Korreshi pyeti nëse ministria kishte siguruar bileta edhe për ta apo nëse ato ishin rezervuar vetëm për PS-në. “Pse, ne nuk na ka lënë partia? Neve partia nuk na lejoi dhe na i grisi biletat. A ka sjellë kjo ministria ndonjë biletë për ne, apo ishin vetëm për PS-në? Ti më the se nuk ju la partia”, u shpreh ai.

Manja iu përgjigj se Korreshi kishte pasur dëshirë të merrte pjesë në koncert dhe duhej ta pranonte edhe këtë.

Deputeti i PD-së vijoi me ironi, duke thënë se e njohu këngëtarin vetëm pasi mësoi se do të merrte 4.2 mln euro. “Jam fshatar. Unë vazhdoj të jem te Luan Zhegu. Ti je modern dhe kërceve upsi-dupsi, ndërsa ne duam def. Si u shpërndanë këto para? U hap porta dhe deti, si më 2 korrik. Ku përfunduan biletat? Nuk arrijmë ta kuptojmë. Në Lushnjë, me 2 mln lekë të vjetra, këndon e gjithë Myzeqeja. Si quhet ai këngëtari? Kanye West”, tha Korreshi.

The post Korreshi thumbon Manjën për Kanye West: Jam fshatar, dëgjoj Luan Xhegun; me 2 mln lekë të vjetra këndon e gjithë Myzeqeja appeared first on Albeu.com.

Koçi ndalet edhe te nevoja për reforma të brendshme në Partinë Socialiste. Teksa thumbon Belinda Ballukun, ai thotë se personat nën hetim penal duhet të largohen nga funksionet e deleguara.

Sipas tij, rastet flagrante të korrupsionit duhen shoqëruar edhe me kallëzime penale.

“Ndërkohë qeveria nuk mund ta lere luftën kundër korrupsionit vetëm ne duart e SPAK. Rastet flagrante te shpërdorimit duhet te shoqërohen me masa publike administrative dhe kallëzime penale.

Vete PS ka nevoje te zëvendësojë skemën e përqendrimit te pushtetit nga duart e te deleguarve drejt te zgjedhurve te strukturave te bazës. Dhe natyrisht te liroje nga delegimi çdo individ nen ndjekje penale”, thuhet në reagimin e Koçit.

Ai kërkoi gjithashtu forcimin e mëtejshëm të SPAK-ut, heqjen e imunitetit për zyrtarët e lartë për një periudhë të caktuar, reformimin e sistemit zgjedhor për të garantuar përfaqësim më të drejtë, si dhe masa më të forta kundër përfshirjes së administratës publike në proceset zgjedhore.

Reagimi i plotë:

Duke shprehur publikisht mbështetjen për aksionet e fundit të SPAK kundër krimit të organizuar që ka shtrirë tentakulat e pastrimit të parave në ndërtim, blerje dhe përvetësim tokash etj nuk mund të mos reagoj sërish për protestat e përnatshme në Bulevardin Dëshmorët e Kombit.

Shumica e pjesëmarrësve aty janë idealistë, të pakënaqur nga administrata dhe misionarë për çështje të pastra publike. Sigurisht që benzina politike vjen kryesisht nga e djathta e menjanuar nga Sali Berisha, nga arrivistë të çdo lloji që shohin shanse për t’u promovuar në të ardhmen në Kuvend. Nuk mungojnë as krerët e partickave të rrjeteve sociale që na bëjnë si gazetarë politikë me celularë në dorë.

Parrulla e Ballit Kombëtar “Shqipëri e shqiptarëve, vdekje tradhëtarëve” e vërteton përpjekjen që protesta të përdoret për revansh të së djathtës ndaj së majtës.

Por protesta e idealistëve duhet të shfrytëzohet si energji popullore për të zhvilluar një demokraci të garantuar institucionale, forcim të luftës ndaj korrupsionit nëpërmjet fuqizimit të SPAK dhe vendosjes së standarteve për barazi dhe solidaritet social bashkëkohor.

PS-së nuk i duhet nënshtrim, por reflektim serioz që përfshin reformë kushtetuese e ligjore në këto piketa:

1-Anulim i ndryshimeve kushtetuese të 21 Prillit 2008 të propozuara nga Sali Berisha që e kthyen Republikën nga parlamentare në kryeministrore.

Kjo do të krijonte frymëmarrje dhe oksigjen për kontroll të parlamentit mbi ekzekutivin.

2-Forcim ligjor i funksionalitetit dhe efikasitetit të SPAK të shoqëruar me një ligj special që heq imunitetin e zyrtarëve të lartë të paktën për 10 vitet e ardhshme.

3-Hartimi dhe aprovimi i një sistemi zgjedhor që garanton pluralizëm dhe barazi përfaqësuese në raport me votat në nivel kombëtar.

4-Rreptësimi i mbikëqyrjes dhe penalizimit për përfshirjen e administratës shtetërore në proceset zgjedhore.

5-Ndërmarrja e një reforme praktike në funksionimin dhe rezultatet e Kadastrës ku një zgjidhje e shumëpritur do ishte kalimi i kompetencës për lëshimin e vërtetimeve të pronave të certifikuara te noterët.

Ndërkohë qeveria nuk mund ta lërë luftën kundër korrupsionit vetëm në duart e SPAK. Rastet flagrante të shpërdorimit duhet të shoqërohen me masa publike administrative dhe kallëzime penale.

Vetë PS ka nevojë të zëvendësojë skemën e përqendrimit të pushtetit nga duart e të deleguarve drejt të zgjedhurve të strukturave të bazës.

Dhe natyrisht të lirojë nga delegimi çdo individ nën ndjekje penale.

Në fund theksoj që protesta duhet trajtuar me pjekuri, as me armiqësi, por as me naivitet.

Le të shërbejë pjesa e pastër e saj si një investim për më shumë demokraci dhe jo thjesht për ndërrim të të ndenjurave të pushtetit.

Vetëm nga demokracia përfiton shumica dhe populli.

Vetëm kështu protesta do ta nxiste dhe jo frenonte integrimin europian që po troket te porta.

Lufta qoftë edhe sovraniste thjesht për pushtet në rastin e protestës do të ishte vetëm një korrupsion i ri!

The post Ish-deputeti i PS, Petro Koçi, thumbon Ballukun: Qeveria, rastet flagrantë të korrupsionit t’i shoqërojë me masa dhe kallëzime penale! Ligj special për SPAK, t’u hiqet imuniteti për 10 vite zyrtarëve të lartë appeared first on Albeu.com.

Rama tha se ka disa shpirtra të humbur brenda PS që duan Shqipëri të re dhe shprehu se mëzi pret që t’i sjellin draftin, por shtoi se ka frikë se nuk do të vijë kurrë.

“Është edhe një thirrje për një Shqipëri të re, dhe ka dhe disa shpirtra të humbur në partinë tonë, që duan një Shqipëri të re. Mezi pres që të na e sjellin draftin e Shqipërisë së re të shkruar. Por kam frikë se nuk do vijë kurrë, sepse Shqipëria e re është si të gjitha siluetat e flamingove, njërën prej të cilave e mbante Fatos Lubonja. Fatosi poshtë, flamingo lart dhe ‘hi hi hi hi Shqipëria e re’. Do kritikohemi e sulmohemi, por kemi detyrimin të mos zgjedhim rrugën e lehte, të mos zgjedhim të jemi popullorë, kur duhet të jemi të përgjegjshëm”, tha Rama.

Kujtojmë se para disa ditësh ish-ministrja e Jashtme, Elisa Spiropali, tha se duhet një marrëveshje e re për Shqipërinë.

Duke iu referuar protestave për projektin e Zvërnecit, ajo tha se është kollaj ti sillesh rrotull me fjalë boshe dhe konspiracione.

“Tani që të gjithë Makbethat vrasës dhe Hamletat dyshues kanë dalë sheshit dhe kanë hyrë në lojë, tani që vrasja është bërë, gjaku është derdhur, ndërgjegjet janë tronditur, gjumi është prishur, çfarë duhet bërë diçka tjetër? Jo diçka dosido. Diçka shekspiriane. Diçka e qëndrueshme. Diçka që po u bë, nuk zhbëhet”, tha Spiropali.

Teksa elaboroi termat e marrëveshjes së re për Shqipërinë, Spiropali tha se parlamenti s’duhet të jetë vetëm vendi ku miratohen vendime, por vendi ku dëgjohet shoqëria.

“Një marrëveshje ku republika parlamentare të ushtrojë të gjitha funksionet e saj përfaqësuese, kontrolluese dhe monitoruese, sepse demokracia dobësohet sa herë që një pushtet rritet më shpejt se kontrolli mbi të”, shkroi në Facebook ish-ministrja.

Postimi i plotë i Spiropalit:

Një Marrëveshje e re për Shqipërinë
Isha fëmijë kur nga pëshpërimat e familjarëve dhe ecejaket e farefisit mora vesh se në Sheshin Skënderbej diçka e pabesueshme, por e vërtetë kishte ndodhur.

Më vonë kuptova se diçkaja e jashtëzakonëshme që deri atë ditë nuk mund as të ëndërrohej, ishte një fakt kokëfortë, një realitet i prekshëm, një “herezi” që askujt nuk i lejohej ta shihte as në ëndërr: ishte një protestë spontane dhe e heshtur e qytetarëve të Tiranës kundër regjimit diktatorial të asaj kohe.

Protestat e zhurmshme dhe krijuese të këtyre ditëve, krahasuar me protestën e heshtur të atëhershme, nuk janë lapsus psikologjik, nuk janë déjà vu, nuk janë lajthitje cerebrale. Janë fakte sa të ndryshme dhe të ngjashme, që në kohën dhe rrethanat e tyre, kanë secila rëndësinë dhe efektet e veta, për të nxjerrë mësimet respektive, dhe, si të tilla, duhen shqyrtuar me seriozitetin dhe përgjegjësinë që meritojnë.
What’s done cannot be undone. Ç’u bë, nuk mund të ç’bëhet, thotë Lady Makbeth në skenën somnambul tek ecën në gjumë me qiri në dorë.

Është kollaj protestave të sotme t’u sillesh rrotull me llafe boshe, me konspiracione dhe hamëndje shterpe: Cilin krim kreu Lady Makbethi, pse i iku gjumi, pse ngrihej natën somnambul, pse mbante qiri në dorë?
Tani që të gjithë Makbethat vrasës dhe Hamletat dyshues kanë dalë sheshit dhe kanë hyrë në lojë, tani që vrasja është bërë, gjaku është derdhur, ndërgjegjet janë tronditur, gjumi është prishur, çfarë duhet bërë diçka tjetër? Jo diçka dosido. Diçka shekspiriane. Diçka e qëndrueshme. Diçka që po u bë, nuk zhbëhet.
Për fat, kjo pyetje ka përgjigje.

Çka duhet bërë sot është një marrëveshje e re për Shqipërinë.
Çdo epokë ka pyetjen e vet themelore. Për shumë vite pyetja e Shqipërisë ishte si të ndërtonte shtetin. Sot pyetja është tjetër. Si ta bëjë shtetin më të madh se pushteti dhe Institucionin më të fortë se ai që e ushtron pushtetin. Pikërisht këtu fillon nevoja për një marrëveshje të re për Shqipërinë.

Shqipëria ka hyrë tashmë në një fazë të historisë së saj ku sfida më e madhe nuk është më ndërtimi i pushtetit. Pushteti është ndërtuar. Institucionet ekzistojnë. Administrata ekziston. Ligjet ekzistojnë. Ekonomia është më e fortë se dikur. Demokracia është më e konsoliduar se në vitet e para të tranzicionit. Shqipëria e ka rritur reputacionin e saj në botë dhe duhet ta mbrojë me çdo kusht emrin e saj. Sfida e kohës sonë është diçka tjetër.

Është aftësia e pushetit për të vendosur kufij brenda vetvetes.
Për më tepër se tridhjetë vjet Shqipëria ka jetuar me ankthin e mungesës. Mungonin institucionet. Mungonin rrugët. Mungonin investimet. Mungonte siguria. Mungonte shteti. Breza të tërë u rritën me bindjen se problemi kryesor i vendit ishte, në mos mungesa e shtetit, dobësia e shtetit.

Sot për herë të parë po përballemi me një pyetje tjetër. Çfarë ndodh kur pushteti bëhet më i fortë se mekanizmat e po atij shteti që duhet ta kontrollojnë. Çfarë ndodh kur problemet e administratës shtohen më shpejt se llogaridhënia. Çfarë ndodh kur stabiliteti fillon të ngatërrohet me shkaqe dhe pasoja pa lidhje, të pa adresuara.
Kjo është arsyeja pse Shqipëria ka nevojë për një marrëveshje të re me vetveten.
Një marrëveshje ku forca e shtetit të mos matet vetëm nga ajo që ndërton, por edhe nga pakësimi i aftësisë për të kontrolluar, ose ajo që me vetdijë pranon të mos kontrollojë. Një marrëveshje ku institucionet që mbikëqyrin pushtetin të jenë po aq, dhe më të afta se vetë pushteti.

Një marrëveshje ku parlamenti të mos jetë vetëm vendi ku miratohen vendime, por vendi ku dëgjohet shoqëria.
Një marrëveshje ku republika parlamentare të ushtrojë të gjitha funksionet e saj përfaqësuese, kontrolluese dhe monitoruese, sepse demokracia dobësohet sa herë që një pushtet rritet më shpejt se kontrolli mbi të.
Në zemër të kësaj marrëveshjeje qëndron një ide e thjeshtë. Askush nuk është mbi ligjin dhe askush nuk është nën ligjin. Të tre pushtetet duhet të qëndrojnë brenda kufijve të tyre kushtetues. Drejtësia duhet të ketë forcën të hetojë dhe gjykojë. Parlamenti duhet të ketë forcën të kontrollojë. Qeveria duhet të ketë forcën të qeverisë. Por asnjëri nuk duhet të marrë pushtetin e tjetrit. Sepse aty fillon deformimi i shtetit.

Një shoqëri demokratike nuk matet vetëm nga qeveria që ka. Matet edhe nga opozita që prodhon. Opozita nuk është aksident i sistemit. Nuk është pengesë për zhvillimin. Nuk është problem për stabilitetin. Opozita është shqisa që paralajmëron kur pushteti humbet kontaktin me realitetin. Shoqëritë që humbin opozitarizmin nuk humbin vetëm debatin. Humbin aftësinë për të korrigjuar vetveten.

Prandaj Shqipëria ka nevojë për më shumë garë, dhe jo për më pak. Ka nevojë për një sistem të ri zgjedhor që prodhon përfaqësim real dhe jo vetëm riprodhim të elitave ekzistuese. Ka nevojë për zgjedhje ku qytetari të ndjejë se vota e tij ndryshon ekuilibrat, dhe jo vetëm statistikat. Ka nevojë për një kulturë politike ku rotacioni nuk shihet si katastrofë dhe fitorja nuk shihet si pronësi.

Po aq e rëndësishme është liria e medias. Sepse nuk ka demokraci të fortë me media të pabesueshme. Nuk ka qytetar të lirë pa informacion të lirë. Nuk ka kontroll mbi pushtetin kur informacioni bëhet i varur nga pushteti ose dezinformimi. Shqipërisë i duhet një hapësirë publike ku gazetari të mos ketë nevojë për leje për të pyetur dhe ku media të mos ketë nevojë për favore për të mbijetuar.

Në të njëjtën mënyrë duhet të ndryshojë edhe marrëdhënia mes ekonomisë dhe politikës. Vitet e ardhshme nuk do të fitohen nga ai që ka më shumë asete. Do të fitohen nga ai që ka më shumë dije. Nga ai që ka më shumë teknologji. Nga ai që ka më shumë ide. Shqipëria nuk mund të mbetet një vend ku afërsia me pushtetin vlen më shumë se aftësia për të krijuar vlerë. Një ekonomi moderne fillon në momentin kur fiton ai që prodhon më mirë e më lirë, dhe jo ai që favorizohet nga pushteti.

Kjo lidhet drejtpërdrejt me brezin e ri. Shqipëria nuk ka më luksin të humbasë njerëzit e saj më të aftë. Gara, merita, mundësia, dhe jo kontrolli, janë thelbi i ndryshimit. Çdo i ri që largohet nuk merr me vete vetëm një vend pune. Merr me vete energji, dije, kreativitet dhe të ardhme. Vendi ka nevojë të krijojë kushte që mendja, puna dhe talenti të kenë më shumë vlerë se lidhja, ndërhyrja, inventarizimi apo privilegji.
Po aq vendimtare është cilësia e shërbimeve publike. Arsimi nuk mund të vazhdojë të trajtohet si sektor administrativ. Ai është fabrika ku prodhohet e ardhmja e vendit. Ai është thelbi i gjithçkaje që na rrethon, në të tashmen dhe në të ardhmen. Shëndetësia nuk mund të matet vetëm me shifrat e investimeve, godina, mjete etj.

Ajo matet me sigurinë që ndien qytetari kur ka nevojë për të. Një shtet modern nuk ndërtohet vetëm me llaç e tulla. Ndërtohet me dije, shëndet, besim dhe dinjitet.
Pikërisht këtu fillon edhe beteja kundër korrupsionit. Jo vetëm në sallat e gjyqeve. Jo vetëm në dosjet hetimore. Por në kulturën e përditshme të shtetit. Korrupsioni është bindja e ngulitur se rregulli mund të anashkalohet pa pasoja. Se ligji mund të negociohet. Se pushteti mund të përdoret si privilegj. Se abuzimi mund të normalizohet dhe të glorifikohet. Lufta kundër tij është mbi të gjitha një betejë morale për mënyrën si e kuptojmë shtetin.

Shqipëria ka hyrë në një moment ku nuk i duhet të provojë se dëshiron të ecë përpara. Këtë e ka dëshmuar. Ka nevojë të tregojë se di të ndërtojë një shtet që funksionon edhe kur pushteti ndryshon, edhe kur interesat përplasen, edhe kur askush nuk e vëren.

Një vend nuk bëhet europian kur bind të tjerët për atë që europian është. Bëhet europian kur qytetarët e tij ndihen të mbrojtur nga e drejta, të respektuar nga shteti, të lirë për të ndërtuar jetën e tyre pa kërkuar leje nga askush.
Kjo është marrëveshja e re të cilën Shqipëria duhet ta realizojë brenda vetes.

The post Teza e Spiropalit për një marrëveshje të re për Shqipërinë, Rama thumbon ish-ministren: Mezi pres që të na sjellin draftin, por kam frikë se s’do vijë kurrë appeared first on Albeu.com.

Braçe kujton dhunën dhe ate qe ai e quan masakrën elektorale të asaj kohe, ndërsa thekson se “socialistët nuk harrojnë”, duke nënvizuar se historia e PS-së “nuk nis me ata që e drejtojnë sot”.

“UDHEHEQESIT SOCIALISTE HARROJNE, SOCIALISTET JO! Per te gjithe ata qe ne 26 Maj nuk kishin lindur, padija eshte e mirekuptuar. Por secili duhet te kuptoje se qendresa e burrave e grave te 26 Majit, ndryshoi rrjedhen e historise ne kete vend, pershpejtoi rrezimin e nje regjimi KRIMINAL qe po vidhte dhe vriste. Per te gjithe ata qe ne 26 Maj ishin te mitur, pane prinderit e tyre te masakroheshin pasi ju kishin marre gjithcka, perfshi punen dhe sot drejtojne, harresa eshte e pafalshme. Por secili prej tyre duhet te kuptoje qe historia e Partise Socialiste nuk nis me ta. Per gjithe te tjeret qe e dine ceshte 26 Maji, e kane jetuar, kane mesuar per te por nuk e kane provuar, harresa nuk eshte politike. Secili prej tyre duhet te kuptoj se eshte gjaku i socialisteve, popullit te majte te masakruar ne 26 Maj ne mes; gjaku nuk eshte uje, nuk behet uje, nuk shuhet me uje, nuk falet!”, thekson Braçe

Mesazhi i deputetit vjen në një moment kur ai ka shprehur hapur ambicien për të kandiduar për drejtimin e Bashkisë së Tiranës, ç`ka e bën reagimin e tij edhe një sinjal politik të drejtpërdrejtë ndaj kupolës së selisë rozë.

Braçe kujton rrugëtimin e tij 30-vjeçar në politikë dhe mbështetjen që, sipas tij, ka marrë ndër vite nga socialistët dhe votuesit e majtë në disa qarqe të vendit.

“SOT, UNE BEJ 30 VITE I ZGJEDHUR, ME VOTE TE SOCIALISTEVE, TE MAJTEVE, TE NJEREZVE QE KANE BESUAR NE NENTE PALE ZGJEDHJE!

Kam kerkuar disa here ne 30 vite procesverbalet e zgjedhjeve te 26 Majit; me ne fund i gjeta; Une u zgjodha per here te pare ne keto zgjedhje, keto proces verbale hartuar pas dhunes barbare e masakres elektorale e deshmojne.

Jane te gjithe njesoj-tregojne se kane votuar 95, 96 deri ne 100% te listes se votuesve; jane te korrigjuar dhe deshmojne masakren dhe pas masakren; dy kohe, ne te paren une isha humbes, ne te dyten isha fitues-groteske por me gjak.

Nga Qershori i 1997tes, ne 2001, 2005, 2009, 2013, 2017, 2021, 2025, tete here rresht une jam paraqitur ne zgjedhje, jam zgjedhur me vote te socialisteve, te majteve e njerezve qe kane besuar; kam qendruar e jam munduar te bej punen, me peshkushtim e besnikeri ndaj ketyre njerezve ne Polican, BERAT, Kucove, Ure, Divjake, Lushnje FIER; kete pu bej edhe ne TIRANE; JAM ENDE NE BORXH ME SECILIN VOTUES, SOCIALIST E JO VETEM, KESHTU DO JETE GJITHE JETEN!”, shprehet Braçe.

Reagimi i Braçes:

26 MAJ 1996-26 MAJ 2026

30 VITE NGA ZGJEDHJET ME TE DHUNSHME,

ME TE PERGJAKSHME, NE HISTORINE E RE TE SHQIPERISE!

UDHEHEQESIT SOCIALISTE HARROJNE, SOCIALISTET JO!
Per te gjithe ata qe ne 26 Maj nuk kishin lindur, padija eshte e mirekuptuar. Por secili duhet te kuptoje se qendresa e burrave e grave te 26 Majit, ndryshoi rrjedhen e historise ne kete vend, pershpejtoi rrezimin e nje regjimi KRIMINAL qe po vidhte dhe vriste. Per te gjithe ata qe ne 26 Maj ishin te mitur, pane prinderit e tyre te masakroheshin pasi ju kishin marre gjithcka, perfshi punen dhe sot drejtojne, harresa eshte e pafalshme. Por secili prej tyre duhet te kuptoje qe historia e Partise Socialiste nuk nis me ta. Per gjithe te tjeret qe e dine ceshte 26 Maji, e kane jetuar, kane mesuar per te por nuk e kane provuar, harresa nuk eshte politike. Secili prej tyre duhet te kuptoj se eshte gjaku i socialisteve, popullit te majte te masakruar ne 26 Maj ne mes; gjaku nuk eshte uje, nuk behet uje, nuk shuhet me uje, nuk falet!

SOT, UNE BEJ 30 VITE I ZGJEDHUR, ME VOTE TE SOCIALISTEVE, TE MAJTEVE, TE NJEREZVE QE KANE BESUAR NE NENTE PALE ZGJEDHJE!
Kam kerkuar disa here ne 30 vite procesverbalet e zgjedhjeve te 26 Majit; me ne fund i gjeta; Une u zgjodha per here te pare ne keto zgjedhje, keto proces verbale hartuar pas dhunes barbare e masakres elektorale e deshmojne.

Jane te gjithe njesoj-tregojne se kane votuar 95, 96 deri ne 100% te listes se votuesve; jane te korrigjuar dhe deshmojne masakren dhe pas masakren; dy kohe, ne te paren une isha humbes, ne te dyten isha fitues-groteske por me gjak.

Nga Qershori i 1997tes, ne 2001, 2005, 2009, 2013, 2017, 2021, 2025, tete here rresht une jam paraqitur ne zgjedhje, jam zgjedhur me vote te socialisteve, te majteve e njerezve qe kane besuar; kam qendruar e jam munduar te bej punen, me peshkushtim e besnikeri ndaj ketyre njerezve ne Polican, BERAT, Kucove, Ure, Divjake, Lushnje FIER; kete pu bej edhe ne TIRANE; JAM ENDE NE BORXH ME SECILIN VOTUES, SOCIALIST E JO VETEM, KESHTU DO JETE GJITHE JETEN!

Nuk ka pune e rezultat i arritur permes punes, qe vjen ne balance me nderin me te madh ne jete, TE QENIT I ZGJEDHUR, NE PUNE PREJ ATYRE NJEREZVE!

Pafund krenar qe 30 vite me pas, nuk me dine thjesht deputet te BERATIT, por NGA BERATI;

Sic nga DIVJAKA, Krutja, Allkaj, Bubullima, Kolonja, TANI NGA 5sa E TIRANES, TIRANA VETE!

The post Erion Braçe thumbon drejtuesit e PS: Socialistët nuk harrojnë, vetëm udhëheqësit e sotëm bëjnë sikur s’kanë ndodhur! Historia e Partisë Socialiste nuk nis me ju, por… appeared first on Albeu.com.

Gjithashtu ai e cilësoi një skandal, teksa theksoi se raporti ka burokraci.

Berisha tha se ky raport përmbante vetëm një performancë që nxihej nga figura e “Ramës dhe Lubisë” (Belinda Ballukut).

“Kemi paraqitur sot në Parlament raportin mbi integrimin në BE, që nga alfa në omega, nga fjala e parë te e fundit, është mashtrim dhe vetëm mashtrim. Ky është akt jashtëzakonisht i rëndë, në një moment të rëndësishëm për shqiptarët dhe Shqipërinë. Paraqisni një raport që nuk guxoni as ta lexoni, në mënyrë antikushtetuese vendosni që të mos lexohet ky raport, nuk ka akt më jo serioz se sa ky. Ndaj urdhëroj të tërhiqet menjëherë raporti. Raporti është fund e krye mashtrime e burokarci. Përsa i përket performancës janë të gjitha trillime. Nxijnë nga një figurë, Rama dhe Lubia”, tha Berisha mes të tjerash.

Gjithashtu, ai iu drejtua edhe ish-ministres dhe deputetes Elisa Spiropali, duke e pyetur se si kishte mundësi që Balluku e quante Ramën pallosh dhe ai e mbronte, kurse atë që e quante Skënderbe e flaku.

“E kanë mbushur me mashtrime të dashur qytetarë, nuk guxojnë t’i dalin zot raportit, skandal. Nuk arrini gjer këtu. Keni detyrime ndaj qytetarëve. Të dalë këtu e të lexohet raporti. Si mund të diskutoj unë kur është një raport që s’e dinë qytetarët. Të flasësh për integrimin dhe në raport qytetarët të mos dinë çfarë është thënë. Çfarë jeni ju, mafie, po! Dhe ju që po më shihni atje, do u bëj një pyetje unë këtu, si ka mundësi që ajo e quan Pallosh i Gjatë dhe ai bën gjithçka për ta mbrojtur, kurse ti e quan Skënderbeg dhe të flak. Cila është arsyeja?”, tha ai.

The post Berisha thumbon Spiropalin: Balluku e quan “pallosh i gjatë” dhe Rama e mbron, ndërsa ti e quan “Skënderbe” dhe ai të flak appeared first on Albeu.com.

Një moment i tensionuar dhe njëherazi i humorit nuk ka munguar në orët e mëngjesit, në shtëpinë e Big Brother, kur Luizi Ejlli dhe Tani diskutuan hapur për raportin që Selin ka me Mirin.

Gjatë bisedës, Luizi i drejtua Selin duke e ‘thumbuar’: “Unë Mirin e kam si vëlla, tani i bie të më thërrasësh xhaxha”.

Fjalët e tij shkaktuan të qeshura dhe reagime të përziera nga banorët e tjerë, ndërkohë që Selin përpiqej të ruante qetësinë.

 

View this post on Instagram

 

A post shared by Big Brother Alb VIP Edition (@bigbrotheralb_vip)

The post Luizi thumbon Selin: Unë Mirin e kam si vëlla, tani i bie të më thërrasësh xhaxha (VIDEO) appeared first on Albeu.com.

Për Muçin, kjo paraqitje çoi bilancin e tij në 5 gola në 3 ndeshjet e fundit në kampionat.

Shifra fantastike për futbollistin, i cili padyshim ishte lojtari më i spikatur i kësaj ndeshje, teksa në duelet e fundit ka mbajtur Trabzonsporin në garë për titullin.

Dhe si për ironi të fatit, në javën e ardhshme ai do të ndeshet me Beshiktashin, klubin që nuk besoi te aftësitë e tij dhe e dha në huazim.

“Unë jam krenar për skuadrën tim. Luajtëm një tjetër ndeshje jashtë fushës tonë dhe këto tre pikë do të jenë shumë të mëdha për ne. Kjo fitore na bën edhe më të uritur për ndeshjen e radhës”, ishin fjalët e Muçit për sfidën ndaj Goztepe me një thumbim për Beshiktashin.

The post Protagonist absolut me 5 gola në 3 ndeshjet e fundit/ Ernest Muçi thumbon Beshiktashin: Tani mund të ëndërroj për gjëra më të mëdha appeared first on Albeu.com.

Në postimin që tashmë po qarkullon në rrjet, ajo shkruan:

“Sa shumë viewsa blejnë këta kolegët e mi, i kanë q*r”, duke shoqëruar mesazhin me një emoji që qesh.

Ky është një thumb i drejtpërdrejtë nga Enca, e me tone ironike ndaj kolegëve të saj në industrinë muzikore. Me këtë koment, ajo duket se nënkupton se disa prej tyre po blejnë klikime për të simuluar suksesin e tyre.

The post FOTO/ Enca thumbon ashpër artistët shqiptarë: I kanë q… appeared first on Albeu.com.

“Unë kam treguar respekt nga i pari tek i fundit. Nëse doni vëmendje nga unë dhe të përmendni biznesin që familja ime ha bukë, ju lumtë. Por të shkelni tek buka e familjes time dhe tek djersa ime, nuk ua toleroj”, shkruan ai.

Në reagimin e tij, Xumi thekson se proteinat që përmenden janë suplemente ushqimore të provuara shkencërisht, të miratuara dhe të certifikuara.

Ai nënvizon gjithashtu, se arritjet e tij janë fryt i djersës dhe sakrificës personale, pa ofenduar apo hedhur kunja për askënd.

Në fund, me një ton ironik, ai shton: “Por s`i i dihet, ndoshta më qëllon dhe mua nusja me lekë  në të ardhmen”.

The post Xumi reagon pas ‘thumbit’ të Ledionit: Ndoshta më bie dhe mua nusja me lekë… (FOTO) appeared first on Albeu.com.

Teksa çifti po qëndronte pranë njëri-tjetrit, pranë tyre është ulur Gerta, e cila nuk ka nguruar të bëjë komente dhe të lëshojë “thumbime” në drejtim të Eglit.

“Egli, besoj tani je e lumtur që Gjesti po të vjen nga mbrapa. Tani po e kuptoj atë fjalinë kur the që ke ardhur për veten tënde”, u shpreh ajo, duke nxitur një debat të drejtpërdrejtë mes vajzave.

Egli, e dukshëm e irrituar nga prania dhe komentet e Gertës, iu përgjigj me një ton të prerë: “Mos fol me askënd nga mëngjesi deri në darkë”, duke nënkuptuar se duhet të krijosh raport me dike në shtëpi.

Por, Gerta nuk u tërhoq nga qëndrimi i saj, duke vijuar: “Jo, ti ke ardhur për veten tënde që të të vijë Gjesti nga mbrapa”.

Kur Egli e pyeti se pse po qëndronte aty pranë, Gerta iu përgjigj shkurt: “Është pjesë e shtëpisë”.

The post Gerta thumbon Eglin teksa lahet me Gjestin në vaskë: Tani e kuptoj pse the kam ardhur për veten time appeared first on Albeu.com.