Fillimisht ju duhet të limoni thonjtë me limë, lëvizjet e të cilës duhet të jenë të shpejta dhe të shtrira në të gjithë siperfaqen e thoit. Sa më shumë ta limoni, aq më lehtë do të mund të hiqni manikyrin xhel. Pritni ndërkohë 10 copëza letër alumini dhe bëni gati 10 toptha pambuku. Lyeni topthat e pambukut me aceton dhe shtrijini mbi thonj, ndërkohë që dikush tjetër duhet t’ju ndihmojë që të mbështillni të gjithë gishtat me letrën e aluminit.

Mbajini kështu për 15 minuta dhe me ndihmën e një kruajtëse dhembësh hiqni manikyrin xhel nga dora juaj. Pasi të keni mbaruar këtë procedurë me të 10 gishtat lani duart dhe masazhoni kutikulat me vaj ulliri ose vaj kokosi. Në fund lyeni thonjtë me manikyr forcues.

The post Si të hiqni manikyrin xhel në kushte shtëpie pa shpenzuar para e dëmtuar thonjtë (VIDEO) appeared first on Albeu.com.

Por dermatologët thonë se xheli mund të shkaktojë dëmtim të përhershëm të thonjve, madje rrit edhe rrezikun e prekjes nga kanceri i lëkurës. Por më shumë sesa xheli, duket se “fajtore” është furra ku piqen shtresat që vendosen mbi thonj. Ekspertët thonë se rrezet UV që dalin nga furra kanë efekte anësore të rrezikshme.

Dëmi që i shkaktojnë lëkurës llambat UV është i njëjtë me atë që shkakton solari. Dermatologët thonë që femrat duhet ta marrin parasysh këtë rrezik dhe në çdo seancë të trajtimit të thonjve në këtë mënyrë të lyejnë lëkurën e duarve me krem kundër diellit. Vëmendja ndaj llambave UV në sallonet e manikyrit u rrit pas zbulimit të kancerit të lëkurës te dy gra që ishin ekspozuar për një kohë të gjatë ndaj këtyre rrezeve.

Ato nuk kishin histori të kancerit të lëkurës në familjen e tyre dhe nuk ekspozoheshin në diell pothuajse fare për shkak të punës. Gjithashtu, shtresat e xhelit mund të mbulojnë infeksione apo tumore, duke vonuar diagnostikimin, gjë që zvogëlon mundësinë e shërimit. Përfundimisht, nëse doni duar të bukura me thonj që shkëlqejnë dhe kanë formë të bukur gjatë gjithë kohës, mendoni edhe efektet anësore. Në rastin më të mirë, mund të përfundoni me lëkurë duarsh të rrudhur dhe me njolla.

The post Ky është rreziku i fshehtë pas thonjve me xhel, për të cilin nuk flet askush appeared first on Albeu.com.