Juventusi është bërë gati për takimin me agjentin e Koopmeiners, i cili mbërriti në Itali për të përcjellur duelin e javës së ardhshme në kuadër të Kupës së Italisë mes Atalantas dhe Juventusit dhe që t’i qëndrojë afër klientit të tij para finales së Ligës së Evropës ndaj Bayer Leverkusenit më 29 maj.

Koopmeiners është lidhur me një transferim tek Juventusi dhe Liverpooli, por eksperti Matteo Moretto së fundmi ka raportuar se ‘Bianconerët’ kanë shfaqur interesimin më të madh për mesfushorin holandez deri më tani.

Sipas Calciomercato, Atalanta duan të paktën 50 milionë euro për reprezentuesin holandez, ndërsa Juventusi është gati që ta trefishojë pagën e tij.

Gjiganti italian raportohet se do ta rrisë buxhetin e vet duke shitur dyshen Matias Soule dhe Dean Huijsen.

Sulmuesi argjentinas momentalisht në huazim te Frosinone, po kërkohet nga Atalanta dhe nga disa klube të Ligës Premier ndërsa Huijsen është identifikuar si një përforcim i mundshëm për Borussia Dortmundin.

Huijsen është momentalisht në huazim tek Roma, por ‘Giallorossët’ nuk e kanë opsionin për ta blerë përfundimisht kartonin e tij. /Telegrafi/

The post Juventusi përgatitet për takimin me agjentin e top yllit holandez të cilin e do me çdo kusht edhe Liverpooli appeared first on Albeu.com.

Në krahun tjetër, Atalanta po bëhet gati të humbasë një nga ‘yjet’ e ekipit, por sigurisht që do të dalë e fituar në aspektin ekonomik.

Sipas mediave italiane, klubi italian kërkon 60-70 milionë euro për të lënë të lirë Koopmeiners. Teksa së fundmi, thuhet se Atalanta ka refuzuar rreth 47 milionë euro të ofruara nga Napoli për holandezin.

26-vjeçari është kthyer në një objektiv serioz për Juventusin, por interes për futbollistin e Atalantës, ka edhe nga Premier League, ku skuadra si United apo Arsenal po vëzhgojnë me kujdes situatën e tij.

Përsa i përket këtij sezoni, Koopmeiners ka qenë fantastik. Edhe pse në rolin e mesfushorit, numri 7 i Atalantës ka shënuar 12 gola dhe ka asistuar në 4 të tjerë, duke qenë një nga më të mirët në ekipin italian.

The post Gjithnjë e më pranë largimit, Atalanta kërkon 70 milionë euro për ‘yllin’ e ekipit appeared first on Albeu.com.