Në shkrim thuhet se ky shtet, do të ketë madhësinë sa 14 fusha futbolli dhe do të bëhej shteti më i vogël në botë nëse realizon. Ky shtet synon të promovojë një version të Islamit, ‘tolerant për veshjet dhe pijet alkoolike, thuhet më tej.

Shqipëria po përgatit një transformim të rëndësishëm për komunitetin e myslimanëve bektashi, i njohur si Urdhri Bektashi, i cili ka selinë në kryeqytetin e vendit, Tiranë.

Ajo planifikon ta kthejë zonën e vogël në shtetin e vet sovran më të vogël se qyteti i Vatikanit dhe me theks te toleranca. Kjo do të thotë të lejohen pijet alkoolike, t’i lejosh të gjithë të veshin atë që duan dhe të refuzosh rregullat e stilit të jetesës, në një lëvizje jashtëzakonisht progresive në krahasim me disa shtete të tjera islame.

Sipërfaqja e vogël prej 10 hektarësh do të kishte të gjitha shenjat dalluese të një vendi të veçantë: qeverinë, pasaportën dhe kufijtë e tij. Rreth gjysma e shqiptarëve identifikohen si myslimanë, me rreth 10% të qytetarëve të saj në varietetin bektashi.

Bektashinjtë njihen si një version tolerant i Islamit, ku pirja e alkoolit lejohet me masë dhe burrat dhe gratë kanë më shumë barazi. Krijimi i shtetit të Bektashinjve, është kërkuar nga kryeministri shqiptar Edi Rama dhe ka gjetur mbështetje nga lideri i fesë Baba Mondi.

Ky i fundit, i cili mund të kryesojë mikro-shtetin në të njëjtën mënyrë si Papa në Vatikan, e quajti këtë veprim një “iniciativë të jashtëzakonshme”.

Ai shtoi: “Për ndjekësit tanë, kjo nuk ka të bëjë me pushtetin politik apo marrjen e tokës; ka të bëjë me forcimin e misionit të Urdhrit Bektashi për moderimin shpirtëror dhe mbrojtjen e praktikave tona fetare.

Shqipëria ka qenë historikisht një fener i bashkëjetesës fetare dhe ky hap është një dëshmi e natyrës së ardhme të qeverisë shqiptare nën udhëheqjen vizionare të kryeministrit Edi Rama, i cili njohu rëndësinë e dhënies së hapësirës për të vazhduar promovimin e paqes. Për komunitetin tonë në mbarë botën, është një moment krenarie dhe rinovimi, duke forcuar identitetin dhe praninë tonë në skenën globale”.

Në një deklaratë të Urdhrit Bektashi thuhej: “Urdhri Bektashi, i cili njihet për mesazhin e tij të paqes, tolerancës dhe harmonisë fetare, do të fitojë sovranitet të ngjashëm me Vatikanin, duke na lejuar të qeverisim në mënyrë autonome nga pikëpamja fetare dhe administrative”.

Duke folur në Kombet e Bashkuara, Rama tha të dielën se kjo do të forconte reputacionin e Shqipërisë si një komb tolerant.

Ai vuri në dukje se Shqipëria i shpëtoi refugjatët hebrenj nga tmerret e nazistëve në Luftën e Dytë Botërore dhe së fundmi ndihmoi afganët e pafajshëm të shpëtonin nga përbindëshat talebanë.

Gjthashtu, Rama tha se historia krenare e vendit, duke përfshirë dhurimin e botës Nënë Tereza, shërbeu si frymëzim për një shtet të veçantë bektashi.

Ai tha: “Ajo na tha se jo të gjithë ne mund të bëjmë gjëra të mëdha, por të gjithë mund të bëjmë gjëra të vogla me dashuri të madhe. Ky është frymëzimi ynë për të mbështetur transformimin e Urdhrit Botëror Bektashian në një shtet sovran në kryeqytetin tonë, Tiranë, si një qendër e re moderimi, tolerance dhe bashkëjetese paqësore”.

Mikro-shtetet klasifikohen si shtete sovrane, që do të thotë se ato janë të vetëqeverisura pavarësisht se pretendojnë vetëm një sasi të vogël toke ose popullsie ose të dyja. Të tillë janë Andorra, Monako, Lihtenshtajni dhe sigurisht, qyteti i Vatikanit.

Pavarësisht se janë të vogla, ato kanë të njëjtat dokumente administrative që karakterizojnë vendet më të mëdha në botë, si kufijtë dhe pasaportat. Por ata shpesh mbështeten në vendet e tjera për mbijetesë, duke qenë se kanë vetëm një ushtri të vogël dhe mungesë të burimeve të tyre.

10 shtetet më të vegjël në botë

Qyteti i Vatikanit aktualisht mban titullin si vendi më i vogël në botë. Ai është 39 milionë herë më i vogël se më i madhi në botë, Rusia.

Mes mikro-shteteve përfshihet edhe Monakoja e pasur.

Këtu janë 10 më të vegjlit:

1. Qyteti i Vatikanit – 0,17 milje katrorë

2. Monako – 0,8 milje katrorë

3. Nauru – 8 milje katrorë

4. Tuvalu – 10 milje katrorë

5. San Marino – 24 milje katrorë

6. Lihtenshtajni – 62 milje katrorë

7. Ishujt Marshall – 70 milje katrorë

8. Saint Kitts dhe Nevis – 102 milje katrorë

9. Maldivet – 114 milje katrorë

10. Malta – 122 milje katrorë

The post “Shteti Bektashi sa 14 fusha futbolli”/ The Sun: Planet për vendin më të ri, tolerant me veshjen dhe alkoolin appeared first on Albeu.com.

Harrojeni të shpenzoni shuma marramendëse në destinacionet e njohura të mbipopulluara me turistë – ekziston një alternativë më pak e njohur – me çmime të përballueshme dhe peizazhe mahnitëse.

Çmimet e hoteleve kushtojnë vetëm 35 euro për një natë – ndërsa vizitorët e huaj nuk kanë më nevojë për viza – për të hyrë në vendin mesdhetar, Shqipëri.

Këto ujëra të kristalta blu nuk ndodhen në Spanjë, Greqi apo Itali – por në Shqipëri.

Plazhet mahnitëse dhe hotelet luksoze të Shqipërisë sapo kanë nisur të zbulohen.

Shqipëria – gjithashtu krenohet me qendrat mahnitëse kulturore dhe vargmalet malore.

E pasur me brigje dhe vargmale mahnitëse, Shqipëria po tërheq gjithnjë e më shumë turistë – të lodhur nga vendet e mbipopulluara turistike si Greqia dhe Majorka.

Sipas “Albania Tour Guide”, një dhomë dyshe në një hotel kushton pak më shumë se 35 euro për një natë.

Pushuesit gjithashtu mund të shijojnë një drekë ose darkë në restorantet lokale me më pak se 12 euro.

Shqipëria mundësoi udhëtimin pa viza këtë vit për 84 vende – duke përfshirë Britaninë e Madhe – pasi vendi mesdhetar po përqafon një bum turistik.

Kryeqyteti, Tirana është vetëm tre orë larg me linjë ajrore nga Londra.

Vendi më pak i njohur evropian – i vendosur në juglindje të kontinentit – regjistroi shifra rekord në sektorin e turizmit në vitin 2023.

Sipas Këshillit Botëror të Udhëtimit dhe Turizmit, shpenzimet ndërkombëtare ishin 45% më të larta se në vitin 2019 – viti i mëparshëm me një numër rekord vizitorësh.

Turistët e etur për Rivierën Shqiptare mund të vizitojnë jugun – ndërsa aventurierët mund të eksplorojnë fshatin malor të Thethit.

“Nëse udhëtoni në Rivierën Shqiptare qëndroni në Sarandë ose Ksamil në jug të Shqipërisë – pasi ajo është zona më e bukur e rivierës”, shkruan në faqen e saj guida turistike private shqiptare “Manon”.

Pjesa më e madhe e pikave turistike, si ishujt e Ksamilit, Syri i Kaltër i Sarandës, vendet e UNESCO-s si Gjirokastra dhe Butrinti ndodhen përreth kësaj zone.

Qëndrimi në hotelet në Sarandë ose Ksamil kushton rreth 35 euro – për një natë.

Vendi mesdhetar ofron një numër vendpushimesh luksoze për ata që duan të pushojnë si mbretër gjatë udhëtimit të tyre.

“Travel and Tour World” ka rekomanduar një pjesë të hoteleve të njohura të vendosura përgjatë vendit ballkanik.

“Hotel Mulaj” në zemër të kryeqytetit, Tiranës po fiton popullaritet, ndërsa “Hotel Mazarine” ofron një arratisje të paharrueshme bregdetare në Vlorë.

Për lehtësi, “mk hotel tirana” dhe “Hotel Verzaci” ndodhen të dy – pranë Aeroportit Ndërkombëtar të Tiranës.

Gjithashtu, në qendër të kryeqytetit ndodhet “Hotel Opera”, i cili akomodon turistët që vizitojnë rrethinat e atraksioneve më të mira kulturore.

Gradualisht, Shqipëria është shndërruar në një vend perëndimor – që nga rënia e regjimit komunist në vitet 1990.

Vendi mesdhetar, është kthyer në një opsion të ri arratisjeje për britanikët – pavarësisht bumit të fundit turistik.

Vija bregdetare, malet dhe qytetet historike – Shqipëria i ofron të gjitha.

Turistët mund të hanë dhe pinë jashtë me çmime të lira – në krahasim me destinacionet e tjera evropiane.

The post “The Sun” publikon pamjet: Shqipëria, destinacioni i ri i arratisjes për britanikët appeared first on Albeu.com.

Shqipëria është kthyer në një destinacion gjithnjë e më popullor për britanikët që kërkojnë pushime të përballueshme dhe mot me diell.

Për shumë njerëz, plazhet me rërë të bardhë dhe ujërat e pastra kristal e bëjnë Tajlandën një destinacion të listës së pushimeve – por me çmime të larta.

Për pushuesit që duan të shijojnë një copëz të parajsës, por nuk mund të përballojnë shpenzimet e fluturimeve, do të ndihen të kënaqur pasi të zbulojnë se ekziston një alternativë shumë më pranë “shtëpisë”.

Shqipëria ndodhet midis Malit të Zi dhe Greqisë dhe destinacioni ka përjetuar një fluks vizitorësh gjatë viteve të fundit.

Rritja e popullaritetit të vendit është kryesisht falë promovimit të tij në TikTok dhe influencuesve të mediave sociale që kanë pushuar në Rivierën Shqiptare.

Lumi i Shalës

Ndërsa vendpushimet si Ksamili dhe Saranda në Shqipëri kanë patur një rritje të popullaritet vitet e fundit, disa pjesë të Shqipërisë kanë mbetur nën radarin turistik.

Një nga këto vende është Lumi i Shalës, një gji pak i njohur në veri të vendit.

Videot e Lumit të Shalës shfaqen në mënyrë rutinore në platformat e mediave sociale si, TikTok.

Lumi është quajtur “Tajlanda e Shqipërisë” falë ujërave të tij të pastër kristal, vegjetacionit dhe maleve të thepisura, sipas faqes së udhëtimit “North Albania”.

“Lumi i Shalës është një nga vendet më të bukura në Shqipëri dhe ishte lehtësisht një nga pikat kryesore të udhëtimit tim rrugor”, shkroi blogerja e udhëtimeve “The Ginger Wanderlust”.

E vendosur në veri të Shqipërisë, pushuesit mund të arrijnë lumin e ëndërruar përmes një udhëtimi ditor nga Tirana ose Shkodra.

Nga kryeqyteti shqiptar, turistët do të duhet të rezervojnë një ekskursion për të vizituar Lumin e Shalës – dhe udhëtimi është katër orë me makinë.

Nga Shkodra, pushuesit do të duhet të marrin një minibus për në Liqenin e Komanit, i cili zgjat rreth 90 minuta.

Në terminalin e trageteve të liqenit të Komanit, turistët do të duhet të hipin në një varkë për në Lumin e Shalës, e cila do të zgjasë edhe një orë.

Gjatë muajve të verës, niveli i ujit në Lumin e Shalës mund të ulet, kështu që pushuesve mund t’u kërkohet të ecin në këmbë në disa pjesë të lumit.

Pavarësisht se nuk është një destinacion i njohur turistik, ka shumë aktivitete për të bërë në Lumin e Shalës, duke përfshirë zhytje, kajak dhe ecje.

Brigjet e lumit lidhen me ura prej druri të punuar me dorë, duke u dhënë vizitorëve akses në bujtina.

Disa bujtina janë të vendosura përgjatë Lumit të Shalës, duke përfshirë Shtëpinë e Bujqësisë “Bee Eco” dhe “Bujtina Livadhi”.

“Sun Online Travel” ka zbuluar disa akomodime gjatë natës në “Livadhi Guesthouse” me 35 paund për person në pikun e sezonit veror.

Vizitorët ditorë mund të marrin me qira çadra dielli dhe shezlonge nga disa prej bujtinave gjithashtu.

Vende të tjera për t’u vizituar në Shqipëri

Plazhi i Pasqyrave

Ka shumë vende të tjera më pak të njohura për t’u vizituar në Shqipëri, duke përfshirë “Plazhin e Pasqyrave”, i cili u shpall si “Plazhi më i mirë në botë” sipas një studimi te kryer nga ekspertët e agjencisë britanike të udhëtimeve “CV Villas”, në fillim të këtij viti.

Plazhi njihet në mbarë botën si “Plazhi i Pasqyrave” për shkak të efektit reflektues që mund të shihet në ujë kur rrezet e diellit bien në sipërfaqe.

“Plazhi i Pasqyrave” mbetet i qetë edhe në muajt e verës, duke iu dhënë mundësinë të pushoni dhe ndiheni të lirë”, shkroi “Albania Tour Guide”.

“Për më tepër, bregu i detit është mahnitës, nuk do t’u besoni syve, kur të shihni ujin e kaltër të ndezur”, tha operatori.

Gjiri është i rrethuar nga shkëmbinj të bardhë. Sfondi shkëmbor e bën gjirin të ndihet si një vend sekret.

Ndërkohë, në fillim të këtij viti operatori turistik TUI e shpalli Shqipërinë si një nga destinacionet më të reja të Evropës.

Tirana, kryeqyteti i Shqipërisë, ka kryesuar listën e qyteteve më të lira në vitin 2021.

The post “The Sun”: Vizitoni Lumin e Shalës, Tajlanda e Shqipërisë me ujëra të pastra kristal appeared first on Albeu.com.

“Me dy truproja në patrullim të përhershëm jashtë zyrës së tij, kryeprokurori Kreshnik Ajazi përmbledh pse bandat shqiptare të drogës janë kaq të pamëshirshme”, e nis artikullin The Sun.

“Në Shqipëri kemi një traditë, hakmarrjen”.

Një gjurmë vrasjesh mes bandave që luftojnë për të kontrolluar tregun e drogës në Mbretërinë e Bashkuar tregon se ai e di se për çfarë po flet, shkruan The Sun.

Vjedhja e 50 kilogramëve kokainë në Angli shkaktoi një sërë sulmesh hakmarrëse në Shqipëri, duke përfshirë tre burra që u qëlluan në Range Rover me AK-47.

Dhe një tregtar i dënuar për vrasjen e një rivali në Southampton (Arben Lleshi) është qëlluar për vdekje brenda një burgu shqiptar të sigurisë së lartë në një goditje të sofistikuar hakmarrjeje.

“Ndërsa Met po heton një tjetër vrasje të një shqiptari në Londër , The Sun udhëtoi për në vendin ish-komunist për të hetuar bandat kriminale që kanë një bazë të tillë në Mbretërinë e Bashkuar”, thuhet më tej në artikull.

The Sun shkruan se Ajazi i ka kushtuar jetën shkatërrimit të këtyre bandave, por ko ka një çmim të rëndë.

Goditja aty ku dhemb

Kërcënimet për jetën e tij nënkuptojnë se rojet e armatosura nuk i largohen kurrë, 28 kamera sigurie janë vendosur në pjesën e jashtme të ndërtesës së zyrës së tij në qytetin e Elbasanit.

Prokurori tha: Këto mosmarrëveshje mes bandave janë krijuar në Angli, por hakmarrja ndodh në qytetin tonë. Kur u bëra kryeprokuror, qëllimi im ishte të sfidoja ato banda, gjë që ne e kemi bërë.”

“Kjo do të thotë se unë tani shoqërohem në çdo minutë të jetës sime nga një eskortë speciale nga policia e shtetit, e cila ju tregon se në çfarë lloj rreziku jam.”

“Por ia ka vlejtur.”

Falë punës së tij dhe të policisë së shtetit, shkalla e vrasjeve lokale të lidhura me bandat ka rënë nga 15 në vit në zero.

Qeveria e Mbretërisë së Bashkuar është po aq e vendosur për të luftuar bandat shqiptare të krimit të organizuar.

Agjencia Kombëtare e Krimit muajin e kaluar nënshkroi një marrëveshje me policinë shqiptare për të sfiduar kriminelët që kontrollojnë tregun e kanabisit në Mbretërinë e Bashkuar, si dhe shijojnë një pjesë të shëndetshme të tregtisë së kokainës prej 4 miliardë paundësh.

Rreth 1,700 anëtarë të bandës mendohet se janë të lirë në Britaninë e Madhe dhe ka më shumë shqiptarë në burgjet tona se çdo kombësi tjetër e huaj, edhe pse Shqipëria ka një popullsi prej vetëm 2.8 milionë banorësh, thuhet në artikull.

Përveç përpjekjes për të mbyllur drejtuesit e bandave, policia po i godet aty ku dhemb, në xhepat e tyre.

Një Lamborghini e regjistruar në Britani prej 200,000 £, me një targë që lexon pjesërisht 14MBO (Lambo), u sekuestrua së fundi nga një kriminel i dyshuar, së bashku me një hotel që ai zotëronte. Dhe policët tani planifikojnë ta përdorin atë si një makinë patrullimi.

Një zëdhënës i Agjencisë Shqiptare të Pasurive të Sekuestruara dhe të Konfiskuara tha: “Ne do të dërgojmë një mesazh se ajo që është fituar nga aktivitetet kriminale në Mbretërinë e Bashkuar dhe Evropë do të konfiskohet”.

“Problemi është se në Shqipëri hakmarrja është traditë, ndaj nuk mund të parashikojmë se çfarë do të ndodhë”, thotë Ajazi.

Bandat e krimit të organizuar janë të ngjashme me mafian. Kjo do të thotë se ata i marrin mosmarrëveshjet personalisht, shkruan albeu.com.

Në vitin 2018, një ngarkesë prej 50 kilogramësh kokainë, me një vlerë potenciale tregu prej dhjetëra milionë paund, u zhduk në Angli.

Banda që priste dorëzimin e saj dyshoi për korrierin, kështu që e rrahën dhe e hodhën në një vend të largët, duke llogaritur se këdo që ai kishte lajmëruar për të vjedhur drogën do t’i vinte në ndihmë.

Ata ruanin për të parë se kush do ta merrte, dhe pasi e dinin se cila familje qëndronte pas vjedhjes, filluan vrasjet.

Menjëherë pas kësaj, Endrit Alibej, 34 vjeç, po largohej me makinë nga një darkë familjare në Elbasan me dajën e tij Arben Dylgjeri, 56 vjeç dhe një bashkëpunëtor turk.

Ndërsa ata ngadalësuan për të kaluar një rrethrrotullim, një person i armatosur me një AK-47 goditi, duke vrarë të tre burrat.

Familja e Alibej nuk humbi kohë për t’u hakmarrë dhe vrasjet vazhduan për dy vjet, duke marrë gjithsej tetë jetë.

Ajazi tha se hakmarrjet në lidhje me ngarkesën e humbur të kokainës kanë ndaluar, tani për tani.

Në vitin 2013, tregtari shqiptar i drogës Arben Lleshi, 27 vjeç, u dënua me burgim të përjetshëm në Winchester Crown Court për vrasjen e një rivali në Southampton dhe djegien e trupit të tij.

Ai u ekstradua për të vuajtur dënimin në burgun e sigurisë së lartë të Peqinit, 40 milje në jug të kryeqytetit Tiranë.

Në fund të vitit të kaluar, banda e viktimës së tij filloi të planifikonte hakmarrjen e tyre.

Ata shpenzuan rreth një milion euro për t’i dhënë ryshfet zyrtarëve të burgut për të kontrabanduar një Smith dhe Wesson 9 mm në burg dhe për të paguar një vrasës me pagesë.

Arma iu dorëzua vrasësit në mes të nëntorit dhe ai e mbajti të fshehur për tre javë para se të shkonte në qelinë e Lleshit dhjetë ditë para Krishtlindjeve.

Zoti Ajazi tha: “Ai e ftoi atë njeri për të folur. Ai tha: “A mund të bëjmë një bisedë?”

“Dhe në këtë moment, ai nxori armën, e qëlloi dhe e vrau”.

E gjithë struktura komanduese e burgut u arrestua, 12 oficerë gjithsej, me dyshimin për marrje ryshfeti, shkruan albeu.com.

Në Britani, një shqiptar u vra me thikë në Londrën Veriore muajin e kaluar, ku një nga bashkatdhetarët e tij u akuzua për vrasjen.

Dhe Met tani po hetojnë një tjetër vrasje të një shqiptari.

Rreth orës 17:30 të së hënës, më 11 mars, një makinë e bardhë Kia u pa duke u kthyer mbrapsht në një rrugë në Greenford, në Londrën Perëndimore, përpara se njëri nga pasagjerët të dilte dhe të ikte.

Pak çaste më vonë Bajram Luli, 27 vjeç, doli nga makina me një plagë të rëndë me thikë në stomak.

U thirrën policët dhe mjekët, por ata nuk mundën ta shpëtonin.

Një burrë tani është akuzuar në lidhje me vrasjen e supozuar dhe do të dalë në gjyq më vonë.

Bajrami sapo ishte zhvendosur në Britaninë e Madhe nga Shqipëria. Motivi i vrasjes së tij nuk është zbuluar dhe nuk dyshohet se ai ishte i përfshirë në ndonjë krim.

Por policia në Shqipëri, dhe kryeprokurori z. Ajazi, shpresojnë që këto dy raste të fundit të mos jenë fillimi i gjakmarrjes./Albeu.com 

The post “The Sun” shkruan për luftën mes bandave shqiptare që derdhin gjak në rrugët e Britanisë: Në Shqipëri ka një traditë, hakmarrja appeared first on Albeu.com.

Paraqitja, nuk tregoi asgjë më pak se punën fantastike që tekniku Sylvinho po zhvillon në krye të Kombëtares A, teksa edhe me mungesa të rëndësishme u mund falë një goli “aksidental”. Ndeshja e ndjeshme duket se ka “frymëzuar” dhe gazetarët e prestigjiozes angleze “The Sun”, të cilët i kanë dedikuar një artikull 48-vjeçarit brazilian.

Artikulli ishte fokusuar te një lëvizje teknike, që tekniku Sylvinho zhvilloi ndeshjen e mbrëmshme, ku i veshur me kostum, kontrolli me shumë klas një top që erdhi drejt pankinës së Kombëtares sonë.

Artikulli i “The Sun”:

Braziliani e filloi karrierën e tij si futbollit në Corinthinas dhe në vitin 1999 u transferua tek Arsenal duke luajtur 80 ndeshje në dy sezone. Më pas shkoi në Spanjë në ekipin e Celta Vigo. Dhe në 2004-ën u transferua tek Barcelona aty ku ndihmoi katalanasit të fitonin tre herë La Ligan dhe dy herë Champions-in në vetëm pesë sezone. Karriera e tij si futbollist përfundoi në  vitin 2010 pas një sezoni tek Manchester City. Dhe ky person nuk është tjetër veçse Sylvinho. Ai tani ndodhet në krye të ekipit kombëtar të Shqipërisë pas periudhave menaxheriale në Lyon dhe Corinthians.

Ndihmësi i tij është ish-ylli i Manchester City dhe Argjentinës, Pablo Zabaleta. Dyshja bënë debutimin e tyre si menaxherë në Shqipëri në humbjen e mbrëmshme 1-0 ndaj Polonisë në kualifikueset e Euro 2024.

Sylvinho bëri një lëzivje teknike të shkëlqyeshme. Ai kontrolloi bukur një top që ra nga qielli me një prekje të shpejtë të këmbës. Dhe këtë e bëri teksa ishte i veshur me një kostum duke qëndruar në vijën anësore.

Tifozët sigurisht që ishin të emocionuar, me një që tha: “Teknika e Sylvinhos është spektakolare”.

Një tjetër shtoi: “Në kulmin e karrierës së tij.”

The post E nisi me humbje aventurën në krye të kuqezinjve, por “The Sun” vlerëson maksimalisht Sylvinhon appeared first on Albeu.com.

Media britanike thotë në një artikull se “tregtarët e drogës, gangsterët, mashtruesit dhe abuzuesit e fëmijëve janë gjithashtu në mesin e dhjetëra mijërave që kanë kaluar Kanalin, shumë prej tyre jetojnë në shtëpi të financuara nga taksapaguesit dhe marrin para në dorë ndërsa punojnë ilegalisht.”

Megjithatë, shton “The Sun”, shumica dërrmuese e njerëzve që mbërrijnë me anije nuk kanë precedentë penalë.

“Por në një rast befasues, një shqiptar që vrau gruan e tij nuk mund të dërgohet në shtëpi për arsye të të drejtave të njeriut mes frikës se familja e viktimës së tij do ta ndjekë dhe do ta vrasë.

Banditi tani drejton një lavazh makinash me para në dorë pranë një supermarketi Waitrose në Northamptonshire ndërsa kërkon përfitime dhe lufton për azil përmes gjykatave me ndihmën ligjore të financuar nga taksapaguesit”, tregon media britanike për rastin e një shqiptari.

“Shumica e të ardhurve shkelës nuk mund të deportohen sepse ata pretendojnë se do të keqtrajtohen në vendin e tyre të lindjes, me shumë që luftojnë kërkesat për azil përmes gjykatave me shpenzimet e taksapaguesve”, vijon The Sun.

Shumë prej tyre gjithashtu pretendojnë se vuajnë nga sëmundje mendore ose fizike që mund të trajtohen vetëm në NHS – që do të thotë se kthimi i tyre në shtëpi do të shkelte të drejtat e tyre njerëzore.

Vrasësi i gruas shqiptare kreu dhjetë vjet burg për vrasje. Pas lirimit të tij, ai udhëtoi nëpër Evropë për në Francë dhe pagoi kontrabandistët që ta çonin në Britani me një gomone.

Kur zbriti në plazhin e Doverit, ai menjëherë kërkoi azil. Kjo u refuzua kur autoritetet zbuluan të kaluarën e tij kriminale përmes gjurmëve të gishtave.

Por vrasësi tashmë ishte liruar në komunitet – dhe më pas ai u zhduk për disa muaj përpara se të rishfaqej në fillim të këtij viti.

Ai tani po apelon kërkesën e tij për azil, duke pretenduar se ai vrau gruan e tij në vetëmbrojtje dhe se dëbimi i tij do të rrezikonte jetën e tij.

Me mbështetjen e ndihmës juridike, ai pretendon se familja e gruas së tij do ta vrasë nëse ai shkel përsëri në Shqipëri.

Ai aktualisht jeton në një shtëpi të financuar nga taksapaguesit me leje qëndrimi të kufizuar, e cila duhet të rinovohet çdo gjashtë muaj.

Ai nuk lejohet të punojë, por ndihmon në drejtimin e një lavazhi pranë një dege të Waitrose ku punësohen rumunë emigrantë të paligjshëm.

Edhe pse u zbulua, ai mburrej me të shkuarën e tij kriminale, shkruan The Sun.

“Bëra dhjetë vjet burg. Tashmë kam një problem të madh në Shqipëri. Nëse kthehem, familja e gruas sime dëshiron të më vrasë. Dua të qëndroj këtu sepse jam i frikësuar. Kam ardhur për një jetë të re. Unë jetoj në Northampton dhe kam një të dashur me një fëmijë”, ka thënë ai. /albeu.com

The post “Terroristë, vrasës dhe përdhunues”, artikulli i The Sun për emigrantët: Një shqiptar vrau gruan dhe kërkon azil appeared first on Albeu.com.

Më tej theksohet se kryeministri Rishi Sunak e ka prioritet çështjen e shifrave të azilkërkuesve që hyjnë ilegalisht përmes kanalit të La Manshit.

Në artikull thuhet se Sunak ka qenë duke punuar me sekretaren e brendshme në një plan sekret për të ashpërsuar rregullat për emigrantët që hyjnë me gomone.

Një zyrtar i lartë i qeverisë tha për ‘The Sun’: “Ne duam të themi diçka së shpejti , para Krishtlindjeve”.

Dyshohet se plani i Braverman përfshin një paketë të plotë masash për të goditur ata që kalojnë kanalin e La Manshit, për të ndryshuar faturat e hoteleve dhe për të kthyer azil-kërkuesit në vendet e tyre.

Mbi 40,000 njerëz kanë mbërritur në Mbretërinë e Bashkuar me varka të vogla deri më tani këtë vit. Tatimpaguesit po paguajnë 6.8 milionë paund çdo ditë për faturat e hoteleve për azilkërkuesit.

Shumë pretendojnë se janë skllevër të kohës moderne, në mënyrë që të mund të qëndrojnë dhe të jetojnë në Britani.

Por ministrat mendojnë se ligji i prezantuar nga Theresa May është shumë i butë.

Kjo vjen në një kohë kur diskutimet për emigrantët shqiptarë në Britaninë e Madhe kanë qenë të nxehta.

Braverman, e cila nuk ka kursyer gjuhën e ashpër ndaj atyre që hyjnë në mënyrë ilegale, është zotuar se do të gjejë një mënyrë që të funksionojë skema e Ruandës.

Si kundërpërgjigje, shqiptarët zgjodhën të mblidheshin këtë të shtunë për t’i treguar sekretares britanike që ata janë bashkë, por nuk janë kriminelë.

The post “The Sun”: Suella Braverman po përgatitet për një tjetër goditje ndaj emigrantëve shqiptarë appeared first on Albeu.com.

Sulmuesi shqiptari hyri në fushë si zëvendësues në fund të pjesës së dytë ndaj Ëolves dhe festoi golin e tij të parë me “blutë”.

Sikur tekniku i “londinezëve” të kishte hyrë në Tëitter pak orë para se të niste sfida  mund të shihte qindra tifozë që kishin bërë thirrje për Brojën titullar, shkruan The Sun.

Kur të gjithë panë që ai kishte zgjedhur Kai Havertz u shprehën të pakënaqur, përfshirë edhe njerëz me impakt në rrjetet sociale.

Broja ende nuk ka nisur një ndeshje nga minuta e parë në Premier League dhe ajo e mbrëmshja ishte ndeshja e 6 që vinte nga pankina dhe është merita e tij që shfrytëzoi trastën në mënyrë kaq empatike me një goditje fantastike.

Megjithëse për momentin duket të jetë zgjedhje e tretë pas Havartz dhe Aubameyang, Broja me siguri do t’i shkaktojë Potter dhimje kokë për të përzgjedhur formacionin titullar nëse sulmuesi vazhdon me të tilla paraqitje./albeu.com

The post The Sun: Potter duhet të degjojë tifozët e Chelsea-s, Broja e ka bërë me “dhimbje koke” appeared first on Albeu.com.

Fakti është se marrëveshja e punës e Cristiano me Djajtë e Kuq parashikon një bonus për lojtarin në shumën e një milion eurosh. Kjo pagesë do të duhej në fillim të korrikut. Ndaj Ronaldo nuk ka nxituar me deklaratën e tij, për të mos humbur shpërblimin monetar.

Tashmë dihet se Cristiano nuk do të shkojë në turne parasezonal me Ma United. Thashethemet e kanë lidhur portugezin me kalime në Bayern, Chelsea, PSG dhe Barcelona. /albeu.com/

The post The Sun: Ronaldo e vonoi qëllimisht vendimin për Manchester United, zbulohet arsyea appeared first on Albeu.com.

Sipas The Sun, përfaqësuesit e gjigantit parizian kanë hyrë në një proces negociatash me agjentin Jorge Mendes, duke përfaqësuar interesat e sulmuesit portugez.

Më herët, Ronaldo njoftoi se do të largohet nga Manchester United këtë verë, pavarësisht kontratës aktuale deri në fund të sezonit të ardhshëm. Ndër pretendentët për Ronaldon tashmë janë Barcelona, Bayern, Chelsea. Roma dhe Napoli. /albeu.com/

The post The Sun: PSG është duke përgatitur një bombë transferimi, CR7 së bashku me Messin appeared first on Albeu.com.