Policia e Kosovës ka shtuar praninë e saj në terren përpara protestës së paralajmëruar nga tifo-grupet e Kosovës.

Në sheshin “Skënderbeu” në Prishtinë, ku është planifikuar të mbahet tubimi, janë vendosur barriera metalike. Ndërkohë, pjesëtarë të Policisë së Kosovës janë parë duke vëzhguar situatën dhe duke ndërmarrë masat e nevojshme për mbarëvajtjen e protestës.

Tubimi pritet të bashkojë tifozë nga grupe të ndryshme.

Rritja e numrit të efektivëve policorë është ndërmarrë si masë sigurie, me qëllim ruajtjen e rendit dhe garantimin e sigurisë gjatë protestës.

The post Forca të shtuara policore në Prishtinë para protestës së tifo-grupeve appeared first on Albeu.com.