Salianji u shpreh se akses në sistem kanë pasur edhe persona aspak të lidhur me policinë, mjafton të kishin miqësi me personat në pushtet.

Gjithashtu, Salianji shtoi se të dhënat e dala nga sistemi TIMS, përdorej nga bota e krimit, në gjuetinë të grupeve kriminal.

“U vërtetua ndërhyrja në sistemin TIMS, është një i arrestuar sot, madje zbuluam edhe më shumë se sa pretendonim. Nëse paguan apo me miqësi, nëse e kalon pasaportën që kalon, nuk regjistroheni në sistem, sikur nuk keni paraqitur fare pasaportën. Kapja e drejtuesve të policisë shmangin regjistrimin. Kjo bën të mundur që edhe 100 mijë persona mund të kalojnë pa u regjistruar.

Një person në kërkim ndërkombëtar nuk jep asnjë sinjal sistemi e për pasojë arratiset. Persona në kërkim nga SPAK janë arratisur. Nuk kemi arritur të vërtetojmë numrin e rasteve ndaj kërkuam shtyrjen e afatit, sepse na dolën fakte të reja. Përderisa shmanget nga persona të lidhur me krimin, mund të përdoret edhe nga politikanë. Disa persona në lidhje me ministrin kishin akses në TIMS edhe pse nuk kishin asnjë funksion, e aksesonin psh nga zyra.

Është përdorur për gjueti brenda botës së krimit. Tetë persona kanë hyrë në godinën ku mbaheshin të dhënat, dhe 3 USB kanë qenë të mbushura me të dhëna të cilat nuk e dimë se ku do të shkonin, apo nëse do të zëvendësoheshin me të dhënat të tjera në kohën kur manipulimi nuk ishte bërë ende.

Të dhënat e sistemit TIMS shiten e blihen online. Shërbimet e huaja të vendeve armiqësore me ne mund t’i marrin të dhënat për t’i përdorur për interesat e tyre. Jemi në kushtet e cënimit të sigurisë kombëtare. Duhen marrë masa”, tha Salianji për News24.

The post Ervin Salianji: Persona të lidhur me pushtetin kishin akses në TIMS appeared first on Albeu.com.

Salianji tha se kemi të bëjmë me një nga skandalet më të mëdha, ndërsa kërkoi që Komisioni të dilte me një qëndrim, me një raport.

Pro idesë për të bashkuar dy raportet në një të vetëm, kanë votuar 5 deputetë, ndërsa kundër propozimit të Salianjit kanë votuar në bllok të gjithë deputetët e PS-së. Me votat e anëtarëve socialistë të Komisionit, është vendosur që si raport zyrtar të paraqitet ai i lexuar nga Toni Gogu.

“Kush është dakort me këtë çerek-raportin e lexuar nga Toni Gogu? Se këta kanë hequr nga raporti edhe ata që na u thanë këtu si shkelje, as e dimë kush e ka shkruar, as e dimë se kush ua ka sjellë”, ishte batuta e rradhës e Salianjit, drejtuar socialistëve.

Në vijim, deputeti demokrat tha se në seancë do të paraqiten të dy raportet, duke thumbuar në këtë rast sërisht socialistët:

“Uroj që të kemi në sallë kolegët tuaj, që janë kundra paligjshmërisë, edhe pse edhe vetë ju mund të jeni kundër paligjshmërisë, por po e mbroni këtu”.

The post Hetimi për TIMS, mazhoranca rrëzon raportin e paraqitur nga Salianji dhe miraton atë të PS-së appeared first on Albeu.com.

Ndërkohë që PS ka kërkuar përfundimin e hetimit, Partia Demokratike ka kërkuar zgjatjen e procesit hetimor.

Kryetari i komisionit, Ervin Salianji, kërkoi zgjatjen e hetimit, ndërsa shtoi se dëshmitë e zyrtarëve të lartë kanë qenë kontradiktore dhe duheshin thirrur edhe dëshmitarë të tjerë.

“Kanë dalë të dhëna të llahtarshme që duhen të hetohen dhe persona që s’duhet të shmangen nga hetimi që ju ka dalë emri gjatë dëshmive. Dëshmitë e zyrtarëve të lartë kanë qenë kontradiktore, për këtë arsye duhej të kishim thirrjen e dëshmitarëve të tjerë”, tha Salianji.

The post Kanë dalë të dhëna të llahtarshme/ PD kërkon zgjatjen e hetimit për ‘TIMS’, Salianji: Duhet të thërrasim dëshmitarë të tjerë appeared first on Albeu.com.

Pjesë nga diskutimi:

Qefalia: “E kërkoj për procedurë”.

Salianji: “Këtu për procedurë kërkohet”.

Qefalia: “Duhet të dëgjosh kur flas unë. Si kryetar komisioni”.

Qefalia: “Nise mbledhjen me një ndjesë publike për veprimin që bëre në mbledhjen mëparshme duke ngatërruar vendin e takimit të drejtoreshës së SHISH nga Brukseli në Beograd”.

Salianji: “Kam pasur një shkresë nga SHISH. Gabon politikisht kur përmend Beogradin. E kemi si pyetje, sepse i intereson edhe drejtoreshës që të sqarojë çdo dyshim besoj”.

The post Bruksel apo Beograd? Drejtuesja e SHISH “mollë sherri” tek TIMS-i/ Salianji deputetit të PS: Gabon kur përmend kryeqytetin serb appeared first on Albeu.com.

Kryetari i Komisionit Hetimor për sistemin TIMS Ervin Salianji ka vendosur që të thërrasë të dëshmojnë Vlora Hysenin, drejtoreshë e Shërbimit Informativ të Shtetit; Florian Sulejmanin, drejtor i Agjencisë së Mbikëqyrjes Policore; Ardi Veliu, ish-drejtor i Agjencisë së Mbikëqyrjes Policore.

Rendi i ditës në mbledhjen e Komisionit Hetimor për sistemin TIMS më 2 korrik, dëshmitarët që do thirren:

Ora 11:00 – Znj.Vlora Hyseni, Drejtore e Shërbimit Informativ të Shtetit;

Ora 12:00 – Z. Florian Sulejmani, Drejtor i Agjencisë së Mbikqyrjes Policore;

Ora 13:00 – Z. Ardi Veliu, Ish- Drejtor i Agjencisë së Mbikqyrjes Policore;

Kujtojmë më parë kanë dhënë dëshmitë e tyre edhe ministri i Brendshëm, Taulant Balla dhe Drejtori i Përgjithshëm i Policisë së Shtetit, Muhamet Rrumbullaku.

Kreu i Komisionit Hetimor parlamentar, deputeti demokrat Ervin Salianji, ka këmbëngulur vazhdimisht që seancat dëgjimore të zhvillohen me dyer të hapura, ndërsa mazhoranca socialiste me shumicë votash, ka vendosur që seancat të jenë me dyer të mbyllura.

Xhaferri: Censi, makiazh mbi plagën e shpopullimit, i përpiluar si të ishin të dhëna patronazhistësh
“Kemi dëgjuar llahtarë nga dëshmitarët që janë paraqitur në këtë komision, edhe pse për socialistët mund të mos konsiderohen të tilla”, ka deklaruar Salianji.

The post Dalin emrat se kush do të dëshmojë në Komisionin Hetimor për të skandalin e vjedhjes së TIMS-it në Policinë e Shtetit appeared first on Albeu.com.

Që në nisje të fjalës së tij kryetari i këtij komisioni, Ervin Salianji, nuk i kurseu ironitë ndaj maxhorancës dhe faktit që Hyseni nuk ishte e pranishme, ndërsa tha se do të njoftohej policia.

Salianji:
Në 11:00 ishte lajmëruar për të dhënë dëshminë drejtori i SHISH, na ka sjellë një shkresë ku thuhet se drejtori do të jetë në një aktivitet, duke i dhënë

Ca e tund kokën kot, se nuk është dasëm këtu.

Ta shoqërojmë me polici, Do të lajmërojmë policinë, do e vëmë në dijeni dhe drejtoresha, që ka punë më të rëndësishme se sa të shkosh në Beograd. Të vijë të japë dëshmi, siç e përcakton ligji.

The post Drejtoresha e SHISH nuk është e pranishme për të dëshmuar te “TIMS”, Salianji: Ta marrim me polici, të mos shkojë në Beograd appeared first on Albeu.com.

Seanca do të zhvillohet më datën 10 qershor në orën 14:00, ku do të pyeten dëshmitarët, Ardit Muço, ish Përgjegjës i Sektorit IT në Policinë e Shtetit; Besjan Tanuzi, ish-Drejtor i Sistemeve, në Policinë e Shtetit; Ervina Gjana, Drejtore e Krimit Kibernetik, në Policinë e Shtetit.

Njoftimi i mbledhjes:

Në zbatim të vendimit të ndërmjetëm nr. 10, datë 04.06.2024 të Komisionit hetimor “Për trajtimin e të dhënave të sistemit TIMS”, Komisioni do të zhvillojë mbledhje ditën e hënë ora 14:00, datë 10.06.2024 me rend dite:

1. Miratim i procesverbalit të mbledhjes datë 04.06.2024.

Si dhe zhvillimi i seancave dëgjimore me dëshmitarët si vijon:

1. Ora 14:00 – Z. Ardit Muço, Ish Përgjegjës i Sektorit IT në Policinë e Shtetit;

2. Ora 15:00 – Z. Besjan Tanuzi, Ish Drejtor i Sistemeve, në Policinë e Shtetit;

3. Ora 16:00 – Znj. Ervina Gjana, Drejtore e Krimit Kibernetik, në Policinë e Shtetit.

The post Salianji njofton mbledhjen e radhës të Komisionit Hetimor për sistemin TIMS. Ja dëshmitarët që do të pyeten appeared first on Albeu.com.

Ndërkohë anëtarët e mazhorancës kanë kundërshtuar duke thënë se tre dëshmitarët e thirrur për të dëshmuar (Balla, Muça dhe Rrumbullaku) duhet të dëshmonin me dyer të mbyllura pasi të dhënat janë sensitive dhe nuk duhet të dalin jashtë dyerve të mbledhjes.

Pjesë nga debatet:

Ervin Salianji: I latë gazetarët të presin pas porte.

Toni Gogu: Shiko z. Kryetar se ju e keni zakon që bëni show, harruat të njoftoni gazetarët pasi përfundoi dëshminë ministri i Brendshëm dhe tani fajësoni Komisionin. Keni një kërkesë paraprake ose deklaratë paraprake nga Drejtori i Përgjithshëm i Policisë së Shtetit që kërkon që dëshmia të bëhet me dyer të mbyllura për shkak të sekretit, të të dhënave sensitive që mund të dalin.

Ervin Salianji: Kanë filluar punë drejtorët në Policinë e Shtetit 20 ditë para se të hapeshin aplikimet, pavarësisht se janë refuzuar. Pavarësisht është në masë arresti, vijon ai të jetë drejtor. Keni kapur këtë elementin e shoë-ut televiziv, këtu, te Rai, te Bildi… Në fakt kjo është katandisja që i keni bërë ju Shqipërisë dhe që po e turpëroni nga dita në ditë. Transparenca than çdo kalbëzim. Ça frike keni nëse nuk ka shkelje? Edhe ju hahet, edhe ju djeg! Thoni që doni ta mbroni paligjshmërinë, ne do e çojmë deri në fund këtë komision, hapur, mbyllur, fshehtas. Nëse doni ta bëjmë në bodrum dhe keni frikë nga drita, ça jemi ne? Lakuriqë nate? Ç’është ky muhabet mo?! Këtu do vendosim bashkë! Tha një propozim nënkryetari i komisionit nga një kërkesë që paskan bërë. Ikën me vrap se mos ishin kamerat herën e kaluar. Ju e njihni këtë fakt prandaj e keni çuar në Këshillin e Rregullores. Si e doni ju ta bëj këtë paligjshmëri, me vullnetin politik?.

Ramadan Likaj: Nëse ky komision vijoi punën 3 orë, iu bënë pyetje ministrit. Ne nuk morëm ndonjë dokument të klasifikuar. Duhet që ne të vazhdojmë seancën e hapur për publikun. Nëse drejtori i përgjithshëm, ka dokumente të klasifikuara, mund të të thotë nuk përgjigjem. Unë mendoj që mazhoranca këkron me çdo kusht seancën me dyer të mbyllura. Për çfarë? Kur ne duam të zbardhim sa më shpejt se çfarë ka ndodhdur me sistemin TIMS. Publiku duhet ta marrë vesh se çfarë ka ndodhur në atë sistem. Dokumente ka sa të duash. Nuk e di ku ishte ai dokument i klasifikuar.

Xhemali Qefalia: Varet si ju e lexoni shkresën…

Ervin Salianji: Parsh e lexojmë, jo mbrapsht!

Xhemali Qefalia: Nëse drejtori i Policisë mendon se mbledhja duhet të jetë e hapur, atëherë po. Pse duhet të bëjmë debat me njëri-tjetrin?!

Ervin Salianji: Gjithçka që është sekret shtetëror ta bëjmë me dyer të mbyllura.

Lefter Gështenja: Edhe dëshmia që dha ministri i Brendshëm nuk kishte asnjë sekret, nuk na u tha ndonjë sekret i klasifikuar. Këtu ishim në komision dhe nuk kishte sekrete. Mendoj se mbledhja duhet të zhvillohet me dyer të hapura, publiku të njihet me atë që ka ndodhur, edhe për hir të transparencës.

Nasip Naço: Dëshmia e Drejtorit të Përgjithshëm përbën sekret, qoftë edhe për atë dëshmitarin tjetër që pret. Pse kërkoni, qoftë edhe pa dashje të shkelni ligjin. Nga dëshmia e drejtorit mund të jepen detaje që mund të ndihmojnë atë dëshmitarin tjetër.

The post “Edhe ju hahet, edhe ju djeg” Përplasje mes deputetëve te TIMS-i: Doni t’i bëjmë mbledhjet në bodrum… appeared first on Albeu.com.

Salianji: Pavarësisht masës së marrë nga dy gjykata për drejtorin e IT ai është në detyrë dhe vetëm i pezulluar, s’ka marrë asnjë masë për të goditur paligjshmërinë sipas rendit të ditës kemi  në dëgjesë drejtorin e policisë rrumbullaku për shkak të bojkotit të maxhorancës shkresa është hedhur për votim sipas parashikimeve, nëse mbledhjet nisin me kuorum di që kërkesë merret me shumicën e anëtarëve të pranishëm, pikë të parë të kërkesës që të jetë i hapur për publikun për të komunikuar me qytetarët shkeljet në lidhje me ndërhyrje në sistemin e TIMS.

Gogu: Ky organ flet përmes vendimmarrjes dhe vendimmarrja ka qenë që të shtyhet derisa anëtarët të pajiseshin me certifikatë sigurie, shumica janë pajisur me certifikatë sigurie, administruam dëshminë e zotit Taulant Balla. Kërkesën formale të drejtorit ta hidhni në votim, mbledhja të vijojë me dyer të mbyllura

Salianji: Edhe një herë tjetër duhet të vë në pah se si përfaqësuesit e PS vjedhin, i hanë gërmat , është hedhur për të vazhduar mbledhje e hapur, më thoni dot se si mund ta zhbëjmë këtë? Meqë PS ka frikë të përballet me drejtuesit e institucioneve, ju thoni t mbyllim në mënyrë të paligjshme.

The post Komisioni i TIMS/ Dëshmia e Rrumbullakut, Gogu: Mbledhja të vijojë me dyer të mbyllura! Salianji: PS ka frikë të përballet me drejtuesit e institucioneve appeared first on Albeu.com.

“Kërkoni akses në TIMS dhe te sistemi i targave. Praktika ka treguar se ka të përfshirë te “Metamorfoza” shefa policie dhe po ashtu ka pasur rrjedhje nga ky sistem, arsye që është ngritur dhe komisioni i posaçëm. Pse ju doni akses, çfarë emergjence keni, kur mund t’i merrni nga Policia dhe Drejtoria e Transporteve?”, tha Asllan Dogjani, Deputet i Rithemelimit.

Por, drejtuesi Agjencisë, Ardian Bali, jep arsyet pse sipas tij është i domosdoshëm aksesi.

“Informacioni është fuqi. Një informacion që nuk vjen në kohën e duhur nuk ka më çfarë të duhet. Nëse nuk merret vesh në kohë reale se shtetasi X ka kaluar në pikën kufitare, ai informacion e ka kaluar vlerën pastaj. Vetë cikli për të marrë informacion të policia do kohën e saj dhe e humbet vlerën. Sa më shumë informacion të kemi, aq më të aftë jemi për të dhënë një produkt inteligjence”, shprehet Ardian Bali, drejtor AISM.

Një tjetër ndryshim i rëndësishëm parashikuar në projektligj është emërimi i zëvendësdrejtorit të Agjencisë së Inteligjencës dhe Sigurisë së Mbrojtjes, i cili do të jetë civil.

“Nëse ushtarakët, për shkak të gradave që kanë, në vijim mund të lëvizin nga një strukturë në tjetrën në ushtri, e njëjta gjë nuk mund të ndodhë me stafin civil të Agjencisë. Për këtë arsye, për shkak të ngritjes në karrierë, është propozuar që posti i zëvendësdrejtorit të jetë i pastër si civil dhe pjesa civile e shohin veten nga momenti i rekrutimit deri në arritjet e majave të karrierës siç është posti i zëvendësdrejtorit”, tha Bali.

Në projektligjin e ri është parashikuar gjithashtu që punonjësit e Agjencisë së Inteligjencës dhe Sigurisë së Mbrojtjes të marrin një pagë shtesë për uniformën, siç e kanë edhe agjencitë e tjera, përfshirë Policinë e Shtetit apo AMP.

The post Agjencia e Inteligjencës së Mbrojtjes kërkon akses në TIMS! Drejtori: Po s’erdhi në kohë, informacioni s’ka vlerë appeared first on Albeu.com.