Të paktën 53 persona janë konfirmuar të vdekur dhe 62 janë plagosur.

Tërmeti që goditi qytetin e shenjtë Shigatse të Tibetit rreth orës 09:00 me kohën lokale (01:00 GMT) kishte një magnitudë 7.1 ballë dhe një thellësi prej 10 kilometrash (gjashtë milje), sipas të dhënave nga Shërbimi Gjeologjik i SHBA-së, i cili gjithashtu tregoi një seri pasgoditjesh në zonë.

Lëkundjet u ndjenë edhe në Nepalin fqinj dhe disa pjesë të Indisë.

Tërmetet janë të zakonshme në rajon, i cili shtrihet në një vijë të thyer gjeologjike.

Mediat shtetërore kineze, raportuan se tërmeti kishte një magnitudë pak më të vogël prej 6.8 ballë, duke çuar në dëmtimin e mbi 1000 shtëpive.

Forcat ajrore kineze, kanë nisur përpjekjet e shpëtimit dhe dronët në zonën e prekur, e cila ndodhet në rrëzë të malit Everest dhe ku temperaturat janë shumë nën zero.

Si energjia ashtu edhe uji në rajon janë ndërprerë.

Presidenti kinez Xi Jinping, ka bërë gjithashtu thirrje për përpjekje të gjithanshme të kërkim-shpëtimit, për të minimizuar viktimat dhe për të zhvendosur banorët e prekur.

Rajoni, i cili shtrihet pranë një linje thyerjeje kryesore të pllakave tektonike indiane dhe euroaziatike, është vend me aktiviteti të shpeshtë sizmik.

Në vitin 2015, një tërmet me magnitudë 7.8 afër Katmandu, kryeqyteti i Nepalit, vrau rreth 9,000 njerëz dhe plagosi mbi 20,000.

The post Tërmet i fortë në Kinë/ Humbin jetën mbi 50 persona, plagosen dhjetëra të tjerë appeared first on Albeu.com.

Shishapangma, me pak më shumë se 8,000 metra i lartë, është maja e 14-të më e lartë në botë. Mali konsiderohet gjerësisht si një nga malet më të lehta të asaj lartësie, i njohur në mesin e alpinistëve si “tetë mijë”.

Dy ortekë goditën shpatet e tij në lartësitë 7,600 metra dhe 8,000 metra të shtunën, duke vrarë alpinisten amerikane Anna Gutu dhe udhëzuesin nepalez Mingmar Sherpa.

Një tjetër alpiniste amerikane, Gina Marie Rzucidlo, dhe udhërrëfyesi i saj Nepalez, Tenjen Sherpa, u zhdukën.

Tenjen Sherpa ishte udhërrëfyesi për Kristin Harila nga Norvegjia kur ata u ngjitën në majën K2 në Pakistan në korrik për t’u bërë alpinistët më të shpejtë në botë për të ngjitur të gjitha 14 majat mbi 8,000 metra.

Një total prej 52 alpinistësh po ngjiteshin për në majë kur ortekët goditën, mes tyre ishin nga Shtetet e Bashkuara të Amerikës, Britania, Rumania, Shqipëria, Italia, Japonia dhe Pakistani.

Të gjitha aktivitetet e ngjitjes në Shishapangma u pezulluan për shkak të kushteve të paqëndrueshme të borës.

The post Orteku godet një grup alpinistësh në Tibet, shkakton dy të vdekur, pjesë e ekpit edhe shqiptarë appeared first on Albeu.com.