Të enjten, në orën 20:00, stadiumi “Toshe Proeski” në Shkup do të jetë skena ku Shkëndija e Tetovës kërkon të përmbysë rezultatin 2-1 të pësuar në ndeshjen e parë ndaj Bravos së Sllovenisë, e vlefshme për raundin e dytë eliminator të Conference League.

Klubi kuqezi ka marrë një vendim të veçantë për të gjithë mbështetësit, duke bërë të ditur përmes kanaleve sociale se hyrja në takim do të jetë plotësisht falas. “Të gjithë në stadium”, është apeli i drejtpërdrejtë që drejtuesit u kanë bërë tifozëve, teksa synojnë një atmosferë elektrizuese për të mbështetur ekipin në këtë sfidë vendimtare.

Skuadra e drejtuar nga trajneri është e bindur se mund ta kthejë disavantazhin minimal nga takimi i parë dhe e konsideron mbështetjen masive të publikut si një element kyç për të vazhduar rrugëtimin evropian.

The post Hyrja falas në “Toshe Proeski”, Shkëndija fton tifozët për misionin e kualifikimit ndaj Bravos appeared first on Albeu.com.

Rezultati i rëndë 0-5 i pësuar në Kosovë përballë Malishevës, në raundin e parë të Conference League, ka shkaktuar reagime të ashpra te mbështetësit shkodranë. Presidenti Alban Xhaferi dhe trajneri Edi Martini janë vënë në qendër të kritikave.

Në profilin e Vllaznisë në Facebook janë publikuar komente të shumta, ku tifozët kërkojnë largimin si të Xhaferit nga posti i presidentit, ashtu edhe të Martinit nga drejtimi i skuadrës.

Pakënaqësia ndaj drejtuesve dhe stolit kuqeblu duket se po thellohet. Ndonëse Martini u rikonfirmua pas përfundimit të sezonit dhe klubi ka bërë afrime në merkato, gjendja mbetet e paqartë: loja paraqitet e çekuilibruar, ndërsa mbrojtja vazhdon të shfaqë probleme. Pesë golat e pësuar nga Malisheva nuk lënë hapësirë për alibi apo justifikime.

The post Disfata 0-5 ndaj Malishevës ndez tifozët e Vllaznisë, në shënjestër Xhaferi dhe Martini appeared first on Albeu.com.

Ekipi i Ançelotit është tashmë në kuotën e 4 pikëve dhe kryeson grupin. Karlo Ançeloti, ka zbuluar se Nejmari do të rikthehet ndaj Skocisë.

“Ai është mirë, do të stërvitet i vetëm për një ditë dhe më pas do t’i bashkohet grupit në stërvitje. Do të jetë në dispozicion për ndeshjen kundër Skocisë”, u shpreh Ançeloti.

Nejmar duket se ka lënë pas dëmtimet. Sfida me Skocinë është projektuar më 24 qershor.

The post Tifozët duan Nejmarin, Ançeloti thotë fjalën e fundit te Brazili: Do stërvitet i vetëm një ditë appeared first on Albeu.com.

Sipas mediave lokale, situata u përshkallëzua kur grupe njerëzish hodhën gurë dhe shishe ndaj forcave të policisë pranë portës nr. 8. Raportohet se dhjetëra persona janë arrestuar gjatë përplasjes.

Në ditët para turneut, autoritetet në Mexico City janë përballur me protesta të ndryshme nga mësues, gjyqtarë në pension dhe familjarë të personave të zhdukur, por incidenti pranë stadiumit nuk duket të ketë pasur motiv politik të drejtpërdrejtë.

Policia lokale njoftoi se rreth 200 persona të maskuar u ndanë nga grupe më të mëdha protestuesish dhe tentuan të sulmonin portat e stadiumit, duke hedhur tulla, bomba molotov dhe sende të tjera. Disa efektivë policie kanë marrë trajtim mjekësor pas përplasjeve.

Pavarësisht tensioneve, autoritetet konfirmuan se situata u vu nën kontroll nga policia metropolitane dhe ndeshja nuk u shty.

Ndërkohë, në qytet u zhvillua edhe një aktivitet festiv i FIFA-s në sheshin qendror Zócalo, i cili vazhdoi normalisht pavarësisht përpjekjeve të disa grupeve për ta penguar.

The post Kaos para ndeshje hapëse të Botërorit, policia përplaset me tifozët që tentuan të futeshin në stadium pa biletë appeared first on Albeu.com.

Mijëra tifozë u mblodhën në stadiumin legjendar “Azteca” për të përjetuar nga afër nisjen e turneut më të madh të futbollit, që rikthehet në Meksikë për herë të parë pas 40 vitesh.

Atmosfera ishte e mbushur me entuziazëm dhe pritshmëri, ndërsa tifozët shpresojnë të shohin kombëtaren e tyre të shkëlqejë në tokën vendase.

Rruga drejt nisjes së Botërorit 2026 nuk ka qenë e lehtë.

Përgatitjet janë shoqëruar me sfida të ndryshme, nga rinovimet e stadiumit “Azteca” dhe infrastrukturës aeroportuale, deri te protestat dhe shqetësimet për dhunën e karteleve të drogës në Meksikë, gjatë muajve të fundit.

Megjithatë, në ditën e hapjes, futbolli mori vëmendjen kryesore, duke lënë në hije polemikat dhe problemet.

“Është një përvojë unike. Nuk kam qenë kurrë më parë në një Kupë Bote dhe fakti që jam këtu me familjen time e bën edhe më të veçantë”, tha tifozi Javier Pérez për BBC.

“Shpresoj që Meksika ta nisë mbarë, të fitojë dhe të shënojë sa më shumë gola. Pastaj do të shohim deri ku mund të arrijmë”, shtoi ai.

¡Es hermoso! 🥹

Así luce el Estadio Ciudad de México a minutos del partido entre la Selección Mexicana y Sudáfrica, encuentro inaugural de la Copa Mundial de la FIFA 2026™️#ElCanalDelMundial #CopaMundialFIFA #Somos26 #MiSelecciónAzteca #ElMundialXAzteca #YoLoVeoXAzteca

🔴 Los… pic.twitter.com/CsKvJyZryY

— TV Azteca Deportes (@AztecaDeportes) June 11, 2026

The post BOTËRORI 2026/ Nga Shakira te tifozët e zjarrtë, ceremoni madhështore në zemër të Meksikës (VIDEO) appeared first on Albeu.com.

Përpara ndeshjes së mbrëmshme iu dha lamtumira e fundit tifozëve të rinj. Trupat u sollën para stadiumit PAOK, ku një numër i madh tifozësh u mblodhën dhe i bënë nderimet e tyre të fundit.

Nuk munguan brohoritjet dhe flakadantët duke krijuar një skenë prekëse dhe duke i nderuar në mënyrën më të mirë të mundshme.

Trupat e shtatë viktimave mbërritën në Selanik me një avion ushtarak C-130 nga Timişoara, duke u ulur në Aeroportin e Maqedonisë pak pas orës 18:00. Para nisjes, një shërbim përkujtimor u mbajt në Aeroportin e Timişoarës, ku peshkopi metropolitan lokal vendosi nga një trëndafil të bardhë në secilin arkivol.

Tifozët mirëpritën avionin pas mbërritjes së tij dhe shoqëruan arkivolët në një procesion me motoçikleta drejt stadiumit Toumba, duke brohoritur slogane të tilla si “Të Pavdekshëm” dhe “Vëllezër, ju jetoni, ju na udhëhiqni”.

The post VIDEO/ Pamje drithëruese me brohoritje dhe flakadantë, nderohen 7 tifozët që humbën jetën në aksidentin tragjik appeared first on Albeu.com.

Pasi arbitri fishkëlleu për fundin e pjesës së parë, 23-vjeçari ra pre e tifozëve vendas, të cilët e sulmuan duke thënë në kor: “Haland, si është babai yt”?

🚨Erling Haaland walks off to “Haaland how’s your dad?” chants from the Manchester United fans 😳

I find this disrespectful & distasteful 🤢 pic.twitter.com/E7S0zr6cNy

— Lea (@Lea_EFC) January 17, 2026

“Old Traford nuk harron kurrë. As nuk fal”, tha një tifoz në rrjetet sociale. Ndërsa një i dytë tha: “Ai do të shpërthejë tani”.

“Oh djalosh. Do të dhembë”, u përgjigj një i tretë. Dhe një tjetër shtoi: “Më thuaj që nuk e kemi motivuar vetëm për pjesën e dytë”.

Tifozët e Junajtid po i referoheshin një incidenti famëkeq midis babait të Haland, Alf-Inge Haland, dhe Roi Kin.

Gjatë një derbi në vitin 2001, Kin u hodh brutalisht drejt Haland dhe u përjashtua nga fusha për shkak se ia shtypi gjurin me forcë të madhe, diçka që ai e pranoi se nuk ishte aksident në autobiografinë e tij të vitit 2002.

The post Haland, si është babai yt? Tifozët e Mançester Junajtid nuk harrojnë incidentin famëkeq dhe i hakërrehen sulmuesit (VIDEO) appeared first on Albeu.com.

Përleshjet ndodhën midis dy grupeve të tifozëve pranë stadiumit Sinigaglia, disa orë para fillimit të ndeshjes.

Dy autobusë që transportonin tifozë të Kuqeblu, që mbërritën pranë stadiumit Sinigaglia, rastësisht kaluan një bar të frekuentuar nga tifozët e Comos.

Situsta u tensionua në fillim aty dhe më pas u përshkallëzua në hedhjen e shisheve dhe shkëmbimin e fyerjeve.

Ndërhyrja e shpejtë e forcave të rendit parandaloi pasoja më serioze, duke rivendosur qetësinë brenda pak minutash.

Si masë paraprake, disa rrugë u mbyllën përkohësisht dhe autobusët që transportonin tifozë të Bologna-s u larguan nën shoqërimin e policisë.

10.01.2026🇮🇹Streetfight Como – Bologna, click for more here: https://t.co/8QBlqIUKiS

All in one place. Tap to download.
🔗 https://t.co/FXnrFRpzhv pic.twitter.com/2N7og8dBwL

— Hooligans.cz Official (@hooliganscz1999) January 10, 2026

The post Përleshje masive mes tifozëve përpara ndeshjes së Serie A Como-Bologna (VIDEO) appeared first on Albeu.com.

Siç mund të shihet dhe në videon e mëposhtme tifozët festojnë me këngë patriotike, ndërsa nuk kanë munguar edhe flakadanët.

“Air Albania” do të jetë e mbushur në kapacitet të plotë, siç ka njoftuar edhe Federata Shqiptare, pasi janë shitur të gjitha biletat.

Kombëtarja shqiptare, do të përballet me Anglinë në ndeshjen e fundit kualifikuese të Botërorit.

Trajneri Silvinjo është i kushtuar nga kartonët, pasi pesë lojtarë rrezikojnë të mungojnë në “play off” në rast ndëshkimi.

The post Ndeshja Shqipëri-Angli/ Tifozët kuq e zi ndezin amosferën në rrugët e Tiranës (VIDEO) appeared first on Albeu.com.

Portieri i ri i Kairat Almaty, Sherhan Kalmurza, u përball me Real Madridin të martën e kaluar dhe pësoi pesë gola, tre prej të cilëve nga Kylian Mbappe. Pavarësisht humbjes së rëndë, ndaj 15 herë kampionëve të Evropës, Kalmurza i bëri të dashurit e tij jashtëzakonisht krenarë.

Nëna e tij, Saule Rabayeva, e pa me krenari performancën e të birit. “Ti je më i miri, biri im! Ti je krenaria ime. Bëre gjithçka që munde. Për mua, ti je më i forti. Mos u dorëzo. Unë jam me ty dhe gjithmonë besoj tek ti”, shkroi ajo.

Postimi i saj bëri mjaft bujë në internet. Shumë fansa, pasi panë foton e saj, menduan se ishte motra e Sherhanit, jo nëna e tij.

Saule Rabayeva është bërë influencuese me pothuajse 40 mijë ndjekës në Instagram. Ndërkohë, djali i saj Kalmurza bëri histori si portieri i tretë më i ri në historinë e Ligës së Kampionëve kur debutoi kundër Sporting Lisbon.

The post Tifozët menduan se ishte motra e tij, por kush është vajza që mbështet yllin më të ri të “Kairat Almaty” appeared first on Albeu.com.