Donat Rrudhani realizoi një tjetër performancë të nivelit të lartë, kësaj radhe përballë Thunit, skuadrës kampione në fuqi.

Sioni siguroi një fitore të rëndësishme 3-2, edhe pse luajti me një lojtar më pak që nga minuta e 41-të, pas ndëshkimit me karton të kuq të Sylla-s.

Fillimisht, Rrudhani dhuroi një asist për Sow-in, i cili finalizoi nga distanca e afërt për të rivendosur baraspeshën.

Më vonë, në fraksionin e dytë të lojës, ai mori përsipër ekzekutimin e një penalltie dhe nuk gaboi, duke e kaluar Sionin në avantazh.

Ai u largua nga fusha në minutën e 67-të, dhe për këtë paraqitje mbresëlënëse, platforma “SofaScore” e notoi me 8.4.

Me performanca të tilla brilante, nuk do të ishte çudi nëse trajneri Franco Foda e fton për katër takimet e muajit shtator.

The post Rrudhani protagonist me gol dhe asist, Sioni triumfon ndaj Thunit appeared first on Albeu.com.

Union Berlini ka bërë zyrtarizimin e transferimit të mesfushorit me origjinë shqiptare, Kastriot Imeri, nga Young Boys.

Te skuadra e Bundesligës, Imeri do të punojë sërish me trajnerin Mauro Lustrinelli. Të dy ishin pjesë e Thunit, me të cilin fituan titullin e parë në historinë e klubit në Superligën Zvicerane gjatë sezonit 2025/26, kur futbollisti ishte i huazuar.

Transferimi u bë publik përmes kanaleve zyrtare të Union Berlinit në rrjetet sociale.

“Jemi të kënaqur të njoftojmë nënshkrimin e lojtarit të kombëtares zvicerane, Kastriot Imeri. Mauro e njeh dhe i beson atij, dhe ne e duam tashmë. Mirë se vini në klub, Kastriot”, shkroi klubi gjerman në njoftimin e tij.

Mesfushori, i cili numëron një paraqitje me Zvicrën, regjistroi gjashtë gola dhe tetë asistime në 30 takime të kampionatit zviceran sezonin e kaluar.

Debutimi i tij me ekipin nga kryeqyteti gjerman mund të vijë të shtunën, në përballjen ndaj Bayer Leverkusen, e vlefshme për javën e dytë të Bundesligës.

Union Berlini ka paguar 2.5 milionë euro për kartonin e Imerit.

The post Zyrtarizohet kalimi i Kastriot Imerit te Union Berlini appeared first on Albeu.com.

Valmir Matoshi do të vazhdojë karrierën në Austri, pasi transferimi i tij te Sturm Graz është bërë zyrtar.

Sturm Graz ka konfirmuar marrëveshjen me FC Thun, kampionin aktual të Zvicrës, për kalimin e mesfushorit 23-vjeçar. Matoshi ka firmosur një kontratë afatgjatë me klubin austriak.

Futbollisti, i cili ka shtetësi zvicerane dhe kosovare, është formuar në akademinë e Thunit. Me skuadrën zvicerane ka regjistruar 121 ndeshje, në të cilat ka realizuar 18 gola dhe ka dhënë 10 asistime.

Matoshi është gjithashtu pjesë e Kombëtares së Kosovës. Te Sturm Graz, ai pritet të ofrojë dinamizëm dhe mundësi të ndryshme përdorimi në repartin e mesfushës.

“Sturm është klub që ka krijuar një emër shumë të mirë në Evropë dhe këtë sezon do të luajë sërish në Ligën e Evropës. Klubi ka gjithmonë objektiva të mëdha dhe mund të identifikohem plotësisht me këtë projekt”, është shprehur Matoshi pas zyrtarizimit të transferimit.

Drejtori sportiv i Sturm Graz, Michael Parensen, ka theksuar se Matoshi ishte zgjedhja e parë e klubit për këtë rol, duke nënvizuar intensitetin e lojës së tij dhe aftësinë për t’u përshtatur në disa pozicione në mesfushë.

Pasi u shpall kampion i Zvicrës me Thunin, Matoshi hap tani një etapë të re në Austri, ku do të ketë rastin të paraqitet edhe në kompeticionet evropiane.

The post Valmir Matoshi zyrtarizohet si lojtari më i ri i Sturm Graz appeared first on Albeu.com.

FC Thun dhe Sturm Graz kanë hapur bisedimet zyrtare për transferimin e mesfushorit ofensiv kosovar, Valmir Matoshi.

Futbollisti i Kosovës ka gjetur gjuhën e përbashkët me klubin austriak dhe ka shprehur vullnetin për të vazhduar karrierën te Sturm Grazi.

Matoshi pritet të nënshkruajë një kontratë katërvjeçare, ndërsa tani mbetet që dy klubet të dakordohen për detajet përfundimtare të marrëveshjes.

Diskutimet mes FC Thun dhe Sturm Grazit po zhvillohen pozitivisht. Sipas pritshmërive, tarifa e transferimit do të jetë rreth 1 milion euro, së bashku me bonuse të ndryshme.

Me përfundimin e këtyre negociatave, kalimi i Matoshit te klubi austriak pritet të zyrtarizohet së shpejti.

The post Valmir Matoshi arrin marrëveshje personale me Sturm Grazin appeared first on Albeu.com.

Valmir Matoshi ka vendosur që karrierën ta vazhdojë te SK Sturm Graz. Mesfushori i Kombëtares së Kosovës kërkon një sfidë të re pas sezonit të jashtëzakonshëm me FC Thun, të cilin e mbylli duke fituar titullin e kampionit të Zvicrës.

Sky Sports raporton se 23-vjeçari i ka arritur tashmë kushtet personale me klubin austriak. Matoshi e sheh Sturm Grazin si destinacionin ideal për etapën e radhës, pasi vlerëson se ambienti atje mund ta ndihmojë të zhvillohet më tej dhe të ngjitet në një nivel tjetër.

Megjithatë, transferimi ende nuk është përfunduar, sepse FC Thun dhe Sturm Graz nuk kanë gjetur marrëveshje mes tyre. Bisedimet pritet të vazhdojnë deri në përcaktimin e kushteve që do të mundësonin realizimin e lëvizjes.

Dëshira e përfaqësuesit të Kosovës është e qartë: ai synon t’i bashkohet Sturm Grazit. Futbollisti e ka dhënë miratimin e tij për kalimin në klubin austriak dhe pret që dy ekipet të arrijnë sa më shpejt një zgjidhje për largimin e tij.

Matoshi ka edhe një vit të mbetur nga kontrata me FC Thun. Për këtë arsye, klubi zviceran mund ta konsiderojë të favorshme shitjen e tij tani, duke arkëtuar një tarifë transferimi, në vend që ta humbasë pa pagesë pas një viti.

Pasi ishte një nga lojtarët kyç në ecurinë mbresëlënëse të FC Thun, mesfushori beson se ka ardhur momenti të provojë një aventurë tjetër. Prioriteti i tij mbetet Sturm Grazi, ku dëshiron të vazhdojë përparimin në Austri dhe të përfshihet në një projekt që përkon me ambiciet e tij.

23-vjeçari mund të aktivizohet në disa role në mesfushë, ndërsa Transfermarkt e vlerëson aktualisht kartonin e tij në 1.5 milion euro.

The post Valmir Matoshi synon transferimin te Sturm Graz pas sezonit të shkëlqyer me Thunin appeared first on Albeu.com.

Vlen të theksohet fakti se te kampionët luajnë edhe dy lojtarë shqiptarë. Bëhet fjalë për Kastriot Imerin dhe Valmir Matoshin. Të dy luajtën një rol të jashtëzakonshëm në fitimin e këtij trofeu.

Imeri është aktivizuar 28 ndeshje duke shënuar 6 gola dhe 7 asiste, ndërsa Matoshi, numëron 31 ndeshje, 6 gola dhe 4 asiste.

The post Moment i artë në karrierë, dy futbollistët shqiptarë shpallen kampionë me… appeared first on Albeu.com.