Ata kujtojnë me dhimbje një ngjarje tragjike të ndodhur disa vite më parë, kur si pasojë e rrëshqitjes së gurëve humbën jetën dy vëllezër dhe gruaja shtatzënë e njërit prej tyre. Për banorët, kjo është prova më e qartë e rrezikut që vazhdon të kërcënojë zonën.

Sipas dëshmive, institucionet kanë qenë në dijeni të situatës dhe kanë kryer inspektime në terren, por ndërhyrjet konkrete kanë munguar për një kohë të gjatë. Ata theksojnë se në zonë ka banesa dhe se çdo moment mund të përsëritet një tragjedi.

Nga ana tjetër e pyetur nga Fiks Fare, Bashkia e Lezhës pranon se problemi është i njohur dhe i vazhdueshëm. Sipas përfaqësuesve të saj, është kërkuar ndërhyrja e strukturave të specializuara dhe është hartuar një plan për stabilizimin e zonës, me një fond të dedikuar nga emergjencat.

Megjithatë, pas denoncimit të situates nga Fiksi, kanë nisur punimet në terren. Forcat përkatëse kanë ndërhyrë për largimin e shkëmbinjve të rrezikshëm dhe stabilizimin e zonës.

Banorët shprehen për Fiks Fare se situata tashmë ka filluar të përmirësohet, duke theksuar se për vite me radhë kishin mbetur të pambrojtur. /Emisioni Fiks Fare

The post “Rruga e frikës” në Torovicë të Lezhës, shkëmbinjtë rrezikojnë jetën e kalimtarëve appeared first on Albeu.com.

Fatmirësisht nuk ka shkaktuar dëme, por rënia e gurëve nga shpati i malit në Torovicë është një fenomen i vazhdueshëm për shkak të shpyllëzimit të zonës.

Pak vite më parë, rënia e një shkëmbi në të njëtin vend shkaktoi një tragjedi.

Shkëmbi zuri poshtë një makinë ku po udhëtonin 3 pjesëtarët e një familje, të cilët ndërruan jetë. Specialistët e gjeologjisë kanë identifikuar disa problematike për të cilat është kërkuar të ndërhyhet, por që nuk është bërë asgjë deri më tani./Albeu.com/

The post Vite më parë u “shua” një familje, shkëputet sërish një shkëmb nga mali në Torovicë appeared first on Albeu.com.