Lojtari kishte fluturuar mbrëmë gjatë natës për në Turin dhe i është nënshtruar testeve mjekësore këtë mëngjes.

Ashtu siç pritej, kostoja totale e këtij transferimi u konfirmua të ishte 3.6 milionë euro që do të paguhet në tri këste dhe 1.5 milionë tjera bonuse.

Ka bonuse të mëtejme që mund të kapin shifrën e 2.6 milionë eurove në rast se arrihen kushte të veçanta sportive dhe objektivat e klubit.

Tiago Djalo ka nënshkruar një kontratë dyvjeçare me “Zonjën e Vjetër” që do ta mbajë atë në klub deri në 2026, por sipas gazetarit Fabrizio Romano, aty është përfshirë edhe një klauzolë që e lejon zgjatjen e kontratës deri në qershor të 2028.

Djalo ishte në dispozicion për këtë shumë për shkak se kontrata e tij me Lille ishte afër skadimit në fund të sezonit, dhe se ai nuk ka luajtur asnjë minutë këtë sezon për shkak të operimit në gju në mars të vitit të kaluar.

Interi kanë qenë gjithashtu në negociata të avancuara me lojtarin, por ata ishin të gatshëm ta transferojnë atë vetëm si lojtar i lirë, andaj Juventusi ka ndërhyrë dhe ka ofruar para në drejtim të Lille.

Italia nuk është një vend i panjohur për Djalon, pasi ai kishte kaluar një periudhë të shkurtër në akademinë e Milanit në 2019./Telegrafi/

The post Juventus prezanton mbrojtësin Tiago Djalo appeared first on Albeu.com.

23-vjeçari i cili luan si qendërmbrojtës, do t’i bashkohet “Zonjës së Vjetër” nga Lille për shumën e 3-3.5 milionë eurove plus shtesat dhe 10 për qind e shitjes së tij në të ardhmen që i takon klubit francez.

Ai do të nënshkruajë një kontratë për katër vite e gjysmë me “Bianconerët” dhe do të qëndrojë në Turin, pra nuk do largohet në huazim ashtu siç ishte raportuar më parë.

Për shkak të indeksit të likuiditetit, Juventus e kishin të pamundur të kompletonin marrëveshjen për Djalon deri në momentin kur e shitën një lojtar.

Kalimi i Filippo Ranocchias tek Palermo u kompletua këtë javë, duke bërë që transferimi i Djalos të kryhet me sukses.

Siç u raportua nga gazetari Fabrizio Romano, Djalo do të zbarkojë në Turin të dielën, para se t’i nënshtrohet testeve mjekësorë të hënën.

23-vjeçari nuk ka luajtur asnjë minutë që nga prilli i vitit të kaluar pas këputjes së ligamentit, por ai tashmë është shumë afër rikuperimit dhe gati për aventurën e re./Telegrafi/

The post Lojtari i ri i Juventusit pritet t’i nënshtrohet testeve mjekësore të hënën appeared first on Albeu.com.