Ndërsa moti në Britaninë e Madhe është i ftohtë, mendimi për pushimet e ardhshme mund të jetë joshës.

Sigurisht, ne të gjithë po ëndërrojmë për diell dhe rërë, por ajo që mund t’i largojë njerëzit nga udhëtimet janë çmimet e larta.

Një faqe e TikTok-ut, e njohur si @travel.cove me mijëra ndjekës, tha se mund të rezervoni pushimet më të mira edhe nëse keni një buxhet të limituar.

Në video, faqja zbulon Shqipërinë si vendin ideal për të udhëtuar – pasi turistët britanikë mund të përfitojnë nga fluturimet vajtje-ardhje për 24 paund dhe nga hotelet që kushtojnë vetëm 32 paund për natë.

Por, kjo nuk është e gjitha,  pasi shpenzimet atje janë gjithashtu të lira, me 1,90 paund ju mund të konsumoni një krikëll birrë dhe një vakt me vetëm 8 paund.

Sipas “Skycanner”, ju mund të bëni fluturime të lira dhe akomodoheni në hotele me çmime të përballueshme.

Nëse planifikoni të udhëtoni në dhjetor, fluturimi kushton vetëm 30 paund me hotele me katër yje të disponueshme për 25 paund.

Ndërkohë, ekspertët e udhëtimeve mendojnë se koha më e mirë për të udhëtuar në Shqipëri është nga prilli deri në fillim të qershorit – ku moti është i shkëlqyer për ecje dhe çiklizëm.

Por, ju ende mund ta vizitoni midis dhjetorit dhe shkurtit pasi mund t’i shpëtoni turmave të vizitorëve.

Destinacioni më popullor në Shqipëri është Tirana, kryeqyteti i cili njihet për restorantet dhe baret e shumta.

Ju do të paguani 2-5 dollarë për një pjatë në një restorant lokal ose tezgë ushqimi në rrugë, ndërsa ngrënia në një restorant i nivelit të mesëm mund të kushtojë midis 5-15 dollarë.

Nëse ju pëlqen një vakt pak më i shijshëm, ai mund të kushtojë më shumë se 20 dollarë.

Në përgjithësi, kur bëhet fjalë për pije, kafeja kushton më pak se 1 euro, dhe një krikëll birrë vendase rreth 2 dollarë.

Padyshim që, varet nga vendi ku shkoni, pasi diku tjetër këto mund të jenë edhe më lirë. Vlen të kujtojmë se monedha zyrtare e Shqipërisë është Leku, por shumica e bankave, supermarketeve dhe hoteleve pranojnë karta krediti dhe debiti.

“Albania Tour Guides”, sugjeron se vendi nuk është i shtrenjtë për t’u vizituar në krahasim me destinacionet e tjera evropiane.

Shqipëria është një perlë e fshehur e Evropës, e cila krenohet me plazhet e bukura dhe malet mbresëlënëse.

Shqipëria ka plazhe mahnitëse dhe Saranda është një qytet i bukur bregdetar për t’u vizituar falë afërsisë me Ksamilin, një nga plazhet më të mira të rajonit.

Ndërkohë, Mali i Dajtit është një tjetër vend i mrekullueshëm për adhuruesit e natyrës, i cili ndodhet jashtë Tiranës.

Ju mund të udhëtoni me një buxhet të kufizuar dhe të shijoni diellin e nevojshëm.

The post “The Mirror”: Shqipëria destinacioni më tërheqës për britanikët edhe në dimër appeared first on Albeu.com.

Viti i Ri, lista e re e dëshirave për udhëtime! Por, cilat destinacione do të zbulojnë udhëtarët në vitin 2024?

Sipas hulumtimit të shoqatës së udhëtimeve në Britaninë e Madhe ABTA, pothuajse gjysma (47%) e pushuesve po planifikojnë të vizitojnë një qytet apo vendpushim të ri këtë vit, ku katër nga 10 (41%) zgjedhin të shkojnë në një vend ku nuk kanë qenë më parë.

“E shtuna e parë e janarit, e njohur në industrinë e udhëtimeve si ‘E shtuna me diell’, është një nga ditët më të ngarkuara të vitit për turistët që rezervojnë dhe kërkojnë të përfitojnë nga ofertat në këtë periudhë të vitit”, tha Graeme Buck, drejtor i Komunikimit i ABTA-s.

“Shumë njerëz janë në kërkim të sugjerimeve të reja se ku të shkojnë, kështu që ekipi ynë i ekspertëve në ABTA ka rekomanduar një listë të destinacioneve me te mira për t’u vizituar, të cilat ofrojnë përvoja të ndryshme dhe të paharrueshme në mbarë globin”, shtoi ai.

“Disa janë të panohura dhe të gjitha ia vlen të vizitohen. Destinacionet shfaqin gamën e mahnitshme të përvojave që bota jonë ofron për pushuesit”, theksoi ai.

“Ne kemi bërë një përzgjedhje të pikave më të nxehta turistike për t’ju hapur oreksin udhetareve për 12 muajt e ardhshëm…”, tha drejtori i ABTA-s.

Pushuesit e zgjuar po zbulojnë këtë destinacion piktoresk, miqësor dhe me vlera, i cili ofrohet gjithnjë e më shumë nga operatorët turistikë në Britaninë e Madhe.

Kryeqyteti i Shqipërisë, Tirana është kozmopolit me muzetë interesantë.

Qyteti i dytë më i madh në vend, Durrësi ofron një amfiteatër romak dhe bukuri të tjera arkeologjike, ndërsa zona e trashëgimisë botërore të UNESCO-s, Gjirokastra shfaq pasuri arkitekturore.

Shumica e britanikëve do të shkojnë në Rivierën Shqiptare. Saranda ofron plazhet dhe resortet më të bukura me çmime të përbllueshme.

Në brendësi shfaqen liqenet e Shkodrës dhe Bovillës dhe gjithashtu mund të zbuloni malet e Parkut Kombëtar të Thethit.

Ushqimi shqiptar përmban pjata të shijshme dhe të shëndetshme mesdhetare./ ATSH

The post ‘The Mirror’: Shqipëria në krye të destinacioneve të sugjeruara për 2024-n appeared first on Albeu.com.

Siaps medias britanike, ardhja e tyre ka në fokus emigrimin e qytetarëve shqiptarë, në përpjekje për të mësuar përse ka kaq shumë të rinj nga vendi që emigrojnë drejt Anglisë duke rrezikuar jetën me gomone.

Më tej The Mirror shkruan se studiuesit nga Fondacioni Sanctuary, të udhëhequr nga Dr. Krish Kandiah, janë vendosur për një “mision”, duke kërkuar të gjejnë mënyra për të bindur të rinjtë që të mos bëjnë udhëtimin e rrezikshëm.

Ata do tentojnë që të gjejnë mënyra për të ndihmuar zonat e varfra të vendit, në mënyrë që të rinjtë të shohin një të ardhme në Shqipëri.

Rreth 12,301 njerëz nga Shqipëria erdhën në Mbretërinë e Bashkuar me gomone përgjatë kanalit vitin e kaluar.

Dhe nga mijëra të rinjtë që kanë hyrë në sistemin e referimit të qeverisë, 90% thonë se janë viktima të skllavërisë moderne.

The post “Përse të rinjtë shqiptarë rrezikojnë jetën me gomone?”, The Mirror: Punonjës bamirësie nga britania zbarkojnë këtë javë në Tiranë appeared first on Albeu.com.