi si një nga lojtarët më të mëdhenj të Ligës Premier.

Uellsiani kishte kaluar gjashtë vite me Spurs dhe në sezonin e tij të fundit shënoi 26 gola, duke fituar çmimet si “Lojtari i Vitit” nga Shoqata Profesionale e Futbollistëve dhe nga Shoqata e Gazetarëve Sportivë.

Ai u rikthye përkohësisht te skuadra londineze në shtator të vitit 2020 për një huazim njëvjeçar, ku shënoi 11 gola dhe dha dy asistime në 20 paraqitje në Ligën Premier.

Por tani duket se Bale mund të jetë duke përgatitur një rikthim të papritur në Angli, pasi besohet se ka zhvilluar takime të fshehta për të marrë në pronësi një klub gjatë kësaj vere.

Sipas një raporti të The Telegraph, pritet që Bale të jetë figura kryesore e një grupi amerikan investitorësh që synojnë të blejnë klubin Plymouth Argyle në muajt në vijim.

🚨 EXCLUSIVE: Gareth Bale has been lined up to front a US-based private equity group’s potential takeover at Plymouth Argyle, Telegraph Sport understands

✍️ @Tom_Morgs & @JPercyTelegraph

Read the full story ⬇️https://t.co/wTv5HYt69h pic.twitter.com/mtymYEpfck

— Telegraph Football (@TeleFootball) June 16, 2025

Thuhet se bisedimet për një marrëveshje tashmë kanë filluar, ndërsa pjesë e këtij grupi amerikan janë edhe anëtarë të familjes Storch.

Edhe pse ende nuk dihet saktësisht se sa larg kanë shkuar diskutimet, besohet se Bale ka qenë pjesë e bisedimeve që do të çonin drejt marrjes së plotë të kontrollit në stadiumin ‘Home Park’.

Partneriteti i Bale me këtë ofertë vjen si pjesë e një serie blerjesh të fundit të klubeve, ku emra të njohur janë përdorur për të shtuar entuziazmin dhe interesin rreth investimeve të tyre.

Në prill, ish-bashkëlojtari i Bale te Real Madrid, Luka Modric, u bë figura publike e një grupi amerikan investitorësh që morën kontrollin e Swansea City, ndërsa emra si Tom Brady dhe golfistët amerikanë Jordan Spieth dhe Justin Thomas kanë investuar gjithashtu në klube angleze.

The post Gareth Bale pritet të bëjë një ofertë shokuese për blerjen e aksioneve të klubit anglez appeared first on Albeu.com.