Bashkimi Demokratik për Integrim ka kundërshtuar promovimin e punimeve të bërë nga kryetari i Komunës së Tetovës, Bilall Kasami, duke pretenduar se ai po e keqinformon publikun në lidhje me projektin e rrugës Tetovë–Prizren.

Sipas partisë opozitare, vendi ku u paraqitën punimet nuk ndodhet në itinerarin e rrugës Tetovë–Prizren. BDI thekson gjithashtu se Komuna e Tetovës nuk ka autorizim për zbatimin e këtij projekti, pasi rruga konsiderohet shtetërore.

“Kur realiteti nuk prodhon sukses, pushteti prodhon gënjeshtra”, deklaron BDI në reagimin e saj.

BDI rendit disa pretendime, duke nënvizuar se rruga Tetovë–Prizren nuk kalon në lokacionin e promovuar, se Komuna e Tetovës nuk është kompetente për një projekt të tillë dhe se punimet e shfaqura nuk disponojnë projekt themelor, leje ndërtimi apo shpronësim të pronave private.

Në përmbyllje, BDI vlerëson se “pa projekt dhe pa leje nuk ndërtohet rrugë, por vetëm një gënjeshtër.

The post BDI akuzon Bilall Kasamin për mashtrim të opinionit mbi rrugën Tetovë–Prizren appeared first on Albeu.com.