Thomas Strakosha nuk u përfshi në listën e AEK-ut të Athinës për përballjen e parë në Champions League, duke ngritur pikëpyetje mbi gjendjen e tij fizike. Trajneri serb Marko Nikolic vendosi ta linte jashtë portierin, ndërsa skuadra greke fitoi 1-0 ndaj austriakëve të LASK.

Sipas medias greke “Sport24”, 31-vjeçari ka pësuar një thyerje në kyçin e dorës dhe do të ketë nevojë për një periudhë rikuperimi përpara se të rikthehet në aktivitet të plotë.

Strakosha pritet të qëndrojë jashtë deri në ndërprerjen e kampionateve europiane për shkak të ndeshjeve të kombëtareve. Për pasojë, ai nuk do të jetë i gatshëm për AEK-un në tre sfidat e ardhshme: ndaj Asteras Tripolis në transfertë, Panserraikos në shtëpi dhe Volos jashtë.

Rikthimi i portierit në fushë parashikohet në muajin tetor, kur AEK-u do të përballet me OFI-n në Superkupën e Greqisë. Ndërkohë, Kombëtarja shqiptare pritet të luajë më 26 shtator kundër Bjellorusisë në “Air Albania”, në orën 20:45, si dhe ndaj San Marinos në transfertë, në të njëjtën orë.

The post Dëmtimi i Strakoshës shqetëson Kombëtaren, portieri mungon në tre ndeshjet e ardhshme appeared first on Albeu.com.

Pak para startit të përballjes AEK – LASK, e cila shënon hapjen e sezonit të ri në Champions League, faza e grupeve, janë bërë publike formacionet zyrtare të të dyja skuadrave.

Vëmendje të veçantë tërheq mungesa e Thomas Strakoshës. Portieri i Kombëtares shqiptare ishte në fushë në triumfin 5 – 0 të AEK-ut të Athinës ndaj Aris në Superligën e Greqisë, vetëm 3 ditë më parë, por trajneri serb Marko Nikolic nuk e ka përfshirë as në formacionin bazë dhe as në stolin e rezervave.

Ndërkohë, mbrojtësi i Kombëtares, Stavro Pilo, do ta nisë takimin si titullar.

The post Vendimi i papritur i Marko Nikoliç për Strakoshën, portieri shqiptar mbetet jashtë skuadrës ndaj LASK appeared first on Albeu.com.