Përfitimi i këtyre dy pasurive në mënyrë të paligjshme, është arritur të zbulohet nga një kallëzim i bërë në vitin 2022, nga mësuesi i shkollës 9-vjeçare në Himarë, Irakli Likoka.

Rasti është hetuar fillimisht në Vlorë dhe më pas çështja ka kaluar në SPAK, duke çuar ditën e djeshme në një arrestim të dytë të ish-kryetarit të bashkisë Himarë, Jorgo Goro.

Ndërkohë teksa hetimet për këtë rast vijojnë, situata penale duket se po tronditet dhe për Arqile Bollanon, kryetarin aktual të Bashkisë Himarë, dhe një nënpunës tjetër i quajtur Oleg Goro, i cili së bashku me Bollanon, ka qenë pjesë e grupit të punës që ka përpiluar listën e personave që përfitonin tokën në formën e përdoruesit faktik.

Bollano dhe Oleg Goro, ka përpiluar dokumente të rreme, të cilat më pas janë firmosur nga kryetari i bashkisë Himarë, Jorgo Goro, duke bërë pronar në mënyrë të padrejtë zyrtarin e bashkisë, Arqile Bollanon dhe disa persona të tjerë.

Por veç dhënies së pronësisë së Bollanos, ky i fundit përmes një plani privat të rilevimit të pasurisë, ka bërë një mbivendosje harte për gastrën “Vllatorja”. Kjo masë mbivendosje përllogaritet në 3742 metra katror, duke shtrirë kufijtë dhe mbi pasurinë e mësuesit Irakli Likoka.

Për shkak se Bollano cenoi dhe pasurinë private të Irakli Likokës, ky i fundit ju drejtuar në 7 dhjetor 2022 prokurorisë me një kallëzim penal.

Irakli Likoka, ka kërkuar ndjekje penale për shtetasin Arqilea Bollano, për veprën penale të “Falsifikimit të dokumenteve” parashikuar nga neni 186 i Kodit Penal si dhe për punonjësit e Bashkisë Himarë dhe ASHK Vlorë për veprën penale të “Shpërdorimi i detyrës”.

Likoka ka shpjeguar se ai ka trashëguar nga babai i tij, i ndjeri Niko Likoka një sipërfaqe kullotë me sipërfaqe 2.2 ha në qytetin e Himarës.

Për këtë pasuri, Gjykata Vlorë, në 11 korrik 2023, ka vendosur vërtetimin e fakti juridik të pronësisë.

Bazuar mbi këtë vendim si dhe dokumentet arkivore që disponon, kallëzuesi ka kërkuar kthimin e pronës nga Agjencia e Trajtimit të Pronave.

Kallëzuesi ka rënë në dijeni se në këtë sipërfaqe toke, është trajtuar me tokë në pronësi Arqile Bollano, i cili është pajisur me AMTP në pronësi nga Bashkia Himarë, në vitin 2016 dhe më pas ka kryer regjistrimin e pronës në Agjencinë Shtetërore të Kadastrës Vlorë në vitin 2022.

Sipas Iraklit, AMTP në favor të shtetasit Arqile Bollano është dhënë në kundërshtim me ligjin për arsye se:

”…ajo është dhënë në pronën e tij për të cilën disponon dokumente pronësie dhe po kështu është në proces gjyqësor për kthimin fizik të saj. Kjo sipërfaqe toke është kullotë dhe nuk është tokë bujqësore si e tillë nuk mund të jepet me AMTP…”.

Lidhur me faktet e denoncuara nga Irakli Likoka, nga ana e prokurorisë është kërkuar informacion pranë Bashkisë Himarë, e cila në datën 12 janar 2023, ka çuar informacion se mbi bazën e kërkesës dhe dokumentacionit të paraqitur nga Arqile Bollano, ai është trajtuar me vendimin nr.52, datë 4 Maj 2016 të Këshillit Bashkiak Himarë, si përdorues faktik i tokës bujqësore, për parcelat “Moskato” me sipërfaqe 517 m/2 dhe “Vllatorja”, me sipërfaqe 4263 m/2.

Për parcelën “Vllatorja”, familjes së Arqilea Bollano, i është lëshuar nga Bashkia Himarë, Akti i Marrjes së Tokës në Pronësi nr.11, në datën 25 Gusht 2016.

Sipas këtij informacioni drejtuar Bashkisë Himarë, informacion i përpiluar dhe nënshkruar nga shtetasi Arqilea Bollano dhe Oleg Goro, është bërë takimi me përdoruesit faktikë të tokës bujqësore dhe në bazë të listës së përpiluar dhe dokumentacionit përkatës që është dorëzuar nga çdo qytetar dhe verifikimi i tyre, grupi i punës është dakord që të vazhdohet procedura për tu pajisur me AMTP.

Mbi bazën e këtij dokumentacioni, Arqile Bollano, ka aplikuar pranë ASHK Vlorë, ku më pas nga ana e këtij institucioni është kryer regjistrimi i pasurisë së mësipërme në emër të Bollanos.

Pasi ka rënë në dijeni të këtij regjistrimi, Irakli Likoka ka paraqitur kërkesë në 3 tetor 2022 drejtuar ASHK Vlorë, për vendosjen e kufizimit të përkohshëm ndër të tjera edhe për këtë pasuri. Mbi bazën e kërkesës së Irakli Likoka, regjistruesi i DVASHK Vlorë ka vendosur kufizimit të veprimeve mbi pasuritë.

Rezulton se Arqilea Bollano, ka qenë i trajtuar më parë me tokë bujqësore në pronësi sipas AMTP nr.19441/1996 dhe për këtë arsye ai nuk plotësonte kriteret ligjore për tu trajtuar me tokë bujqësore.

The post “Vllatorja” e “Moskato”, dy tokat me vlerë 1 mln euro që çuan në burg Jorgo Goron appeared first on Albeu.com.

Shkak është mosfunksionimi i kanaleve kulluese, të cilët nuk përcjellin ujin për në lumë.

Lagja fundore e këtij fshati, vijon të jetë e izoluar pasi prezenca e ujit në rrugë është mbi 30 cm.

Ndërkohë, në zonat malore reshjet e dëborës kanë pushuar gjatë natës, por niveli i dëborës ka vajtur mbi 30 cm.

Problem sot janë ngricat e krijuara nga rënia e ndjeshme e temperaturave.

Kalimi ne aksin nacional Krujë- Qafështame, por edhe ne rrugët e fshatrave behet vetëm me zinxhirë.

Vlen për t’u theksuar se; i gjithë rrethi është furnizuar me energji elektrike pa ndërprerje.

The post Dalja e lumit Ishëm nga shtrati, qindra hektarë tokë bujqësore nën ujë në Krujë appeared first on Albeu.com.

Njësitë në fjalë janë rrethina të Tiranës disa prej tyre mjaft të lakmuara edhe për hir të projekteve dhe zhvillimit që kanë marrë këto rajone ku po ndërtohen njësi banimi kryesisht vila por jo vetëm.

Por cilat janë në fakt këto njësi dhe problemet tipike që ka hasur KLSH-ja sa i takon aktit të marrjes së tokës në pronësi për atë bujqësore. Njësitë administrative janë Petrela, Dajti, Zall Her dhe Farka. Problematikat e konstatuara në proces janë të ngjashme në shumicën prej tyre.

Kështu sipas KLSH në shumicën e njësive janë konstatuar raste të pasurive të përftuara me anë të Akteve të Marrjes së Tokës në Pronësi (AMTP-të) që bien mbi pasuri “pyll”, që do të thotë se nga Njësia Administrative respektive, është pranuar kërkesa, për dërgimin e AMTP-së për regjistrim, pa shqyrtuar vlefshmërinë tekniko-ligjore të titullit të pronësisë të krijuar mbi tokën bujqësore, (AMTP-së) pa verifikuar dhe shqyrtuar dokumentacionin kadastral që disponon Njësia Administrative.

Në një tjetër pjesë të rasteve konstatohet se nga, nga ish-komisioni i ndarjes së tokës në fshat janë pajisur familjet bujqësore me tokë bujqësore për normë për frymë më shumë se sa është përcaktuar norma për frymë, bazuar në certifikatën familjare datë 01.8.1991 dhe datë 01.10.1992.

Audituesit kanë konstatuar gjithashtu se në raste të tjera, përfituesi i AMTP-së nuk ka qenë i legjitimuar për të përfituar tokë bujqësore sipas akteve ligjore e nënligjore për ndarjen e tokës bujqësore, bazuar në certifikatën e gjendjes familjare të administruar në dosje.

Po kështu janë evidentuar raste kur plani i rilevimit i hartuar nga eksperti gjeodet i licencuar, nuk përmbush standardet teknike të përcaktuara në aktet nënligjore të dala në zbatim të ligjit nr. 72/2012, “Për organizimin dhe funksionimin e infrastrukturës kombëtare të informacionit gjeohapësinor në RSH”.

Raporti vlerëson se në disa njësi administrative, nga ana e specialistit të ZAMIT-t të Njësisë Administrative Farkë nuk është verifikuar pasuria në terren por është referuar plan-rilevimit i përgatitur nga topografi me licencë, ku ky i fundit i është nuk ka saktësuar pasurisë sipas terrenit, por është referuar hartës kadastrale të DV ASHK.

Një rast tjetër është ai kur është plotësuar AMTP “Dublikatë” nga Njësia Administrative dhe e dërguar direk për regjistrim pa u miratuar më parë nga Sektori i AMTP-së pranë Bashkisë Tiranë.

KLSH vlerëson se në të gjitha rastet, në dosje mungon i administruar vërtetimi për shlyerjen e pagesës së taksës së tokës bujqësore./monitor

The post Tokat, KLSH në “sitë” rrethinat e Tiranës: Aktet e marrjes në pronësi kanë probleme appeared first on Albeu.com.