“Le ta kuptojnë shqiptarët e mallkuar, emri maqedonas nuk do të zhduket, Maqedoni e pastër, e pastër, e pastër”, ky ishte refreni i thirrjeve që u dëgjuan qartë nga një pjesë e tifozëve në podium, ndërsa autoritetet e pranishme nuk ndërmorën asnjë veprim për të ndalur gjuhën e urrejtjes.

Koret nuk pushonin pavarësisht pranisë në sallë të kryeministrit Hristijan Mickoski, kryetarit të Kumanovës Maksim Dimitrievski, ministrit të punëve të jashtme Panço Toshkovski, zëvendëskryeministrit Ivan Stoilkoviç dhe zyrtarëve të tjerë të lartë shtetëror,

Ky nuk ishte momenti i vetëm provokues gjatë ndeshjes. Përgjatë zhvillimit të saj, u dëgjuan edhe thirrje të tjera skandaloze dhe nxitëse të urrejtjes etnike, si parulla famëkeqe “Shqiptari i mirë është shqiptari i vdekur”, si dhe “Dhoma e gazit për shqiptarët”, që përkujtojnë retorikën më të errët të historisë evropiane.

Pas përfundimit të ndeshjes, nuk pati asnjë reagim zyrtar, distancim publik apo kërkimfalje nga organizatorët apo përfaqësuesit institucionalë për incidentin që ka shkaktuar shqetësim dhe indinjatë në opinion/ INA

The post Skandal/ Thirrje raciste antishqiptare në ndeshjen e basketbollit Maqedoni e Veriut-Rumani (VIDEO) appeared first on Albeu.com.

Masat e reja janë vendosur të merren pasi yjet e Premierligës, Bukayo Saka, Jadon Sancho dhe Marcus Rashford u përballën me kërcënime në internet dhe abuzime raciste, pasi të tre humbën penalltitë e tyre në ndeshjen finale të Euro 2020 kundër Italisë në korrik.

“Këtë verë ne pamë futbollin të dëmtuar nga racizmi i turpshëm nga ofenduesit në internet, të cilët fshiheshin pas tastierës së tyre dhe abuzonin me futbollistët tanë,” tha për Sky Sports Sekretari i Brendshëm i Mbretërisë së Bashkuar, Priti Patel.

“Ata që janë përgjegjës për abuzimet e tmerrshme raciste në internet duhet të ndëshkohen. Ndryshimet në ligjin që po shpall do të sigurojnë që ata të ndalohen të ndjekin ndeshjet e futbollit.”

Rastet e futbollistëve që i janë nënshtruar abuzimeve raciste në mediat sociale janë shumëfishuar gjatë viteve të fundit, ndërsa klubet e Premier League vendosën të bojkotojnë platformat gjatë një fundjave sezonin e kaluar në përpjekjen e tyre për të detyruar qeverinë e Mbretërisë së Bashkuar të vendosë masa më të ashpra. / h.ll/albeu.com

The post Qeveria e Mbretërisë së Bashkuar: 10 vjet ndëshkim për ofendimet raciste ndaj futbollistëve appeared first on Albeu.com.