Kjo është arsyeja pse funksionimi i duhur i tij është kaq i rëndësishëm për shëndetin e përgjithshëm. Mënyra më e mirë për të filluar në këtë drejtim është të kemi kujdes në zakonet tona të përditshmërisë.

Nisur nga kjo po ju sjellim disa këshilla që mund t’ju vijnë në ndihmë.

Shtoni bulmet në mëngjes

Shëndeti i tiroides varet edhe nga ushqimet që vendosni në pjatën tuaj. Në këtë drejtim, produktet e qumështit, si qumështi dhe kosi, përmbajnë një sërë mineralesh që mbështesin gjëndrën tiroide, si seleni, jodi dhe zinku.

Menaxhoni stresin

Tiroidja nuk është e pandikuar nga stresi që shfaqet gjithsesi në organizëm. Konkretisht në lidhje me funksionin e tiroides, stresi mund të përkeqësojë gjendjen, prandaj mundoni qw ta shmangni (sa mundeni).

Ushtrimi

Nëpërmjet stërvitjes rregullohen si stresi ashtu edhe shëndeti i tiroides. Aktiviteti fizik ul hormonet e stresit, si adrenalina dhe kortizoli, dhe rrit endorfinën, kimikatet e trurit që rrisin disponimin. Dhe siç e përmendëm më lart, kontrolli i stresit konsiderohet thelbësor për funksionin e shëndetshëm të tiroides.

Preferoni kozmetikë pa kimikate që prishin sistemin endokrin

Disa nga produktet e kujdesit personal që përdorim në rutinën tonë të mëngjesit, si kremrat, shamponët, deodorantët, kozmetika dhe parfumet konsiderohen si një kërcënim “i padukshëm” për ekuilibrin e tiroides. Kjo është për shkak se ekspozimi i tepërt ndaj ‘ndërprerësve endokrinë’ mund të prishë funksionimin e duhur të tiroides.

Në të vërtetë, substanca të tilla si parabenet dhe ftalatet, të cilat zakonisht gjenden në produktet e mësipërme, mund të hyjnë në trup përmes lëkurës. Prandaj, sigurohuni që të zgjidhni produkte të kujdesit personal pa këto komponime, por edhe pa aroma sintetike.

The post Keni probleme me tiroidet? Disa gjëra që mund të bëni çdo mëngjes për të mirën e gjëndrës appeared first on Albeu.com.

Nëse vuani nga sëmundja e tiroides, është pikërisht sepse prodhon shumë ose shumë pak nga këto hormone.

Ekzistojnë disa lloje të sëmundjeve të tiroides, si hipertiroidizmi, hipotiroidizmi, tiroiditi dhe tiroiditi Hashimoto, të gjitha këto mund të shkaktohen nga një sërë gjërash, si mungesa e jodit apo edhe gjenetika.

Dietologia Molly Hembry vëren se gjendja më e zakonshme është një gjëndër tiroide joaktive ose hipotiroidizmi.

“Pesha e tepërt është shpesh efekti anësor parësor i hipotiroidizmit. Nëse vëreni se papritmas shtoheni në peshë, veçanërisht nëse kjo nuk është në përputhje me dietën tuaj dhe zakonet e stërvitjes, është e rëndësishme të konsultoheni me një mjek për analizat që duhet të bëni”, tha ajo.

Ajo që hani mund të ketë një ndikim të madh në gjendjen e gjëndrës tiroide dhe sipas Hembry, ushqimi më i keq që mund të konsumoni nëse jeni diagnostikuar me probleme tiroide është ai që përmban goitrogjene.

“Ushqime të tilla përmbajnë përbërjen goitrin, e cila mund të ndërhyjë në sintezën e hormoneve të tiroides, së bashku me mungesën e jodit”, shpjegon Hembry.

Goitrogjenët mund të gjenden te brokoli, lulelakra dhe lakra, si dhe te soja dhe meli. Për të hequr qafe efektet e mundshme negative të perimeve, thjesht mund t’i ngrohni ato.

“Ngrohja eliminon aktivitetin goitrogjenik. Nëse i hani këto perime dhe soje me moderim, nuk është problem, por shumica e dietologëve këshillojnë eliminimin e plotë të melit nga dieta juaj nëse keni probleme me tiroiden”, paralajmëroi ajo.

Në një punim të botuar në British Medical Journal, studiuesit zbuluan se një dietë e ekuilibruar luan një rol të rëndësishëm në zgjidhjen e problemeve të tiroides./albeu.com

The post Ushqimi më i dëmshëm për gjëndrën tiroide appeared first on Albeu.com.