Në Tiranë, procesi i identifikimit të udhëtarëve është automatizuar në nivele të larta.

Çdo qytetar që hyn në Shqipëri mjafton të vendosë pasaportën në sistemet automatike dhe verifikimi përfundon brenda pak sekondash, pa krijuar radhë apo vonesa.

E njëjta procedurë aplikohet edhe në dalje për qytetarët e Bashkimit Europian, Shteteve të Bashkuara dhe Kanadasë, ndërsa numri i lartë i sporteleve dhe kontrollorëve bën që fluksi të menaxhohet pa bllokime.

Ky model është vlerësuar edhe ndërkombëtarisht. Gazetari britanik Simon Calder, në një raportim për CNN, e cilësoi eksperiencën në Tiranë si një nga më efikaset në rajon.

“Unë sapo jam kthyer nga Tirana, që ka një aeroport të mrekullueshëm. M’u deshën vetëm 5 sekonda për procesin e identifikimit. Vendosa pasaportën dhe kalova menjëherë”, u shpreh ai, duke e krahasuar me situatën problematike që po përjetojnë aktualisht aeroportet europiane.

Investimet e Kastrati Group gjatë viteve të fundit në Tirana International Airport (TIA) kanë modernizuar infrastrukturën dhe kanë rritur kapacitetet për përpunimin e pasagjerëve.

Paralelisht, rritja e numrit të linjave ajrore, veçanërisht kompanive low-cost si Ryanair dhe Wizz Air, e ka kthyer Tiranën në një pikë kyçe për udhëtarët në rajon.

Me çmime konkurruese dhe destinacione të reja që shtohen vazhdimisht, aeroporti po tërheq jo vetëm pasagjerë shqiptarë, por edhe udhëtarë nga Maqedonia e Veriut dhe Mali i Zi.

Në kontrast me problemet që po shfaqen në shumë aeroporte të BE-së, rasti i Tiranës po shihet si një shembull se si investimi në teknologji dhe organizim mund të përkthehet në shërbim më të shpejtë dhe efikas për udhëtarët.

The post “Kalova për 5 sekonda”: Gazetari i njohur britanik në CNN, merr TIA-n si shembull efektiviteti dhe avancimi teknologjik appeared first on Albeu.com.

Sipas të dhënave zyrtare, gjatë periudhës 2005–2016, nën menaxhimin e Hochtief Airport GmbH, investimet arritën pothuajse 87.4 milionë euro, pra rreth 8 milionë euro në vit. Në vijim, gjatë viteve 2016–2020, me Real Fortress Private Limited, investimet ranë në 17.9 milionë euro, rreth 3,6 milionë euro në vit. Ndërsa, nga viti 2020-2025, Grupi Kastrati ka investuar rreth 110 milionë euro, përafërsisht 22 milionë euro në vit, duke u fokusuar në modernizimin e infrastrukturës së aeroportit dhe rritjen e eficiencës operacionale. Ky investim erdhi në një moment kyç, kur aeroporti kishte nevojë për një vizion të ri zhvillimi, përtej modelit tradicional të menaxhimit. Ndërhyrjet përfshinë zgjerimin e terminalit, përmirësimin e shërbimeve dhe rritjen e kapaciteteve për përballimin e flukseve në rritje, si edhe investime në proceset e digjitalizimit.

Në vijim, plani ambicioz i investimeve për periudhën 2026–2028, me një vlerë prej rreth 50 milionë euro në vit,pra 152 milionë eurosh total, e çon totalin e angazhimit të Grupit Kastrati në nivele që tejkalojnë ndjeshëm fazat e mëparshme të zhvillimit të aeroportit. Në total, krahasuar me periudhat e mëparshme koncesionare, vlera e investimeve të Grupit Kastrati përfaqëson një rritje prej rreth 249%, një tregues i qartë i intensitetit dhe ritmit të ri të zhvillimit.

Ky nivel investimesh nuk është thjesht një zgjerim fizik, por një transformim strukturor i aeroportit. Nga një infrastrukturë e kufizuar dhe e orientuar drejt një tregu relativisht të mbyllur, Aeroporti i Tiranës tashmë është kthyer në pikë referimi rajonale e fluturimeve, me kapacitete të rritura dhe standarde më të larta shërbimi.

Efektet e këtyre investimeve janë tashmë të dukshme në treg. Rritja e kapaciteteve ka krijuar hapësirë për hyrjen e operatorëve të rinj dhe zgjerimin e linjave ekzistuese, duke rritur ndjeshëm konkurrencën në tregun e fluturimeve. Kjo ka qenë një nga faktorët kryesorë që ka ndikuar në uljen e ndjeshme të çmimeve të biletave për destinacionet kryesore europiane.

Të dhënat tregojnë se krahasuar me vitin 2019, çmimet mesatare të biletave kanë pësuar ulje të konsiderueshme, me të paktën 50%, por në disa raste uljet janë edhe më drastike. Për shembull, për destinacionet që kanë edhe frekuencë më të lartë fluturimesh siç janë ato me qytetet italiane, ku shqiptarët udhëtojnë shpesh edhe për shkak të lidhjeve të forta dhe pranisë së madhe të emigrantëve, nëse në vitin 2019 një biletë me Milanon kushtonte 250 Euro, sot çmimi I një bilete nis nga 30 euro. Akoma më lirë sot kushton Londra, një tjetër destinacion me fluturime të shpeshta nga shqiptarët. Nëse në vitin 2019, një biletë kushtonte 340 Euro, aktualisht gjen bileta edhe për vetëm 90 Euro, pra rreth 4 herë më lirë. Në ditë dhe destinacione të caktuara, biletat variojnë mes 50-70 Euro vajtje-ardhje, shifra këto të pamendura 5 vite më parë. E njëjtë gjë vlen edhe për shumë qytete e destinacione evropiane, si Brukseli, Roma, Dyseldorfi, etj., ku çmimet e biletave kanë pësuar rënie dhe fluturimet janë bërë edhe më të shpeshta, për shkak të kërkesave në rritje, si edhe zgjerimit të linjave ajrore që operojnë me këto destinacione.

Në thelb, investimet e Grupit Kastrati kanë krijuar një cikël pozitiv zhvillimi: më shumë kapacitete sjellin më shumë kompani ajrore, rritja e konkurrencës ka sjellë uljen e çmimeve dhe çmimet më të ulëta kanë rritur kërkesën. Ky mekanizëm ka bërë që aeroporti të mos jetë më një pikë e shtrenjtë hyrjeje, por një portë më e aksesueshme për qytetarët dhe bizneset, madje edhe për mijëra qytetarë nga vendet e rajonit, nga Kosova, Maqedonia e Veriut dhe Mali i Zi, duke ndikuar drejtpërdrejt edhe në rritjen e turizmit dhe lidhjeve ekonomike të Shqipërisë me rajonin dhe Europën.

The post Aeroporti i Tiranës me ritmin më të shpejtë të rritjes në Europë: Cfarë sollën investimet e fundit appeared first on Albeu.com.

Kjo masë, sipas TIA, përmirëson përvojën e përgjithshme dhe procedurat e nevojshme kryhen me lehtësi dhe efikasitet, ndërsa duket qartë që ka mungesë të kapaciteteve dhe ekspertizës për menaxhimin e udhëtarëve pasi edhe aerportet me fluksin më të madh në botë kërkojnë maksimumi paraqitjen dy orë para fluturimit e jo tre siç kërkohet në Shqipëri.

Rinasi është duke u frekuentuar nga një numër i madh pasagjerësh për shkak të problemeve me fluturimet gjatë pandemisë si edhe sezonit turistik, por duket se kompania që ka koncensionin nuk po e menaxhon situatën siç duhet duke dalë në thirrje të tilla ndaj udhëtarëve.

Njoftimi:

Tirana International Airport dëshiron t’ju informojë për një përditësim në lidhje me procesin e checkin dhe sigurisë në Tirana International Airport (TIA) nga sot deri më 10 shtator.
Për të siguruar udhëtim të qetë dhe për të akomoduar pasagjerët e shtuar gjatë kësaj periudhe, do t’iu kërkonim të gjithë pasagjerëve të mbërrijnë në aeroport të paktën 3 (tre) orë përpara kohës së planifikuar të nisjes.
Ju lutemi, merrni parasysh kohën e mundshme shtesë që kërkohet për kontrollin e bagazheve, kontrollet e sigurisë dhe çdo rrethanë të paparashikuar që mund të zhvillohet.
Kjo masë synon të përmirësojë përvojën e përgjithshme të udhëtimit për të gjithë pasagjerët. Si gjithmonë, siguria dhe komoditeti juaj mbeten prioritetet tona kryesore. Duke mbërritur herët, ju na lejoni të kryejmë procedurat e nevojshme me shpejtësi dhe efikasitet. Faleminderit për bashkëpunimin dhe presim t’ju shërbejmë gjatë udhëtimit tuaj nga Aeroporti Ndërkombëtar i Tiranës.

The post KAOSI/ Aeroporti i Rinasit nuk menaxhon dot udhëtarët, kërkohet paraqitja tre orë para fluturimit! appeared first on Albeu.com.

“Disa pasagjerë iu është ofruar mundësia për rimbursim ose janë sistemuar në fluturime për destinacionet përkatëse. Gjashtë avionë të linjës ajrore Wizz Air janë ulur në aeroportin e Shkupit për shkak të mjegullës ndërsa një fluturim me destinacion Luton-Tiranë është anuluar për shkak të dëborës në Londër”, thuhet në njoftim.

The post Moti i keq prek edhe TIA, anulohen 10 fluturime nga Rinasi appeared first on Albeu.com.

Për shkak të bllokimit të rrugëve, aeroporti bën thirrje pasagjerëve që të mbërrijnë në Rinas 4 orë përpara fluturimeve.

“TIA njofton që të gjithë pasagjerët të cilët kanë për të udhëtuar nga TIA në datë 6 dhjetor, janë të lutur që të jenë në aeroport 4 orë para fluturimit të tyre për shkak të masave të marra për samitin BE-Ballkani Perëndimor. Kjo prezencë kërkohet në mënyrë që pasagjerët mos të rrezikojnë humbjen e fluturimit të tyre”, thuhet në njoftim.

Prej ditës së sotme do të nisë bllokimi i pjesshëm i akseve rrugore. Kjo vjen në kuadër të masave të sigurisë që do merren për samitin BE-Ballkani Perëndimor. Bllokimi do të nisë që prej mëngjesit të sotëm për punime në akset kryesore Rinasit-Kashar, autostrada Tiranë-Durrës, ish-Sheshi Shqiponja, Unaza e Madhe, Kopshti Botanik, rrethrrotullimi i Saukut, rrethrrotullimi te ‘Varrezat e Dëshmorëve’ deri tek kryqëzimi me bulevardin “Bajram Curri”.

The post Tirana e “paralizuar” për shkak të Samitit, TIA: Paraqituni në Rinas 4 orë përpara fluturimit appeared first on Albeu.com.

“UPDATE

TIA njofton se fluturimet nga aeroportet Italiane dhe drejt tyre do të vazhdojnë normalisht duke filluar nga ora 15:00 e ditës së sotme. Ju lutemi pasagjerëve që kanë fluturim sot drejt destinacioneve të Italisë të komunikojnë paraprakisht me kompanitë ajrore respektive për të verifikuar statusin e fluturimit të tyre para se të nisen për në aeroport.”

Më herët pak pas mesdite, përmes një njoftimi në faqen e vet në facebook, TIA bënte me dije se udhëtimet drejt Italisë dhe anasjelltas ishin anuluar për këtë të premte për shkak të një greve që po organizohej në Itali nga punonjësit e transportit ajror.

The post Aeroporti i Rinasit jep njoftimin e ri: Rikthehen fluturimet me Italinë appeared first on Albeu.com.

Për ushëtarët shqiptarë që duan të hyjnë në Spanjë duke pasur parasysh sa më poshtë:

Të kenë një certifikatë të plotë vaksinimi (doza e fundit e marrë të paktën 14 ditë para udhëtimit). Vaksinat e pranuara janë ato të autorizuara nga Agjencia Evropiane e Barnave (EMA) dhe Organizata Botërore e Shëndetësisë (ËHO): ose

Të bëjnë pjesë në një prej përjashtimeve të konsideruara esenciale të Urdhrit INT/657/2020 të datës 17 korrik 2020, ku hyjnë: personat të cilët kanë leje qëndrimi, viza afat gjata Shengen, ose personat që kanë arsye të domosdoshme udhëtimi.

Kujdes: Dokumentacioni dhe arsyet esenciale vlerësohen paraprakisht nga autoritetet spanjolle.

Veç kësaj, do të jenë të pajisur me PCR negative të kryer brenda 72 orët para mbërritjes në Spanjë, ose një test antigjeni të kryer brenda 48 orëve, ose me një certifikatë të kalimit të infeksionit Covid-19, të lëshuar nga autoritetet përkatëse, e vlefshme deri në 6 muaj pas shërimit.

Pa përjashtim, të gjithë personat që do të udhëtojnë për në Spanjë dhe hyjnë përmes aeroporteve dhe porteve duhet të regjistrohen në portalin https://ww.spth.gob.es/, brenda 48 orëve para udhëtimit dhe të pajisen me kodin QR, të gjeneruar nga regjistrimi./albeu.com

The post Spanja vendos rregulla të reja, çfarë duhet të dini para se të udhëtoni appeared first on Albeu.com.

Tirana International Airport sqaron se udhëtarët që nisen drejt Gjermanisë duhet të jenë të pajisur me:

1.Pasaportën e vaksinimit, ku nga data e vaksinimit të plotë të kenë kaluar të paktën dy javë ose provë të kalimit të infeksionit Sars-Cov2, e vlefshme deri në 6 muaj pas shërimit.

2. Digital PLF Passenger Locator Form: einreiseanmeldung.de.

Në rast se nuk jeni të pajisur me certifikatën e vaksinimit duhet të keni testin Antigen ose PCR dhe duhet të bëni 10 ditë karantinë në adresën e shkruar në PLF.

Fëmijët nën moshën 12 vjeç përjashtohen nga detyrimi i testit molekular ose antigen./albeu.com/

The post Do udhëtoni drejt Gjermanisë? TIA: Çfarë duhet të keni me vete appeared first on Albeu.com.

Më poshtë gjeni dhe kriteret e tjera që duhet të plotësoni për të udhëtuar drejt Italisë dhe Greqisë:

Njoftimi i plotë i TIA-s

Në vëmendje të pasagjerëve që udhëtojnë nga Tirana International Airport drejtë Italisë dhe Greqisë, ju rikujtojmë që është i detyrueshëm të plotësohet dhe printohet formulari PLF 24 orë para udhëtimit.

Në rast se ky formular nuk plotësohet brenda këtij afati, nuk udhëtoni dot.

Linku për formularin drejtë Italisë: https://app.euplf.eu/

Linku për formularin drejtë Greqisë: https://en.aegeanair.com/passenger-locator-form/

Gjithashtu ju rikujtojme se për të udhëtuar drejt Italisë duhet të:

– Paraqitni rezultatin testit PCR 72 orë para nisjes ose testin antigjenik të 48 orëve të fundit, kjo vlen dhe për pasagjerët që janë të vaksinuar.

Për të gjithë pasagjerët që udhëtojnë në Greqi kërkohet një nga këto kritere:

1. Test COVID, ose
2. Një dëshmi që personi e ka kaluar ose
3. çertifikata e vaksininimit

Ju rikujtojmë se jemi në dispozion të çdo pasagjeri për t’i shërbyer sa më mirë, e në të njëjtën kohë, mbetemi besnikë të durimit dhe bashkëpunimit.

Faleminderit për mirëkuptimin

Tirana International Airport

The post TIA jep njoftimin e rëndësishëm për qytetarët që udhëtojnë drejt Greqisë dhe Italisë appeared first on Albeu.com.

Njoftim nga TIA

Në vëmendje të të gjithë pasagjerëve që udhëtojnë nga Tirana International Airport

Duke marrë shkas nga rritja e fluksit të pasagjerëve që udhëtojnë nga TIA në këto ditë të sezonit veror, si dhe ardhjen e shumë bashkatdhetarëve nga jashtë, kontrollin e dokumentacionit për vendet që kanë vënë kufizime për pasaportat shqiptare –  sidomos Italia – si dhe paraqitjen e testit PCR apo antigen në sportelet e TIA-s të pranimit të biletave –  sipas kritereve të vendeve ku udhëtoni –  sugjerojmë që paraqitja në aeroport të jetë 3 orë përpara udhëtimit.

Kjo kohë do të jetë e mjaftueshme që të organizoheni përpara fluturimit tuaj, qoftë për parkimin e automjetit tuaj, qoftë për kontrollin e dokumentacionit që kërkohet për vendet respektive ku udhëtoni.

Ju rikujtojmë se jemi në dispozion të çdo pasagjeri për t’i shërbyer sa më mirë, e në të njëjtën kohë, mbetemi besnikë të durimit dhe bashkëpunimit, sepse kohërat janë të pazakonta dhe na duhen të gjithëve fuqi të pazakonta.

Ju falenderojmë për mirëkuptimin,

Tirana International Airport/albeu.com

The post Fluksi në aeroport, TIA njoftim të rëndësishëm për udhëtarët appeared first on Albeu.com.