Kryetarja e Komunës së Tetovës, teuta Arifi edhe njëherë ka kërkuar nga qytetarët dhe mediat që të presin informatat zyrtare dhe të mos shpejtojnë të publikojnë informata të pakonfirmuara, njëherit paralajmëroi ndihmë financiare për familjet e viktimave.

“Deri në informacionet zyrtare, do t’i presim ato dhe ne mënyrë të rregullt do t’ju informojmë. Në mbledhjen e radhës, pasi të kemi informacione më të detajuara për fatkeqësinë, nga fondet emergjente të Komunë së Tetovës do ti ndihmojmë familjet e viktimave. Kjo është dhimbje e madhe për gjithë Tetovën”, tha Teuta Arifi, kryetare e Komunës së Tetovës.

Zjarri tashmë është shuar plotësisht, ndërsa flakëve iu deshën vetëm disa minuta për të gllabëruar godinën, të ndërtuar vetëm disa muaj më parë.

Pamjet që shikoni bashkëngjitur lajmit është cdo gjë që ka mbetur në këtë spital i cili kishte brenda 26 pacientë.

Prokuroria bën me dije se mes viktimave nuk ka asnjë personel mjekësor por vetëm pacientë.

Gjithashtu mësohet se disa prej tyre e kanë të pamundur të identifikohen për shkak të dëmtimit nga zjarri dhe do u bëhen analizat e ADN.

Mes 12 të shpëtuarëve, 7 prej tyre mësohet se janë në gjendje të rëndë për jetën.  /albeu.com/

The post Tetova shpall 3 ditë zie, shihni çfarë ka mbetur nga spitali COVID ku u dogjën mes flakëve 14 pacientë (VIDEO) appeared first on Albeu.com.