thodex Archives - Albeu.com

Gazetari i njohur turk: Kreun e THODEX e “rropën” në Shqipëri para vendimit për ekstradimin e tij në Turqi

E B — Mon, 21 Nov 2022 10:04:36 +0000

Gjykata e Elbasanit vendosi ekstradimin e turkut të famshëm Fatih Faruk Ozer, i cili akuzohet për një mashtrim gjigant me vlerë rreth 2 miliard dollar përmes kriptomonedhave në Turqi. Ozer, ish-shefi i platformës THODEX akuzohet se ngriti një skemë mashtrimi duke futur në të dhjetëra mijëra turq, të cilët besonin se në fakt po investonin në kriptmonedha, por në fund panë që paratë e tyre avulluan.

Ozer u arratis nga Turqia në prill të vitit të shkuar duke marrë me vete edhe nje server ku mbaheshin qindra miliona dollar në formë kriptomonedhash, ndërsa u arrestua verën e këtij viti duke bërë pushime luksoze në jug të Shqipërisë.

Gazetari i njohur turk Cevheri Guven, i cili është duke publikuar përmes kanalit të tij të Youtubë skandale të shumta në vend, ka zbuluar detaje në lidhje me mënyrën e kapjes së Ozerit në Shqipëri si edhe “fatin” e qindra miliona dollarëve që ia mbante në një server në formë kriptomonedhash.

Përmes një videoja të publikuar dje në Youtube, Guven shpjegon se Turqia nisi një ekip të posaçëm disa muaj më parë për kapjen e Ozerit në Shqipëri, të cilët pas ndjekjes së konstatimit njoftuan policinë shqiptare për kryerjen e arrestimit.

Sipas gazetarit në fjalë, fill pas arrestimit, kur ishte e qartë që ai do të nisej për në Turqi, i njëjti ekip i ardhur prej andej, e detyroi fillimisht që të dorëzonte paratë e vjedhura prej dhjetëra mijëra turqve tek ata.

“Këto para nuk u morën për t’iu kthyer turqve që ishin mashtruar prej kreut të THODEX, por u morën për të shkuar në xhepa të tjera. Në fillim e lanë të vjedhë dhe të mashtrojë pastaj shkuan e kapën në Shqipëri, i vodhën paratë që kishte vjedhur nga turqit dhe tani po e çojnë në Turqi”, tha Cevheri Guven në videon e tij.

Pas kësaj akuze të fortë mbetet për t’u parë se cili ka qenë roli i policisë shqiptare në gjithë këtë skemë duke i vënë turqve gjithçka në dispozicion. /abcnews.al

The post Gazetari i njohur turk: Kreun e THODEX e “rropën” në Shqipëri para vendimit për ekstradimin e tij në Turqi appeared first on Albeu.com.

Mashtrimi me kriptomonedhat, bossi turk del në gjyqin për ekstradimin e tij

admin — Thu, 06 Oct 2022 12:04:23 +0000

Shtetasi turk, Faruk Fatih Ozer, ka mbërritur në ambientet e Gjykatës së Shkallës së Parë në Elbasan.

Sipas burimeve, bëhet me dije se seanca e parë gjyqësore për ekstradimin e tij nis këtë të enjte në orën 14:00.

Prokuroria e Stambollit ka në hetim 21 të pandehur në lidhje me skemën gjigande të mashtrimit përmes kriptovalutave, Thodex.

Emri kryesor në hetim është CEO i kësaj platforme, Faruk Fatih Ozer, i cili akuzohet se ka mashtruar rreth 400 mijë njerëz.

Nga personat e akuzuar, gjashtë prej tyre janë të burgosur aktualisht në Turqi, mes të cilëve edhe vëllai dhe motra e Faruk Ozer.

Sipas mediave turke, ndaj të pandehurve janë ngritur akuzat në Turqi për “krijimi dhe drejtimi i një organizate kriminale”, “mashtrimi duke përdorur sistemet e informacionit, bankat ose institucionet e kreditit” dhe “mashtrimit dhe pastrimit të vlerave pasurore që rrjedhin nga krimi”.

Për këto akuza, prokuroria ka kërkuar dënimin me burg në total të të pandehurve nga 12.164 vite burg deri në 40.562 vite burg.

Kujtojmë se Ozer u arrestua në bregdetin e Vlorës teksa bënte plazh dhe për një kohë të gjatë fshihej në një apartament në qytetin e Elbasanit./albeu.com/

The post Mashtrimi me kriptomonedhat, bossi turk del në gjyqin për ekstradimin e tij appeared first on Albeu.com.

Kush janë dy shqiptarët që ndihmuan “kokën” e mashtrimit të Thodex të fshihej në Tiranë

E B — Mon, 10 May 2021 09:53:42 +0000

Mediat turke kanë publikuar detaje të reja në lidhje me operacionin e kapjes së bosit të kriptomonedhës “Thodex” Faruk Fatih Özer, i cili dyshohet se fshihet në Shqipëri.

Sipas “Hurriyet” policia ka arrestuar sy persona, që dyshohet se kanë ndihmuar atë që të fshihet në vendin tone, raporton abcnews.al.

Faruk Fatih Ozer (djathtas) dhe Altjan Canaj (me xhup) ne recepsionin e nje hoteli ne Tiranë

Sipas mediave turke, fillimisht është arrestuar Altjan Canaj, i cili është fiksuar nga kamerat e sigurisë së një hoteli në Tiranë duke shoqëruar turkun. Në pamje, Canaj është ai që flet me recepsionistin. Pas arrestimit, Canaj ka nxjerrë edhe emrin e Edevaldo Haxhiut, i cili po ashtu dyshohet se ka ndihmuar turkun e shumë kërkuar që të fshihet në Shqipëri.

Canaj është shprehur para policëve se nuk e dinte që Faruk Fatih Özer dhe se këtë e ka mësuar më pas nga mediat.

Faruk Fatih Özer ishte pronari i kriptomonedhës turke “Thodex”, e cila shpalli falimentin një muaj më parë duke dëmtuar financiarisht më shumë se 350 mijë investitorë, kryesisht në Turqi. Faruk Fatih Özer u arratis në Shqipëri para shpalljes së falimentit duke bllokuar më pas edhe faqen e kompanisë. Dyshohet se ai ka me vete më shumë se 118 milion dollar pasuri, të cilat i mban në formë kriptomonedhash në një server të posaçëm. Mediat turke raportojnë se ka të dhëna që ai ta ketë këtë server me vete në Shqipëri dhe se po tenton t’i konvertojë kriptomonedhat në para cash me ndihmën e mafias.

Arratia

Autoritetet turke në anën tjetër kanë vazhduar operacionet intensive për kapjen e bosit të kriptomonedhës turke “Thodex”që dyshohet se fshihet prej dy javësh në Shqipëri bashkë me një server, brenda të cilit mbahen 108 milion dollarë në kriptomonedha.

Mediat turke raportojnë se policia ka dërguar një ekip prej pesë personazh në Ballkan, ku njëri prej tyre është duke punuar me autoritetet shqiptare me qëllim gjetjen dhe kapjen e Faruk Fatih Özer, i cili dyshohet se ka zhdukur rreth 2 miliard dollar të më shumë se 390 mijë investitorëve në kriptomonedhën turke “Thodex”, përcjell abcnews.al.

Ndërkohë, katër të tjerë kanë shkuar në Kosovë, Maqedoni, Bosnje dhe Mal të Zi ku dyshohet se turku mund të arratiset pasi po i bëhet një ndjekje nga afër në Shqipëri.

Më herët, policia zbuloi edhe vendndodhjen e tij duke dhënë edhe adresa.

Arratia

Media turke “EnSonHaber” shkruante se fill pas ardhjes në Shqipëri, Faruk Fatih Özer u vendos në një hotel pranë Zogut të Zi në Tiranë duke prenotuar tre netë, por se doli prej andej natën e dytë duke u fshehur në një shtëpi pranë zonës së “Pazarit të Ri” në Tiranë. Ajo ishte shtëpia e çiftit që e priti në Rinas.

“EnSonHaber” raporton duke ui referuar burimeve nga policia turke se Faruk Fatih Özer nuk ndejti shumë aty pasi u zbulua nga autoritetet duke u transferuar në një tjetër zonë, pikërisht në zonën e “Myslym Shyrit” në kryeqytet. Por nuk ishte e thënë për turkun e famshëm pasi edhe ky vend ku ai fshihej u zbulua nga policia duke bërë që të transferohet sëfundmi në zonën e “21 Dhjetorit” ku edhe ka humbur gjurmët, raporton abcnews.al.

Ndërkohë, policia sipas mediave turke ka blinduar edhe Fierin e Vlorën pasi dyshohet se Faruk Fatih Özer mund të arratiset me skaf për në Itali. /albeu.com

The post Kush janë dy shqiptarët që ndihmuan “kokën” e mashtrimit të Thodex të fshihej në Tiranë appeared first on Albeu.com.