Më shumë se gjysma e tokës në vendet europiane, kryesisht në lindje, në fillim të korrikut ishte prekur nga thatësira, rezulton nga një hulumtim i të dhënave të fundit të Observatorit Europian të Thatësirave (EDO).

Kjo është hapësira më e madhe e prekur prej thatësirës në harkun kohor 1 deri më 10 korrik që nga fillimi i regjistrimeve në vitin 2012.

Vlera ishte 21 përqind mbi mesataren e viteve 2012 deri në 2014. Krahasur me qershorin, kur 55,5 përqind e sipërfaqes ishte e prekur nga thatësira, vlera ka rënë paksa.

Hulumtimi i thatësirave nga programi i Observatorit europian Copernicus bazohet në imazhet satelitore dhe tre parametrave që merren parasysh: reshjet, lagështira e tokës dhe gjendja e vegjetacionit.

Më shumë e prekur nga thatësira lindja e Europës

Në Serbi, Bullgari dhe Kosovë toka ishte e prekur tërësisht nga thatësira. Edhe në Armeni dhe Turqi sipërfaqe të mëdha – 77 deri në 95 përqind e vendit – janë prekur nga thatësira. Në Turqi thatësira e shoqëruar edhe me erëra të forta ka shkaktuar zjarre.

Siria ndërkohë është prekur nga thatësira, që po rrezikon të korrat e grurit dhe sipas OKB-së është e rrezikuar garancia për ushqim për 16 milion njerëz.  Në Europën perëndimore gjendja ka qenë me dallime, ndërsa në Francë një e treta e tokës u prek nga thatësira, Spanja dhe Portugalia nuk u prekën fort nga thatësira./DW

The post DW: Thatësirë rekord në Europë këtë verë! Ja shtetet më të prekura, mes tyre Kosova appeared first on Albeu.com.

Sipas një faze të parë të kufizimeve, banorët duhet të ulin përdorimin e ujit me 5% dhe fermerët deri në 80%. Mascort ngriti mundësinë e lehtësimit të disa prej tyre, si heqja e ndalimit për mbushjen e pishinave në rastin e objekteve komunale. Reshjet e shiut do të shmangnin një valë të dytë masash nën një gjendje të jashtëzakonshme duke prekur tashmë gjashtë milionë njerëz në 200 qyteza dhe qytete, duke përfshirë qytetin e dytë më të madh të Spanjës, Barcelonën.

Edhe të njëjtat nivele të ulëta të shiut si maji dhe qershori i vitit të kaluar, që llogariten në mes 150 litra deri në 200 litra për metër katror shi për një periudhë prej një deri në dy javë, do të lejonin Kataloninë të heqë gjendjen e jashtëzakonshme, tha Mascort.

Disa pjesë të gadishullit Iberik janë në gjendjen e tyre më të thatë në 1200 vjet, tregoi një studim i vitit 2022, duke i detyruar zyrtarët të konsiderojnë sjelljen e ujit me anije në Barcelonë, si në vitin 2008, për shërbimet thelbësore si spitalet.

Pa shi të mjaftueshëm, Barcelonës do t’i duhet jo vetëm të sjellë ujë nga një fabrikë shkripëzimi pranë Valencias, por potencialisht edhe më shumë ujë nga Tarragona fqinje si dhe qyteti francez i Marsejës, tha Mascort. Mascort tha se përdorimi i ujit ka rënë 16% nga viti në vit në disa zona dhe konsumi i përgjithshëm është më i ulët se në rajonet e afërta. “Njerëzit po bëjnë një përpjekje të madhe … dhe kjo është arsyeja pse ne kemi qenë në gjendje t’i mbijetojmë 40 muajve të thatësirës.”

The post Thatësira më e keqe në histori, prek 200 qytete në Spanjë appeared first on Albeu.com.

Në fillim të vitit 2023, Kalifornia përjetoi një dimër jashtëzakonisht të lagësht, me dëborë, duke shkaktuar rrëshqitje dheu që i bëri disa shtëpi të paqëndrueshme dhe të pasigurta në faqet e shkëmbinjve, ndërsa në hemisferën jugore temperaturat përvëluese ndezën zjarre në Kili.

Ndërsa vera po sillej në hemisferën veriore, pjesë të mëdha të Evropës dhe Shteteve të Bashkuara u zhytën nën valët e të nxehtit të madh që kontribuuan në përhapjen e shumë zjarreve. Sezoni më i ashpër ndonjëherë i zjarreve në Kanada dërgoi tymin që ngrihej në zona të mbuluara të SHBA-së në mjegull, ndërsa Greqia pësoi vitin e saj klimatik më të vështirë në historinë e regjistruar, pasi flakët u pasuan në shtator nga shkatërrimi i stuhisë Daniel.

Në shtator, tetor dhe nëntor stuhitë shkaktuan gjithashtu përmbytje në Meksikë, Hong Kong dhe në Evropën Perëndimore, ndërsa përmbytjet mbytën mijëra njerëz në Libi. Nga ana tjetër, thatësira rekord shënuan rënie drastike të nivelit të ujit të liqeneve dhe lumenjve, duke përfshirë edhe pyjet tropikale të Amazonës.

Shkencëtarët thonë se këto lloj ngjarjesh si pasojë e motit ekstrem do të bëhen më të rëndomta dhe më të rënda me ngrohjen e Tokës.

Ky vit ishte veçanërisht i vështirë si pasojë e ndryshimeve klimatike të shkaktuara nga njeriu dhe në kombinim me shfaqjen e fenomenit natyror të klimës, El Ninjo, që ngrohu ujërat e Oqeanit Paqësor.

Në nëntor, shkencëtarët thanë se viti 2023 pritet të përfundojë si viti më i ngrohtë i regjistruar dhe në dhjetor diplomatët për çështje të klimës u takuan në Dubai në COP28 për të ulur emetimet dhe për të frenuar ngrohjen globale.

The post 2023, viti i gjendjeve më ekstreme të motit appeared first on Albeu.com.

Duke theksuar se masat emergjente kufizuese do të merren brenda muajit mars, në një intervistë për rrjetin francez “Franceinfo”, ministri përgjegjës theksoi se nesër do të ngrihet një komision për parashikimin e thatësirës dhe të hënën do të ketë një takim me të gjithë kryetarët e komunave për të shqyrtuar hapat e ardhshëm të qeverisë.

Përveç kësaj, në përpjekje për të qetësuar fermerët, ministri francez i tranzicionit ekologjik theksoi se, në ditët në vijim, qeveria në Paris do të paraqesë një “plan të madh” për t’u përballur me thatësirën, në mënyrë që të inkurajojë francezët të zvogëlojnë konsumin e tyre të ujit të pijshëm.

“Është dimri më i thatë që nga viti 1959. Ndërsa në disa pjesë të vendit priten reshje në ditët në vijim, vendi ynë ka qëndruar për 32 ditë pa reshje të konsiderueshme”, tha ai.

Mes shqetësimeve në lidhje me rezervat ujore në pjesë të Evropës që ende janë nën ndikim nga thatësira e rëndë e vitit të kaluar, Franca po jep alarmin, siç komenton gazeta franceze Le Parisien.

Me reshjet në të gjithë vendin në më pak se një milimetër në ditë që nga 21 janari, shërbimi i motit Meteo France paralajmëroi se:

“Dimri është normalisht një periudhë kritike për pasurimin e niveleve të ujërave nëntokësore me reshje. Numri i 32 ditëve pa shi është “asnjëherë më parë” në një dimër në të dhënat që datojnë që nga viti 1959.” /albeu.com

The post Franca në alarm, vendi pret thatësirë të madhe, 32 ditë pa reshje shiu appeared first on Albeu.com.

Këtë e tregojnë të dhënat e programit evropian të vëzhgimit të Tokës Copernicus, i menaxhuar nga Komisioni i BE-së dhe Agjencia Evropiane e Hapësirës.

Imazhet e regjistruara nga sateliti Sentinel 2 tregojnë se, ndërmjet 1 korrikut dhe 31 gushtit, kaluan rajone të mëdha nga jeshile e ndezur në kafe të thatë.

Dëmet më të rënda janë qartësisht të dukshme në juglindje të Britanisë së Madhe, në Francën veriore dhe në Gjermani, Poloni dhe Evropën Lindore.

Këtë e tregojnë edhe të dhënat nga Observatori Global i Thatësirës sipas tw cilws 47% e Evropës në gusht ishte në kushte alarmante. Shenjat më serioze ishin mungesa e lagështirës në tokë dhe efektet negative në bimësi.

Përveç kësaj, niveli i ujit në lumenj, duke përfshirë Renin, Danubin dhe lumin Po, ka rënë aq shumë sa është e pamundur të lundrohet, ndërsa klima jashtëzakonisht e nxehtë dhe e thatë ka rritur shumë rrezikun e zjarreve në pyje.

Thatësira është përshkruar si më e keqja që Evropa ka regjistruar në 500 vjet: thatësira e fundit e madhe, në fakt, goditi Kontinentin e Vjetër në vitin 1540./Tgcom

The post Thatësira në verën e vitit 2022 në Evropë, më e keqja në 500 vitet e fundit appeared first on Albeu.com.

Raporti i publikuar në gusht nga Vëzhguesi Evropian i Thatësisë (EDO), trup që mbikëqyret nga Komisioni Evropian, tha se 47 për qind e Evropës po përballet me temperatura të nxehta, me deficit të theksuar të lagështisë, ndërkaq 17 për qind është në gjendje emergjente dhe në këto zona, për shkak të motit, është prekur vegjetacioni.

Thatësia “duket të jetë më e rënda në të paktën 500 vjetët e fundit”, tha zëdhënësi i EDO-s, Johannes Bahrke, duke iu referuar gjetjeve të raportit.

“Ky është vlerësimi i parë dhe ne duhet ta konfirmojmë këtë gjetje me të dhënat përfundimtare që do të nxirren në fund të sezonit”, shtoi ai.

Në raport thuhet se sezoni i mbjelljes gjatë verës është prekur nga moti ekstrem, teksa rendimentet e misrit, sojës dhe lulediellit pritet të bien për 15 për qind.

Transportet ujore të mallrave, si për shembull përmes lumit Danub, janë penguar për shkak të nivelit të ulët të ujit.

Reshjet e shiut në mes të gushtit mund të kenë zbutur gjendjen me thatësinë, por në disa raste stuhitë e shiut kanë shkaktuar dëme të tjera, thuhet në raport.

Rajonet që janë goditur më së keqi nga thatësira në verë, ishin prekur nga thatësira edhe në pranverë. Këtu përfshihen Italia, juglindja e Francës dhe disa zona në Hungari dhe Rumani.

Hulumtuesit parashikojnë se temperatura të larta dhe të thata do të mbretërojnë deri në nëntor në rajonin e Mesdheut dhe Evropës Perëndimore./REL

The post KE: Evropa po përballet me thatësirën më të rëndë në 500 vjet appeared first on Albeu.com.

Kjo u bë e ditur nga një zëdhënës i Komisionit të BE-së, i cili specifikoi se mbledhja e të dhënave “është ende në progres” dhe se vlerësimet e sakta do të jenë të mundshme vetëm më pas.

Shifrat e fundit nga Observatori Evropian i Thatësirës (EDO) tregojnë se rreth 45 për qind e territorit të bllokut është në kushte paralajmëruese – e dyta nga tre kategoritë e thatësirës – në 10 ditët që çojnë deri në 20 korrik.

Më shqetësuesja është se 15 për qind e tokës ka kaluar në gjendjen më të rëndë të “alarmit”, çka do të thotë se jo vetëm po thahet toka, por po vuajnë edhe bimët dhe të mbjellat.

Italia është një nga vendet më të goditura nga thatësira aktuale, duke shpallur gjendjen e jashtëzakonshme në zonat përreth lumit Po, i cili përbën më shumë se një të tretën e prodhimit bujqësor të vendit.

Në Zvicër, Shoqata e Peshkimit ka deklaruar se peshqit po ngordhin me përmasa historike dhe druhet se shumë lloje mund të zhduken përgjithmonë.

Ndërkohë, lumi i dytë më i madh i Evropës, Rehni, vazhdon të thahet me nivelet e ujit që janë ulur në minimum, duke prekur arteriet kryesore të nevojshme për transport. Aktualisht anijet në lumë qarkullojnë ende, por shumica e tyre me ngarkesa të vogla.

Gjithashtu, hapësirat e gjelbra të thata në Berlin ilustrojnë atë që ambientalistët thonë, se një pjesë e madhe e Gjermanisë është përfshirë nga “thatësira ekstreme”, ose nga “thatësira e jashtëzakonshme”.

Franca ka ngritur një ekip krizash për t’u përballur me thatësirën e saj më të madhe në histori, e cila ka lënë fshatrat e djegura pa ujë të pijshëm, ku në disa rajone ka rënë vetëm 2 herë shi në tre muaj./REL

The post Thatësira në Evropë mund të jetë më e rënda e regjistruar ndonjëherë appeared first on Albeu.com.

Situata aspak e mirë hidrike e gjeti nivelin e HEC-it në janar 270.68 metra dukshëm nën mesataren historike që llogaritet 275.5 metra. Përkeqësimi gradual i Fierzës ka vijuar edhe në shkurt në raport me mesataren ku shënoi 268.28 metra për të kulmuar në mars me 260.67 metra teksa mesatarja për këtë periudhë është 279.82 metra.

Nisja e reshjeve të shiut dhe borës përmirësuan këtë bilanc në prill duke vijuar me rritje deri në maj kur niveli edhe pse arriti 289 metra sërish ishte nën mesataren historike për këtë periudhë e cila është 290.68.

Rritja e çmimeve të energjisë në bursa detyroi Korporatën Elektroenergjetike Shqiptare që të bazonte prodhimin tashmë në qershor kryesisht në vend edhe pse kjo rritje u bë më e theksuar në korrik. Në qershor niveli i Fierzës ishte 288 metra ndërsa mesatarja historike është 289.53 metra.

Në datë 15 gusht Korporata Elekteoenergjetike Shqiptare raportoi se po prodhonte 17 mijë MWh energji nga HEC-et në vend duke tentuar kështu të mbrohet nga çmimet e shtrenjta në bursa por edhe pamundësia për të siguruar energji nga tregu i lirë në moment të fundit. Kjo ka bërë që nivelet e HEC-ve të vijojnë të bien ku Fierza shënonte 278.62 metra. Rezerva energjetike ka zbritur në 722.9 Gwh.

Me këto ritme nëse çmimet nuk do të njohin ulje dhe nëse do të mungojnë reshjet tetori do të jetë një muaj i vështirë për sektorin energjetik në vend. KESH ndërkohë parashikon që të verë në funksion në vjeshtë prodhuesit termikë në Vlorë në vjeshtë.

Çmimet në bursa

Aktualisht çmimet në bursa vijojnë të mbeten të larta. Në Bursën e Hungarisë 1 MËH energji për datën 16 qershor u tregua mesatarisht me 500 euro në bazë dhe 509 euro/MËH në pik. Në raport me një ditë më parë kjo rritje ishte me 17.18 për qind në bazë dhe 17.83 për qind në pik.

Ndërkohë për datën 17 gusht çmimi i një megavat/orë energji ka arritur 553 euro/MWh në bazë dhe në pik 573 euro/MWh me një rritje 12.48 për qind në raport me një ditë më parë. Çmimi më i lartë është regjistruar për fashën orare 20:00 ku 1 MWh ka prekur nivelin 747.93 MWh, nivele këto të çmendura dhe që paralajmërojnë se Europa dhe vendi ynë do të përballen me muaj të vështirë para.

Çmimet në pjesën e parë të gushtit kanë qenë më të qëndrueshme sesa në fund të korrikut më së shumti nga një ngadalësim i kërkesës për energji si rrjedhojë e ngadalësimit ekonomik që po vihet re në këtë periudhë./Monitor

The post Fierza prej 6 muajsh, nën mesataren historike, çmimet në bursa prekin rreth 750 euro/MWh appeared first on Albeu.com.

Thatësira kërcënon më shumë se 30% të prodhimit bujqësor të Italisë, sipas sindikatës bujqësore Coldiretti.

Emilia-Romagna, Friuli Venezia Giulia, Lombardia, Piemonte dhe Veneto do të marrin 36.5 milionë € fonde emergjente për të trajtuar mungesën e ujit.

Disa komuna tashmë kanë shpallur racionimin e ujit.

“Gjendja e jashtëzakonshme synon të menaxhojë situatën aktuale me mjete dhe kompetenca të jashtëzakonshme”, tha qeveria italiane, duke shtuar se mund të marrë masa të mëtejshme nëse situata nuk përmirësohet.

Moti i nxehtë dhe reshjet e pakta gjatë dimrit dhe pranverës kanë shtuar mungesën e ujit në veri të Italisë dhe kanë rritur frikën për efektet e ndryshimeve klimatike.

Kryeministri Mario Draghi tha se ndryshimi i klimës ishte “pa dyshim” i lidhur me shembjen e akullnajave të së dielës në Dolomites, ku shtatë njerëz vdiqën dhe 13 të tjerë rezultojnë të zhdukur./albeu.com

The post Thatësira më e keqe në 70 vjet, Italia shpall gjendjen emergjente në veri appeared first on Albeu.com.