Balluku duket e qeshur dhe e dashur duke dashur të tregohet e shpenguar, sikur asgjë nuk ka ndodhur, teksa flet për projekte dhe investime hekurudhash në Shqipëri.
Megjithatë janë të shumë ata që SPAK-un ia kujtojnë në komentet poshtë videos. Duke qenë në Zvicër janë disa që i kujtojnë paraardhësin e saj Arben Ahmetaj që jeton në arrati në këtë vend pas procesit të hapur nga SPAK.

“Rri andej me Tigrin, dhe të mëson ai si të veprosh se ka eksperiencë ose ndryshe hajde këtu dhe shoqëro Vremelinë, kundërshtari yt. E drejta vonon, por nuk harron. Paç fat në jetë!” – shkruan njëri prej tyre.

“Lëri porosi Ben Tigrit të të gjejë ndonjë apartament me qera andej se do të duhet dhe ty me sa duket” – shkruan një tjetër.

“Paske shku dhe ti tek Ahmetaj” – shkruan dikush tjetër.

Mes komenteve të shumta që e urojnë për punët e bëra dikush tjetër shkruan: “Nesër je e ftume në SPAK”.

“Ke marrë vesh gjë se çfarë ka gatuar SPAK-u për drekë këtu në Shqipëri” – ironizon një tjetër.

“Kanë dalë ca lajme në Shqipëri, a ke dijeni?”, “Vollga Durrës a e kanë çuar SPAK-un në Bernë. Hap sytë andej”, “Shkove të bësh vend andej. Tako tigrin shko shijoji milionat” – e mbull dikush tjetër.

Vetë Balluku nuk ka bërë ende asnjë koment për këtë çështje.

The post “Lëri porosi Ben Tigrit të të gjejë ndonjë apartament me qera”, rrjeti “bën copë” Ballukun pas postimit të videos nga Zvicra appeared first on Albeu.com.

Në ndjekje të tij, është vënë edhe gazetari Altin Tufa, por kërkimet e tij janë shtrirë në rrugët e Tiranës pas disa fotove te shfaqura në rrjet, ku Ahmetaj shëtiste nëpër parkun e Liqenit.

Kur askujt nuk ja priste mendja se ku mund të fshihej “Tigri” i arratisur, ai u shfaq papritur duke ulëritur…Por a e dinë qytetarët e Tiranës se ku është Tigri.

The post Prej muajsh kërkohet nga SPAK, “Tigri” shfaqet duke ulëritur (VIDEO) appeared first on Albeu.com.

I ftuar në emisionin “Zonë e Lirë”, Karamuço ka sjellë detaje mjaft interesante sa i përket punës që dy agjentët shqiptarë që ndodhen në Hagë, po bëjnë për zbërthimin e përgjimeve të SKY ECC, dosje të cilat më pas po ja kalojnë SPAK-ut.

Ashtu siç ka paralajmëruar më herët AlbEu.com, Karamuço konfirmoi në mbrëmje se Shqipëria kërkoi që në zyrën e interpolit në Hagë të shkonin 6 agjentë shqiptarë për të punuar mbi përgjimet në ECC por janë pranuar vetëm dy.

Ai tha se aktualisht janë duke u hetuar disa dosje kriminale, dhe se po zbërthehen miliona mesazhe, pasi aplikacioni SKY përdorej nga më shumë se 16 mijë shqiptarë.

“Janë mbi katër apo pesë grupe që po hetohen njëkohësisht, i patë dosjet që i kishin lënë në çimento, janë pafund dhe po vijnë pa fund. Në Europol në Hagë, ne kemi kërkuar të çojmë  6 agjentë për të gjetur, selektuar dhe për të marrë. Ata kanë thënë se kemi dy poste pune. Po vijnë miliona mesazhe”, tha ai.

Ndërkohë Karamuço tha se ajo që pritet të nxjerrin hetimet nga SKY do të trondisin me themel drejtësinë shqiptare, por gjithashtu do të jetë një sfidë shumë e madhe edhe për vetë SPAK.

Ai deklaroi se një person me nofkën “Tigri”, i cili i përket nivelit të lartë në pushtetin gjyqësor, ëhstë njeriu i cili po dërhyn tek prokurorët dhe gjyqtarët për të mbyllur të gjitha hesapet me drejtësinë për bandat që operojnë në veri të vendit.

Sipas Karamuços, SPAK vijon hetimet intensive për ta identifikuar se kush fshihet pas këtij pseudonimi, i cili punon për llogari të grupeve kriminale.

“I dyti del po në përgjime “Sky Eç”. Quhet edhe ai me pseudonimin “Tigri” dhe s’ka lidhje fare me ish-zv.kryeministri. Ky është funksionarë i lartë i pushtetit gjyqësor, dhe troket në çdo derë të prokurorëve dhe gjyqtarëve për të zgjidhe çështjet të organizatave kriminale në veri të vendit dhe nuk dihet se kush fshihet pas këtij pseudonimi. Është brenda sistemit. Merr urdhrat dhe troket dhe u thotë gjyqtarëve dhe prokurorëve më zgjidhni këtë për llogari të filan bande. Dhe tani SPAK është në sfidë të madhe dhe nuk po e gjen dot”, tha ai.

The post Kush është “Tigri” që po mbyll dosjet e bandave të veriut? Eksperti: Po hetohet nga SPAK, por … appeared first on Albeu.com.

Në studion e “Zonë e Lirë” ai tha se ditët e fundit Shqipëria ka kërkuar të çojë gjashtë agjentë hetimi në Hagë, por ata kanë kthyer përgjigjen duke thënë se, kanë vetë dy vende vakante.

Kjo ngutje sipas tij tregon nevojën e madhe që ka sistemi i drejtësisë për të gjetur informacion për personat që janë zbuluar në platformat e komunikimit.

“Janë mbi katër apo pesë grupe që po hetohen njëkohësisht, i patë dosjet që i kishin lënë në çimento, janë pafund dhe po vijnë pa fund. Në Europol në Hagë, ne kemi kërkuar të çojmë  6 agjentë për të gjetur, selektuar dhe për të marrë. Ata kanë thënë se kemi dy poste pune. Po vijnë miliona mesazhe”, tha ai.

Ai tha se në përgjimet e “Sky Ecc” rezulton një person me pushtet të lartë gjyqësor, i cili punon për llogari të bandave në pjesën e veriut të Shqipërisë.

Sipas Karamuços, SPAK vijon hetimet intensive për ta identifikuar se kush fshihet pas këtij pseudonimi, i cili punon për llogari të grupeve kriminale.

“I dyti del po në përgjime “Sky Ecc”. Quhet edhe ai me pseudonimin “Tigri” dhe s’ka lidhje fare me ish-zv.kryeministrin. Ky është funksionarë i lartë i pushtetit gjyqësor, dhe troket në çdo derë të prokurorëve dhe gjyqtarëve për të zgjidhe çështjet të organizatave kriminale në veri të vendit dhe nuk dihet se kush fshihet pas këtij pseudonimi. Është brenda sistemit. Merr urdhrat dhe troket dhe u thotë gjyqtarëve dhe prokurorëve më zgjidhni këtë për llogari të filan bande. Dhe tani SPAK është në sfidë të madhe dhe nuk po e gjen dot”, tha ai.

The post “Po vijnë dosje pafund në SPAK”, çfarë po paralajmëron Ervin Karamuço appeared first on Albeu.com.

Një vit pas ardhjes së tyre në Vlorë, dy anijet lundruese të prodhimit të energjisë “Tigri1” dhe “Tigri3” rezultojnë me një listë kostosh të majme por me 0 ditë pune. 7,8 milionë USD kanë firuar nga buxheti i KESH-it vetëm për depozitimin e lëndës djegëse për termocentralin. Korporatës do t’i duhet të paguajë edhe 68 milionë USD për qiranë dhe operimin, si dhe të paktën 100 milionë USD të tjera për naftën që do të djegin anijet për prodhim. Termocentrali lundrues u mor me urgjencë një vit më parë për të na shpëtuar nga kriza globale energjetike, por ende s’ka mbaruar testimet që nevojiten përpara vënies në punë.

“Sot Shqipëria ka mundësinë që të ketë dy njësitë gjeneruese të energjisë në një nga momentet më të vështira, ku i gjithë tregu, të gjitha shtetet, kanë lobuar për t’i pasur njësitë gjeneruese që ka pasur tregu. Dhe këto janë një fat për ne, pasi do të na ofrojnë një energji elektrike që sot tregtohet përmes bursave me më shumë se 600 Euro për megavatorë.”, deklaronte ministrja e Infrastrutkurës dhe Energjisë Belinda Balluku, në 26 shtator të 2022, gjatë inspektimit të dy anijeve të prodhimit të energjisë që kishin mbërritur në gjirin e Vlorës.

TEC-i i përbërë nga dy anije lundruese u mor me qira nga Korporata Energjetike Shqiptare, me qëllim përmbushjen e nevojës për energji të vendit në kulmin e krizës energjitike.

Anijet “Tigri 1” dhe “Tigri 3” fillimisht u ankoruan në portin Petrolifera Italo Albanese – që shërben për transportim të naftës, për t’u zhvendosur përfundimisht në zonën e Triportit të Vlorës.

Një vit më vonë …

Korporata Elektroenergjitike Shqiptare ende nuk e ka vënë në punë termocentralin lundrues të prodhimit të energjisë elektrike, ndonëse kontrata dyvjeçare e qiramarrjes u trumpetua si shpëtim nga kriza energjitike globale.

Por edhe pse nuk kanë nisur ta kryejnë misionin për të prodhuar energji, TEC-i lundrues i ka dhënë goditjet e para në buxhetin e Korporatës Elektroenergjetike Shqiptare.

Në një tender pa garë, kompania ‘Petrolifera Italo Albanese’ është shpallur fituese për depozitimin dhe ngarkim-sharkimin e naftës që do të përdoret për termocentralin lundrues në Vlorë. Përmes një procedure negociimi të drejtëpërdrejtë KESH dhe Petrolifera kanë rënë dakord që ky shërbim për “Tigrin 1” dhe “Tigrin 3” të kushtojë 7,2 milionë euro apo 7,8 milionë dollarë.

Referuar kontratës, Petrolifera do të kryejë shërbimin e shkarkimit të naftës nga anijet që do të mbërrijnë në Port, depozitimin e saj dhe më pas ngarkimin në kamionat, të cilët do ta transportojnë tek dy njësitë gjeneruese. Njoftimi për tenderin u shpall më 31 korrik të këtij viti ndërkohë që procedura u zhvillua më 30 gusht.

Qindra milionë dollarë për qiranë, operimin dhe naftën

Një tjetër kosto që do të rëndojë KESH-in është ajo për sigurimin e naftës për prodhimin e energjisë nga anijet. Fatura e naftës që do të ndezë TEC-in lundrues parashikohet 100 milionë dollarë.

Por sigurimi i lëndës djegëse për të vënë në punë dy anijet lundruese në gjirin e Vlorës është një çështje ende e pazgjidhur.

Në fillim të muajit mars 2023, Korporata Elektroenergjetike Shqiptare hapi procedurën për shprehje interesi për furnizimin me lëndë djegëse për prodhimin e energjisë eletrike nga dy anijet. Pas kësaj procedure, KESH planifikonte që hapi i radhës të ishte çelja e tenderit në muajin maj, afat i cili u shkel.

“Menjëherë pas përcaktimit të kushteve kontraktore për depozitimin e lëndës djegëse pranë Triportit Vlorë, do të iniciohet procedura e furnizimit e lëndës djegëse HFO (Heavy Fuel Oil)”- pohonte KESH në një përgjigje zyrtare për Faktoje në muajin qershor.

Kjo është procedura më e madhe e prokurimit që është regjistruar ndonjëherë në Shqipëri për blerje mallrash.

Ndrkohë edhe nëse dy anijet nuk vihen asnjë ditë në punë, Korporata Elektroenergjitike Shqiptare do të paguajë 68 milionë dollarë, që është fatura për qiranë dhe operimin. 45 milionë dollarë do t’i marrë kompania amerikane Excelerate Energy për qiranë dyvjeçare dhe 22,5 milionë dollarë firma Renco për ofrimin e shërbimit të operimit.

Përse anijet lundruese nuk kanë nisur prodhimin?

Verifikimet e Faktoje tregojnë se anijet “Tigri 1” dhe “Tigri 3” janë ende në fazë testimi ndonëse kanë mbi një vit të ankoruara në Vlorë.

“Sqarojmë se të gjithë testimet e kësaj faze janë testime që kryhen përpara testimeve në ngarkesë dhe fazës së komisionimit. Nga ana e zhvilluesit deklarohet se testimet aktuale janë të suksesshme.”, thotë KESH në një përgjigje për Faktoje, teksa specifikon proceset e mbetura pa kryer.

“Janë në proces testimi sistemet hidraulike. Është në proces testimi elektro-mekanik pa ngarkesa, njësitë gjeneruese.”

Po ashtu, 12 muaj pas ardhjes së dy anijeve në brigjet e Vlorës, KESH nuk ka një afat se kur do të nisë prodhimi i energjisë elektrike nga dy njësitë gjeneruese të energjisë.

“Sipas parashikimeve nga ana e zhvilluesit planifikohet që komisionimi përpara vënies në funksion të realizohet në periudhën fund Tetor deri më 15 Nëntor.”, shkruan KESH për Faktoje, teksa kujdeset të sqarojë se pagesat e kripura të kontratës së anijeve do të nisin pas komisionimit të aseteve.

“Zbatimi i kontratës mes palëve fillon vetëm pas realizimit me sukses të komisionimit të njësive gjeneruese, moment ky nga i cili fillojnë edhe detyrimet financiare për palën.”

Një vit nga mbërritja e TEC-eve, denoncimi i PD

Azmer Duleviç, me profesion inxhinier elektrik, një nga zërat më kritikë ndaj termocentralit lundrues të prodhimit të energjisë në Vlorë, doli së fundmi në një deklaratë për mediat nën logon e Partisë Demokratike.

“Tec-et edhe pse ka kaluar një vit nuk po prodhojnë energji elektrike dhe të gjitha gjasat janë që nuk do vihen në punë. Për mendimin tim nëse ka një lëvizje të gabuar në sektorin elektroenergjetik është pikërisht marrja me qira e këtyre dy anijeve lundruese për prodhimin e energjisë. “, thotë për Faktoje, Duleviç teksa ngre si shqetësim faturat e fundit të importeve të energjisë elektrike nga KESH.

“KESH vazhdon blerjet e energjisë në mënyrë anonime dhe të jashtëligjshme duke shmangur bursën ALPEX! Në total për 1 javë KESH ka paguar nga taksat e mia dhe taksat tuaja 6, 1 milionë euro ndërkohë që Tec-et Lundruese ka fiks një vit që i ha ndryshku dhe nuk kanë punuar as edhe një ditë” pohoi Duleviç.

Këto janë rezultatet e ankandit të fundit që ka realizuar KESH për blerje të energjisë nga jashtë. Ndërkohë, nga muaji janar e deri më sot, fatura e blerjeve të energjisë në import shkon rreth 35 milionë euro.

Përfundim

Të ankoruara në gjirin e Vlorës prej një viti, anijet “Tigri 1” dhe “Tigri 3” nuk i kanë ndezur gjeneratorët për asnjë ditë. Ajo që dimë me siguri është kostoja në kurriz të taksapaguesve prej qindra milionë dollarësh. Anijet që do të na shpëtonin nga kriza energjitike globale, ende nuk kanë përmbyllur fazën e testitmit dhe komisionimit.

Më poshte gjeni të tjerë artikuj verifikues nga Faktoje, lidhur me ardhjen e dy anijeve lundruese të prodhimit të energjisë.

The post “Tigri1” dhe “Tigri3” një vit “gjumë“ në Vlorë appeared first on Albeu.com.

I ftuar në emisionin “Opinion”, Bardhi është shprehur se SPAK ka konfirmuar lidhjet e Arben Ahmetaj me Mirel Mërtirin dhe se ato datojnë që në vitin 2012, kohë kur Ahmetaj nuk ishte ende ministër.

Duke ju referuar komunikimeve mes tyre, Bardhi tha se konfidenca ishte e tillë, që Mërtiri e thërriste Ahmetajn si “fratelo”, ndërkohë që tha se ishim gabuar duke menduar se Ahmetaj ishte tigri, pasi ky epitet përdorej për Mërtirin.

“Lidhjet janë të konfirmuara që në vitin 2012. “Tigri” ishte “Mërtiri” dhe “fratelo” ishte Arben Ahmetaj. Mërtiri përdorte influencën e Ahmetaj në PS që ky i fundit t’i krijonte lehtësira”, tha Bardhi.

The post “Nuk është Ahmetaj”, Bardhi zbulon kush fshihet pas nofkës “Tigri” appeared first on Albeu.com.

Njëherë e një kohë, në një pyll të gjelbëruar, në Ballkan një luan i madh u mërzit tej mase nga plehrat që po kërcënonin bukurinë natyrore të xhunglës së tij.

I vendosur për të rivendosur rregull, harmoni, dhe pastërti ai i ngarkoi tigrit të tij besnik detyrën fisnike të pastrimit të rrënjësor të pylllit

“Dua një zgjidhje të shpejtë”- hungëriu Luani.

“Plehrat, madhëri janë si drurët e shtrembër në këtë pyll, vetëm zjarri i ndreq- sugjeroi tigri.

“Në zjarr, një orë e më parë”- dha urdhër Luani.

Banorëve ju prezantuan djegësat si vepra më e madhe publike e ndërtuar në pyll.

“Fat i madh! Pasuri e madhe! Mrekulli. Shpëtuam” – ky ishte mesazhi që i shkonte në ekranin e celularit çdo kafshe të pyllit orbital.

Megjithëse banorët e xhunglës po paguanin më shumë taksa për pastrim, djegësat nuk po dukeshin gjëkundi.

Mos vallë fjala e fundit e shkencës i ka bërë të padukshëm- pyeti ariu ndërkohë që po mbllaçiste një hoje mjalti?

Fushata e zgjedhjeve në pyll po afronte, dhe pa pritur e pa kujtuar bufin e zuri era e plehrave. Bufi dhe ekipi i tij i hetuesve nisën të gërmonin dhe konstatuan se djegësat e padukshëm në vend të plehrave po digjnin fondet publike. Bufi urdhëroi merimangën që të niste punën e saj dhe të thurte sa më shpejt një rrjetë

Në mesin e të akuzuarve vendosën një ujk që dikur kujdesej për mjedisin, pastaj në rrjetën e thurur ra dhe një çakall që kishte përgatitur letrat. Rrotat e drejtësisë nisi të lëvizë dhe ujku me çakallin e panë veten në kafaz.

Ndërkohë, luani i shqetësuar për rënien e popullaritet në pyll u distancua nga kaosi dhe korrupsioni.

“Asnjë krijesë nuk ishte mbi ligjin”.

Afera po mbante erë më shumë se plehrat dhe pas ujkut dhe çakallit erdhi dhe radha e tigrit.

Banorët e pyllit, veçanërisht papagajt që kishin votuar pa u menduar, i panë këto ngjarje me shqetësim dhe frikë, por nuk e ndalën papagallimin. “Secili berr varet nga këmbët e veta”- këndonin papagallët nga mëngjesi në mbrëmje.

Vetë Luanin e kapën ethet e forta…

….

Morali i fabulës: herët a vonë mund ta pësosh edhe nga bufi.

The post Luani, bufi dhe tigri besnik appeared first on Albeu.com.

Legjenda e boksit u bind të blinte macen e egër pasi doli nga burgu në vitin 1995 pas një periudhe trevjeçare. Tyson besohet të ketë pasur gjithsej tre tigra, duke i kushtuar atij mbi 50,000 paund secili.

Por, sipas ish-menaxherit të tij të boksit, Shelly Finkel, ai u detyrua të hiqte dorë nga ato pas një shëtitjeje fatale.

Finkel, me të cilin “SunSport” foli në Nju Jork, kujton: “Vila e tij ishte midis dy shtëpive në Vegas.

Në anën e djathtë, përballë rrugës ishte një interpretues i famshëm i Vegasit. Dhe në anën e majtë ishte një biznesmen që kishte disa qen. Mike vendosi të shëtiste një nga tigrat e tij të Bengalit, ai po ecte tigrin, dhe tigri e pa qenin dhe u ngjit në mur për të shkuar e për ta ngrënë qenin.

Burri po shikon nga dritarja e tij dhe sheh një tigër që vjen mbi mur për të provuar të hajë qenin e tij dhe Majk po e tërheq poshtë. Ai e nxjerr nga gardhi dhe atë natë Majk më telefonon dhe më thotë: “Shelly, ASPCA është këtu, nuk më lejohet të mbaj mace në robëri, si mendoni se e morën vesh?”

I thashë: “Si mendoni se e morën vesh? Fqinji juaj e sheh atë duke ardhur mbi mur për të ngrënë qenin e tij. Si mendoni se e morën vesh!”, është shprehur ish-menaxheri i tij./ h.ll/albeu.com

The post Tyson dhe dashuria e tij për tigrat, mësohet se çfarë bëri kafsha e egër që detyroi legjendën ta largonte appeared first on Albeu.com.

Kafshët ishin programuar fillimisht që të niseshin nga Çeklia drejt Mykonos, por në fund duket se destinacioni i tyre ka ndryshuar.

Sipas asaj që raportojnë mediat greke dy luanët dhe tigri do të kalonin përmes Greqisë pasi aty janë pajistjet e duhura për inspektimin e kafshëve.

Ndërkohë që kryetarja e  Federatës Panhelene dhe të Mirëqenies së Kafshëve, Natasa Bombolaki, tha se kafshët nuk ndodhen në Greqi, ato mund të jenë rrugës për në kopshtin Zoologjik të Tiranës.

The post Tigri dhe luanët “shqiptarë”, shkaktojnë skandal në Greqi (VIDEO) appeared first on Albeu.com.

Mediat vendase thonë se ngjarja ka ndodhur në parkun Safari Kilian në qytetin e Rancagua, 90 kilometra në jug të kryeqytetit Santiago.

Mësohet se gruaja ka qenë pjesë e stafit të kujdesit dhe mirëmbajtjes së një parku kafshësh.
Teksa punonjësja ka qenë duke punuar, bëhet me dije se dera e parkut ku qëndronin kafshët ishte e hapur, duke bërë kështu që tigri të dal dhe ta sulmojë atë në pjesën e qafës.

Autoritete vendase ende nuk kanë identifikuar viktimën, por ata thanë se gruaja që vdiq pësoi plagë në qafë nga sulmi i tigrit, duke bërë kështu që të gjejë vdekjen e menjëherëshme.

Një punonjës i policisë së Rancagua, Williams Espinoza është shprehur: Ajo nuk e kuptoi që dera e kafazit të kafshës ishte e hapur dhe u sulmua menjëherë nga ky tigër, duke shkaktuar vdekjen e saj në vend.

Menjëherë është mbyllur parku safari, ndërsa në vendngjarje ndodhej edhe grupi hetimor i cili po vijon me zbardhjen e plotë të rrethanave ngjarjes./albeu.com/

The post E rëndë, tigri sulmon për vdekje punonjësen e parkut appeared first on Albeu.com.