Manchester City ka bërë zyrtar largimin e Tijjani Reijnders, i cili tashmë ka përfunduar kalimin te Al-Qadsiah, klub që garon në Ligën Premier të Arabisë Saudite.

Mesfushori holandez iu bashkua skuadrës angleze verën e kaluar, pasi u transferua nga Milani për rreth 46.5 milionë funte, ose 54.2 milionë euro. Megjithatë, pas vetëm një sezoni në Angli, 28-vjeçari ka zgjedhur të nisë një kapitull të ri në Arabinë Saudite.

Gjatë periudhës së tij në Manchester, Reijnders luajti 50 ndeshje në të gjitha kompeticionet, ndërsa në 34 prej tyre e nisi takimin nga minuta e parë. Ai regjistroi shtatë gola dhe po aq asistime.

Me Cityn, reprezentuesi i Holandës arriti të fitojë Kupën EFL dhe FA Cup gjatë sezonit të vetëm të kaluar në klub. Megjithatë, ai nuk u përfshi në formacion në asnjërën prej dy finaleve, duke i ndjekur ato nga stoli.

Pas njoftimit për largimin, Reijnders shprehu mirënjohjen e tij për Manchester Cityn, shokët e skuadrës, stafin dhe tifozët për kohën e kaluar në “Etihad”.

“Ishte një privilegj i jashtëzakonshëm të luaja për Manchester Cityn dhe e shijova çdo çast të qëndrimit tim këtu”, u shpreh Reijnders.

“Që në ditën e parë, lojtarët, trajnerët dhe të gjithë anëtarët e stafit më bënë të ndihesha i mirëpritur dhe pjesë e familjes së Manchester Cityt.”

“Një falënderim i veçantë shkon për tifozët e Cityt, të cilët më pritën me shumë ngrohtësi dhe më mbështetën mua dhe familjen time.”

“Të isha pjesë e ekipit që fitoi dy trofe kaq të rëndësishëm sezonin e kaluar ishte një përvojë e jashtëzakonshme dhe një arritje që do ta mbaj mend gjatë gjithë jetës.”

“Edhe pse po largohem, Manchester City do të mbetet gjithmonë një klub me vend të veçantë në zemrën time”./

The post Manchester City zyrtarizon transferimin e Tijjani Reijnders te Al-Qadsiah për mbi 50 milionë euro appeared first on Albeu.com.

Manchester City raportohet se ka arritur marrëveshje për transferimin e Tijjani Reijnders te Al Qadsiyah, operacion që mund t’i sjellë Milanit një tjetër përfitim të konsiderueshëm financiar.

Mesfushori holandez u transferua verën e kaluar nga Milani te City për 55 milionë euro të garantuara, ndërsa marrëveshja parashikonte edhe 14 milionë euro të tjera në bonuse, të lidhura me paraqitjet dhe arritjen e objektivave.

Sipas La Gazzetta dello Sport, drejtuesit e klubit italian kishin vendosur në kontratë një kusht të pazakontë dhe shumë të favorshëm për Milanin.

Në rast se Reijnders shitej nga City brenda vitit të parë pas largimit nga “San Siro”, të gjitha bonuset prej 14 milionë eurosh do t’i kalonin automatikisht Milanit, edhe nëse kriteret e përcaktuara për aktivizimin e tyre nuk do të realizoheshin.

Raportimet bëjnë të ditur se kampionët anglezë kanë pranuar ta shesin lojtarin tek Al Qadsiyah për rreth 60 milionë euro. Nëse marrëveshja përmbyllet, Milani do të arkëtojë edhe 14 milionë euro të tjera falë klauzolës.

Megjithatë, kalimi në Arabinë Saudite nuk mund të konsiderohet ende i përfunduar. Reijnders duhet të japë pëlqimin e tij, ndërsa thuhet se mund të zgjedhë vazhdimin e karrierës në Evropë.

Për 28-vjeçarin interesim kanë shfaqur gjithashtu Nottingham Forest, Galatasaray dhe Juventus.

Për Milanin, ndërkohë, destinacioni i ardhshëm i mesfushorit nuk ndryshon asgjë. Nëse Reijnders largohet nga Manchester City gjatë kësaj vere, klubi italian do të përfitojë 14 milionë eurot e parashikuara në marrëveshje.

The post Klauzola e veçantë për Reijnders mund t’i sigurojë Milanit 14 milionë euro shtesë appeared first on Albeu.com.

Al Qadsiah po i afrohet një marrëveshjeje me Manchester Cityn për transferimin e mesfushorit holandez Tijjani Reijnders.

Gazetari Fabrizio Romano raporton se klubi i Superligës së Arabisë Saudite dhe Manchester City kanë hyrë në një fazë të avancuar të negociatave për lojtarin.

Bisedimet mes dy klubeve po zhvillohen mbi bazën e një shume prej rreth 60 milionë eurosh. Megjithatë, realizimi i transferimit kushtëzohet ende nga miratimi i Reijnders.

Për mesfushorin vijon të ketë interes edhe nga Nottingham Forest, por për momentin Al Qadsiah është më pranë arritjes së akordit me Cityn.

Fjala e fundit i takon Reijnders, i cili duhet të vendosë mes skuadrës saudite dhe alternativave të tjera përpara se marrëveshja të finalizohet.

Reijnders e nisi fuqishëm aventurën në Etihad, por gjatë sezonit të kaluar nuk arriti ta ruante vendin në formacionin titullar. Ai regjistroi 47 paraqitje në të gjitha garat, me shtatë gola të shënuar dhe shtatë asistime.

The post Al Qadsiah pranë marrëveshjes 60 milionë euro për mesfushorin e Manchester Cityt appeared first on Albeu.com.

Vetëm një vit pasi u transferua nga Milani për 55 milionë euro, Tijjani Reijnders mund t’i japë fund qëndrimit te Manchester City.

Daily Mail raporton se mesfushori holandez është përfshirë mes futbollistëve që mund të largohen gjatë kësaj vere. Si destinacion i mundshëm për të përmendet Nottingham Forest, skuadra që sezonin e kaluar u rendit në pozitën e 16-të në Ligën Premier.

Ky operacion do të përbënte një lëvizje të papritur, duke pasur parasysh shumën që Manchester City investoi për transferimin e tij nga Milani. Forest mund ta sigurojë Reijndersin për një shifër që raportohet se arrin afërsisht gjysmën e 55 milionë eurove të paguara nga Man City.

Marrëdhëniet mes dy klubeve vijnë në vëmendje në një kohë kur Manchester City ka kryer edhe një transferim tjetër të rëndësishëm me Nottingham Forestin. Klubi anglez pagoi rreth 135 milionë euro për mesfushorin Elliot Anderson.

Reijnders mbërriti te Man City verën e kaluar dhe ishte një prej afrimeve kryesore të Pep Guardiolës pas largimit të Kevin De Bruyne. Megjithatë, ai nuk arriti të shfaqte të njëjtin nivel që kishte treguar gjatë periudhës te Milani.

Gjatë sezonit të parë në futbollin anglez, 28-vjeçari regjistroi 50 paraqitje në të gjitha garat. Në këto ndeshje ai realizoi 7 gola dhe kontribuoi me 8 asistime.

Shifrat e tij në Angli ishin më të ulëta se ato të sezonit të fundit me Milanin, kur shënoi 15 gola në të gjitha kompeticionet dhe vlerësohej si një nga mesfushorët më të mirë të Serie A.

Mesfushori ka gjithashtu një rol të rëndësishëm në Kombëtaren e Holandës. Reijnders numëron 35 paraqitje dhe shtatë gola me përfaqësuesen, ndërsa ishte pjesë e ekipit holandez edhe në Kupën e Botës së fundit.

The post Manchester City e bleu për 55 milionë euro, pas një viti mund ta dërgojë te skuadra që përfundoi e 16-ta në ligë appeared first on Albeu.com.

Juventusi po vlerëson mundësinë e transferimit të Tijjani Reijnders dhe ka hapur bisedimet me Manchester Cityn. Mesfushori holandez shihet si alternativë ndaj Franck Kessie, i cili është pa kontratë dhe marrëveshja e tij me klubin italian ka ngecur.

Duke cituar La Stampa, Tuttomercatoweb raporton se drejtuesit bardhezi kanë kontaktuar fillimisht përfaqësuesit e Reijndersit për të mësuar nëse lojtari do të ishte i gatshëm të bëhej pjesë e projektit të Juventusit. Njëkohësisht, kontakte janë zhvilluar edhe me Manchester Cityn për të kuptuar nëse kampioni anglez do ta lejonte largimin e tij në formë huazimi.

Ndonëse ende nuk kanë nisur negociata zyrtare, komunikimi ndërmjet palëve pritet të vijojë.

Synimi për të afruar Reijndersin pasqyron planin e Juventusit për të freskuar mesfushën, repart për të cilin trajneri Luciano Spalletti ka kërkuar përforcime.

Holandezi mund të bëhet një tjetër ish-futbollist i Milanit që kthehet në Serie A. Reijnders iu bashkua Manchester Cityt vetëm një vit më parë për afro 55 milionë euro. Pas një nisjeje pozitive në Angli, megjithatë, raportohet se ai ka humbur një pjesë të konsiderueshme të peshës së tij në hierarkinë e Pep Guardiolës.

Mungesa e një marrëveshjeje përfundimtare me Kessien e ka bërë edhe më konkrete kandidaturën e Reijndersit.

Mesfushori nga Bregu i Fildishtë, i cili është lojtar i lirë që prej 30 qershorit, gjatë ditëve të fundit është afruar me Juventusin. Megjithatë, ai nuk synon të presë pa afat dhe ka bërë të ditur se dëshiron ta përcaktojë sa më shpejt të ardhmen.

Një pengesë për klubin italian është mbipopullimi i mesfushës, ku aktualisht ndodhen tetë futbollistë. Për këtë arsye, përpara realizimit të një transferimi të ri duhet të largohet të paktën një lojtar ose disa prej tyre.

Në listën e alternativave të Juventusit gjenden gjithashtu Leon Goretzka dhe Davide Frattesi. Të dy po monitorohen nga bardhezinjtë, por për momentin Reijnders konsiderohet kandidati më tërheqës për klubin.

The post Juventusi vihet pas Tijjani Reijnders, nisin kontaktet me Manchester Cityn appeared first on Albeu.com.

Sipas raportimeve të The Athletic, Manchester City pritet të përballet me ndryshime të thella në merkaton e verës, pasi një numër i madh lojtarësh mund të mbyllin aventurën e tyre me klubin.

Mes largimeve që konsiderohen të mundshme që tani përmenden Nathan Ake dhe Mateo Kovacic, ndërsa James Trafford ka ngjallur interes nga disa skuadra.

Edhe Ruben Dias është një nga emrat e rëndësishëm që mund të ndahet me Cityn, teksa për të raportohet interes nga Real Madridi.

E ardhmja mbetet e paqartë edhe për Nico Gonzalez dhe Omar Marmoush. Të dy iu bashkuan Manchester Cityt në janar të vitit 2025, por mund të largohen pasi të kenë kaluar vetëm një periudhë të shkurtër te klubi.

Dyshime ka edhe për situatën e Tijjani Reijnders, pasi pozicioni i tij në ekip mund të përcaktohet nga planet e trajnerit të ri.

Nën vëzhgim si një kandidat i mundshëm për dalje është edhe Savinho, ndërsa Kalvin Phillips dhe Jack Grealish pritet të dalin në shitje në rast se vijnë oferta të përshtatshme.

Në anën tjetër, ende nuk ka qartësi për të ardhmen e Rodrit. Mesfushori spanjoll nuk ka firmosur ende një kontratë të re me kampionët anglezë dhe, pavarësisht dëshirës së Manchester Cityt për ta mbajtur në skuadër, perspektiva e tij afatgjatë mbetet e pasigurt.

Nëse një pjesë e këtyre lëvizjeve materializohen, Manchester City mund të nisë një fazë të rëndësishme rindërtimi para sezonit të ardhshëm.

The post Manchester City drejt një spastrimi të madh në verë, deri në 11 futbollistë mund të largohen appeared first on Albeu.com.

Sot, ai konsiderohet mes lojtarëve më të çmuar të mesfushës në futbollin evropian dhe është pjesë e Manchester Cityt, por jo shumë kohë më parë përditshmëria e tij ishte krejt tjetër.

Në periudhën kur emra si Phil Foden dhe Erling Haaland po tërhiqnin vëmendjen e botës së futbollit, holandezi punonte në një supermarket. Në një intervistë të fundit, ai tregoi se si vërejtjet e prindërve e bënë të ndryshonte qasje.

“Në moshën 19-vjeçare, ndërsa lojtarë si Phil Foden dhe Erling Haaland po bënin emër në futbollin evropian, unë po punoja në Aldi”.

“Pas shkollës ngisja biçikletën drejt supermarketit, mbushja raftet dhe skanoja produkte për disa orë çdo ditë. Nuk ishte jeta që e kisha imagjinuar për veten. Ëndrra ime ishte futbolli, por në atë kohë dukej sikur po largohej gjithnjë e më shumë”.

Në atë kohë, Reijnders luante me ekipin U19 të PEC Zwolle, por hapësirat që merrte në fushë ishin larg atyre që shpresonte.

“Luaja për ekipin U19 të PEC Zëolle, por nuk po merrja minuta. Madje erdhi një moment kur nuk isha as në listën e skuadrës”.

I zhgënjyer nga situata, ai vendosi të ankohej te i ati. Reagimi që mori prej tij mbeti i paharrueshëm.

“I zhgënjyer, iu ankova babait tim. Ai erdhi të më shihte në stërvitje dhe më tha diçka që nuk do ta harroj kurrë: ‘Nëse vazhdon të stërvitesh kështu, nuk do të të zgjidhja as unë’”.

Goditja emocionale ishte e fortë dhe ai e kujton qartë atë moment.

“Ishte e dhimbshme ta dëgjoja. Në rrugën për në shkollë qava aq shumë sa mezi shihja rrugën. Mendoja se ëndrra ime kishte marrë fund”.

Megjithatë, po atë mbrëmje erdhi edhe një mesazh tjetër nga babai i tij, që kishte një ton ndryshe.

“Por atë mbrëmje, babai më tha se kisha talent, vetëm se duhej të punoja më shumë”.

Edhe nëna e tij nuk i dha mbështetjen që ai priste në atë çast.

“Shpresoja që nëna ime të më mbronte, si gjithmonë. Por ajo më pa në sy dhe tha: ‘Tijjani… ai ka të drejtë’”.

Ato fjalë, thotë mesfushori, e nxorën nga vetëkënaqësia dhe e shtynë të ndryshonte gjithçka në punën e tij.

“Ato fjalë më zgjuan. Nuk kërkova më justifikime. Fillova të stërvitesha dyfish më fort. Vrapime shtesë, palestër, punë individuale. Çdo ditë bëra një hap më shumë drejt ëndrrës sime”.

Puna e shtuar solli edhe kthesën e madhe në karrierë, megjithëse rruga nuk ishte pa pengesa.

“Pak vite më vonë erdhi kontrata ime e parë profesionale me AZ Alkmaar. Më pas erdhën momentet e vështira, huazimet, pritja për një shans dhe dyshimet nëse do t’ia dilja ndonjëherë. Por nuk u dorëzova”, kujton ai.

Pas AZ Alkmaar, karriera e tij vijoi te Milani dhe më vonë te Manchester City, ndërsa tani ai po spikat edhe me Holandën në Botërorin 2026.

The post Nga raftet e supermarketit te skena botërore, rrëfimi i veçantë i Tijjani Reijnders pas fjalëve: “Nuk je për futboll” appeared first on Albeu.com.

Reijnders u largua nga kampi i ekipit kombëtar holandez herët këtë mëngjes për të udhëtuar drejt Mançesterit për testet mjekësore.

Sipas Fabrizio Romano dhe Matteo Moretto, mesfushori i kaloi të gjitha testet dhe së shpejti do të shpallet lojtar i ri i Man Cityt.

Baza fikse e transferimit është vendosur në 57 milionë euro, ndërsa ka edhe 14 milionë euro shtesë në bonuse.

Reijnders do të jetë shitja e dytë e verës, pas transferimit të përhershëm të Pierre Kalulu te Juventusi nga huazimit njëvjeçar.

Marco Pellegrino është gjithashtu një hap larg bashkimit me Boca Juniors.

The post Mungon vetëm zyrtarizimi, Igli Tare mbush arkat e Milanit me transferimin e holandezit te Manchester City appeared first on Albeu.com.