Klubi durrsak e ka bërë publik transferimin përmes një njoftimi zyrtar. “Mirë se erdhe në Durrës, Mmesoma! KF Teuta njofton zyrtarisht arritjen e marrëveshjes me sulmuesin shtatlartë Mmesoma Umejiego, i cili bashkohet me skuadrën durrsake nga KF Apolonia”, shkruan ndër të tjera Teuta.

Umejiego konsiderohet një “bomber”, pasi sezonin e kaluar realizoi 10 gola në 13 ndeshje me Apoloninë. Kujtojmë se futbollisti nigerian e ka nisur rrugëtimin e tij në futbollin shqiptar në vitin 2022, kur iu bashkua Apolonisë U21.

The post Teuta zyrtarizon afrimin e Mmesoma Umejiego, sulmi i Edlir Tetovës pasurohet me një golashënues premtues appeared first on Albeu.com.

Marrëveshja e estonezit përfundon në këtë qershor, ndërsa Teuta nuk e konsideron pjesë të projektit për sezonin e ardhshëm. Jurgens iu bashkua “Djemve të Detit” në nëntorin e kaluar dhe gjatë 19 ndeshjeve të zhvilluara realizoi vetëm 1 gol, si edhe dha 2 asiste.

Klubi ka bërë edhe njoftimin zyrtar për këtë ndarje.

KF Teuta njofton zyrtarisht përfundimin e bashkëpunimit me sulmuesin Oliver Jurgens. Klubi e falënderon lojtarin për kontributin, përkushtimin dhe profesionalizmin e treguar gjatë kohës së tij me fanellën blu, duke i uruar njëkohësisht shumë suksese në vazhdim të karrierës së tij sportive.

The post Mbyllet aventura e Oliver Jurgens te Teuta, sulmuesi ndahet me durrsakët pas vetëm 1 goli appeared first on Albeu.com.

38-vjeçari ishte rikthyer te klubi durrsak në verën e vitit 2024, menjëherë pasi kishte mbyllur eksperiencën e tij me Partizanin. Gjatë karrierës, Vila ka luajtur edhe për ekipe si Dinamo e Zagrebit, Lokomotiva e Zagrebit, PAS Giannina, AOK Kerkyra, Inter Baku dhe Skënderbeu.

Në njoftimin e publikuar, KF Teuta bën me dije përfundimin e bashkëpunimit me mesfushorin Emiliano Vila. Klubi sqaron se, pas periudhës së kaluar së bashku, lojtari nga sot nuk do të jetë më pjesë e ekipit.

Po ashtu, durrsakët e falënderojnë Vilën për profesionalizmin, përkushtimin dhe kontributin e dhënë me fanellën e Teutës, ndërsa i urojnë suksese në vijim të karrierës sportive dhe në sfidat e ardhshme.

The post ZYRTARE/ Teuta mbyll bashkëpunimin me Emiljano Vilën appeared first on Albeu.com.

Interesimi i Teutës për 28-vjeçarin është i fortë, edhe pse nga ana formale ai vazhdon të jetë pjesë e Vllaznisë, pasi klauzola 1+1 në kontratën e tij është aktivizuar automatikisht.

Burime të besueshme për “Newsport.al” bëjnë me dije se presidenca e klubit shkodran ka vendosur të mos japë dritën jeshile për largimin e lojtarit, duke i mbyllur rrugën transferimit të tij në këtë moment.

Sipas asaj që parashikon kontrata, Kallaku duhet të qëndrojë te kuqeblutë deri në përfundim të sezonit të ardhshëm. Megjithatë, bisedimet nuk janë ndërprerë dhe drejtuesit e Vllaznisë, në kuadër të këtyre tratativave, kanë vendosur çmimin prej 200 mijë eurosh për kartonin e futbollistit.

Bëhet fjalë për një shumë të lartë për standardet ekonomike të futbollit shqiptar. Tashmë mbetet për t’u parë deri në mbyllje të këtij sesioni se si do të zhvillohet situata, me Kallakun që vijon të jetë mes Durrësit dhe Shkodrës.

The post Vllaznia bllokon Teutën për Sherif Kallakun, shkodranët kërkojnë 200 mijë euro appeared first on Albeu.com.

Paraqitjet e mira të futbollistit dhe cilësitë e tij kanë bindur trajnerin Edlir Tetova, i cili ka kërkuar me ngulm afrimin e Bregut për sezonin e ardhshëm.

Sipas të njëjtave burime, lojtari pritet të nënshkruajë një marrëveshje që i garanton 15 mijë euro në muaj, çka e rendit atë mes futbollistëve më të paguar në Superiore. Duke qenë se kontratat në futbollin shqiptar zakonisht janë 10 mujore, në përfundim të edicionit Dejvi Bregu do të përfitojë 150 mijë euro.

Ndërkohë, Teuta po kalon një fazë të thellë riorganizimi. Me Edlir Tetovën në krye, klubi është kthyer në një “kantier” të vërtetë, ndërsa trajneri ka përcaktuar qartë organikën që synon të ketë në edicionin e ri. Presidenti Troplini, nga ana tjetër, ka vënë në dispozicion “çekun e bardhë”, me objektivin e vetëm që Teuta të jetë kandidate absolute për titullin kampion në sezonin e ri.

The post Dejvi Bregu drejt Teutës, 150 mijë euro e afrojnë titullarin e Dinamos me Durrësin appeared first on Albeu.com.

Në mesazhin e publikuar, “blutë” theksojnë: “Falënderojmë Shalën për kontributin e dhënë gjatë kohës së tij me klubin dhe i urojmë shumë suksese në vazhdimin e karrierës së tij sportive”.

Gjatë këtij sezoni, 25-vjeçari nuk arriti të marrë asnjë minutë aktivizimi, pasi gjatë gjithë kohës qëndroi si zgjedhje e dytë pas Gentian Selmanit. Edhe pas ardhjes së trajnerit Edlir Tetova në stol, gjendja e tij mbeti e njëjtë.

Para transferimit te Teuta, Shala ishte pjesë e Vushtrrisë në Kosovë. Më herët ai ka luajtur gjithashtu për Drenicën, Llapin dhe Ilirinë, ndërsa në futbollin shqiptar ka qenë edhe te Kastrioti, Flamurtari dhe Luftëtari.

The post ZYRTARE/ Teuta vijon me largimet, ndahet edhe Arlis Shala, alternativa e Gentian Selmanit appeared first on Albeu.com.

“Newsport.al” ka mësuar se Teuta, e udhëhequr nga trajneri Edlir Tetova, po tregon interes të madh për 28-vjeçarin dhe është e gatshme të bëjë maksimumin për ta afruar në skuadër.

Kallaku vlerësohet si një nga figurat kyçe të ekipit, si edhe një element thelbësor në ndërlidhjen e reparteve. Në rast se klubi durrsak arrin ta transferojë, kjo do të konsiderohej goditja më e madhe e merkatos së verës në Superiore.

Gjatë sezonit të fundit, ai zbriti në fushë në 41 ndeshje në të gjitha kompeticionet, duke regjistruar 5 gola dhe 5 asiste. Sipas “Transfermarkt”, vlera e lojtarit në fjalë shkon deri në 550 mijë euro.

The post Teuta hidhet “all-in” për Sherif Kallakun, mesfushori largohet gjithnjë e më shumë nga Vllaznia appeared first on Albeu.com.

Kolaj iu bashkua Teutës në janar të këtij viti, por aventura e tij te skuadra blu nuk rezultoi bindëse. Gjatë sezonit të kaluar, ai u aktivizua vetëm në 3 ndeshje, duke grumbulluar gjithsej 58 minuta në fushë.

27-vjeçari ka ndërtuar një karrierë interesante në Itali, ku ka qenë pjesë e skuadrave si Como, Sassuolo, Pro Patria, Alessandria, Pescara, Lumezzane, Sorrento, Crotone dhe Renate.

NJOFTIMI:

KF Teuta njofton se ka mbyllur bashkëpunimin me lojtarin Aristidi Kolaj. E falënderojmë Kolajn për kontributin e dhënë gjatë periudhës që ishte pjesë e skuadrës blu dhe i urojmë shëndet dhe shumë suksese në të ardhmen.

The post ZYRTARE/ Teuta mbyll bashkëpunimin me Aristidi Kolajn, ish-sulmuesi i Sassuolos luajti vetëm 58 minuta appeared first on Albeu.com.

Futbollisti 23-vjeçar nga Bregu i Fildishtë ishte afruar te skuadra durrsake vetëm në janarin e vitit 2026-të, pasi kishte ardhur nga Egaleo, ekip që garon në Superligën 2 të Greqisë.

Gjatë qëndrimit të tij te Teuta, Fofana u aktivizua në 6 ndeshje, por nuk arriti të shënonte asnjë gol. Nën drejtimin e Edlir Tetovës, bregdetarët synojnë objektiva të mëdha dhe lojtari afrikan nuk ka arritur të bindë për planet e klubit para nisjes së sezonit të ri 2026-2027.

The post ZYRTARE/ Teuta mbyll bashkëpunimin me Manssour Fofanën, sulmuesi afrikan largohet nga durrsakët appeared first on Albeu.com.

Futbollisti 23-vjeçar nga Bregu i Fildishtë ishte afruar te skuadra durrsake vetëm në janarin e vitit 2026-të, pasi kishte ardhur nga Egaleo, ekip që garon në Superligën 2 të Greqisë.

Gjatë qëndrimit te bregdetarët, Fofana u aktivizua në 6 ndeshje, por nuk arriti të shënonte asnjë gol. Me Edlir Tetovën në pankinë, Teuta ka objektiva madhorë dhe lojtari afrikan nuk ka arritur të bindë klubin për synimet në prag të sezonit të ri 2026-2027.

The post ZYRTARE/ Teuta mbyll bashkëpunimin me Manssour Fofanën, sulmuesi i ardhur nga futbolli grek largohet nga durrsakët appeared first on Albeu.com.