Industria e automjeteve autonome po avancon në Evropë, në një kohë kur vazhdon diskutimi për teknologjinë dhe kuadrin rregullator të kontinentit.

Pas Londrës dhe Tokios, Mynihu do të bëhet qyteti i tretë jashtë Shteteve të Bashkuara ku Waymo do të zgjerojë shërbimin e saj të taksive pa shofer.

Kompania amerikane tashmë operon me automjete autonome në dhjetëra qytete të SHBA-së, ndërsa gjatë këtij viti ka nisur shtrirjen e aktivitetit edhe në tregjet ndërkombëtare.

Hyrja në Evropë përfaqëson një pikë të rëndësishme për përhapjen e transportit autonom në kontinent. Në të njëjtën kohë, edhe kompani të tjera të teknologjisë së automjeteve pa shofer po përfitojnë nga një klimë rregullatore gjithnjë e më mbështetëse në disa shtete evropiane.

Taksitë autonome mund të rrisin ndjeshëm sigurinë

Interesi për këto shërbime nuk lidhet vetëm me lehtësinë e udhëtimit. Një nga argumentet kryesore në favor të tyre është ndikimi i mundshëm në sigurinë rrugore.

Të dhënat e mbledhura në qytetet kryesore amerikane tregojnë se taksitë autonome mund të jenë 12 deri në 20 herë më të sigurta se ato të drejtuara nga njerëzit, duke shmangur një numër të konsiderueshëm aksidentesh dhe dëmtimesh.

Çështja merr rëndësi të veçantë në Evropë, ku aksidentet rrugore shkaktojnë rreth 20 mijë viktima çdo vit. Sipas të dhënave të përmendura në analizë, gabimet e drejtuesve lidhen me rreth 67% të aksidenteve.

Për këtë arsye, automjetet autonome konsiderohen një teknologji që mund të ndihmojë në reduktimin e aksidenteve dhe në krijimin e një sistemi transporti më të sigurt.

Shërbimet pa shofer mund të ndikojnë edhe në çmimet e transportit

Aktualisht, një udhëtim me taksi nga aeroporti i Mynihut deri në qendër kushton zakonisht rreth 80 deri në 90 euro.

Nëse automjetet autonome arrijnë të funksionojnë me kosto operative më të ulëta, ato mund të sjellin ndryshime të mëdha në tregun e transportit.

Një shërbim i tillë do të ishte veçanërisht i dobishëm për banorët e zonave të largëta, ku mundësitë e transportit publik janë të kufizuara, si dhe për personat që udhëtojnë gjatë orëve të vona të natës.

Rritja e përdorimit të taksive autonome mund të forcojë konkurrencën në sektor dhe, në një periudhë më të gjatë, të ndihmojë në uljen e çmimeve për konsumatorët.

Industria gjermane e automobilave mund të krijojë mundësi të reja

Automjetet autonome nuk përbëjnë domosdoshmërisht një rrezik për prodhuesit tradicionalë të makinave. Zhvillimi i tyre mund të hapë edhe rrugë për bashkëpunime të reja mes industrisë së automobilave dhe kompanive të teknologjisë.

Prodhues si BMW dhe Audi mund të përfitojnë nga zgjerimi i këtij ekosistemi duke u angazhuar në partneritete me kompanitë që zhvillojnë teknologjinë autonome.

Në një të ardhme jo shumë të largët, udhëtarët në Mynih mund të udhëtojnë me automjete pa shofer të prodhuara në Gjermani dhe të pajisura me sisteme autonome.

Vendimi i Waymo-s për t’u zgjeruar në Mynih tregon se transporti pa shofer po kalon përtej fazës së eksperimentit teknologjik.

Ai po shndërrohet gradualisht në pjesë të realitetit evropian, ndërsa siguria, kostot dhe ndikimi mbi industrinë e automobilave pritet të mbeten ndër temat kryesore të debatit gjatë viteve të ardhshme.

The post Waymo zgjerohet në Mynih: automjetet autonome synojnë të rrisin sigurinë në rrugët evropiane appeared first on Albeu.com.

Kryeministrja Takaichi i uroi mirëseardhjen Ramës me rastin e vizitës së tij të dytë në Japoni që nga viti 2023, dhe deklaroi se Shqipëria, si shtet anëtar i NATO-s, është një partner i rëndësishëm që ndan vlera dhe parime. Po ashtu ajo theksoi se Japonia do të vazhdojë të mbështesë reformat socio-ekonomike të Shqipërisë dhe anëtarësimin e saj në BE në kuadër të “Nismave për Bashkëpunim në Ballkanin Perëndimor”, e cila u njoftua në vitin 2018. Ajo gjithashtu theksoi rëndësinë e forcimit të bashkëpunimit midis dy vendeve në një gamë të gjerë fushash, duke përfshirë “Indo-Paqësorin e Lirë dhe të Hapur (FOIP)” të përditësuar, duke pasur parasysh se siguria e rajoneve euroatlantike dhe indo-paqësore është bërë gjithnjë e më e pandashme.

Rama ka ftuar homologen e tij të Japonisë, Sanae Takaichi që të vizitojë Shqipërinë vitin e ardhshëm, kur edhe në Tiranë do të mbahet Samiti i NATO-s.

Kryeministri Rama shprehu mirënjohjen e tij për mikpritjen e Japonisë të treguar gjatë vizitës së tij në Japoni dhe deklaroi se të dy vendet ndajnë vlera dhe parime të përbashkëta, se FOIP i përditësuar është në kohën e duhur dhe se Shqipëria mbështet përpjekjet e Japonisë. Ai gjithashtu shprehu mirënjohjen e tij për mbështetjen e vazhdueshme të Japonisë përmes “Nismave të Bashkëpunimit të Ballkanit Perëndimor” dhe përcolli dëshirën e tij për të forcuar më tej marrëdhëniet dypalëshe në fusha të tilla si ekonomia dhe shkëmbimet njerëzore.

Për më tepër, të dy udhëheqësit shkëmbyen pikëpamje mbi situatën në Indo-Paqësor dhe në Ukrainë. Ata ranë dakord të bashkëpunojnë ngushtë në përgjigjen ndaj çështjeve rajonale.

The post Rama në Tokio: Japonia dhe Shqipëria ndajnë vlera dhe parime të përbashkëta, të gatshëm të forcojmë marrëdhëniet në ekonomi appeared first on Albeu.com.

Qeveria Metropolitane e Tokios thotë se marrëveshja e re, e cila do të hyjë në fuqi prillin e ardhshëm, mund t’u japë punonjësve tre ditë pushim çdo javë. U njoftua edhe një politikë tjetër që do t’u lejonte prindërve me fëmijë nga klasa e parë deri në tre të shkollave fillore të shkëmbejnë një pjesë të pagës së tyre me aftësinë për të marrë ditët e para të pushimit.

“Ne do të rishikojmë mënyrat e punës … në mënyrë fleksibël, duke siguruar që askush nuk duhet të heqë dorë nga karriera e tij për shkak të ngjarjeve të jetës si lindja ose kujdesi për fëmijët“-tha guvernatorja e Tokios, Yuriko Koike kur prezantoi planin.

“Tani është koha që Tokio të marrë iniciativën për të mbrojtur dhe forcuar jetën, jetesën dhe ekonominë e njerëzve tanë gjatë këtyre kohërave të vështira për kombin“- shtoi ai.

Shkalla e fertilitetit në Japoni, e cila ka qenë në rënie të madhe për shumë vite, shënoi një tjetër rekord të ulët në qershor, edhe pse qeveria rriti përpjekjet për të inkurajuar të rinjtë të martohen dhe të krijojnë familje.

Vetëm 727,277 lindje u regjistruan vitin e kaluar, me shkallën e fertilitetit – numri i fëmijëve që një grua ka në jetën e saj – ka rënë në një nivel të ri të ulët prej 1.2, sipas Ministrisë së Shëndetësisë, Punës dhe Mirëqenies. Që një popullsi të mbetet e qëndrueshme, nevojitet një normë lindshmërie prej 2.1.

Qeveria japoneze ka promovuar një sërë politikash për të rikthyer krizën e popullsisë, duke përfshirë sigurimin e lejes së atësisë, ndërsa qeveritë e tjera vendore kanë prezantuar gjithashtu masa për të përmirësuar kushtet e punës.

Kultura unike e punës së tepërt në Japoni e bën shtatzëninë dhe prindërimin veçanërisht të frikshëm.

Kalimi në javën e punës katër-ditore ka ngjallur interes në rritje në Perëndim, ku disa kompani kanë filluar të eksplorojnë orët e ngjeshur si një mënyrë për të tërhequr talentet që kërkojnë një ekuilibër më të mirë punë-jetë. Disa studime kanë treguar se puna katër ditë përmirëson mirëqenien dhe produktivitetin e punonjësve.

Tokio nuk është i vetmi vend në Azi që përpiqet të zbatojë politika më miqësore ndaj familjes. Në fillim të këtij viti, Singapori prezantoi udhëzime të reja duke kërkuar që të gjitha bizneset të marrin në konsideratë kërkesat e punonjësve për aranzhime fleksibël pune. Kjo mund të përfshijë javë pune katër-ditore ose orë fleksibël pune.

The post Në Tokio kompanitë do të zbatojnë punë katërditore për këtë arsye appeared first on Albeu.com.

Në llogarinë e saj personale në Instagram, ajo shpesh ndan materiale, si nga jeta profesionale ashtu edhe ajo personale.

Në postimin e saj të ri, aktorja ka postuar një sërë fotosh nga udhëtimi i saj në Azores. Në njërën prej fotove, “Tokyo” pozon e zhveshur në shtratin e saj, e mbuluar vetëm nga një çarçaf.

Në mbishkrimin e postimit të saj, Ursula Corbero nuk shkroi asgjë përveç vendit që vizitoi.

The post FOTO/ “Tokio” e “La Casa De Papel” pozon e zhveshur në Instagram appeared first on Albeu.com.

Prodhuesi i ChatGPT hapi zyrën e parë ndërkombëtare në Londër vitin e kaluar, e ndjekur nga zyrja tjetër në Dublin muaj më vonë.

Ndërsa Tokio do të përfaqësojë zyrën e parë të OpenAl në Azi dhe të katërtën në të gjithë planetin, duke përfshirë edhe selinë në San Francisko me në krye Sam Altman.

Ndryshe, përpjekjet globale të zgjerimit të OpenAl deri më tash kanë qenë mjaft strategjike.

E se kush do ta drejtojë zyrën në Japoni është mjaft e dukshme. OpenAl Japan do të udhëhiqet nga Tadao Nagasaki.

Si udhëheqës i OpenAl Japan, Nagasaki do të ngarkohet të ndërtojë një ekip lokal në terren dhe të ndikojë në rritjen e kompanisë në Japoni.

Bëhet e ditur se tashmë ChatGPT po përdoret nga qeveritë lokale japoneze për të përmirësuar efikasitetin e shërbimeve publike.

The post OpenAl njofton për hapjen e zyres së re në Japoni, e para në Azi appeared first on Albeu.com.

Tail end of the #earthquake here in Tokyo – thankfully it didn’t make my already chaotic living room even more messy #japan pic.twitter.com/BwBrhpMulD

— James Reynolds (@EarthUncutTV) March 21, 2024

Tërmeti u regjistrua në orën 09:08 në prefekturën Ibaraki, në veriperëndim të Tokios, në një thellësi prej rreth pesëdhjetë kilometrash, tha Shërbimi Meteorologjik dhe Sizmologjik i Japonisë.

Japonia, në të ashtuquajturën unazë zjarri të Oqeanit Paqësor, është ndër vendet ku janë regjistruar shumë nga tërmetet më të forta në botë.

The post Tërmet i fuqishëm në Tokio (VIDEO) appeared first on Albeu.com.

Regjimi i Koresë së Veriut u kishte komunikuar fillimisht autoriteteve japoneze se sateliti mund të lëshohej nga mesnata e së mërkurës se 22 nëntorit deri në 30 nëntor.

Por pasi në Phenian duket se kanë ndryshuar planin, autoritet në Tokio janë alarmuar dhe u kanë kërkuar banorëve të ishullit Okinaëa të futeshin në strehimore.

Reagim të menjëhershëm ka pasur edhe nga Koreja e Jugut. Seuli zyrtar ka kërcënuar se do të merrte “masat e nevojshme për të mbrojtur jetën dhe sigurinë e popullsisë“, pa specifikuar se cilat do të ishin ato.

Lëshimi i një sateliti spiun nga Veriu tregon për një garë midis dy Koreve, pasi edhe Jugu po përgatitet të nisë në orbitë satelitin e saj të parë, tërësisht të zhvilluar brenda vendit.

Nisja e satelitit nga Seuli është planifikuar për në 30 nëntor, në një raketë SpaceX Falcon 9 nga baza Vandenberg në Kaliforni.

Prej vitesh Këshilli i Sigurimit i OKB ka përfshirë lëshimet satelitore në listën e aktiviteteve të ndaluara për Korenë e Veriut , sepse i konsideron ato si një mbulesë për testet e raketave ndërkontinentale.

Pheniani ka tentuar tashmë dy herë të vendosë një satelit spiun në orbitë, por tentativat kanë dështuar. Dështimi i parë daton në 31 maj të këtij viti, kur raketa e re Chollima-1 që duhej të çonte në orbitë satelitin Malligyong-1 u rrëzua në Detin e Verdhë. Më 24 gusht dështoi faza e dytë, me “vëllezërit” nga Jugu që gjetën rrënojat e satelitit.

Lëshimi i një sateliti nga Pheniani vjen dy muaj pas vizitës së Kim jong un në Rusi, ku Putin e priti në Kozmodromin Vostochny dhe premtoi se do të ndihmonte Korenë e Veriut të realizonte ëndrrën e saj për t’u bërë një fuqi hapësinore me satelitë në orbitë.

“Kjo është arsyeja pse ne erdhëm këtu, pasi udhëheqësi i Koresë së Veriut është shumë i interesuar për teknologjinë e raketave”, tha kreu i Kremlinit.

Sakaq, Uashingtoni dhe Seuli dyshojnë se “Marshalli” dhe “Cari” ranë dakord për një shkëmbim: municione të Koresë së Veriut për artilerinë ruse të angazhuar në Ukrainë në këmbim të teknologjisë hapësinore.

The post Koreja e Veriut lëshon satelitin spiun, Tokio dhe Seuli në alarm për sigurinë appeared first on Albeu.com.

Shtabi i përgjithshëm i Koresë së Jugut tha se raketa e Koresë së Veriut lëvizi drejt ujërave midis Gadishullit Korean dhe Japonisë, por nuk dha detaje të mëtejshme, si p.sh. sa larg shkoi dhe saktësisht se çfarë lloji rakete lëshoi Koreja e Veriut. Japonia tha se raketa ra në det, por nuk dha detaje të menjëhershme.

Më herët, lëshimi i raketës kishte shtyrë qeverinë japoneze t’i nxiste njerëzit të futeshin në vendstrehime në ishullin më verior, Hokkaido.

Nisja më e fundit në serinë e provave me raketa të Koresës së Veriut këtë vit, erdhi disa ditë pasi udhëheqësi i saj Kim Jong Un u zotua të rrisë arsenalin e tij bërthamor në mënyra më “praktike dhe ofensive”.

Japonia lëshoi një urdhër të ngjashëm evakuimi në tetor të vitit të kaluar kur një raketë e Koresë së Veriut me rreze të mesme veprimi fluturoi mbi Japoni, duke demonstruar kështu potencialin për të arritur deri në territorin amerikan në Paqësor, Guamin. Në atë kohë, autoritetet japoneze paralajmëruan banorët në rajonet verilindore që të futeshin në vendstrehim dhe ndaluan trenat, megjithëse nuk u raportuan dëme përpara se raketa të binte në Paqësor.

Këtë vit, Koreja e Veriut ka nisur rreth 30 raketa në përgjigje të stërvitjeve SHBA – Koreja e Jugut, të cilat i percepton si prova për një sulm ushtarak. Koreja e Jugut dhe Shtetet e Bashkuara thonë se stërvitjet janë të natyrës mbrojtëse dhe se u organizuan në përgjigje të kërcënimeve në rritje bërthamore dhe me raketa nga Koreja e Veriut.

Arsenali bërthamor i Koresë së Veriut pritet të jetë temë kryesore gjatë një takimi mes Presidentit të Koresë së Jugut Yoon Suk Yeol dhe Presidentit amerikan Joe Biden në fund të këtij muaji në Uashington. Qeveria e zotit Yoon ka kërkuar garanci më të forta nga Shtetet e Bashkuara se do të vënë në përdorim me siguri dhe me shpejtësi të gjitha aftësitë e tyre ushtarake, përfshirë ato bërthamore, për të mbrojtur Korenë e Jugut në rast të një sulmi bërthamor nga Koreja e Veriut.

Provat me raketa të Koresë së Veriut kanë shtuar gjithashtu urgjencën për Seulin dhe Tokion që të forcojnë gatishmërinë e tyre ushtarake dhe aleancën me Shtetet e Bashkuara.

Ekspertët thonë se diskutimet mes udhëheqësve botërorë në takimet e muajit të ardhshëm të Grupit të Shtatëshes në Japoni mund të jenë gjithashtu vendimtare për ruajtjen e presionit diplomatik ndaj Koresë së Veriut pasi Këshilli i Sigurimit i OKB-së është bërë jofunksional për shkak të përplasjeve mes anëtarëve të përhershëm. Pekini dhe Moska vitin e kaluar bllokuan një përpjekje të udhëhequr nga Shtetet e Bashkuara për të forcuar sanksionet e Këshillit të Sigurimit ndaj Koresë së Veriut për disa nga testet e saj më të mëdha me raketa, duke nxjerrë kështu më në pah një ndasi të thelluar nga lufta e Rusisë në Ukrainë./voa

The post Koreja e Veriut nis raketën balistike drejt detit appeared first on Albeu.com.

Fluturimi është kryer mbi detin e Japonisë dhe kjo po shihet si përgjigje ndaj Rusisë dhe Kinës që ngritën bombarduesit kur presidenti amerikan, Joe Biden ishte në Tokyo.

“Forcat e SHBA-së dhe Japonisë kryejnë një fluturim të përbashkët me avion luftarak mbi Detin e Japonisë në atë që shihet si një përgjigje ndaj fluturimit të përbashkët bombardues Kinë-Rusi ndërsa Presidenti Joe Biden ishte në Tokio”, ka shkruar në Tëitter, Steve Herman, kryekorrespodenti i Zërit të Amerikës.

Zyra e Shtabit të Përbashkët të Ministrisë së Mbrojtjes së Japonisë njoftoi më datë 26 se katër luftëtarë F15 të Forcave të Vetëmbrojtjes Ajrore dhe katër luftëtarë F16 të Ushtrisë Amerikane morën pjesë në stërvitjen e përbashkët të zhvilluar nga Forca e Vetëmbrojtjes Ajrore dhe Ushtria Amerikane në Detin e Japonisë.

“Ne kemi forcuar gatishmërinë e Forcave të Vetëmbrojtjes dhe ushtrisë amerikane për të forcuar më tej aleancën Japoni-SHBA”, tha Shtabi i Përbashkët./albeu.com/

The post Ngritën bombarduesit ndërsa Biden ishte në Tokyo, SHBA dhe Japonia mesazh Rusisë e Kinës appeared first on Albeu.com.

Gruaja ka paditur babanë biologjik të fëmijës së saj të dytë, pasi ai iu paraqit si japonez i suksesshëm me diploma nga Universiteti i Kiotos.

Nëna nga Tokio, identiteti i së cilës nuk është bërë i ditur, ka kryer marrëdhënie me burrin 10 herë gjatë përpjekjes për të ngjizur fëmijën, raportojnë mediat lokale.

Gruaja e martuar kishte fëmijën e saj të parë me burrin aktual, por zbuloi se ai mbart një çrregullim të trashëguar që mund t’u transmetohej fëmijëve të tyre.

Ajo gjurmoi donatorët e mundshëm në mediat sociale dhe mendoi se kishte gjetur njeriun e përsosur për këtë punë.

Pas 10 takimeve, përpjekjet e tyre dhanë rezultat dhe ajo u ngjiz në korrik 2019.

Gruaja e padit atë për mashtrim, duke pretenduar se gënjeshtrat e tij i shkaktuan shqetësim fizik dhe emocional

Menjëherë pas kësaj, nëna e dy fëmijëve mësoi se burri me të cilin kishte fjetur për qëllime inseminimi ishte në fakt një shtetas kinez i martuar, i cili nuk kishte ndjekur universitetin e rangut të lartë që ai pretendonte.

Duke qenë tepër vonë për të ndërprerë shtatzëninë, gruaja zgjodhi ta nxirrte fëmijën për birësim./albeu.com

The post Gruaja nxjerr fëmijën për adoptim pasi donatori i spermës e kishte gënjyer për përkatësinë e tij etnike appeared first on Albeu.com.