Njoftimi vjen ndërsa kompania kineze që ka në pronësi TikTok, ByteDance, në janar shmangu një ndalim të SHBA-së për shkak të shqetësimeve për mbrojtjen e të dhënave dhe ndërsa kombet evropiane shtojnë presionin mbi kompanitë e mediave sociale për të mbrojtur fëmijët nga algoritmet e tyre që krijojnë varësi.

TikTok tha se po bënte një investim të ri prej 1 miliard eurosh në një qendër të dhënash me një kapacitet fillestar prej 50 megavatësh (MW) dhe një kapacitet total potencial prej 128 MW në Lahti, të vendosur në Finlandën jugore.

Investimi është pjesë e “iniciativës evropiane të sovranitetit të të dhënave prej 12 miliardë eurosh (euro) të kompanisë që ofron mbrojtje kryesore në industri për të dhënat e mbi 200 milionë përdoruesve evropianë”, tha ajo për Reuters.

Finlanda është bërë një “magnet” për qendrat e të dhënave, pasi kompani, përfshirë Microsoft dhe Google, kërkojnë të ulin kostot e energjisë dhe të përmbushin objektivat klimatike, të tërhequra nga klima e ftohtë e vendit, energjia elektrike me kosto të ulët dhe me karbon të ulët, si dhe një mjedis rregullator i qëndrueshëm dhe miqësor ndaj biznesit brenda Bashkimit Evropian.

The post TikTok do të ndërtojë një qendër të dytë të dhënash prej 1 miliard euro në Finlandë appeared first on Albeu.com.

Në reagimin e tij, Rama ironizoi qëndrimin e Gjykatës Kushtetuese, duke thënë se sipas këtij vendimi rezulton sikur 90% e prindërve dhe mësuesve shqiptarë kanë qenë gabim kur kërkuan mbylljen e përkohshme të platformës.

Sipas kryeministrit, mbyllja e përkohshme e TikTok-ut solli rezultate konkrete, pasi kompania mori masa shtesë për kontrollin dhe sigurinë e përmbajtjeve.

Ai theksoi se rihapja e platformës u bë falë mirëkuptimit me kompaninë dhe ndryshimeve të ndërmarra prej saj.

“Falë asaj mbylljeje sot prindërit dhe mësuesit mund të jenë pakëz më të lehtësuar, ndërsa falë këtij vendimi që s’dua t’ia ve emrin që ka, shpifësit mund të ndjehen të inkurajuar”, shkroi Rama në reagimin e tij.

Gjykata Kushtetuese mendoka që 90% e prindërve dhe mësuesve shqiptarë ishin gabim kur kërkuan mbylljen e TIKTOK-ut!

Fatmirësisht ne e rihapëm TIKTOK-un vetëm falë mirëkuptimit që gjetëm tek kompania për masat extra që u morën prej saj, pikërisht nga impakti i mbylljes, se të…

 

— Edi Rama (@ediramaal) March 11, 2026

Reagimi i plotë:

Gjykata Kushtetuese mendoka që 90% e prindërve dhe mësuesve shqiptarë ishin gabim kur kërkuan mbylljen e TIKTOK-ut! Fatmirësisht ne e rihapëm TIKTOK-un falë mirëkuptimit që gjetëm tek kompania për masat extra që u morën prej saj, pikërisht falë mbylljes, se të ishte për Gjykatën Kushtetuese, s’do ishte mbyllur fare dhe as masat pozitive s’do kishin ardhur dot!

Falë asaj mbylljes sot prindërit dhe mësuesit mund të jenë pakëz më të lehtësuar, ndërsa falë këtij vendimi që s’dua t’ia ve emrin që ka, shpifësit mund të ndjehen të inkurajuar!

The post Vendimi i GJK për TikTok, reagon Rama: Mendoka që 90% e prindërve dhe mësuesve ishin gabim appeared first on Albeu.com.

Nga pamjet e publikuara, duket se ngjarja ka ndodhur në ambientet e brendshme të një lokali, ku në sfond dëgjohet dhe muzika.

Nuk dihen shkaqet e kësaj ngjarjeje, por nga biseda duket se shkak janë bërë disa fyerje të këtij personazhi që kanë nxitur dhe reagimin e rëndë.

Teksa nuk asnjë informacion nga policia lidhur me këtë, ajo që mbetet shqetësuese është vijimi i promovimit të dhunës në rrjetet sociale.

 

View this post on Instagram

 

A post shared by JOQ Albania (@joqalbania)

The post Dhunohet live në TikTok personazhi i njohur “Diamanti Blu” (VIDEO) appeared first on Albeu.com.

Bëhet fjalë për rreth 33 milionë euro të padeklaruara, burimi i të cilave janë Facebook, TikTok, YouTube, Instagram, Google, PayPal.

“Drejtoria e Hetimit ka nisur hetimin ndaj 100 individëve/subjekteve për të ardhurat e përfituara nga platformat sociale (Facebook; TikTok; YouTube; Instagram; Google; PayPal), ku nga verifikimet paraprake dyshohet për rreth 33 milionë euro të padeklaruara!”, njofton Drejtoria e Përgjithshme e Tatimeve.

Ndërkohë, u bëhet thirrje të gjithë këtyre tatimpaguesve, që të përmbushin detyrimet e tyre sa më shpejt për të shmangur penalitetet.

“Administrata Tatimore ka njoftuar më datë 29 mars, përmes rrjeteve sociale, që individët dhe subjektet të përmbushin detyrimet ligjore nëpërmjet vetëdeklarimit në DIVA 2024.
Ftojmë tatimpaguesit që nuk kanë reaguar ende, të kryejnë sa më shpejt këtë detyrim, për të shmangur penalitete dhe masa të tjera që mund të sjellë një hetim i thelluar”, njofton Drejtoria e Përgjithshme e Tatimeve.

 

View this post on Instagram

 

A post shared by Drejtoria e Përgjithshme e Tatimeve (@dr.e_pergjithshme_e_tatimeve)

The post Nuk deklaruan rreth 33 milionë euro të përfituara nga rrjetet sociale, nis hetimi për 100 persona appeared first on Albeu.com.

Veliaj thotë se e di se arrestimi i tij i ka bërë disa të ndihen mirë, por paralajmëron se karma do t’u kthehet atyre që e duan keq.

Gjithashtu, ai shton se shpreson që ata të jenë po aq të fortë sa ai

“Më arrestuan dhe më poshtëruan…e di që kjo i bëri të ndjeheshin mirë. Por karma gjithmonë e gjen rrugën, edhe nëse është me vonesë. Shpresoj vetëm të jenë po aq të fortë sa isha unë. Nuk kam zgjedhur kush hyn në këtë zyrë, i kam mirëpritur të gjithë sepse kështu bën një kryetar Bashkie”,– Veliaj ne tik tok

Erion Veliaj, u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”.

Ai akuzohet së bashku me bashkëshorten e tij Ajola Xoxa, se ndërtuan një mekanizëm kompleks korruptiv për të përvetësuar fondet publike, të cilat transferoheshin në formë ryshfeti nga kompani kontraktore dhe OJF përfituese të fondeve të Bashkisë së Tiranës.

The post Erion Veliaj vijon mesazhet e “koduara” nga TikTok: Ata që më arrestuan më poshtëruan, po karma gjithmonë gjen rrugën… appeared first on Albeu.com.

Në një video të postuar në gjuhën angleze në TikTok, Veliaj thotë se “rosaku që po mbaj në dorë quhet Nesti A. Është i vogël, qesharak, i zhurmshëm por përballë meje duket si mizë”.

Siç dihet, Nesti A. është personazhin anonim që e denoncoi në SPAK dhe si pasojë e hapjes së hetimeve, tashmë ndodhet me arrest me burg nga GJKKO.

Por Veliaj nuk ështe mjaftuar me kaq, duke nisur edhe një mesazh tjetër për kundërshtarët e tij.

“S’jam i habitur që kundërshtarët e mi, me veç një certifikatë lindjeje dhe hidhërim brezash, nuk flenë dot nga ca video në TikTok. Rrini të tërbuar dhe mos u qetësoni kurrë”, shkruan Veliaj në postimin e tij në TikTok.

The post Erion Veliaj me mesazh të koduar për Nesti Angonin në TikTok appeared first on Albeu.com.

Por përtej retorikave politike, reagimet më të forta nuk erdhën nga ekspertët, por nga vetë përdoruesit – dhe më të prekurit duket se ishin vetë tiktokerët, të cilët e kanë kthyer platformën në një mjet fitimprurës dhe burim të rëndësishëm të ekspozimit të tyre publik.

Megjithatë, frika se TikTok do të zhdukej nga jeta virtuale shqiptare nuk zgjati shumë. Instalimi masiv i aplikacioneve VPN bëri që përdoruesit në Shqipëri të vijonin aksesin, ndërsa shumë nga tiktokerët më të ndjekur jetojnë jashtë vendit dhe nuk u prekën nga bllokimi.

Platforma vazhdoi të funksionojë dhe, bashkë me të, rifilluan edhe përplasjet e zakonshme publike, që shpesh kalojnë kufijtë e debatit të shëndetshëm.

Një nga rastet më të komentuara është ai i Matildës, një tiktokere me mbi 400 mijë ndjekës, e cila është njohur për videot e saj me humor, biseda interaktive dhe veçanërisht për angazhimin në kauza humanitare.

Ajo është kthyer në një figurë publike me ndikim, por njëkohësisht edhe në shënjestër të sulmeve të përsëritura nga një grup grash që janë po ashtu aktive në TikTok.

Zanafilla e përplasjeve duket të jetë një incident humanitar: aksidenti i një gruaje nga Malësia e Madhe, Mimoza, gjithashtu aktive në TikTok.

Për ta ndihmuar, Matilda dhe ndjekësit e saj organizuan një “GoFundMe” për transportin dhe trajtimin e saj në Itali. Nisma u përshëndet nga shumë ndjekës, por nxiti reagime të ashpra nga një grup i drejtuar nga Dorina Meta, një 37-vjeçare nga zona e Lushnjes, e cila e akuzoi publikisht Matildën për manipulim dhe përfitim të padrejtë nga paratë e donatorëve.

Pas kësaj, nisi një fushatë e mirëorganizuar denigrimi ndaj Matildës dhe miqve të saj virtualë, me fyerje dhe shpifje të përsëritura në transmetime live.

Vetë Matilda ka rrëfyer historinë e saj të vështirë në Itali, ku, sipas deklarimeve të saj, ka qenë viktimë e një rrjeti shfrytëzimi dhe si njohja me bashkëshortin aktual, e ka ndihmuar të rindërtojë jetën dhe të ndihmojë të tjerët.

Por, në vend që rrëfimi i saj të shërbente si frymëzim, ajo u përball me akoma më shumë sulme. Gratë e grupit kundërshtar e akuzuan për gënjeshtra dhe “hajdutëri” në lidhje me fondet, ndonëse nuk është paraqitur asnjë provë zyrtare kundër saj.

Ndërkohë, Matilda ka vazhduar të shpërndajë raste të tjera humanitare, përfshirë një iniciativë që çoi në mbledhjen e 70 mijë eurove për një të sëmurë rëndë, e cila përfundoi me sukses dhe u përshëndet nga qindra ndjekës.

Sulmet e vazhdueshme, me një gjuhë shpesh të papërmbajtur, me sharje e akuza personale, kanë filluar të duken si përndjekje sistematike.

Përveç Matildës, edhe personazhe të tjerë të njohur janë përfshirë në këtë “luftë virtuale”, e cila shpesh kalon në raportime për ofendime me natyrë seksiste, përgojime mbi marrëdhënie intime dhe një lloj “moralizmi të dhunshëm” nga gratë e grupit kundërshtar.

Kjo ngjarje e ka kthyer edhe një herë vëmendjen te fenomeni i bullizmit digjital në Shqipëri, sidomos ndaj grave që guxojnë të ekspozohen publikisht dhe të kenë ndikim social.

Rrjetet sociale, që duhet të jenë hapësira komunikimi e bashkëpunimi, shpesh po shndërrohen në arenë linçimesh dhe përçarjesh, ku nuk kursehen as tragjeditë personale.

Pavarësisht presionit, Matilda ka deklaruar se do të vazhdojë të ndihmojë personat në nevojë dhe se nuk do të tërhiqet përballë sulmeve.

Ndërkohë, komuniteti i TikTok-ut shqiptar mbetet i ndarë: mes mbështetjes për bamirësinë dhe përfshirjes në grindje që shpesh kalojnë çdo kufi etik./Emisioni “Piranjat”

The post Shantazh dhe fyerje në TikTok mes zonjash, shkak hapja e një “GoFundMe” appeared first on Albeu.com.

Sipas njoftimit zyrtar, shtetasi R. Z., me banim në Itali, akuzohet për veprën penale “Shkelja e fshehtësisë së votimit”, pasi në profilin e tij në rrjetin “TikTok”, ka shpërndarë një video të regjistruar gjatë momentit që plotësonte fletën e votimit.

Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Lezhë, ndërsa vijojnë verifikimet për të identifikuar raste të tjera të ngjashme.

The post Publikoi votën në TikTok, procedohet penalisht 46-vjeçari shqiptar në Itali appeared first on Albeu.com.

Vendimi erdhi pas një incidenti serioz në jetën reale, që raportohet të jetë i lidhur me përdorimin e rrjeteve sociale, gjë që forcoi presionin publik për një reagim institucional.

Megjithatë, ndonëse arsyeja zyrtare lidhej me sigurinë digjitale, ndalimi ndodhi në një kohë kur zërat e opozitës po fitonin gjithnjë e më shumë dukshmëri në këtë platformë, duke nxitur pyetje më të thella mbi ndërthurjen mes qeverisjes së platformave, kontrollit politik dhe diskursit brezash.

Pavarësisht përpjekjes së qeverisë për të kufizuar aksesin, përdorimi i TikTok në Shqipëri mbeti i lartë.

Përdoruesit u përshtatën shpejt duke përdorur VPN dhe mjete të tjera, ç`ka çoi vetëm në një rënie prej 3.3% të postimeve, por një rritje të ndjeshme prej 14% të shikimeve të videove krahasuar me javën para ndalimit.

Kjo tregon se ndalimi ishte kryesisht joefektiv, për sa i përket reduktimit të konsumit të përmbajtjes.

Ndërkohë që ndalimi i TikTok-ut nuk ndikoi ndjeshëm në shikueshmërinë e platformës, duket se ai ka ndikuar në sjelljen e përdoruesve në platformat e tjera.

Instagram pa një rritje prej 16% në ndërveprime gjatë javës pas ndalimit, pavarësisht një rënie të lehtë në numrin e postimeve.

Kjo tregon se disa përdorues e drejtuan vëmendjen dhe ndërveprimin e tyre drejt përmbajtjeve në Instagram.

Në tremujorin e parë të vitit 2025, 4 nga 10 videot më të shikuara politike në TikTok përfshinin liderë të opozitës.

Kjo rritje e dukshmërisë mund të ketë kontribuar në tensione politike të shtuara rreth platformës, duke ngritur dyshime nëse ndalimi kishte motive politike.

Metodologjia: Kjo analizë është kryer nga Pikasa Analytics, duke përdorur një kombinim të të dhënave të nivelit të platformës dhe metrike të ndërveprimit në Shqipëri, si për TikTok ashtu edhe për Instagram.

Të Dhëna TikTok:
Të dhënat janë agreguar nga metrika të performancës së përmbajtjes në TikTok në Shqipëri, duke përfshirë volumin e postimeve, numrin e shikimeve dhe statistika të nivelit të llogarive.

Analiza është kryer në dy periudha kohore: java përpara dhe java pas ndalimit të TikTok.

Të Dhëna Instagram:
Trendet e ndërveprimit, përfshirë pëlqimet, komentet dhe shpërndarjet, janë monitoruar në faqet kryesore publike gjatë të njëjtës periudhë për të vëzhguar zhvendosjet në sjelljen e audiencës.

The post Ndalimi i TikTok në Shqipëri: Midis Sigurisë Digjitale dhe Dukshmërisë Politike appeared first on Albeu.com.

TikTok, i ndaluar por në lulëzim: platforma që politikanët nuk mund ta injorojnë.
Ndoshta zbulimi më befasues i javës është ky: TikTok, pavarësisht se është zyrtarisht i ndaluar në Shqipëri, është platforma më angazhuese në aspektin politik. Politikanët postuan shumë më pak përmbajtje në TikTok sesa në Facebook apo YouTube — vetëm tetë postime për llogari, mesatarisht — por ato postime gjeneruan një mesatare prej 888 ndërveprimesh secila. Kjo është më shumë se dyfishi i angazhimit të parë në Instagram apo Facebook.

Grafiku 1: Prania e politikanëve në platformat e rrjeteve sociale – aktiviteti dhe angazhimi

Mesazhi është i qartë: TikTok është i ndaluar vetëm në emër. Përmes VPN-ve, platformave pasqyrë dhe ngarkimeve nga palë të treta, përmbajtja politike jo vetëm që po arrin të futet në platformë – por po shpërthen me fuqi. Formati i tij i shkurtër dhe me ndikim të lartë po rezulton i parezistueshëm për votuesit e rinj, të cilët po luajnë një rol gjithnjë e më të madh në formësimin e ritmit të fushatës. Injorimi i TikTok-ut nuk është më një opsion për politikanët që duan të mbeten të rëndësishëm në vitin 2025.

Grafiku 2: Angazhimi mesatar për postim të politikanëve në platformat e rrjeteve sociale

Lojtarë të rinj fitojnë terren — qetësisht, por me forcë

Ndërkohë që Edi Rama dhe Sali Berisha vazhdojnë të dominojnë narrativën mediatike — duke gjeneruar mbi 1.1 milion ndërveprime vetëm këtë javë — figura të reja po fitojnë terren në gjyqin e opinionit publik. Belinda Balluku dhe Agron Shehaj janë shembuj të spikatur. Megjithëse me shumë më pak përmendje në median tradicionale (nën 250 artikuj secili), ata arritën nivele angazhimi mbresëlënëse — dëshmi se dukshmëria nuk barazohet gjithmonë me ndikim. Mesazhet e tyre rreth SPAK, korrupsionit dhe integrimit në BE po godasin qartë te audiencat që kërkojnë autenticitet dhe veprim.

Edhe më goditës është momenti digjital që po fitojnë lëvizjet politike në zhvillim. “Shqipëria bëhet”, një aktor relativisht i ri, gjeneroi mbi 27,000 ndërveprime nga vetëm 131 postime në rrjete sociale — duke u barazuar apo tejkaluar me partitë më të konsoliduara. Lëvizja Bashkë dhe Partia Mundësia treguan modele të ngjashme. Këto nuk janë thjesht luhatje në rrjete sociale — janë shenja të hershme të një realinjimi të mundshëm të besnikërisë elektorale, veçanërisht mes të rinjve, banorëve urbanë dhe gjeneratës digjitale.

Drejtësia dhe korrupsioni nuk janë vetëm fjalë boshe — ato po udhëheqin ndjenjën publike

SPAK dhe korrupsioni nuk janë vetëm temat më të mbuluara nga media, por edhe më emocionalisht të ngarkuarat për publikun shqiptar. Ndërsa SPAK dominoi nga volumi i përmbajtjes, korrupsioni preku më thellë — duke gjeneruar gati 70,000 ndërveprime në rrjete sociale dhe raportin më të lartë të angazhimit për postim gjatë javës. Votuesit nuk po ndjekin vetëm atë që politikanët thonë për drejtësinë, por po i vëzhgojnë nga afër edhe për atë që bëjnë. Këto modele konfirmojnë atë që shumë vëzhgues kanë dyshuar prej kohësh: lufta kundër korrupsionit nuk është zhurmë në sfond — është ritmi bazë i kësaj fushate.

Të dhënat e kësaj jave tregojnë për një pikë kritike emocionale. Çdo postim i lidhur me korrupsionin tërhoqi, mesatarisht, mbi 212 ndërveprime — një tregues i qartë se elektorati nuk është më pasiv. Ata po kërkojnë llogaridhënie, dhe po e bëjnë këtë online.

Teksa Shqipëria i afrohet zgjedhjeve të majit, një gjë është e sigurt: strategjia e vjetër — domino televizionet, postoni në Facebook dhe prit votat — po rishkruhet në kohë reale.
Drejtësia, strategjia digjitale dhe narrativat alternative janë tashmë themeli i momentit politik. Dhe nëse shifrat thonë diçka, është kjo: betejat më të rëndësishme nuk po zhvillohen më në redaksi — por në telefonin tuaj.

Rreth Pikasa Analytics dhe Election Scanner

Election Scanner është një mjet monitorimi në kohë reale, zhvilluar nga Pikasa Analytics, me seli në Maqedoninë e Veriut, për të ndjekur peizazhin mediatik digjital në prag të zgjedhjeve parlamentare të Shqipërisë në vitin 2025. Platforma integron të dhëna nga mbi 90 media kombëtare dhe mijëra profile në rrjete sociale, duke analizuar gjashtë dimensione: Zëra, Tema, Ndikues, Përmbajtje, Platforma dhe Audiencë.

Kombinimi i ndjekjes me inteligjencë artificiale dhe analizave të udhëhequra nga ekspertë njerëzorë garanton saktësi, kontekst dhe relevancë.

The post Zgjedhjet 2025: E ndaluar, por në rritje – A mund të udhëheqë TikTok valën e re politike në Shqipëri? appeared first on Albeu.com.