Gjatë ndeshjes së fituar 2-0 nga FC Nantes ndaj Le Havre, portieri Anthony Lopes, u shtri në tokë në mes të ndeshjes pa asnjë kundërshtar afër, ndërsa topi kishte dalë jashtë loje.

Sipas rregulloreve të Ligue de Football Professionnel dhe Federatës Franceze të Futbollit, ndërprerjet formale gjatë lojës për arsye fetare nuk lejohen.

Megjithatë, ekziston një dallim i rëndësishëm: ndërsa lojtarët e fushës duhet të largohen nga terreni nëse lëndohen, portierët kanë të drejtë të marrin trajtim mjekësor drejtpërdrejt në fushë.

Lopes e shfrytëzoi pikërisht këtë rregull. Ndërsa stafi mjekësor i ofronte “trajtim”, disa lojtarë të Nantes që agjëronin në këtë muaj të Ramazanit shkuan ne shpejtësi te vija anësore, ku u panë duke pirë ujë dhe ngrënë hurma, për të ndërprerë agjërimin e tyre në perëndim të diellit.

Portieri u ngrit ngadalë, duke lejuar disa çaste shtesë para se loja të rifillonte.

Ky gjest njerëzor vjen në një kohë, kur debati për pranimet e gjesteve apo riteve fetare në futbollin evropian është ende i hapur.

Premier League britanike filloi të lejojë zyrtarisht, ndërprerhen w ndeshjeve per te çelur iftarin, një vendim i marrë që nga Ramazani i vitit 2021, ndërsa Bundesliga gjermane miratoi një qasje të ngjashme një vit më vonë. Franca, megjithatë, mbetet e ngurtë në qëndrimin e saj.

Ramazani, i cili këtë vit filloi më 19 shkurt pas vëzhgimit të gjysmëhënës, është muaji më i shenjtë për myslimanët një periudhë agjërimi të plotë nga agimi deri në perëndim të diellit.

Fitorja e Nantes ishte e rëndësishme edhe sportivisht, duke i dhënë ekipit frymëmarrje të nevojshme në luftën e ashpër për të shmangur rënien nga kategoria.

Por përtej rezultatit, ajo çka mbeti në kujtesë ishte pauza e vogël në fushë, një simbol i thjeshtë uniteti dhe respekti, një kujtesë se humanizmi gjen rrugën e vet edhe brenda rregullave më të rrepta.

The post Moment solidariteti që bëri botën të flasë, portieri shtrihet në tokë që shokët të ndërpresin agjërimin appeared first on Albeu.com.

Banori Bekim Koçeku, ka dalë përpara fadromës, duke i bërë thirrje autoriteteve të ndalojnë aksionin:

“I bëj thirrje shtetit, institucioneve të vijnë e të vënë dorë. Po na prishin shtëpitë, po na nxjerrin në rrugë të madhe. Le të më hipë sipër kamioni, le të vdes edhe unë.

I bëj thirrje Ramës, Benet Becit, kujt të mundet të vëjë dorë. Në të kundërt unë do të vdes sepse nuk kam para të paguaj borxhet”.

Edhe motra e tij, e pranishme në protestë, shprehu vendosmërinë për të mos lënë banesat e tyre: Kemi ndërtuar 5 shtëpi.

Bekimi ka marrë kredi, ka lënë pensionin për të ndërtuar. Pasha të madhin Zot, në fadromë vdes, këtë vend nuk e lëshojmë”.

Nga ana tjetër, drejtori i zbatimit të vendimeve në IKMT, Fatmir Mete, deklaroi se në Theth janë planifikuar për t’u prishur rreth 70-80 objekte të ndërtuara pa leje.

The post Tensione në Theth/ Banori me aftësi të kufizuara shpërthen në lot: Fadromat të kalojnë mbi trupin tim (VIDEO) appeared first on Albeu.com.

Goro akuzohet nga SPAK për “Shpërdorim detyre” në bashkëpunim, teksa u arrestua në muajin mars të këtij viti.

Hetimet e SPAK, treguan se Goro në bashkëpunim me Jerasimo Bushin, përcollën pranë organeve kompetente dokumente të falsifikuara, duke bërë të mundur regjistrimin e një sipërfaqe prej 5512 m2 tokë bujqësore, në pronësi të shtetit, në favor të subjektit privat, në pronësi të Foto Mëhillit, i ati i Stavri Mëhillit.

Pas kësaj procedure, të dy ata kanë vijuar me transaksionet për të regjistruar sipërfaqen e tokës në emër të një shoqërie private me përfaqësues Artan Gaçin.

Në total, janë dy sipërfaqe toke të tjetërsuara, të dyja rreth 10 mije m2.

Lidhur me këtë çështje, kreu i kadastrës Vlorë Bilbil Aliaj, u la në masën “detyrim paraqitje”, ndërsa ish- juristi Vezir Gjikoka si dhe ish-drejtori i Drejtorisë së Mbrojtjes dhe Menaxhimit të tokës në Bashkinë Himarë në “arrest në shtëpie”.

Nga ana tjetër, Stavri Mëhilli, pronari i tokës, që dyshohet se ka kryer 2 vepra penale, lënë në “arrest me burg”, në mungesë, për shkak se nuk është gjetur për tu arrestuar.

Kujtojmë se pak muaj pas arrestimjt Prokuroria e Posaçme, kërkoi një tjetër masë sigurie arresti në burg për Jorgo Goron, si dhe sekuestrooi të 4900m2 tokë që është përfituar nga ish-kryebashkiaku i komanduar i Himarës Arqile Bollano.

Goro dyshohet për shpërdorim detyre dhe korrupsion, teksa hetimi ka nisur fillimisht nga prokuroria e Vlorës por u transferua një muaj më parë në SPAK.

Toka ndodhet në zonën e Livadhit në Himarë, e cila sipas prokurorisë është përfituar në mënyrë të padrejtë nga Arqile Bollano, kryetar i komanduar nga PS në bashkinë Himarë.

Vetë Bollano ka qenë pjesë e grupit të punës, të cilët ndërtuan listën emërore të personave që fituan tokë në mënyrë të padrejtë në Himarë një pjesë të të cilës dyshohet se duke shfrytëzuar njohjen me Goron, ia jep vetes së tij.

Por ndryshe nga masa që kërkohet për Goron, aktualisht për Bollanon s’ka kërkesë për masë, veç asaj për sekuestrimin e tokës.

Kallëzimi lidhur me këtë çështje është bërë fillimisht në komisariatin e Himarës, nga një banor i zonës i cili posedonte tokën e rregullt dhe e kishte fituar atë në bazë të ligjit 7501.

Në 2015 kur u kryen procedurat, Bollano kishte funksion të rëndësishëm tek zyra e pronave në Bashkinë e Himarës, madje drejtonte grupi e punës për ndarjen e pronave.

Përfitimi i dy pronave është bërë me firmë të Jorgo Goros, me argumentin se familje si ajo Bollano, nuk janë trajtuar me tokë gjatë vitit 1991-1992.

Dhe për shkak se këto familje dispononin dhe kishin në përdorim faktik disa ngastra me sipërfaqe toke në zonën e Himarës, këto toka duhet ti njiheshin nga bashkia.

The post I dhanë tokë Artan Gaçit dhe Xhaçkës, SPAK i komunikon akuzën Jorgo Goros dhe ish-zyrtarëve të Himarës appeared first on Albeu.com.

Efektivët e Stacionit të Policisë Dimal, qarku Berat, njoftuan se identifikuan dhe ndaluan sot (16 Gusht), Roland Hoxhën, banues në fshatin Krotinë.

24-vjeçari dyshohet se ka ndezur zjarr për të djegur disa mbeturina në fshatin ku jetonte, por aksidentalisht dhe si pasojë e përhapjes së flakëve, ka shkaktuar dëmin e konsiderueshëm në plantacionet me ullinj të mbjella nga banorët e tjerë.

Gjatë ndalimit i dyshuari Hoxha mohoi që të ishte zjarrvënie e qëllimshme, teksa hetimet janë ende aktive dhe po i ndjek prokuroria vendore.

Qarku i Beratit prej ditësh po vuan një situatë kritike zjarresh në territorin e tij, kryesisht në tokat e mbjella me pemëtari të Bashkisë Dimal dhe në Parkun Kombëtar të Tomorit, në Skrapar, me mbi 20 hektarë të dëmtuara.

Policia e Beratit apeloi ndaj qytetarëve dhe fermerëve të zonave të qarkut që “në asnjë rast të mos ndezin zjarre, pasi do të përballen me ligjin” dhe që “të denoncojnë në numrin 112, çdo rast të kësaj veprimtarie kriminale dhe të paligjshmërive në tërësi”.

The post Po digjte mbeturinat në tokën e tij dhe shkrumboi plantacionin me 600 rrënjë ullinj të banorëve, arrestohet 24-vjeçari në Dimal (Emri) appeared first on Albeu.com.

BIRN mësoi se, gjatë procedurave të ndërmarra në vitin 2015 nga Bashkia e Himarës, për plotësimin me tokë bujqësore të familjeve që kishin marrë sipërfaqe të mangëta gjatë ndarjes së tokës në vitin 1992 sipas ligjit 7501, ka pasur përfitime të pamerituara nga disa familje, mes tyre dhe ajo e kryebashkiakut aktual, Arqile Bollano.

Me vendim të këshillit bashkiak, pasi shqyrtoheshin kërkesat e familjeve që pretendonin se u ishte ndarë më pak tokë nga sa u takonte, merrej vendim për plotësimin e deficiteve. Mes përfituesve ka qenë dhe familja e Arqile Bollanos, që mësohet të ketë përfituar 14 mijë m2 tokë që, sipas përllogaritjeve, nuk i takonte.

Në vitin 2015, Bashkia e Himarës drejtohej nga socialisti Jorgo Goro, i cili u ndalua në mars të këtij viti me urdhër të SPAK, pasi dyshohet se në bashkëpunim me vartës dhe zyrtarë të Kadastrës, nëpërmjet dokumenteve të falsifikuara, kanë mundësuar kalimin e sipërfaqeve të konsiderueshme tokë shtet në Himarë, në favor të privatëve, pasuri që u morën nga një shoqëri e zotëruar nga Artan Gaçi, bashkëshorti i deputetes socialiste Olta Xhaçka, i cili ka fituar statusin e investitorit strategjik.

Goro i cili garoi për një mandat të katërt nën siglën e Partisë Socialiste për Bashkinë e Himarës në maj të vitit të kaluar, vijoi ta ushtronte detyrën megjithëse fitues u shpall rivali i tij, Alfred Beleri. Ky i fundit nuk arriti të kryente betimin pasi u arrestua dy ditë para zgjedhjeve për “Korrupsion aktiv në zgjedhje”, vepër penale për të cilën u deklarua fajtor dhe u dënua me 2 vjet, masë që mori formë të prerë në Apel më datë 25 qershor.

Pas ndalimit të Goros, Këshilli i Bashkisë Himarë komandoi në detyrën e kryetares Blerina Balën, e cila u dorëhoq në fillim të qershorit. Më 7 qershor ajo u zëvendësua nga Arqile Bollano, edhe ky si i komanduar./BIRN

The post Skandali/ Kryebashkiaku i komanduar i Himarës Arqile Bollano përfitoi rreth 14 mijë m2 tokë appeared first on Albeu.com.

Në krye të kësaj skeme të vjedhjes së pronave shtetëror dhe banorëve të zonës, përmes falsifikimit të AMTP-ve, qëndron ish-kryetari i komunës Bërxullë, Ymer Marku dhe disa punonjës së kësaj komune që kanë ndërvepruar në bashkëpunim me njëri-tjetrin.

Sipas Ora News, veç tre dosjeve abusive ku dyshohet se është tjetërsuar një sipërfaqe toke prej 7500 metra katror, 10.800 metra katror dhe 10.000 metra katror, tashmë një dosje Nr.4 është në verifikim e sipër nga grupi i hetimit në prokurorinë e Tiranës.

Bëhet fjalë për një pronë me një sipërfaqe prej 4 mijë metra katror që ndodhet në fshatin Brukë të ish-komunës Bërxullë.

Dokumentat e skuestruara nga prokuroria e Tiranës tregojnë se kjo sipërfaqe është në pronësi të shtetasit Arben Tafa, i cili ka dyshime të forta se nuk është pronari real i kësaj pasurie të paluajtshme.

Në kohën kur është rregjistruar dhe janë kryer dokumentat e kësaj prone, rezulton se Arben Tafa, ishte i punësuar si hidraulik pranë ish-komunës së Bërxullës.

Burimet pranë prokurorisë thanë se Tafa ka punuar së bashku me Kujtim Markun, i cili është djali i xhaxhait të Ymer Markut, ish-kryekomunarit të Bërxullës që aktualisht ndodhet në burg pas një vendimi arresti të lëshuar nga prokuroria e Tiranës.

Lidhur me rregjistrimin në hipotekë të kësaj prone prej 4 mijë metra katror, në prokurori ka shfaqur shqetësim dhe Arben Tafa, i cili edhe pse rezulton pronari i tokës, nuk ka asnjë document historik që të provojë origjinën e kësaj pasurie të paluajtshme.

Rasti në fjalë po ndiqet nga një grup hetimor që është ngritur në prokurorinë e Tiranës, ku deri në këtë fazë në pranga kanë përfunduar Ymer Marku, ish-kryeplaku Agim Loci dhe ish- Përgjegjësi i Zyrës së Mbrojtjes dhe Menaxhimit të Tokës pranë Komunës Bërxullë, Kujtim Balliu,pasi kishin falsifikuar dokumentet dhe në shpërdorim të detyrës kishin tjetërsuar sipërfaqen e tokës duke ia kaluar të arrestuarit të katërt, Kujtim Allmeta.

Për shkak se abuzimet me pronat shtrihen në sipërfaqe toke që ndodhen në disa fshatra të ish-komunës Bërxullë, prokuroria e Tiranës ka bërë dhe një listë personash që do thiren si dëshmitarë në këtë process hetimor.

Mes personave që do thiren në vijim apo janë thirur gjatë kësaj kohe hetimore, janë Arbër Abazaj, Dali Cejku, Tahir Cena, gruaja e këtij të fundit Fidarie Cena, Driton Cena, Florjan Cena, Ismail Cena, Agron Marku, Gazmend Cena, vëllai i Ymerit, Sokol Marku, shoferi i këtij të fundit Arjol Bici, topografi i komunës Bërxullë Sakip Domi, hidrauliku i komunës, Arben Tafa, shoku i ngushtë i Ymer Markut, Vath Muka, Mersim Murati, i cili ka qënë ish-punonjës i komunës Bërxullë.

Pjesë e grupit që kanë shërbyer si fasadë për të kryer tjetërsimin dhe rregjistrimin e pronave në zonën e Bërxullës, besohet se kanë shërbyer Muharrem Muça dhe Xhaf Sefo, të cilët tashmë janë ndarë nga jeta.

Paralelisht me hetimin për të provuar veprën penale të “Shpërdorimit të detyrës” dhe “Falsifikimit të dokumentave”, ndaj Ymer Markut dhe personave të tjerë ka nisur dhe një hetim pasuror, ku deri në këtë fazë ish-zyrtarit të komunës Bërxullë i janë zbuluar dy apartamente të padeklaruar dhe pritet që në ditët në vijim prokuroria të kërkojë sekuestrimin e tyre në gjykatë.

The post Tokë tjetër me 4 mijë m2 e tjetërsuar në Brukë të Bërxullës, Ymer Marku e regjistroi në emër të hidraulikut të komunës appeared first on Albeu.com.

Kjo është pyetja që një ekip shkencëtarësh nga Argjentina, Kili, Bolivia dhe Shtetet e Bashkuara kërkojnë t’i përgjigjen pasi zbuluan 13 minj të mumifikuar në lartësi mbi 6000 metra në Rrafshnaltën Atacama të Kilit dhe Argjentinës. Zbulimi i tyre vërteton më tej se specia është gjitari që jeton në lartësinë më të madhe në botë, sipas studimit të botuar së fundmi në Current Biology.

Minjtë, të quajtur Phyllotis vaccarum, zakonisht jetojnë në malet e Andeve në lartësi më të ulëta. Në vitin 2020, një mi i gjallë u regjistrua në majën e Llullaillaco, një vullkan me një lartësi prej 6,739 metrash në kufirin e Kilit. Aktualisht, ky mi mban rekordin botëror për gjitarin e gjallë në lartësi të tilla, tha Jay Storz, bashkautor i studimit. Zbulimi i miut të gjallë e nxiti Storzin të kryente ekspedita në 21 vullkane të ndryshme. 13 minjtë e mumifikuar u gjetën në vullkanet Salín, Púlar dhe Copiapό.

“Sa herë që kemi gjetur ndonjë gjë në ato lartësi super ekstreme, ne jemi krejtësisht të mahnitur,” tha Storz, profesor i biologjisë në Universitetin e Nebraska-Lincoln. “Është vërtet e vështirë të mbivlerësohet se sa jomikpritës janë këto mjedise”, shtoi ai.

Në majën e këtyre vullkaneve, çdo frymëmarrje ajri përmban vetëm rreth 40% të oksigjenit që është i disponueshëm në nivelin e detit, tha Storz. Temperaturat gjithashtu rrallë ngrihen mbi zero dhe forcat e erës janë jashtëzakonisht të forta, të regjistruara dikur me mbi 186 km në orë nga një stacion meteorologjik i National Geographic në 6,505 metra.

Për më tepër, mjedisi është përshkruar të jetë i ngjashëm me Marsin. Në vitin 2021, studiuesit e NASA-s studiuar mjedisin në përpjekje për të “kuptuar se si blloqet ndërtuese të jetës mund t’i përgjigjen kushteve marsiane me kalimin e kohës”.

Mumie miu të thara në ngrirje

Ndërsa kushtet nuk janë ideale për krijesat e gjalla, ato krijojnë kushte perfekte për ruajtje, pasi minjtë në thelb thahen në ngrirje, tha Storz. Në rrethana normale, minjtë e mumifikuar janë të vështirë për t’u gjetur pasi shumica e vdekjeve shkaktohen nga grabitqarët. Por lart në male, minjtë nuk kanë grabitqarë. Studiuesit kryen vëzhgimin me radiokarbon, një metodë që përdor sasinë e karbonit nga materiali i organizmit për të vlerësuar moshën e tij – që tregoi se mumiet nuk ishin më të vjetra se 350 vjeç, ndërsa disa mund të kishin ngordhur së fundmi, sipas studimit. Storz vuri në dukje raportet e mëparshme të brejtësit, ku arkeologët kishin menduar se minjtë do të përdoreshin si pjesë e ritualeve inkase. Meqenëse mostrat nuk janë aq të vjetra sa qytetërimi Inkas (mbi 500 vjet), kjo teori është përjashtuar.

“Është ende një mister se pse ata janë atje – pse ata do të ngjiteshin në këto lartësi ekstreme – por është gjithashtu e qartë se ata arritën atje vetë,” tha Storz, i cili gjithashtu vuri në dukje se ekipi gjeti prova të strofullave aktive në lartësitë e larta. Ekipi i studiuesve aktualisht po kryen kërkime te mbi 31 minj të kapur të gjallë, duke përfshirë miun mbajtës rekord, për të provuar të kuptojnë se si speciet mund të mbijetojnë në kushte ekstreme, tha Storz. Hulumtimi do të përfshijë gjithashtu analiza të përmbajtjes së tyre të zorrëve për të gjetur se çfarë kanë ngrënë ata.

Një teori është se minjtë hanë likene, një kombinim midis një kërpudhe dhe një alge, tha Storz, që është gjithashtu një pjesë e zakonshme e disa dietave të gjitarëve të Arktikut, një shembull tjetër i një mjedisi të ashpër dhe shterpë. Likenet si dhe myshqet e tjera dhe artropodët e vegjël zhvillohen nga rrjedhja e avullit të ujit dhe gazeve të nxehta nga korja e tokës së vullkanit, tha për CNN Emmanuel Fabián Ruperto, ekolog në Institutin Argjentinas për Kërkimet e Tokës së Thatë në Mendoza, Argjentinë. Një teori e dytë është se fragmentet e bimëve, insektet e vogla dhe burimet e tjera ushqimore barten në majat e maleve nga era, tha Fabián-Ruperto.

“Jeta në lartësi kaq të larta besohej të ishte e pamundur për gjitarët,” tha Fabián-Ruperto, i cili nuk ishte i përfshirë në studim. “Këto vëzhgime tejkalojnë rekordet e mëparshme në Himalajet dhe vargmalet e tjera malore, duke sfiduar atë që menduam se dinim për aftësitë e mbijetesës së specieve”, shtoi ai.

Jeta gjen një rrugë në mjedise ekstreme

Miu me veshë gjethe peshon mesatarisht 55 gram. Me kërkime të mëtejshme, shkencëtarët shpresojnë të mësojnë se si miu i vogël mund të mbajë një temperaturë të qëndrueshme të trupit në lartësi kaq të larta, kur shkalla e humbjes së nxehtësisë mund ta nënshtrojë miun ndaj hipotermisë dhe vdekjes brenda pak minutash, tha Fabián-Ruperto. Një arsye kryesore për suksesin e specieve mund të jetë përshtatshmëria e tij në lartësi më të larta, ku minjtë janë vërejtur të jenë aktivë gjatë ditës, në vend të natës si homologët e tij në lartësi më të ulëta, tha Storz.

“Jeta duket se gjen gjithmonë një mënyrë, pavarësisht se sa armiqësor mund të jetë mjedisi,” tha Storz. Ai shpreson që ky zbulim të ndriçojë se si evolucioni mund t’i pajisë kafshët për të jetuar në mjedise që fillimisht mendohej se ishin të pabanueshme.

The post Duket njësoj si Marsi, ky është vendi në Tokë ku jeton vetëm një gjitar appeared first on Albeu.com.

Elektronet godasin Hënën ndërsa ajo lëviz brenda dhe jashtë bishtit magnetik të Tokës, të cilin planeti ynë e lë pas ndërsa lëviz nëpër hapësirë. Brenda “bishtit” magnetik është një shtresë plazme e përbërë nga elektrone dhe jone shumë të ngarkuar nga atmosfera e Tokës dhe rrezatimi i erës diellore.

Shkencëtarët kanë studiuar më parë rolin e bishtit magnetik dhe magnetosferës në formimin e ujit në Hënë. Magnetosfera është zona rreth planetëve dhe satelitëve të tyre natyrorë në të cilën fusha magnetike është në formë gishti nga ndërveprimi me erën diellore. Ndodh kur fusha magnetike mbrojtëse e Tokës largon erën diellore.

“Është një lloj laboratori natyror për studimin e procesit të formimit të ujit në sipërfaqen e Hënës. Kur Hëna është jashtë bishtit magnetik, sipërfaqja e saj bombardohet nga era diellore. Brenda bishtit magnetik, pothuajse nuk ka protone të erës diellore dhe mendohej se formimi i ujit do të binte pothuajse në zero” , tha shkencëtari planetar Shuai Li i Universitetit të Hawai’i në Manoa.

Megjithatë, analiza tregoi se nuk ishte kështu. Studimet e mëparshme kanë vënë në dukje krijimin e ujit në Hënë nga jonet e hidrogjenit nga era diellore, por duket se uji ende formohet kur sipërfaqja e Hënës është e mbrojtur nga era e Diellit, domethënë kur ajo është brenda magneto bishtit.

Forca të tjera janë gjithashtu në lojë, besojnë shkencëtarët, veçanërisht elektronet. Gjegjësisht, është e mundur që elektronet me energji të lartë të reagojnë me tokën hënore, duke lëshuar hidrogjen të bllokuar që më pas mund të formojë ujë, shkruan Science Alert.

“Në bishtin magnetik, mund të ketë procese shtesë formimi ose burime të reja uji që nuk lidhen drejtpërdrejt me implantimin e protoneve të erës diellore. Në veçanti, rrezatimi elektronik me energji të lartë tregon efekte të ngjashme si protonet e erës diellore”, shpjegon Lee.

Sigurisht, do të nevojiten vëzhgime dhe eksperimente të mëtejshme në sipërfaqen e Hënës për të ditur me siguri se si formohet uji në Hënë, por ky është një propozim interesant. Ka shumë arsye pse burimi i ujit në Hënë i magjeps shkencëtarët – ai na mëson më shumë për të kaluarën e saj dhe është gjithashtu jetike për të zbuluar se si mund të jetojmë në sipërfaqen e Hënës për një afat të gjatë.

“Në përgjithësi, ky zbulim tregon se Toka Nënë është e lidhur fort me Hënën e saj në shumë aspekte të panjohura”, thotë Lee.

The post Uji në Hënë krijohet nga një forcë misterioze që vjen nga Toka appeared first on Albeu.com.

Sipas të dhënave të grumbulluara satelitore të shërbimit Copernicus, zonat e djegura në BE nga fillimi i vitit deri më 26 gusht janë 44,2% më të larta krahasuar me mesataren e pesëmbëdhjetë viteve të mëparshme.

Në veçanti, zonat e prekura nga zjarret këtë vit arrijnë në 4 milionë hektarë, ndërsa në 13 nga 27 shtetet anëtare, pra në gjysmën e këtij viti, është më keq se mesatarja e performancës së periudhës 2006-2022. Greqia ka qenë vendi evropian më i goditur këtë vit, me zjarrin e madh në Aleksandropolis dhe Dadia tani më i madhi i regjistruar që nga fillimi i mbajtjes së të dhënave të BE-së.

Shifrat e Kopernikut tregojnë se problemi është më i gjerë, pasi pothuajse në të gjitha vendet kryesore të Mesdheut, Francë, Spanjë dhe Itali, fatkeqësitë kumulative të këtij viti janë më të gjera se mesatarja e 15 viteve të mëparshme.

Ky është në thelb një vazhdim i një tendence të regjistruar në jugun evropian në vitet e mëparshme, pasi pothuajse çdo vend i Evropës Jugore ka përjetuar një vit “të zi” në gjashtë vitet e fundit. Në Portugali në vitin 2017, sipërfaqet e djegura tejkaluan të gjitha ato të mëparshmet, duke kaluar 5.4 milionë hektarë. Në Spanjë u dogjën një rekord prej 3 milionë hektarësh në vitin 2022, ndërsa në Itali në vitin 2021, sipërfaqet e djegura vlerësoheshin në 1.5 milionë hektarë.

The post Shifrat alarmante, toka e djegur në BE është 44% mbi mesataren e mëparshme 15-vjeçare appeared first on Albeu.com.

Kjo fluturake pa ekuipazh u rikthye në qendrën e lëshimit të anijeve në Xhiuquan në veriperëndim të Kinës, ashtu siç ishte paraparë, raportoi media shtetërore kineze.

Autoritetet nuk kanë dhënë asnjë detaj se për çfarë anije kozmike bëhet fjalë, çfarë teknologjie është testuar, sa lartë ka fluturuar dhe në çfarë trajektore ka fluturuar anija që kur u lëshua në hapësirë në gusht të vitit të kaluar.

Ky testim shënon një arritje “të rëndësishme” për teknologjinë e ripërdorshme të anijeve kozmike të Kinës, që do të ofrojë një mënyrë më të lirë dhe më të përshtatshme për përgatitjen e misioneve të reja hapësinore, raportoi media shtetërore kineze.

Më 2021, një anije e ngjashme kozmike kishte fluturuar në hapësirë dhe ishte kthyer në Tokë në po të njëjtën ditë, por edhe atëbotë autoritetet kineze nuk dhanë detaje të misionit.

Komentatorët në rrjetet sociale kineze kanë spekuluar se Pekini po zhvillon një anije kozmike sikurse modeli amerikan X-37B, një avion i pavarur hapësinor që mund të qëndrojë në orbitë për vite të tëra.

Një anije e tillë amerikane u kthye në Tokë nëntorin e vitit të kaluar, pasi kishte qëndruar në orbitë për më shumë se 900 ditë./rel

The post Anija misterioze kozmike kineze kthehet në Tokë pas 276 ditësh appeared first on Albeu.com.