Agjencitë e ndihmës kanë ofruar ushqim, arsim dhe mbështetje të kujdesit shëndetësor për afganët pas pushtimit të talebanëve në gusht të vitit 2021 dhe pas kolapsit ekonomik që pasoi.

Por, ndihmat janë ndikuar rëndë nga një dekret i talebanëve që ndalon gratë të punojnë në organizatat joqeveritare kombëtare dhe ndërkombëtare, shkruan Associated Press.

OKB-ja nuk ishte pjesë e këtij ndalimi, por javën e kaluar tha se qeveria e udhëhequr nga talibanët ka ndaluar gratë afgane të punojnë në agjencitë e saj në vend.

Për këtë rast, Programi Botëror i Ushqimit tha se gratë punonjëse luajnë një rol jetik në ofrimin e ndihmës ushqimore dhe se do të bëjë çdo përpjekje të mundshme të sigurojë përfshirjen aktive të stafit femër.

“WFP ka nevojë urgjente për 800 milionë dollarë për gjashtë muajt e ardhshëm për të vazhduar ofrimin e ndihmës për njerëzit në nevojë në të gjithë Afganistanin,” tha organizata.

“Uria katastrofike ka trokitur në dyert e Afganistanit dhe nëse nuk ka mbështetje humanitare, qindra mijëra afganë të tjerë do të kenë nevojë për ndihmë për të mbijetuar.”

AP shkruan se sipas një deklarate nga zyra e agjencisë për çështjet humanitare, kërkesat totale të financimit ‘të menjëhershëm’ për të adresuar boshllëqet kritike për tre muajt e ardhshëm është 717.4 milionë dollarë. Tutje, kjo zyrë ka deklaruar se Afganistani është operacioni i tij me financimin më të ulët globalisht, pavarësisht se është kriza më e madhe humanitare në botë.

Pushtimi i talebanëve çoi miliona afganë në varfëri dhe uri pasi ndihma e huaj u ndal pothuajse brenda natës.  Afganistani po përballet me vitin e tretë radhazi të kushteve të thatësirës, me vitin e dytë të rënies ekonomike dhe ende po vuan nga dekada konflikti dhe fatkeqësish natyrore./Albeu.com/

The post Krizë urie, OKB kërkon 800 milionë dollarë për Afganistanin appeared first on Albeu.com.

Siç shihet edhe në videon e bërë publike nga deputeti Dashnor Sula, gjendje e familjes meta është mjaft e rëndë dhe ata jetojnë në kushte ekstreme.

Në 26 nëntor të 2019-s ashtu si në gjithë Shqipërinë tërmeti katastrofal u shkaktoi dëme të konsiderueshme edhe familjes Meta, pasi u shkatërroi muret dhe shtëpinë e çatisë, kështu që prej më shumë se dy vitesh familja Meta jeton në çadër mes vështirësive të shumta.

Kjo familje me 3 fëmijë të mitur dhe dy pleq të sëmurë ka nevojë urgjente për ndihmë.

Postimi i Sulës:

SOS

?Familja Meta me 3 fëmijë të mitur dhe dy pleq të sëmurë në fshatin Palaj të komunës Përparim prej tre vitesh jetojnë në kushte skandaloze. Pas tërmetit të 2019 shtëpia e tyre u dëmtua rëndë dhe u bë e pabanueshme, ndaj jeta e tyre është mes çadrës dhe mureve të çara.

Gjendja tyre e vështirë është parë edhe nga institucionet përkatëse. Siç do ta dëgjoni vet dëshminë e Dallandyshe Metës, asaj i është bërë fakt i kryer nga deputeti i PS ,Taulant Balla, se shtëpia do i ndërtohej. Por edhe sot pas 3 vitesh ata jetojnë në një çadër të vogël 7 veta.

Njësoj si qytetarëve të Thumanës, Durrësit apo Laçit edhe familjes Meta, tërmeti i 2019 ja prishi shtëpinë, ndaj edhe këta njësoj si qytetarët e Durresit Laçit etj, meritojnë të kenë shtëpinë e tyre ku të flenë të sigurt.

?Ashtu siç i dhashë fjalën nënë Dallandyshes dhe 3 fëmijëve të mitur unë nuk do lë gur pa lëvizur, derë institucioni pa trokitur që ajo familje e nderuar të marrë atë që i takon!/albeu.com

The post Tërmeti u shkatërroi shtëpinë, familja Meta në “qiell të hapur””, ka nevojë urgjente për ndihmë (VIDEO) appeared first on Albeu.com.